كيف نقتل الملل في قطر

[(محمد)]

http://yourschoolmarketing.com/wp-content/uploads/2011/12/bored-baby.jpg





الديرة ممله يا اخوان






ما العمل؟
أين نذهب؟
متى؟
كيف؟
تجاربكم؟
خططكم؟
أفكاركم؟
صوركم؟




أجواء عائلية


أجواء زوجية


أجواء أطفال


أجواء موسمية


أجواء دينية




كيف نقتل الملل في قطر

[(محمد)]

فتحت الموضوع لأني الآن في موقف محرج أمام اطفالي



انا في البيت


مسجد


البيت


مسجد


البيت


زيارات


مسجد


البيت




وبعدين يعني




يالربع والله ملل .. الديرة مافيها شي




العيد بدا ومب عارف وين اودي عيالي


كل الاماكن مملة


اخاف تخلص الاجازة ونرد دوامات والعيال ما استفادوا شي


افكر اروح الشمال ....




زين وبعدين شفيها الشمال


مادري شاسوي .... وهقه

[Aaziz]

زعلتني. شلون الديره ممله. انت جدولك محتاج تعديل

شوف لكل انسان ميول ولكل اسره طبيعتها ( ميول الزوج + ميول الزوجة)
حلو لو انك قبل العيد بفتره حاجز لك شاليه ولا استراحه ليله ولا ليلتين تغير فيهم جو.
من الاقتراحات عندك الله يسلمك تمر المنتجات اللبنانية و تاخذ مشاوي نيه و خيشه فحم و دوه و دلالك و تودي الاسره سيف من اسياف الشمال او السيف الغربي.
او تاخذ فيهم لفه وقت العصريه في سيلين و على المغرب تشوف لك طعس نظيف على مدخل سيلين تظبط عشاك فيه و ترجع البيت.
ممكن انك تاجر سمبوق او يخت نص يوم.
فيه اشياء حلوه كثير. بصراحه افضل شي اشوفه الشخص رب الاسره الي ممكن تكون عنده امكانيه ماديه انه يشتري ارض خارج الدوحه يسويها استراحه عائلية و يربي فيها حيوانات

[Chambray]

نفس الحالة والله مادري وين اودي العيال ومتوهق نفسك

الاسياف كلها عنن حالياً ..

والفنادق فل والشاليهات فل !

وماعندي ميزانية اسفر العائلة هالاجازه !!

شنو يعني اوديهم جنغل زون وبس :rolleyes2:

[Aaziz]

فيه اسياف ممنوع فيها العنن. ام الحول و البشيريه
و عندك الساحل الغربي من عشيرج لين دخان بكل سهوله بتلقى مكان فيه خصوصيه و عندك ام باب

[(محمد)]

زعلتني. شلون الديره ممله. انت جدولك محتاج تعديل

شوف لكل انسان ميول ولكل اسره طبيعتها ( ميول الزوج + ميول الزوجة)
حلو لو انك قبل العيد بفتره حاجز لك شاليه ولا استراحه ليله ولا ليلتين تغير فيهم جو.
من الاقتراحات عندك الله يسلمك تمر المنتجات اللبنانية و تاخذ مشاوي نيه و خيشه فحم و دوه و دلالك و تودي الاسره سيف من اسياف الشمال او السيف الغربي.
او تاخذ فيهم لفه وقت العصريه في سيلين و على المغرب تشوف لك طعس نظيف على مدخل سيلين تظبط عشاك فيه و ترجع البيت.
ممكن انك تاجر سمبوق او يخت نص يوم.
فيه اشياء حلوه كثير. بصراحه افضل شي اشوفه الشخص رب الاسره الي ممكن تكون عنده امكانيه ماديه انه يشتري ارض خارج الدوحه يسويها استراحه عائلية و يربي فيها حيوانات





قطر بكبرها مافيها شي ؟


حتى انت اخوي ماطرحت شي مناسب ... وكانك تحاول ان تخرج سمكة من بطن الحوت.


السياحة في قطر فاشلة ... خصوصا لأبناء البلد




هيئة السياحة ماعملها بالضبط؟




لنكن واقعيين .... لا يوجد مكان ترفيهي حقيقي تقدمه الديرة لمواطنيها.

