سواقه الحريم ..

[بن غيث]

ذهبت الى الستي مع صديق لي للذهاب الى السينما ..
فقال لي .. : من الاقضل ان نوقف السيارة بالخارج من الجهة المقابلة لاننا لن نجد مواقف بسبب الزحمة
فقلت له ..: توكل على الله .. ومنها رياضة الواحد يتمشى شوي
وفي لحظه وأنا موقف على الرصيف أنتظر صديقي .. واحدة يبين انها عربية وغير منتبهة للطريق تطلع من حارتها وتضرب رصيف ... !! وتنزل مرة ثانية تكمل طريقها عادي
المسافة بيني وبين هذه السيارة حوالي مترين
وقفت في ذهول ...!! ما أنا مصدق الي صار
وحمدالله .. اني ما رحت ضحية ..
شوي الى صديقي يقولي .. : هيا نذهب لنشاهد الفلم ...!!
قلت له .. : أنا شفت فلم رعب من شوي .. ودني البيت

فنصيحة لكل مواطن ...

اذا اردت ان تعبر الشارع فأنظر الى سائق السيارة اذا كانت امراه فـــتمسك بـــ أقرب عمود .. وتقرب الى الله بالدعاء وتذكر أجمل لحظات حياتك ..

[غير البشر]

ههههههههههههه الحمدلله على السلامه

الحريم من يركبون السياره تجيهم نفضه

وهم يمشون بالسياره يفكرون الافلانه قالت وفلانه سوت

واذا وقفو قالو استغفر الله كأنه عقرنا وايد

وين تبغيهم ينتبهون للطريق :tease:

[MoHaMmEd114]

تحكم على كل الحريم بسبب السواقه الفاشلة الي مرت عليك

[ابن سينا]

لا وازيدك من الشعر بيت لمرايات الي على جوانب السياره مالها شغل تلف بدون سابق انذار تلقا السياره ملحسه من الجوانب هه هه

[ريتويت]

الله المستعان

[معماري قطري]

يا ساتر استر

سلامات بن غيث للعمود فوائد بعد في هاللحظات الحرجة.

انا يا اخوي مرة قاطع الطريق مشي في الأُردن .. وشارع كان خالي الا من سيارة تمشي أقصى اليمين وانا كنت باوصل أقصى اليسار وهي ما وصلتني .. سيارة تمشي شوي وتكح شوي وتناتع يعني حتى لو دعمتني احتمال ما اتعور ... وكنت لابس لبسهم ما ابين اني خليجي أو غريب .. والحمد لله مروري كان مضمون وبسلام ومريت ولحظة وصولي الرصيف الا هذي اللي مطلعة راسها من نافذة السيارة وكانت تسب بأقبح أنواع السبات وكانت متجهة من أقصى اليمين لأقصى اليسار تبي تعاقبني بس ليش قطعت الطريق.

وصدقوني طلعت إنسانة لمحت وجهها بس لمحة ما شاء الله متحجبة وتبين خلوقة بس ليش سبتني هشكل الله يسامحها أكيد عقليتها عقلية قتالية ولا توها دايسه في بطن زوجها أو العكس صحيح.

[دنيا الاسهم]

مش الكل البعض جزاكم الله خير

[الحريّه]

