الإمساك بسبب توسع القولون

[معطاب]

مساكم الله بالخير ولدي معاه امساك صارله فتره طويله بس صارله شهرين ماينزل وانتو بكرامه الا بحقن شرجيه وبعد مافحصنا عليه طلع عنده توسع في القولون من صوب الحوض وعطونا ادويه ولا نفعته مثل الدوفلاك وغيرها من الملينات فقلت استفسر منكم حده مره عليه هالشي او تفيدونا بدكتور ممكن يفيدنا بعد الله او علاج شعبي مجرب وسلامتكم*

[cavok]

اللة يشفيه يا رب

[الفكر الحر]

للاخراج أعطه كوسا مسلوقة وإذا صغير جدا اهرسوها له << من الطب النبوي ومجربة

وأبعدوه عن النشويات والأجبان

الله يشفيه ويقر عينك به

[طير حوران]

كم عمره الولد؟؟؟؟

[Locale]

ربي يشفيه ويعافيه ،،
كم عمره ولدك
البرتقال والرطب والتمر ملينات وتساعد كثير للي عندهم امساك
ايضا السنوت مفييد جدا وعن تجربه اخلطوله اياه في كككل اكله
وحتى الماي حطوه وخلوه يشرب
وان شاء الله ينفع وياه

[الخزرجي قطر]

الله يشفيه ويعافيه يارب

[مليت]

ولا تعب نفسك
اسم العلاج lepicol
عباره عن الياف معلقتين على كاس ماي وتخلطهم عدل بالمعلقه ويشرب الكوب كامل يفضل على طول عشان ما يصير الخليط متماسك

طبعا هذا يحفز الامعاء للتخلص من الاكل يفضل المساء بعد العشاء لمدة شهر ويقطعه تدريجي

السعر 29 ريال

[معطاب]

الولد عمره خمس سنين ونص واشكر اللي ردو جميعا

[مليت]

الولد عمره خمس سنين ونص واشكر اللي ردو جميعا

تأكد من الصيدلي ينفع له ولا لا انا احسب الوالد (ابوك)

[Aaziz]

من تجربه احد اصدقائي و موصيني اني ابلغ اي حد يحتاج الى هذا العلاج الطبيعي لانه بفضل الله و فضل هذا العلاج شفي من مشاكل عديده .

1- ورق العشرق (حلول)
2- تمر هندي (صبار) الي يجي باكياس لين شوي و رطب.
3- كمون حب مش مطحون .

الطريقه:
نغلي كميه من الماء في قدر تقريباغرشتين ماء صحة كبار و بعد ان يغلي الماء ارفعه عن النار و اضف عليه كميه من ورق العشرج مقدار تقريبا مسكتين او ثلاث باليد الواحده .. يعني هو سواها قدامي و كانت كميه العشرج في كيس مليان اكبر من كيش التشيبس بشوي ،، نحط العشرج على الماء المغلي بعد رفع القدر عن النار و نظيف له الصبار و نظيف له تقريبا 3 او اربع ملاعق اكل كبيره من الكمون.
و نخليه بدون اي تحريك لحد اليوم الثاني و نشخله في غراش او علب (شخل الخليط بدون ان تعصر الترسبات) عشان مايصير مركز جدا .

بعدين خل الغراش الي فيها الخلطه في الثلاجه .

و طريقه الاستخدام سهله جدا جدا .

بعد كل وجبه بنصف ساعه او ساعه بالكثير يشرب من هذا الخليط تقريبا فنجال قهوه مليان او بياله شاي .

طبعا يختلف من شخص لاخر الكميه المناسبه للشرب ،، فيه ناس نص فنجال قهوه مناسب و فيه ناس نص كوب ماء .

المهم يستمر على شرب هذا الخليط لمده طويله شهر شهرين ،، فيه نلس دايما يشربونه .

للعلم الشخص هذا الي نصحني كان مقرر له طبيا استبدال المريء عافانا الله و اياكم بسبب بكتيريا او شيء من هذا القبيل .. و لله الحمد بعد استخدام هذي الخلطه سوى منظار عند نفس الطبيب الي قرر له استبدال المريء و انصدم الدكتور من النتيجه لله الحمد

[طبيب قطري]

الافضل ماتعطيه اي دوا من غير مايفحصه دكتور .. وده لعيادة الأطفال بحمد دكتور اسمه اشرف عادل استشاري يمدحونه وايد

[معطاب]

جزاكم الله خير جميعا

[جادووور]

اسأل الله العظيم رب العرش العظيم ان يشفيه ،كان ودي اقدر اساعد ولو بمعلومه بسيطه لكن والله لا املك له غير الدعاء والاعضاء جزاهم الله خير ماقصروا

[السهم الشمالي]

نسأل الله له الشفاء العاجل ولك الأجر .