[(محمد)]

نفس الحالة والله مادري وين اودي العيال ومتوهق نفسك

الاسياف كلها عنن حالياً ..

والفنادق فل والشاليهات فل !

وماعندي ميزانية اسفر العائلة هالاجازه !!

شنو يعني اوديهم جنغل زون وبس :rolleyes2:



تخيل وصلنا مع الاهل بعد تفكير طويل الى اننا بنسوي باربكيو ومشاوي وبنأجر نطاطية في حوش البيت :anger1:

[Aaziz]

قطر بكبرها مافيها شي ؟


حتى انت اخوي ماطرحت شي مناسب ... وكانك تحاول ان تخرج سمكة من بطن الحوت.


السياحة في قطر فاشلة ... خصوصا لأبناء البلد




هيئة السياحة ماعملها بالضبط؟




لنكن واقعيين .... لا يوجد مكان ترفيهي حقيقي تقدمه الديرة لمواطنيها.

قرار مناسب يا محمد

انا عطيتك بالي انا لو مكانك بسويه لكل انسان ميوله
السياحه عندنا في قطر مش لنا اقصد لاهل البلد لا تناسبك ولا تناسبني سياحتهم ( نبحث عن الخصوصيه و نبتعد عن بعظ المناظر ) لهذا اخترت انت النطاطيه و الشوي في الحوش

اتمنالك باربكيو ممتع :nice:

[الريان]

فيه عندك المولات

مشاركة في المهرجان

وفيها برامج حلوة

ادخل موقع هيئة السياحة

بتحصل جدول فيه البرامج مع توقيتها

[abdalla]

ممكن تاخذ عيالك على السيف صوب دخان وتنصب خيمه والله وناسه احلى من الشاليهات والتكاليف اللي مالها معنى ولها طعم ثاني ام الشاليه بطلع من اطوف اروح على اطوف. ولو الغزل مسموح بتكون الكشته قمه في الروعه عن تجربه قبل منع الغزل.

[معماري قطري]

قطر بكبرها مافيها شي ؟


حتى انت اخوي ماطرحت شي مناسب ... وكانك تحاول ان تخرج سمكة من بطن الحوت.


السياحة في قطر فاشلة ... خصوصا لأبناء البلد




هيئة السياحة ماعملها بالضبط؟




لنكن واقعيين .... لا يوجد مكان ترفيهي حقيقي تقدمه الديرة لمواطنيها.


فيه يا اخوي بس أشياء بسيطة وما تتقارن مع دبي مثلاً .. عندك اللؤلؤة حلوه للتمشي وسوق واقف وغير أماكن كثيرة شنسوي الوضع علينا كلنا .. انا مسترخي في البيت هالأيام قبل المعمعة الأُسبوع الجاي.

بعدين تعال موضوعك يخوف فيه قتل ومن قتل يقتل واحنا نخاف عليك تنسجن بسبب التحريض على القتل :telephone:

[لمعة الالماس]

اي والله ملل

وماعندنا اماكن ترفيهية للكبار والصغار

نبي اماكن على مستوى وتصلح للجميع

[مزعله النساء]

السلام عليكم

نبي مثل دبي مول يصير عندنا بالظبط

نبي منتجعات في الصحرا نفس دبي وشاليهات في دخان وشمال

نبي مجمع خاص للسينما

وبس

[.. الكاش ..]

قطر فيه جداول حلوه حرام عليك كتارا سيلين اللؤلؤه المجمعات الكورنيش او اطلع كشته شمال قطر

[مضارب دوسري]

مرحبا بو خالد
اجر لك شاليه يومين في سيلين وغير جو مع الاهل منها باربكيو ومنها تغيير جو عالبحر وصدقني بيستانسون اليهال

تحياتي لكم من دبي
بعد الازمه اللي صارت لاهل قطر يوم السبت في مطار الدوحه عقب ماكنسلوا الرحله وتوهق ٢٧٥ مسافر انا من ضمنهم :(
وعقب خلوا ٥٠ شخص يسافرون عالاماراتيه والباقيين قعدوا فالمطار ٢٤ ساعه بانتظار الرحله فاليوم الثاني
مالت على الطيران الامريكي