صج ..مب الكل ! لكن الأكثرية !
آنا لا أحب أن اسوق وراء إمرأة ! بطيئات ..غير واثقات .. نحيسات ( هذي آنا أبصم عليها ) ...عنيدات ( عِنْدٌ غير بنّاء )
موقف لا أنساه ..أذكر مرة و أنا في طريقي إلى المدرسة , والشوارع الفرعية تعج براكبيها ..وهؤلاء دائما معرضون للنسيان لأن الشوارع الرئيسية تسير بدون توقف , خاصة و أنه لاتوجد إشارة مرورية تقنن خروج هؤلاء ..فكنت من باب التعاون , و خلق مجال لتساوي الفرص , أخفف و أشغّل الدبل دينجر لكي أوعز لمن ورائي " أن خفف " وحتى أفسح المجال للشارع الفرعي ( أكثر السيارات باصات المدارس و سيارات تحمل طلاباً ) بالنزول في الشارع الرئيسي .. أحيانا تنزل من ثلاث إلى أربع سيارات و أحيانا أكثر .. إلا تلك المرأة التي جاءها الدور فوقفت ..نظرت إلي و صَدّت و لم تنزل .. تعجبت أشد العجب . ومع أن وراءها سيارات أخذت تضرب مزاميرها , إلا أن النحيسة عيّت تنزل ..فسرت بسيارتي وأنا أنظر في المرآة ..ووصلت الدوار و الشارع الفرعي لم يحصل بعدها على فرصة نزول أخرى !! تمنيت حينها لو لدي شهادة أو ختم للنحاسة حتى أعطيها تلك السيدة هداها الله !!
تحياتي:victory:

[مدرسة]

مب كلهم ،، لكن الاغلبية الساحقة للااسف


الله يهدي الجميع

[.. الكاش ..]

مب الكل جزاكم الله خير

[حقيقه]

عيدكم مبارك

أنا لاحظت أغلب السؤاقات العربيات متهورات ومايحترمون حد

[نتفـه]

مو كل الحريم سواقتهم نفس الشي :)

[MAZEN37]

ههههه

[Bo jassim 33]

عيدكم مبارك

أنا لاحظت أغلب السؤاقات العربيات متهورات ومايحترمون حد



بعد !!


بعد في هذا الموضوع فيه قطريات وغير قطريات !!!!!

[بنـ الدحيل ـت]

مب كلهم

مرة صار لي موقف

كنت آودي بناتي المدرسة .. وطبعا للمدرسة بابين باب الدخول وباب الخروج

وانا كنت بي آدخل إلّا واحدة جدامي وواقفة تبي ترجع على ورى والسيارات وايد وراها

ويوم شافت السيارات وراها دخلت ولفت وطلعت من باب الدخول

استغربت منها بالفعل

شكلها عمرها ما دخلت المدرسة

:)

[ام احمد87]

هههههههه الحمد الله على السلامة

[penguin]

حتى ع الدواره ف مواقف الاند قامو يدورون البنات
تحصلون وحده حاشره بالسياره عشرين
طعش وحده جنهم رايحين رحله فمدرسه
وهذا الشي يسبب حوادث لازم المرور يخالفونهم :tease:

[بوخالد911]

هلا


من الظلم أن نحكم عليهن بالقسوة لمجرد هذا الموقف

[خالد32]

الحمد لله على سلامتكم و الحمد لله مره ثانيه انها كانت حرمه مب نيبالي كان جابلك عيد جديد.
لو كان رجال بيكون عادي ( شكله كان يشوف البيبي او سيجارته طاحت في حضنه) الانسان غير معصوم
و مشكور على مشاركتنا بتجاربك

[ana_ana]

السواقه فن وذوق واخلاق لايحدده جنس السائق

[فلتة زمانها]

كلش عاد الحين الشباب سواقتهم رزينه حتى المرور متمللين لا حوادث ولا مخالفات :p
مافي مثل سواقتة الحريم صج مرات الوحده تلف وتدعم بس ما نلومها من كثرة التفكير:shy:

[معماري قطري]

كلش عاد الحين الشباب سواقتهم رزينه حتى المرور متمللين لا حوادث ولا مخالفات :p
مافي مثل سواقتة الحريم صج مرات الوحده تلف وتدعم بس ما نلومها من كثرة التفكير:shy:

الله يهداج سواقة الحريم مشهورة عالمياً.. عدم التفكير في المواقف الصعبة والتغميض والدعاء بالصراخ ولا قولة وي وي وي .. أما في المواقف العادية فسواقتهم معقولة وأحسن من سواقة الشباب وفي بعض المواقف يستون نكتة مثل الرجوع للخلف وصف السيارة.

