معايدة منذ 14 سنة

[خوي الدرب]

..
معايدة بقلمي منذ 14 سنة

..


هذا أنت جيت وصباحك همّي وغمّي
.................... هذي السنة ثالثة تدق بيباني
لو كان وجهك بشوش وقادم يمّي
............... يا شين جيتك لامن جيت وحداني
يا عيد خذ فرحتك ؛وارحل معا ذمّي؟
............... حتى شروقك يسمىَ حزني الثاني
في " مانشستر " تعايد دمعتي كمّي
................ كلٍ يعايد حبيب وعيدي احزاني
مسامحك لو كلامي ماوصل فمّي
.............. مثلي جداه السماح وصفحي إيماني
يا عيد هاذي رسالة تنضح بهمّي
................. غلافها مهجتي والحبر شرياني
تبوس جبهة "أبوي "وظهر كفّ " امّي "
............. "وخواتي "الغاليات ؛ وعايد "اخواني "
وعايد "خوالي "وعايد لي "بني عمّي "
............ وعايد لي " إنسان " ذكره قرّة اعياني
ومن قبلهم ..عايد اللي حبّها دمّي
............... " بلادي " اللي ثراها كنز " جداني "


..



..

مانشستر
30- يناير 1998
خوي الدرب

[قلب صادق]

صح لسانك
وكل عام وانت بخير وعساك من عايدين العيد
الغربه كربه واسال مجرب

[خوي الدرب]

صح لسانك
وكل عام وانت بخير وعساك من عايدين العيد
الغربه كربه واسال مجرب
أعاده الله علينا وعليك وعلى بلدنا الحبيبة وأهلنا الكرام والأمة الإسلامية باليمن والمسرات

[intesar]

كل عام وإنت بخير..

[بوعلي2]

قوه

كل عام وانت بخير

[حسن]

كل عام وانت بخير وعيدك مبارك

[.. الكاش ..]

كل عام وانت بخير

[نوار قطر]

الحمدلله انها ايام وانقضت وكل عام وانت بخير اخوي :)