[وحيد-الشوق]

مافي غير المجمعات والاسواق

انا طلعاتي كلها عبارة عن مطاعم ودوراه وقلاص شاي او كرك من النعيمي وحزات استانس في الدوام هههههههه

بس والله الدوحة لها وحشة :(

[برشلوني قطر]

ف ناس يقولون روح مجمع.... هل المجمع يونس ؟؟

ايش الوناسه اروح مجمع ؟؟

والله فكرة اخوي(( عزيز)) تأجر لك يخت << فكره مب شينه >> اذا كانو العيال يحبون ذي الاجواء..



مافي غير المجمعات والاسواق

انا طلعاتي كلها عبارة عن مطاعم ودوراه وقلاص شاي او كرك من النعيمي وحزات استانس في الدوام هههههههه

بس والله الدوحة لها وحشة :(

اما سالفه الدوام هههههههه...لا تذكرني

[مناي]

طاحت رجولنا من المشي في المجمعات زين وبعدين ولين متى ؟

مؤ المولات ولا المجمعات هي الوناسه والسياحة

مهما رحنا ولا بعدنا

تبقى قطر غاليه

[فارس2012]

السلام عليكم

نبي مثل دبي مول يصير عندنا بالظبط

نبي منتجعات في الصحرا نفس دبي وشاليهات في دخان وشمال

نبي مجمع خاص للسينما

وبس

اي والله

[ام احمد87]

اي والله موضوع جا في وقته مافي مكان نودي اليهال تمللوا واحنا تمللنا معاهم

[رحـ قطر ـال]

مثل ماقترحوا بعض الاعضاء احلى حل هو القعده عالسيف ومنظر البحر قدامك ومعاك دله الكرك واليهال يلعبون قدامك وانت قط خيطك وضيع وقتك بالحداق وان شاء بتستانس وعيالك كلهم بيستانسون خصوصا هالايام الجو رهيب الصراحه...

[رذاذ]

اكـــــوا بارك .
والالعاب ف حديقة الحيوان .
شمال عند قلعة الزبارة والعريش

سوق واقف محلات الطيور
الفنادق واستخدام برك السباحة والنوادي الصحية

اجر طراد او يخت واخذ اليهال وام العيال برحله حداق .. بتستانسون انشالله وامورك تمام التمام

جهز شويتك وروح اشواها في روضة ولا في مزرعة الدوسري مفتوحة للعموم في الجميله

[السهم الملتهب]

http://yourschoolmarketing.com/wp-content/uploads/2011/12/bored-baby.jpg





الديرة ممله يا اخوان






ما العمل؟
أين نذهب؟
متى؟
كيف؟
تجاربكم؟
خططكم؟
أفكاركم؟
صوركم؟




أجواء عائلية


أجواء زوجية


أجواء أطفال


أجواء موسمية


أجواء دينية




كيف نقتل الملل في قطر


اي والله مللللللللللللللللللللللللللللللللللللللللللللللللل

وكل واحد يفتي أخذ سنارة وأصطاد

أستجر طراد

أخذ خيشة فحم ولحم

أشتر معجنات وعصاير من

دورك لك طعس

شوف لك أقرب مسبح فندق


ما أقول الا مثل ماقال الشاعر

الله يا دار زايد كيف محلاها

ياناس حلوة وقلبي مغرم فيها

كن القمر يوم يظهر من محياها

في غاية الحسن يسلم كف بانيها

هي جنة الأرض رب العرش سواها

من ضاق صدره تونس في أراضيها


في وقت الأعياد أحجز على طوووول لدبي أو لبوظبي ومشي العيال فيها حتى لو 4 أيام

والله أن ترجع للدوحة وشبعان وناسة والعيال بعد .

والسبب كثرة الاماكن السياحية والمطاعم والمقاهي والملاهي والمولات والمهرجانات والشواطئ في دبي ( صرخة العالم ) وفي ابوظبي .

