استفسار عن افضل النوافذ

[صناعات]

السلام عليكم إخواني أصحاب الخبره أبي استفسر عن أحسن المواصفات للنوافذ الupvc و افضل شركه متخصصة في هذا المجال

[صناعات]

كل عام والجميع بخير
ماشاءالله عدد الي شاهدوا الموضوع 65 عضو بس ماحد فادني وأتمنى من الأعضاء الي عندهم خبره يفيدوني لاني ماابغي أطيح في مشاكل مثل الي طحت فيها في مراحل البناء السابقه ومشكورين وجزاكم الله خير

[بن غيث]

العيوب اكثر من المميزات .. وسرعة التأثر بالجو الحار

في موضوع لمعماري قطري تكلم عن تفاصيل نوافذ upvc

[king999]

واللة ياخوي انا ركبت عند الالماني لانه يقول صناعه النوافذ المانية وانة الوحيد اللي يركب الماني وعنده تركي بس انت شوف الكويتية القطرية وشوف الاسعار وقارن وما هان تبارك

وموفق

[ابوعلي]

اخوي انا ركبت عند القطرية الكويتيه

اسعارهم ارخص من الاختيار الالماني

ولكن خلك معاهم وقت اخذ القياسات لان يبيلهم متابعة من هالناحية وغلطت اني ماكنت موجود وقت اخذ المقاسات

[صناعات]

العيوب اكثر من المميزات .. وسرعة التأثر بالجو الحار

في موضوع لمعماري قطري تكلم عن تفاصيل نوافذ upvc

مشكور أخوي بن غيث ماقصرت بس وشو البديل عن upvc

[صناعات]

واللة ياخوي انا ركبت عند الالماني لانه يقول صناعه النوافذ المانية وانة الوحيد اللي يركب الماني وعنده تركي بس انت شوف الكويتية القطرية وشوف الاسعار وقارن وما هان تبارك

وموفق

بيض الله وجهك ماقصرت وان شاء الله بشوف أسعار الشركتين والله يكتب الي فيه الخير

[صناعات]

اخوي انا ركبت عند القطرية الكويتيه

اسعارهم ارخص من الاختيار الالماني

ولكن خلك معاهم وقت اخذ القياسات لان يبيلهم متابعة من هالناحية وغلطت اني ماكنت موجود وقت اخذ المقاسات

جزاك الله خير أخوي بوعلي وان شاء الله إذا جاو ياخذون القياسات باكون عندهم أنا والاستشاري وباقعد لهم قعده

[اللوز]

ومن قال ان اليو بي في سي فيه عيوب !!
ارشحك بشركة قطر لليو بي في سي
غيرهم لا تروح لا احد
واختار فقط اللون الابيض لان بقية الالوان لا يوجد بها ضمان
وبالتوفيق

[معماري قطري]

من أيام دخلت مجلس كبير فيه واجهات زجاجية كبيرة وكان على شارع وإزعاج كبير للسيارات، وصعوبة السيطرة على الصوت والحرارة توصل للمستحيل مع الألمنيوم واليو بي في سي الرخيص .. لكن ما شاء الله المجلس من داخل تسمع النملة وهي تركض على أرضيته .. وكان مركب من قطر يو بي في سي والتركيب ممتاز والمواد راقية وتسوى ... صحيح ألوان اليو بي في سي غير الأبيض تتغير مع مرور الوقت لكن الأبيض مضمون طول العمر وما يتغير.

وعن تجربة شخصية مركب يو بي في سي حق بيتي من شركة قطر يو بي في سي من 7 سنين وللحين ما عندي مشاكل .. يمكن المشكلة صوت هرن السيارة في الحوش ما ينسمع بسهولة، والفوائد وايد لا برودة ولا حرارة مع اني مركب إنارة سقفية واستمتع بالنور الطبيعي بدون حرارة تذكر ومركب مكيفات ال جي التعيسة وعاشت معاي هالسبع سنين لعدم وجود ضغط حراري كبير.

شفت شغل ومواصفات الإختيار الألماني لكن ما جربتها واتمنى أجربها في مشروع قادم بإذن الله وأعتبرها من افضل شركات اليو بي في سي في قطر .. وجربت شركة عطوني مره تسعير أعلى من الإختيار الألماني وشغل تركي باعترافهم لكن وعدوني يخلصون في اسبوعين والاختيار الألماني في 6 أسابيع .. وتورطت صراحة مع ان الشغلة كانت صغيرة وبدأت الربلات تتفكك والصوت والغبار يدخل غير عن مشاكل التركيب ودفاشة مدير الشركة السوري أو على ما اعتقد تركي حتى إسمه غلج قاهر على ما اظن.

[دوحة العرب]

ال upvc أفضل للنوافذ وانصحك بالقطرية الكويتية