[أخت الكل]

يا ويلكم من ربي

والله انا يمرون علي شباب سواقتهم لكم عليها ودك تسحب رخصهم خصوصاااا حزة الظهر وفي رمضان

اممممممممم وما راح اقول السبب تاركته لخيالكم

[زهرة بنفسجية]

امممممم
الدليل علئ كلامك يا اخي انه الحوادث اللي في الطرقات تكون اصحابها نساء
مش شباب متهورين و و مو سائلين عن عمرهم حتئ يسالو عن سياراتهم
امس كنا طالعين و عدينا امام الستي و اذ سيارتين بيسارنا الاولئ سيارة قديمة متواضعه ضربله هرن لصاحب النيسان الحوت ماشالله سيارته طالعه من الوكاله شكلها
المهم ما عرفت القصه بالضبط لكن سمعنا صراخ و هواش تبين لي انه صاحب السيارة المتواضعه مصري و صاحب الحوت لابس غترة و عقال
ما اسمع الا يقول له قرب ادعمك و الله العظيم ادعمك!!!!!
يا اخي خاف علئ سيارتك اذا انت مو سائل عن عمرك و لا عن سيارة المصري!!!!!!!!!

لكن في بعض الناس عندهم المراءة كلها علئ بعضها سكة عطل
!!!
و الحمدلله علئ سلامة صاحب الموضوع

[نتفـه]

الله يهداج سواقة الحريم مشهورة عالمياً.. عدم التفكير في المواقف الصعبة والتغميض والدعاء بالصراخ ولا قولة وي وي وي .. أما في المواقف العادية فسواقتهم معقولة وأحسن من سواقة الشباب وفي بعض المواقف يستون نكتة مثل الرجوع للخلف وصف السيارة.

صف السياره بالخلف اسهل من الصفه العادية :victory:
وهي ليست حكرا على الرجال اساسا :tease:
ف لا نكته ولا شي اخوي الكريم :nice:
تحياتي :)

[بومحمد المطاوعه]

ههههههههههههههه

حلوووه اقرب عاموود

الحمدلله على السلامه زين ماصرت كفته

ياخي مابي اتكلم عن سواقه الحريم

يمكن صفحتين ولا اخلص

خلها مستووره بس

الله يهديهم

[mubarak750]

أنا عندي أقتراح أن المرور يصرفون ستيكرات على مواتر الحريم ويكتبون فيها مثلا: عد ألى أهلك سالما وأبتعد عن هذه السيارة.... السائق أمراءة.

[لمعة الالماس]

عاد اللي يقول سواقة الشباب اللي مسكته

[حميداني]

يعني تبون تقولون لي
على هذا المنطق المفروض نعتبر بعض العماله الاسيويه والغير من اللي يسوقون حريم ؟ لانهم مايعرفون يسوقون ؟؟

كلام بكوم والمنطق بكوم و حده عنصري بعد

اللي يعرف يسوق يعرف يسوق واللي ما يعرف ما يعرف
والموقف اللي صارلك كان ممكن جداً يصير لك من واحد يدش قدامك ويطلع

قضاء وقدر , كمل يومك رجعتك للبيت ما راح تمسح اللي صار وهالامور تصير عادي مش انت اول واحد الشي صار له

ياما ناس تشطف لهم , وللحين اذكر اني شفت مره ولد باكستاني صغير طايح عالارض يصيح وايده بركبته
يوم جينا استفسرنا وشصار لك قال في واحد موتره شبابي مخفي وحركات و كذا كذا شطف لي على جنبي وشرد

هذا اللي صار يعرف يسوق ؟

الله يهدينا بس

[شموخ]

