بطاقه فيزا

[Navigator 85]

انا من فتره وابغي اطلع لي بطاقه علشان اطلب من النت

وشفت بطاقه كليك

من بنك الدوحه وعجبتني الفكره

ان البطاقه مسبقه الدفع

اتصلت اليوم في البنك علشان اعرف الاجراءات المطلوبه

وقالوا لي البطاقه متوفره في كل الفروع رحت اقرب فرع لي

الموظف اعتذر مني وقال لي تعال بعد العيد بس اللي استغربت منه

ان قال لازم تفتح حساب توفير عندنا وان لازم احط فيه الف ريال

علشان اخذ البطاقه

انا عندي حساب في المصرف هل المصرف عنده نفس البطاقه

وشرايكم في بطاقه المجموعه

[jaf111]

المصرف عندهم بطاقه " هديتي " يعطونها لك في اقرب فرع وانت واقف

في بكج بو ١٠٠ لين ٥٠٠٠ ريال
يمشي فالأمزون بس كيوتل والحكومه الالكترونيه والقطريه والبي بال ماجربته

انا عندي فيزا من المصرف ومعاملاتي كله عليها من سنين ٬ أمان ومريحتني وافضل من المجموعه اللي لازم ترسل حد عشان يودع فالبطاقه كل مابغيت فيها مبلغ ٬ مكنسلها من ٢٠٠٨

[للصبر اخر]

انا عندي من مصرف الريان اسمها
pay and go
من 500 لين 10 الالاف
وتمشي ع الباي بال وامازون وغيره

[الدوحة قطر]

يالطيب دام عندك حساب في المصرف خذلك بطاقة فيزا من عندهم

اشلك في البنوك الربوينة خلك مع الحلال احسن

والمصرف عنده عدة انواع من بطاقات الفيزا

شخصيا عندي بطاقة الفيزا الكلاسيكية وبطاقة الفيزا الخاصة بالانترنت والحمدلله موفين بالغرض

[Navigator 85]

مشكورين على الردود وماقصرتوا

اخوي الدوحة قطر

بالنسبه لبطاقه المصرف هل هي مثل بنك الدوحه نظام التعبئه

لاني افضل هذا النظام

[الدوحة قطر]

مشكورين على الردود وماقصرتوا

اخوي الدوحة قطر

بالنسبه لبطاقه المصرف هل هي مثل بنك الدوحه نظام التعبئه

لاني افضل هذا النظام

والله ياخوي بالنسبة للبطاقة مالت النت الي عندي هي في الاساس مربوطة مع بطاقة الفيزا الكلاسيك

بس اللمت الي فيها اقل يعني مجرد ما اشتري شي عن طريق بطاقة الفيزا مالت الانترنت يجني مسج ان انسحب من بطاقة فيزا الانترنت هالكثر بعدها يجيني مسج ثاني ان انخصم من الفيزا الكلاسيك يعني هم مربوطين مع بعض

اللهم السقف الموجود في الفيزا مالت الانترنت اقل
يعني اكبر مبلغ ممكن اسحبه ابطاقة فيزا الانترنت 2000 ريال

اخوي لو تتصل لهم او تمر اي فرع للمصرف اتوقع بيشرحون لك بطريقة احسن
وبجاوبون على كل استفساراتك

[mohamedsolyy]

ممكن تسوي بالمصرف فيزا مع القطرية وكل عملية شرا تزيد من ميل القطرية

[البحار00]

روح مصرف الريان وخذ معك المبلغ الي ودك تحطه كاااش

بلافتح حساب بلابطيخ تأخذها وانت واقف

بيعطونك بطاقه pay&go نفس الفيزا تستخدمها حق النت وحجوزات الفنادق

ودفع فواتير ومشتريات من المحلات حتى كاش تقدر تسحب منها بس من جهاز صراف

مصرف الريال

وأي عمليه تسويها ماياخذونك عليك عمووله

رسوم إصدارها ٥٠ ريال وصلاحيتها ٥ سنوات

وكل عمليه ايداع لمبلغ فيها رسوم ١٠ ريال يأخذها منك المصرف وقت الايداع


صراحه وبدون مجامله بطاقه ولا اروع استخدمتها في دبي والبحرين والسعوديه

في المشتريات شغاله زي الحلاوة

الحد الأدنى فيها ٥٠٠ والأعلى ٥٠٠٠

وكل ماخلص المبلغ الي فيها رحت مصرف الريان وفلوسي معاي كاش أودعها في البطاقه


وللعلم حسااابي مب في مصرف الريان

[للصبر اخر]

البحار
صارت ١٠ الاف
انا امس رحت اعبييها وقالولي

[Navigator 85]

مشكورين وماقصرتوا على المساعده

وان شاء الله بعد العيد امر عليهم

[السكين]

بطاقة pay and go بدون فتح حساب لدى المصرف بس عيبها الوحيد ما تغطي إلا الـ 10 آلاف يعني ما تقدر تودع فيها أكثر من هالمبلغ ولو نقص تقدر تودع فرق المبلغ فقط لغاية 10آلاف .

أنا جربتها وطلعتها من المصرف فرع المول ..تنفع للنت ولمعاملات حكومي .. ومن بنك إسلامي .

[م. عبدالعزيز]

اذا تبي بطاقة للاستخدام البسيط على الانترنت،.

حط في حسابك 1000 وخلهم يحجزون هالمبلغ ويطلعون لك بطاقة فيزا كلاسيك بلمت نفس المبلغ المحجوز (1000 ريال) ،



واذا حاب تزيد اللمت أي وقت اتصل على الكول سنتر وبيزيدون بعد عن طريق حجز مبلغ اضافي من حسابك بشكل مؤقت لين ما تخلص من الشراء

او مثل ماقالوا لك الربع روح مصرف الريان وطلع لك بطاقة مسبقة الدفع Pay & Go وماتحتاج تفتح حساب عندهم

[theeb_qatar]

الحمدلله مرتاح مع الوطني
2000 ريال عطوني ماستر مربوطه بالقطرية و فيزا مربوطه بنجوم كيوتل
وافتحو لي حساب توفير

مايحتاج امر البنك احول فلوسي من النت على البطاقات ومن الحساب الرئيسي من بنك اخر الى الوطني

وشغال والامور فالسليم .. واذا حبيت اخذ شي زياده عن الـ 2000 اعمل تحويل على الكردت كارد
واستفيد من الاميال او نجوم كيوتل .. حاليا 55 الف نقطة نجوم كيوتل من كثر المشتريات

[فيصل محمد]

ان شاء الله يكونو فادوك يالطيب وما يقصرو الاعضاء