[غيمة مطر]

نفس مشكله ببنتي بنفس العمر تقريبا

ووقتها كنت بدوله اوروبيه ووديتها لطبيب اطفال هناك

قالي ابتعدي عن الملينات والحقن الشرجيه لان راح تتعود عليها ومايصير اخراج الا فيها

وعطاني علاج وممتاااز

توست اسمر

خبز اسمر

كورن فليكس اسمر

او مثل مانقول احنا كل منتجات النخاله من بسكوت ومخبوزات

والحمدلله خلال 5 ايام ردت طبيعيه بس لازم تستمر على هالاكل على طول

لان يكون عندهم كسل في حركة الامعاء

والله يشفي لك الصغير

[بنت مريخ]

حبيبي ماي شوف شر
ولدي سنتين وعشر شهور كله إمساك

[ام خويلد]

التين والعنب وايد زينين

[Um Yousif]

ملعقة كبيره عسل طبيعي تخلط مع كوب ماي دافي يوميا صباحا على معده خالية وبعدها بنص ساعه يتريق عادي داوم عليها 3 او 4 ايام وان شاء الله يرتاح الولد

ما يشوف شر ان شاء الله

[معطاب]

جزاكم الله خير جميعا

[كــرت احمــر]

اسأل الله العظيم رب العرش العظيم ان يشفيه ، اخوي نفس مشكلة ولدي وعانيت معه الأمرين اي والله من كان عمره 3 سنوات الى ان صار عمره 5 سنوات ونص واذا جاته حالة التبرز اعزك الله يبدأ بالبكاء والعويل اللي يقطع القلب ومافيه دكتور في الخليج الا ما وديته له ، ولا فاد فيه الا دكتورة وحده في الأمارات وقالتلي بالحرف الواحد لاحقن شرجيه ولا اي ادويه ونصحني ان ارتب له اكله فقط لا اجبان ولا مشروبات غازيه ولا وجبات سريعة ، وصاني يوميا اعطيه عصير برتقال والكيوي واكثرله من شرب الماي واكل البيت العادي بدون بصل ولا ثوم اي شي رياحي ابعده عنه وبالأخص الزيتون وانواع الأجبان ، وان شاءالله مايشوف شر .

[moonبنتnight]

الله يشفيه 00
عصير برتقال أو عصير فواكة معلبه لأنه صغير ويمكن يتقبلهم 00
وماشوف شر 00

[المهاجر2]

قال تعالى عن العسل " فيه شفاء للناس" أوصيك بالعسل الاصلي وخصوصا عسل السمر مفيد وقد جاء رجل للنبي صلى الله عليه وسلم يخبره ان اخاه يشتكي من بطنه فقال عليه السلام اسقه عسلا. فالله اعلم لو تحط ماي فاتر مع ملعقه عسل يوميا على الريق راح ينفعه باذن الله والله يخليه لك وينفعك به

[أخت الكل]

الله يشفيه ويعافيه لك

[wadha-qa]

من خلال تجربتي اخوي انصحك بالشوفان او الكورن فليكس الاسمر جرب هالنوعية
http://www.99pstoresltd.com/images/products/large/weetabix_large_dan.jpg

ياكل منه مع حليب خالي الدسم و يشرب بعده مااي قد ما يقدر الطريقة مجربه ما شاء الله ما فيه احسن منه كله الياف تساعد على حركة الامعاء والله يشفيه ويعافيه و كل يوم على الريق كوب ماي دافي + عسل

[.. الكاش ..]

الله يشفيه ان شاء الله

[استغفر]

السلام عليكم
الله يشفي ولدك وكل مريض، بخصوص الدكاترة فيه الدكتور رافع في مستشفى حمد استشاري باطنيه جداً ممتاز أو فيه الدكتوره نجاح الزياني في مستشفى البحرين التخصصي.

[الجافي]

عليك بالحلول ومايشوف شر ان شاء الله