والله مهب الكل لكن في حريم يسوقون كأنهم في حلبة سباق وكأن الشارع ملك لها وهي جاية من بعيد تعطيك اشارة وخروا عن طريقي ولكن في حريم يلتزمون بقواعد المرور وسواقتهم محترمة بس في شباب وللأسف الشديد من يشوفون حرمةتسوق سيارة حفصوا عليها يعني مافي احترام ابد

[راس مشعاب]

الله يجمل الحال بس

[mubarak750]

ترى الأعتراف بالخطأ فضيلة , في أقتراح حق الأخوات ... أن في هالأيام المباركة يستيخيرون وعقب أجازة العيد كل الحريم اللي يسوقون يسلمون لياسنهم حق المرور, ويقولون حق المرور شكرا أنكم من قبل أرتكبتو غلطة كبيرة وخليتونا أنسوق , واللحين وحفاظا على سلامة المواطن والمقيم والأرصفة وارواح الناس والممتلكات العامة وأمن وأمان المجتمع , أحنا نسلمكم اللياسن من نفسنا ونمتنع عن السواقة.....شرايكم؟ ترى نسبة الحوادث في قطر بتقل بنسبة 60%

[المسك1969]

:)

زين والله الكل مرعوب من سواقة الحريم... عيل لي شفتوا مرأة تسوق صفوا على جنب لين تحرك وعقب حركوا:) :) :)


جزاكم الله خيرا

[elders]

ما علينا منكم اصلا ...الله يحفظنا ويديم علينا الامن والسواقة الرايقة والمفعمة بالفن والذوق ونرجع لاهالينا سالمين ..
http://images.zaazu.com/img/drive-fem-driving-car-steering-wheel-smiley-emoticon-000688-large.gif

[elders]

الله يهداج سواقة الحريم مشهورة عالمياً.. عدم التفكير في المواقف الصعبة والتغميض والدعاء بالصراخ ولا قولة وي وي وي .. أما في المواقف العادية فسواقتهم معقولة وأحسن من سواقة الشباب وفي بعض المواقف يستون نكتة مثل الرجوع للخلف وصف السيارة.

ههههههههههههههه

[عنزي قطر]

ذهبت الى الستي مع صديق لي للذهاب الى السينما ..
فقال لي .. : من الاقضل ان نوقف السيارة بالخارج من الجهة المقابلة لاننا لن نجد مواقف بسبب الزحمة
فقلت له ..: توكل على الله .. ومنها رياضة الواحد يتمشى شوي
وفي لحظه وأنا موقف على الرصيف أنتظر صديقي .. واحدة يبين انها عربية وغير منتبهة للطريق تطلع من حارتها وتضرب رصيف ... !! وتنزل مرة ثانية تكمل طريقها عادي
المسافة بيني وبين هذه السيارة حوالي مترين
وقفت في ذهول ...!! ما أنا مصدق الي صار
وحمدالله .. اني ما رحت ضحية ..
شوي الى صديقي يقولي .. : هيا نذهب لنشاهد الفلم ...!!
قلت له .. : أنا شفت فلم رعب من شوي .. ودني البيت

فنصيحة لكل مواطن ...

اذا اردت ان تعبر الشارع فأنظر الى سائق السيارة اذا كانت امراه فـــتمسك بـــ أقرب عمود .. وتقرب الى الله بالدعاء وتذكر أجمل لحظات حياتك ..


الحمدالله على السلامه المشكله الحادث في لحظه شفت ياخوي الوقوف على الرصيف مخالفه وخطوره بعد :(.
اعجبتني طريقتك بالكتابه باللغه المحليه والفصحى :nice:

[flourish]

يا ساتر استر

سلامات بن غيث للعمود فوائد بعد في هاللحظات الحرجة.

