مطلوب شركات interior design ! شكل ممتاز ومجرب !!

[N203]

السلام عليكم

مطلوب شركات لعمل تصميم داخلي للفلل من جبس وديكور وتوزيع اثاث والوان ... الخ
( Interior Design )

ارجوا افادتي بشركات تم التعامل معها من قبل بحيث تسلمها المنزل كامل بعد العظم وهي تهتم وعمل التشطيب الداخلي والديكور.

بغيت شركات مضمونه وشغلها محترف 100% ، وتعاملها بروفيشونال ، وامكانية جلب واحضار مواد من الخارج..


وشكرا

[طيف عابر]

اخوي شخبارك
كل عام وانت بخير
نصيحتي من مجرب عليك بشركة قطر الالمانية للتصميم والديكور والتنفيذ خصوصا المهندسه ازاديه

[N203]

اخوي شخبارك
كل عام وانت بخير
نصيحتي من مجرب عليك بشركة قطر الالمانية للتصميم والديكور والتنفيذ خصوصا المهندسه ازاديه

هلا اخوي ، وانت بخير وصحه وسلامه وعساك من العايدين والفايزين ان شاء الله.

تسلم اخوي على الرد والنصيحه ، واذا عندك اي ارقام للشركة او المهندسة ، طرشلي اياهم على الخاص ولا عليك امر.

وجزاك الله خير يالغالي

ونسمع اراء وتجارب او نصائح باقي الاعضاء

[بن مشهور]

موجوده أرسل رقمك عالخاص واكلمك

[اللوز]

للاسف غالبية الشركات عندنا نصب وضحك على الذقون لانك قطري وفلوسك زايدة على قولتهم !!

[N203]

موجوده أرسل رقمك عالخاص واكلمك

مشكور على الرد اخوي ..

ارسلي اسم الشركة ورقم التواصل على الخاص ولاتهون

[N203]

للاسف غالبية الشركات عندنا نصب وضحك على الذقون لانك قطري وفلوسك زايدة على قولتهم !!

صحيح اخوي .. وهذا الي انا لمسته بعد من اغلب الشركات الصغار او الوسط...

لهاي السبب انا ادور على شركة من بعد تجربة وبسأل عنها قبل كل شيء..

وان امكن اشوف شغلهم على ارض الواقع..

وتسلم على المرور :)

[الريم]

أنا ادور بعد لبيتي ..ياريت تبعثون لي الأرقام ..

[dream~qa]

في هالمنتدى لاحظت أن كثير من الردود تجي للاعلان عن شركات خاصة وعلى أساس أنها مجربة وهي مجرد تسويق لشركتهم أو عمالهم فنصيحة خذ نصيحة من شخص ثقة تعرفه أو أن تشوف الشغل على الواقع .

[طيف عابر]

اخواني خواتي بعد تجربة تفضل رقم المهندسة الالمانيه ازاديه 55010211 كفاية انهم اجانب ويحترموا المواعيد وشغلهم روعه افضل من اخوانا العرب تاخير بالمواعيد ولا الدفعة ومع السلامة دروني

وان شاء الله تفيدكم تجربتي معاها

[دنيا الوله]

موفق باذن الله

[N203]

ألف شكر على الردود جميعا وجزاكم الله خير...

وياليت نسمع اراء وتجارب اكثر من اخواننا واخواتنا مع الشركات الموجوده ، لتعم الفائدة على الجميع.

[Reemee]

عن نفسي أتعامل مع قطريه وتقدر تشوف كل الشغل قبل لاتبدا معاك واذا ماعجبك مب لازم أتعامل معاها .. كلمة حق أنا وحدة مااثق بالشركات الوهميه يجون عصابة خمسين واحد وكل واحد كلمته غير والأخير يقول أنتو قطريين وعادي تدفعون .. ليكون فلوسنا عالبحرر :anger1:

[الزجاجي]

ديكوباج

[حسن الاحمد]

احسن شركتين بقطر انا اشتغلت معهم قصور فخمة وفلل فخمة هم: شركة التصميم المميز م هاني عبد الرازق والشركة الثانية : شركة لايفينج سبيرت / جون سعادة . عندهم تصميم ورخام وخشب وجبس وفرش وستاير وصبغ وكلشي _ ارقامهم عندي للي يبيهم

[The_Be$t]

عن تجربه شركة بلوريبون للتصميم الداخلي 100% ماتحصل نفس بضاعتهم من الاقمشه وورق الجدران والارضيات والحجر

مكانهم طريق المطار بعد اشارات المجنون (مقابل مركز العاصمة) اول محل في سوق السويدي

[ضوى]

ساعات احس اني من عالم ثاني

اشلون اسلم بيتي اللي تعبت فيه لمهندس او مهندسة ديكور تقول وين احط هالديكور ووين هالزرعة ووين هالفازة ؟؟

وين حسي الفني ؟ وين ذوقي وين لمساتي ؟

معليش ادري خارج الموضوع بس كلام يقرقع بقلبي عقب ماشفت اشكثر ناس تطلب مصمم ديكور لفللهم ، اذا انا مارتب كل قطعة بذوقي واحساسي والا مايكون بيتي

