[ عيد الأضحى السعيد أم عيد الهروب المجيد ؟ ]

[الزعفراني]

http://www.alqabas.com.kw:82//sites/default/files/imagecache/slideshowImage/article/main/2012/08/18/79959.jpg


العيد في السنوات الأخيرة لدى الكثير من العوائل مع الأسف لم يعد كما كان في السابق ، حيث أن الكثير من العوائل تعمل ألف حساب لإجازة العيد وتبدأ الإعداد لهذه الإجازة بوقت كاف من أجل قضاء هذه الأيام السعيدة خارج البلاد مع أطفالهم الذي كبر بعضهم ولم يعرف فرحة العيد في قطر ولا يعرف يعني شنهو أضحية وشنهو كان يمثل خروف العيد بالنسبة للي مثل جيله في السنوات السابقة !!!

بل أن الموضوع بلا مبالغه قد تحوّل إلى عادة لدى البعض بمعنى كل إجازة عيد لازم سفر وقضاء العيد هناك ، فالبعض حتى لا ينتظر للاحتفال بأول أيام العيد على الأقل ولكن يستغل ذلك بالسفر قبل العيد بيوم أو يومين تارة متحججين بقصر الإجازة وتارة أخرى للفوز بفرصة مناسبة لحجوزات الطيران والسكن هناك .

عيد الأضحى ياسادة هو فرصة للتقارب مع الأهل والجيران وفرصة لصلة الأرحام مع أناس وأخوة لنا فرقتنا مشاغلنا واللهث ورا هالدنيا عنهم .

أعرف بيوت الأخوان ما يعرفون بعض الا في المناسبات ، وعيالهم مايعرفون عيال بعض .

إجازة العيد فرصة مناسبة لاستعادة علاقتنا مع أقاربنا وجماعتنا اللي ما نعرف عنهم شي الا من أخبار الناس ، العيد فرصة لتأصيل معاني كثيرة لدى الأطفال من جيل الايباد وجيل الخدامات .

استغلوا هالمناسبات الدينية في تأصيل الكثير من المفاهيم والفرحة والقيم عند الأطفال ، لا تقتلوا الكثير من عادات هذا العيد بالهروب الكبير !!!

[رُفق المجنّا]

المشكلة كلها تعود للأصل وهو ( الملل ) واللي صار سمة غالبة ، صحيح لكل منا ظروفه ولكن هذا لا يعني صعوبة التعويض

ع الأقل لا تملل غيرك وابتسم ، وابتكر ما يفرحك ويفرح غيرك


العيد الماضي : لم أسافر مع الشباب إلا رابع يوم وقضيت العيد مع العائلة وكان من أجمل الأعياد نحمد الله ونشكره

كل عام وانتم بخير

[الزعفراني]

المشكلة كلها تعود للأصل وهو ( الملل ) واللي صار سمة غالبة ، صحيح لكل منا ظروفه ولكن هذا لا يعني صعوبة التعويض

ع الأقل لا تملل غيرك وابتسم ، وابتكر ما يفرحك ويفرح غيرك


العيد الماضي : لم أسافر مع الشباب إلا رابع يوم وقضيت العيد مع العائلة وكان من أجمل الأعياد نحمد الله ونشكره

كل عام وانتم بخير

كل عام وانت بخير أخوي .

محد ضد السفر وتغيير الجو خصوصا في الاجواء العائلية لكن لا يتحول الموضوع إلى عادة سنوية تفقد الأطفال الكثير من معاني العيد .

فيه ناس صار لهم سنتين بيبان بيوتهم مسكره في العيد

[نوار قطر]

السفر متعه ووناسه بس الصراحه اول يوم العيد حلاته مع يمعًة الاهل الواحد يحس بطعم العيد وسط هله وناسه !!!!!

عيدكم مبارك مقدما :)

[قناصه]

انا ضد قضاء اول ايام العيد خارج الدوله وبعيد عن العائله والاهل

مايصير نتجرد من كل عاداتنا ويصير السفر هو الشاغل الوحيد في كل اجازه

شلون عيالنا بيبرون فينا ويصلون ارحامهم اذا احنا في كل عيد نشرررد برا

بصراحه انا اسميه بخل ...