انا يا اخوي مرة قاطع الطريق مشي في الأُردن .. وشارع كان خالي الا من سيارة تمشي أقصى اليمين وانا كنت باوصل أقصى اليسار وهي ما وصلتني .. سيارة تمشي شوي وتكح شوي وتناتع يعني حتى لو دعمتني احتمال ما اتعور ... وكنت لابس لبسهم ما ابين اني خليجي أو غريب .. والحمد لله مروري كان مضمون وبسلام ومريت ولحظة وصولي الرصيف الا هذي اللي مطلعة راسها من نافذة السيارة وكانت تسب بأقبح أنواع السبات وكانت متجهة من أقصى اليمين لأقصى اليسار تبي تعاقبني بس ليش قطعت الطريق.

وصدقوني طلعت إنسانة لمحت وجهها بس لمحة ما شاء الله متحجبة وتبين خلوقة بس ليش سبتني هشكل الله يسامحها أكيد عقليتها عقلية قتالية ولا توها دايسه في بطن زوجها أو العكس صحيح.

هههههههههههه حلللللوة

[لاجل QT]

ههههههههههههه عمر الشئي بئي:nice:

الله احفظك

هو يعتمد على الخبرة اذا توها متعلمة او صارلها فترة:)

اذا توها متعلمة عاااادي نصير علوج في الطوفة:eek5:


انا عينى ماطيح من المناظر اطالع كل الاتجاهات

بس اللى يبط جبد الناس منى:shy: ان اسمح لمن يضرب اشارة بالمرور امامي اقول لعلة في عندة امر مستعجل واللى وراي ياكل حصى:eek5:

[لاجل QT]

الله يهداج سواقة الحريم مشهورة عالمياً.. عدم التفكير في المواقف الصعبة والتغميض والدعاء بالصراخ ولا قولة وي وي وي .. أما في المواقف العادية فسواقتهم معقولة وأحسن من سواقة الشباب وفي بعض المواقف يستون نكتة مثل الرجوع للخلف وصف السيارة.

كلام صحيح سواقة الحريم مهما كانت عيوبها اهون من سواقة بعض الشباب المتوهر اللى يجيك كانة عندة موعد اعدام ياكافي الشر ..غير الل يتجاوز بسرعة جنونية يوميا اشوفهم على طريق 22 فبراير

والحمدالله عدينا ايام التغميض :nice:
الحين العيون مبققة من قلب..:eek5::shy:

[@فارس@]

عيدكم مبارك

أنا لاحظت أغلب السؤاقات العربيات متهورات ومايحترمون حد

اسمحلي على الترقيع الواضح

العربيات وغير العربيات الكل خبر خير ونادر منهم الي تسوق عدل وبدون خوف

وعلى فكرة البنت لما تسوق اذا خافت تغمض عينها وتدوس البترول :nice:

[Sari]

يكفي شهادة سمو الامير (؛

[حسن]

وش السالفه ام حسن الساعي في تويتر يناقش سواقه الحريم

مساكين هل الحريم شماعه كلشي يعلقونها عليها لكن المشكله ماقالت اه

سواقتهم الكثير منهم زينه وعاديه واذا في شوي منى ولا منى مافي مشكل

[فلتة زمانها]

^

^

الله اكبر اول مره عضو يمدح سواقة الحريم شفتوا يابنات

[MAZEN37]

المرور يسمح للمراه تتعلم تاخذ ليسن على القير الاتوماتيك من باب انهم محترفين ويعرفون يسوقون
حتى الليسن ما يتعبون فيه اكيد حسبالها السياره لعبه

[حسن]

المرور يسمح للمراه تتعلم تاخذ ليسن على القير الاتوماتيك من باب انهم محترفين ويعرفون يسوقون
حتى الليسن ما يتعبون فيه اكيد حسبالها السياره لعبه

عيدك مبارك يامازن

هو الحين في حد يستخدم القير العادي الى بوحارب
ياخوك الحين اكثر السيارات قير اتوماتيك
وبعدين والله الكثير منهم سواقتهم تمام لا انتشوف سياراتهم مهب حنا ستندر سبير علاق ومترولا :rolleyes2:
لا ياعمي بورش بي ام مرسيدس مثل موتر لاجل قطر
سيارات راقيه وناعمه