[نور الحور]

ساعات احس اني من عالم ثاني

اشلون اسلم بيتي اللي تعبت فيه لمهندس او مهندسة ديكور تقول وين احط هالديكور ووين هالزرعة ووين هالفازة ؟؟

وين حسي الفني ؟ وين ذوقي وين لمساتي ؟

معليش ادري خارج الموضوع بس كلام يقرقع بقلبي عقب ماشفت اشكثر ناس تطلب مصمم ديكور لفللهم ، اذا انا مارتب كل قطعة بذوقي واحساسي والا مايكون بيتي


هههه .. أختي ضوى مهندس الديكور بيمسك لج الناحية الفنية العملية للشغل .. يعني التصميم الداخلي واستغلال الفراغ وحسن التوزيع كله علم .. أما الذوق فانتي أكيد صاحبة البيت وفي الأخير ما بيكون على ذوق مصمم الديكور ..

وايد ناس عندهم هالفكرة الغلط .. حسبالهم لما يقول لهم حد إن بيته تصميم مصمم ديكور إنه مو على ذوقه ..
المصمم بيعطيج أفكار لاستغلال المساحات وتوزيع الأثاث والتناسق بين الأشكال وتوزيع الإضاءات وممكن يقترح عليج نوع الاكسسوارات أو مكانها أو حجمها..لكنه في الأخير بيلتزم بذوقج ..

[dream~qa]

ساعات احس اني من عالم ثاني

اشلون اسلم بيتي اللي تعبت فيه لمهندس او مهندسة ديكور تقول وين احط هالديكور ووين هالزرعة ووين هالفازة ؟؟

وين حسي الفني ؟ وين ذوقي وين لمساتي ؟

معليش ادري خارج الموضوع بس كلام يقرقع بقلبي عقب ماشفت اشكثر ناس تطلب مصمم ديكور لفللهم ، اذا انا مارتب كل قطعة بذوقي واحساسي والا مايكون بيتي

أختي أنا معاج لو كان الكل يملك القدرة على التوزيع الهندسي المتناسق لكن مب الكل عنده القدره على التنسيق واستغلال المساحات بالشكل المطلوب من الناحية الجمالية والعملية لذلك من المهم اللجوء لمهندس يساعد صاحب المنزل ودايما المهندس يسأل صاحب المنزل عن ذوقه قبل ما يبدي ويراويه كل شغله قبل ما ينفذها .

للأسف أوقات ندخل بيوت تلقين شاريين أثاث غالي بس مرتب بطريقة تفقده جماله .. أو تكون عندهم مساحات مزحومة بالاثاث والاكسسوارات ومساحات غير مستغلة بالشكل السليم .

أيضا حبيت أضيف ان مب كل الموجودين عندنا هم مهندسيين ديكور ولكن منهم هواة لا أكثر ولا أقل .

[ضوى]

هههه .. أختي ضوى مهندس الديكور بيمسك لج الناحية الفنية العملية للشغل .. يعني التصميم الداخلي واستغلال الفراغ وحسن التوزيع كله علم .. أما الذوق فانتي أكيد صاحبة البيت وفي الأخير ما بيكون على ذوق مصمم الديكور ..

وايد ناس عندهم هالفكرة الغلط .. حسبالهم لما يقول لهم حد إن بيته تصميم مصمم ديكور إنه مو على ذوقه ..
المصمم بيعطيج أفكار لاستغلال المساحات وتوزيع الأثاث والتناسق بين الأشكال وتوزيع الإضاءات وممكن يقترح عليج نوع الاكسسوارات أو مكانها أو حجمها..لكنه في الأخير بيلتزم بذوقج ..



مممم اذا بيعطيني افكار وبياخذ مبلغ خيالي الصراحة لا طبنا ولا غدا الشر

الاوفر لي عيل يا عزيزتي ادخل النت واشوف الافكار وكيفية استغلال كل زوايا البيت واطبق لو بشكل بسيط

مدري لازلت مش مقتنعة ادفع فلوس لواحد يفكر عني :(

[ضوى]

أختي أنا معاج لو كان الكل يملك القدرة على التوزيع الهندسي المتناسق لكن مب الكل عنده القدره على التنسيق واستغلال المساحات بالشكل المطلوب من الناحية الجمالية والعملية لذلك من المهم اللجوء لمهندس يساعد صاحب المنزل ودايما المهندس يسأل صاحب المنزل عن ذوقه قبل ما يبدي ويراويه كل شغله قبل ما ينفذها .

للأسف أوقات ندخل بيوت تلقين شاريين أثاث غالي بس مرتب بطريقة تفقده جماله .. أو تكون عندهم مساحات مزحومة بالاثاث والاكسسوارات ومساحات غير مستغلة بالشكل السليم .

أيضا حبيت أضيف ان مب كل الموجودين عندنا هم مهندسيين ديكور ولكن منهم هواة لا أكثر ولا أقل .


معاج حق اختي الكريمة ، مو كل الناس عندها ذوق بس انتي تضمنين هالمهندس او المصمم فعلا عنده هالموهبة اللي تخليني ادفع له فلوس وانا راضية عن شغله ؟