اذا الاجازه طويله لامانع من السفر وتغيير الجو بس يكون بعد اول يوم على الاقل ...بعد ماتعايد بأهلك واصدقاءك

[الزعفراني]

السفر متعه ووناسه بس الصراحه اول يوم العيد حلاته مع يمعًة الاهل الواحد يحس بطعم العيد وسط هله وناسه !!!!!

عيدكم مبارك مقدما :)

صدقتي .. وعيدج مبارك

[intesar]

مافيها شيء السفر أيام العيد.. بس مايكون بأول العيد.. العيد ماهو بعيد إذا ماقضيناها بين الأهل..

[روز باريس]

صار لنا اربع سنين نعيد الاضحى خارج لبلاد والله ولا نحس بالعيد
بس ان شاء الله تكون اخر سنة
وعيدكم مبارك

[ام احمد87]

العيد حلاته بين الاهل

[لاجل QT]

يمكن شاردين من العيدية

خبركم العيادى الحين من 1000 وطالع

ياحي قبل العيدية اقصاها 10 ريال

[السنافية]

العيد أيام قبل يوم كنا اطفال صج كان له طعم ومذاق خاص
الحين صار ملل وضيقة خلق ومافي برنامج :rolleyes2: :weeping:
انا شخصيا الحين السنة ال 11 ع التوالي
ما عيدت بالدوحة لا الفطر ولا الأضحى
ولله ماحس بالعيد طول اليوم بالبيت
وان شاء الله الليلة طايرة دعواتكم لي بالسلامة :)
وكل عام وانتم بخير وعيد سعيد عليكم جميعا
وعلى حجاج بيت الله الحرام وبرجعتهم سالمين غانمين
خالين من الذنوب باذن الله

[خليفـة]

شكرا للموضوع اخوي

فترة اجازة العيد فترة كافية وجميلة للي يفكر يسافر
حول العشرة ايام .. حلوة والله
انا عن نفسي .. أفضل ان اتواجد بين اهلي واقاربي في اليوم الأول
من العيد بالذات .. ويمكن اليوم الثاني
وبعدها لو حبيت اسافر اغير جوا .. ليش لا !

افكر حاليا والله اسافر ثالث العيد
بس متردد .. نفسي تقول لي : روح يبه وسع خاطرك اسبوع وارجع
:con2:
بقرر خلال هاليومين
:yu:

خليفــة

[ريتويت]

المشكلة كلها تعود للأصل وهو ( الملل ) واللي صار سمة غالبة ، صحيح لكل منا ظروفه ولكن هذا لا يعني صعوبة التعويض

ع الأقل لا تملل غيرك وابتسم ، وابتكر ما يفرحك ويفرح غيرك


العيد الماضي : لم أسافر مع الشباب إلا رابع يوم وقضيت العيد مع العائلة وكان من أجمل الأعياد نحمد الله ونشكره

كل عام وانتم بخير

:victory::victory::victory:

[khaldoon]

توني الحين اقول لوحده قريبتي معاي بالشغل اسألها عن القرايب من طرفها علشان ازورهم بالعيد تقولي كلهم مسافرين و احنا بنروح الفندق.....قلت لها احنا ما نشوفكم الا بالعيد و العيد الصغير ما شفناكم لانكم مسافرين و هالعيد مب موجودين بعد.... خلاص راحت للسنة القادمة لو الله احيانا

[حميداني]

حلاة العيد بين أهلك

[ام ناصر1]

اول يوم بالعيد لذبح الاضحية وللأهل وبعدها شنو الفعاليات الي عندنا بالعيد لتجذب الناس إنها تقعد وما تسافر ...

[(بوطلال)]

لاحول ولاقوة الا بالله .

اعجب ممن يسافر قبل العيد او ليلة العيد ولا يهتم بهذها اليوم الذي جعله الله هديه للمسلمين .على الاقل اول يوم العيد روح انت وعيالك صلاة العيد ومر على اهلك وربعك وستقبل ضيوفك علم عيالك معنى العيد مب تربيهم على السفر فيه واهمال هذه المناسبه الدينيه.

[حميداني]

اول يوم بالعيد للتضحية وللأهل وبعدها شنو الفعاليات الي عندنا بالعيد لتجذب الناس إنها تقعد وما تسافر ...