تخبر تواير حجريه رنق 16:victory:

[mubarak750]

يبه سواقة الحريم أتذكرني دايما لما أشوف واحد ماسك (طيارة ورقية) في الهوا, يعني تلقاه وهو واقف على الأرض متعنتل بالخيط والطيارة الورقية في الجو والهوا أهو اللي يتحكم فيها, أذا الهوا أوكي تلقى الطيارة ماشية أوكي اسموث والحبيب ماسك الخيط وفرحان ويظن أن هو اللي ممشيها صح, لكن خل يهب هوى أشوي.... لا ( فقدت السيطرة وعلى الطيارة السلام)

[لولو2022]

انا قريب ان شاء الله باسوق
هل لديكم اي نصيحه ؟
لاني جربت اذا كانت السيارات سريعه ارتبك
مره خلاني زوجي اسوق ولما جيت عند الدوار وشفت السيارات شاخطه قلت مابي تعال سوق
تم يصرخ علي اطلعي قلت ماقدر قال طلعي والله وادوس :shy:

[Black Cat]

احيانا تمنى اللى يسووقون كلهم بنات على الاقل ماتتجاوز من اليمين وانت تنتظر او يكون لها الرصيف لها مطبه عاديه
الشباب الله يهديهم وبعض الاجانب نتنظر عند الدوار 10 دقايق ويمر من يمينك وياشر لك اذا كان لطيف يقول لك ممكن ادخل :(

[حبر وقرطاس]

ذهبت الى الستي مع صديق لي للذهاب الى السينما ..
فقال لي .. : من الاقضل ان نوقف السيارة بالخارج من الجهة المقابلة لاننا لن نجد مواقف بسبب الزحمة
فقلت له ..: توكل على الله .. ومنها رياضة الواحد يتمشى شوي
وفي لحظه وأنا موقف على الرصيف أنتظر صديقي .. واحدة يبين انها عربية وغير منتبهة للطريق تطلع من حارتها وتضرب رصيف ... !! وتنزل مرة ثانية تكمل طريقها عادي
المسافة بيني وبين هذه السيارة حوالي مترين
وقفت في ذهول ...!! ما أنا مصدق الي صار
وحمدالله .. اني ما رحت ضحية ..
شوي الى صديقي يقولي .. : هيا نذهب لنشاهد الفلم ...!!
قلت له .. : أنا شفت فلم رعب من شوي .. ودني البيت

فنصيحة لكل مواطن ...

اذا اردت ان تعبر الشارع فأنظر الى سائق السيارة اذا كانت امراه فـــتمسك بـــ أقرب عمود .. وتقرب الى الله بالدعاء وتذكر أجمل لحظات حياتك ..



الله اكبر ..الحين وحده ماتعرف تسوق رحت عممت على جميع النساء مايعرفون سوقون
لا يا خوي غلطان اصابع اليد مب سوى
والله في حريم يسوقون احسن من هالشباب الي كل يوم والثاني مسويين حادث والا منقلب
سواقتهم فيها ركاده وعقل واحترام للقوانين ومافيها رعونه ولا طيش ولا تحدي
ويسوقون عدل ا زينهم ومواترهم يا زينها كل موتر يقول الزود عندي
ناس تعرف تحافظ على حلالها .
اما وحده ماتعرف تسوق ومن الفشيله تشرد بعد ماسوت فيلم هندي مايجوز تعمم ياخوي تظلم شريحه كبيره
والله من وراء القصد

[سارا البدر]

اللي انا اشوفه الشباب اغلبهم مستهتر يحسسني ان الشارع ملكه
والطامه الكبرى يتجاوز ويطلع اصوات في سيارته ويقعد يطل على اللي تسوق

على الاقل الحريم يحاسبون خايفه على نفسها وعلى اللي في الشارع

حرام عليكم يا شباب اتقوا الله في اعماركم :(