شباب لو سمحتم أستفسار سريع جزاكم الله خير

[السهم الملتهب]

مساء الخير للجميع وكل عام وأنتم بخير بحلول عيد الاضحى السعيد .


بغيت أعرف وش أحسن مكان ( محل ) لبيع السراميك والبرسلان في الدوحة للتبليط الفيلا .

ويكون أسباني أو أيطالي من النوع الجيد وسعره مناسب ويليت لو أحد عنده خلفيه عن السعر

وجزاكم الله خير .

[ZURICH]

مساء النور

شارع سلوى فيه اغلب المحلات وشارع المطار

خذ جوله وشوف الانواع والاشكال الجديدة

في محلين عندهم بورسلان اسباني عجبني ،، الخليج للسيراميك والدهليز

[معماري قطري]

فيه عندك تدمر والمتحدة عندهم نوعيات راقية إيطالي وأسباني

فيه إماراتي وايد حلو في التركيب بحدود 40 ريال عند مجموعة الغانم للسيراميك .. مركب منه أرضيات بناية سكنية بالكامل، ولو تبي تشوف على الطبيعة مستعد أساعدك.

فيه عند العمودي نوعيات مركبها لي فوق 7 سنين والحمد لله روعة ولا تغيير .. إيطالي 120 في 60 كل قطعة سماكتها 12 ملم على ما اعتقد ثقيلة تحتاج 3 في التركيب ممكن الحين سعره 200 أو أكثر انا خذته ب 150 للمتر وبتشكيلة الرخام.

[Chambray]

تدمر والله عنده اشياء حلوه واسعار مناسبه

[السهم الملتهب]

تدمر والله عنده اشياء حلوه واسعار مناسبه

تدمر وأين مكانها بالضبط

وكم سعر المتر عندهم ؟؟

[معماري قطري]

تدمر لهم عدة فروع حتى في الخور

ومكانهم الرئيسي قرب جسر مدماك تقريباً بعد الدوار اللي تحته وانت متجه لرمادا .. وعندهم نوعيات كثيرة ولكل نوعية سعر .. كان عندهم نوع راقي لونه رمادي مسوين عليه عرض خاص خلص بس يمكن عندهم منه أو يقدرون يجيبون .. سعره كان 50 تقريباً وحجم القطعة 70 في 70 وسمكها 14 ملم.

[مضارب دوسري]

عندك الضحى اسعاره فوق الممتازه البورسلان الاسباني على ٨٥ ريال
وباقي المحلات تلقى اسعارهم فوق ال ١١٠ للمتر