ابصراحه ما ألومهم بعد اليوم الاول
خساره ما عندنا شي والعيد يحترق فقعده عالبيت او زحمه في الشوارع

[(بوطلال)]

اول يوم بالعيد لذبح الاضحية وللأهل وبعدها شنو الفعاليات الي عندنا بالعيد لتجذب الناس إنها تقعد وما تسافر ...

وشنو يام ناصر الي بتحصلينه في لبلاد الي بتسافرين لها مب موجود عندنا؟

[الأصيلة]

السفر المفروض يكون يوم العيد في الليل أو ثاني العيد
أما أن يصبح علي يوم العيد وانا بعيده عن أهلي باختياري
فهذا يدل على عدم اكتمال العيد
والناس أصبحت ترى في الأعياد مجرد إجازات من العمل والدراسة
ولاتعي جيدا حقيقة العيد وبهذا يأتي الجيل الجديد
وهو لايعير العيد أي اهتمام
فقط كما قلت يعتبره إجازة لا أكثر...

[ام ناصر1]

وشنو يام ناصر الي بتحصلينه في لبلاد الي بتسافرين لها مب موجود عندنا؟
مافي قصور ببلدنا بس حفظنا كل الاماكن بقطر من شمالها لجنوبها ..
الي حاطينه في بالنا ملاهي والعاب لليهال على راس القائمة، والتسوق الرخيص،، والمطاعم المميزة ،،،كتغير جو ،،،

[لولو2022]

حلات العيد في الدوحه
الحمدلله تعودنا نستعد حق العيد قبل شهر ، الكل ينطر هاليوم
الله يعوده علينا وعليكم

[(بوطلال)]

مافي قصور ببلدنا بس حفظنا كل الاماكن بقطر من شمالها لجنوبها ..
الي حاطينه في بالنا ملاهي والعاب لليهال على راس القائمة، والتسوق الرخيص،، والمطاعم المميزة ،،،كتغير جو ،،،

تدرين يام ناصر كلامج حتى انا اقوله حزات لما لعيال يبون يطلعون لكن لما انفذ واطلع واسويلهم برنامج نفس برنامج السفر حسيت بالفرق وحسيت ان في اماكن ملينا من سماع اسمها لكن مارحناها .خصوص الحدايق والمنتزهات المنتشره مثل حديقة المتحف وسباير ودحل الحمام والبدع . اما المجمعات فممكن برنامج من الصبح يتضمن اللعب والغدا والتمشي .وممكن يوم تخصصونه للبحر من المغرب تروحون على اي سيف وتاخذون وياكم كباب مصيخ او انتوا تصيخونه وتقعدون تشوون معا السوالف ولعب لعيال ونسيم البحر شي خرافي والله بس من الي يطبق . بعدها بتقولين توبه اسافر في الاعياد وخصوصا اذا الجو حلو

[شميرام]

عادي كيفهم كل واحد وظروفه

في ناس ما يخذون الإجازة بسهوله فا أجازه العيد هي فرصته الوحيدة إشغالهم تحكمهم ما يلقى فرصه يأخذ أجازه مع العائله إلا العيد ،،،خاصه ذي الأيام تضارب إجازات مثلا الجامعه والمدارس الاجنبيه والمستقلة وشغل

في فترات نسوي اجتماع عشان نحدد الإجازات ،،الأمهات يخذونها في صيف عشان المدارس واللي بدون عيال يخذونها أي وقت

ويمكن في سبب الأهم اغلب الناس خذو شهر رمضان كامل أجازه وخلصو رصيدهم مافي الا العيد يسافرون فيه

[حسن]

الصراحه انه استغرب من اللي يسافر في العيد الكثير من الاجانب عندنا كلهم شلو عليه علشان يعيدون في بلادهم الى عندنا صرنا نصير عكس التيار ومخالفين السنه
الحمدلله على عمره وفتره تواجدي برع 5سنوات ولا عمري عيدت برع الى عيد واحد وهو يوم كنت في الحج ولو كان يجوز ارجع اعيد لفعلت لاكن مايجوز
مجتمعنا صار ضايعه هويته ماله وجهه ولا هو عارفين وش يسوون التقليد ذابحهم
لا وازيدك من الشعر بيت عيد راس السنه الكثير
رايح يسافر حق الكرسمس وشوف الاجازات في الدوله وبتحكم
وهذا مرت علي من وحده تقول حد يقعد في الكرسمس في الدوحه:omg:

[(بوطلال)]

الصراحه انه استغرب من اللي يسافر في العيد الكثير من الاجانب عندنا كلهم شلو عليه علشان يعيدون في بلادهم الى عندنا صرنا نصير عكس التيار ومخالفين السنه
الحمدلله على عمره وفتره تواجدي برع 5سنوات ولا عمري عيدت برع الى عيد واحد وهو يوم كنت في الحج ولو كان يجوز ارجع اعيد لفعلت لاكن مايجوز
مجتمعنا صار ضايعه هويته ماله وجهه ولا هو عارفين وش يسوون التقليد ذابحهم
لا وازيدك من الشعر بيت عيد راس السنه الكثير
رايح يسافر حق الكرسمس وشوف الاجازات في الدوله وبتحكم
وهذا مرت علي من وحده تقول حد يقعد في الكرسمس في الدوحه:omg:


شبع يابو علي وفسقه واستحداث نعمه كلها عوامل مساعده :)

[عاهد بن علي]

بالنسبه لي مش ممكن اسافر في العيد قبل ان اتغدا غدا العيد عند الوالده عسى الله يطول في عمرها

[حسن]

شبع يابو علي وفسقه واستحداث نعمه كلها عوامل مساعده :)

اي والله يابو طلال صادق احيانا اقول ياليت ماجاتنا الزياده البركه في القليل

[penguin]

كنت ناوي اسافر بس عندي امتحان وخرب علي :anger1:

لكن احين اقول احسن :nice:

[شموخ]

والله حلاة العيد في بلادي والحمدلله عمري ما عيدت خارج الدوحة الله عليها وعلى اعيادها وكم يسوى الين شميت ريحة العود في البيت صج عيدنا في ديرتنا غير

[حميداني]

وشنو يام ناصر الي بتحصلينه في لبلاد الي بتسافرين لها مب موجود عندنا؟

اظن الجواب بكل بساطه .. التغيير

[khalid525]

المشكلة الكبرى ان اهل قطر ما يعرفون يستانسون في بلادهم ، مع انه مافيه قصور كبير من الدولة ، المشكلة في عاداتنا فعشان الواحد يستانس هو وهله لازم يكون بعيد عن عيون الناس .

[تاجر كشخة]

http://www.alqabas.com.kw:82//sites/default/files/imagecache/slideshowImage/article/main/2012/08/18/79959.jpg


العيد في السنوات الأخيرة لدى الكثير من العوائل مع الأسف لم يعد كما كان في السابق ، حيث أن الكثير من العوائل تعمل ألف حساب لإجازة العيد وتبدأ الإعداد لهذه الإجازة بوقت كاف من أجل قضاء هذه الأيام السعيدة خارج البلاد مع أطفالهم الذي كبر بعضهم ولم يعرف فرحة العيد في قطر ولا يعرف يعني شنهو أضحية وشنهو كان يمثل خروف العيد بالنسبة للي مثل جيله في السنوات السابقة !!!

بل أن الموضوع بلا مبالغه قد تحوّل إلى عادة لدى البعض بمعنى كل إجازة عيد لازم سفر وقضاء العيد هناك ، فالبعض حتى لا ينتظر للاحتفال بأول أيام العيد على الأقل ولكن يستغل ذلك بالسفر قبل العيد بيوم أو يومين تارة متحججين بقصر الإجازة وتارة أخرى للفوز بفرصة مناسبة لحجوزات الطيران والسكن هناك .

عيد الأضحى ياسادة هو فرصة للتقارب مع الأهل والجيران وفرصة لصلة الأرحام مع أناس وأخوة لنا فرقتنا مشاغلنا واللهث ورا هالدنيا عنهم .

أعرف بيوت الأخوان ما يعرفون بعض الا في المناسبات ، وعيالهم مايعرفون عيال بعض .

إجازة العيد فرصة مناسبة لاستعادة علاقتنا مع أقاربنا وجماعتنا اللي ما نعرف عنهم شي الا من أخبار الناس ، العيد فرصة لتأصيل معاني كثيرة لدى الأطفال من جيل الايباد وجيل الخدامات .

استغلوا هالمناسبات الدينية في تأصيل الكثير من المفاهيم والفرحة والقيم عند الأطفال ، لا تقتلوا الكثير من عادات هذا العيد بالهروب الكبير !!!

صحيح كلامك اخوي صار العيد لا لون ولا طعم له بالعكس صار عبارة عن اجازة لا اكثر :rolleyes2:

[حسن]

الطفره الماديه اللي يعيشها كل مقيم على ارض قطر تلعب دور في ذالك الحين الكثير من المقيمين سافرو يعيدون على اهلهم حتى رغم توهم جاين من الاجازات وماقصرو
كثره الفلوس تغير الانفوس

[الزعفراني]

أمس المساء الساعه 7 ونص مراسلي من أرض المطار يقول مالك محط رجل :rolleyes2:

الله يحفظ الجميع ويرجعون بالسلامة ان شاء الله

[qatara]

اصبحت العالم تبحث عن اي فرصه
كانو يدعون بان دول الخليج بها اماكن ترفيهيه
ولا يوجد هنا اماكن
الان الاماكن متوفره وبكثره
لاكن هل في العالم ضيقه يهربون منها في اي فرصه
او الفلوس زايده ومش عارفين وش يسوون
او اهليهم وبلدانهم بالخارج وذهبو ليعيدو بينهم
ولا شسالفه

[حسن]

الحمدلله صمنا وقفه عرفه واليوم صلينا العيد
وذبحنا الاضحيه وعيدنا على اهلنا الموجودين
ولكن للاسف اكتشفت قسوه الابناء نحو والدينهم
ام تقطع وصل امها وهي على السرير بعد العلاج
ويوم عيد لاحول ولا قوه الا بالله
ومساكين اللي ماعيدون وهم مسافرين
اشفق على حالهم من ابتلاء

[.. الكاش ..]

العيد حلاته اول يوم فدوحه وعقبه الواحد يغير جو ويسافر بيكون ارضى طموح الكل

[مشاكل]

احسن خل العالم كل ابوها تسافر نبي الشوارع تفضى

[(راشـد)]

مهما كان موقعك اخي المسلم, اختي المسلمه
مهما كانت حالتك
مهما كانت وجهتك
مهما كانت لون بشرتك

بأذن الله سيكون هذا عيد , سعيد , مجيد
ومن غير تنكيد :nice:

[فرهود]

ماشالله الشوارع فاظيه يازين الدوحه بدون زحمه

[غايه الطواش]

ولعوني بالهوى من نهار العيـــــدي

وعادة الأعياد تلعب على الشباني


:)

[ولد البدر]

موضوعك هادف وبصراحة انا مب مع السفر مع اول يوم من ايام العيد يمكن ثاني الايام تغيير جو اشوي

[khaldoon]

والله انا سعيد جدا انه الشوارع فاضيه.... ذكرتني الشوارع الحين بايام الدوحة زماااااااااااااااااان

[MAZEN37]

مافي زحمه ها
روحوا صوب الوكره شوف قطر كلها بمسيعيد

[khaldoon]

مافي زحمه ها
روحوا صوب الوكره شوف قطر كلها بمسيعيد


هههههههههههههه والله ما اعرف..... زين انك خبرتنا الله يجزيك الخير يا الغالي

[ضوى]

سؤال شنهي المشكلة الواحد يعيد برع بلاده ؟!

اكيد انا ماايد كل عيد برع بس اذا في فرصة حلوة ليش مايسافر الواحد يغير جو من فترة للثانية ؟!

ماشوف فيها شي ، انا بابانت حاليا والصراحة مافي اي مظاهر للعيد لا باسطنبول ولا بابنت

[العريق]

بصراحة هذه اول مشاركة لي
شدني الموضوع كثير حيث أني ضد السفر خارج البلاد و بعيد عن الاهل و الاصدقاء في العيد .
ايش معنى يعيد الانسان لوحدة .
العيد مشاركة و فرحة و تقارب و تهاني و زيارات خصوصاً أول يوم .
و انا لي تجربة سابقة في التواجد خارج البلاد في العيد لظروف الدراسة و الله ما حسيت بالعيد لان العيد في البلاد غيييييييييير .
و إذا كان و لا بد من السفر فيكون بعد أول يوم .