أما عندنا الشواطئ وكنسلوها والملاهي مافيها الا واحدة رامينها على طريق السعودية

وابشرك بعد ملاهي كويتية . مجمعات كلها مزدحمة بالهنود والفلبين وسريلانكا وما جاورها


يبه نصيحة في أي عيد أحجز تذاكركم قبلها بفترة ونوكل على الله ولا تجلس ترا مافيه أحد

يجلس في الدوحة في الاعياد الا من رحمة ربي .

[ام ناصر1]

احجز بفندق فيه شاليهات

[QTR-1978]

ليش مايسون مدينه متكامله قريب ابوسمره فيها شاليهات وفلل وفنادق ومدينه العاب وسوق
قطر مافيها الا العاب سناء انا كنت العب فيها واحين عيالي وشكله عيال عيالي بعد

:shy::cry2:

[aboumajd]

انا تقريبا بشتغل يوميا اكثر من 16 ساعه ماعندي مملل والحمد الله

[sweet qatar]

يبه نصيحة في أي عيد أحجز تذاكركم قبلها بفترة ونوكل على الله ولا تجلس ترا مافيه أحد

يجلس في الدوحة في الاعياد الا من رحمة ربي .

ليش اخوي روح لندن بعد.. مو بعيدة حذفة حصاه..
العيد ما يحلا الا في قطر.. واسألوا من جرب الغربة..

نرجع لموضوعنا.. :)
اذا تبي المناطق السياحية والمتعة فيها دور في المواقع الأجنبية..

للشباب في أنشطة مائية صوب الكورنيش
او طيران شراعي " مابعرف شو بيئولو له بالعربي" في مطار الخور..

وللعوائل.. استراحة.. شاليه.. فندق.. أجر شقة في اللؤلؤة..أجر يخت.. خذهم لجزيرة السافلية.. المعرض الي جنب المتحف الاسلامي..

اليهال خذ لهم سياكل و افتر على حدايق الدوحة..
او النوادي.. ذبحتوا اليهال من الالعاب الالكترونية..

[ohlaladesign]

موضوع مميز
يعطيك العافية

[لاجل QT]

الملل من صنع يدنا ..بيدنا نزيلة ونفرح قلوبنا وقلوب اللى حوالينا.. هذا اذا بغينا

[مهاجر]

والله مستغرب من الموضوع ومن هالهجوم على قطر واللي يقول ملل واللي يقول نبي دبي وابوظبي

سؤال شاللي فيها ابوظبي اللي قاعد يمدح عالفاضي ودبي حلوه ومانختلف عليها وقطر فيها اماكن وايد وجداول على حسب ماتبي , فعلا احنا نطلب المزيد والافضل لكن هذا مب معناه ان قطر مافيها شي ونمدح غيرنا على حسابنا .....

[غايه الطواش]

فويرط والا سميسمه خذ عده الشواي ورحو استمتعو
القعده ع البحر بروحها ترد الروح

[ام جراح%]

نقتله بالسجين ههههههههههههههههههه

يبلفيت دمي خفيف وكذاا

[الزلزال]

حطلك خيمة معا زوجتك وعيالك واكشت

[ANONYMOUS]

شب الضو وزبط لك حليب زنجبيل

[(محمد)]

جزيتم خيرا جميعا ... ولازالت الديرة مملة :nice:



نقتله بالسجين ههههههههههههههههههه

يبلفيت دمي خفيف وكذاا


اضحك الله سنج اختي ام جراح .. قريتها امس ومافهمتها

قريتها اليوم وضحكت :nice:

[مهاجر]

جزيتم خيرا جميعا ... ولازالت الديرة مملة :nice:





اضحك الله سنج اختي ام جراح .. قريتها امس ومافهمتها

قريتها اليوم وضحكت :nice:

هاجر من البلاد وروح المكان اللي يناسبك

[باحثة]

اقعد في بيتكم وافرش سجاده في هالجو العجيب

[(محمد)]

هاجر من البلاد وروح المكان اللي يناسبك


اقعد في بيتكم وافرش سجاده في هالجو العجيب


اخوى اشترى كرفان.. والوعد على السيف :tease:

اتحدى واحد يطلع شي مفيد ودراسة مميزة وخطة جميلة من افكار طرحت هنا لقتل الملل في قطر

لا تحاولون يالربع :omen2:....

ارسل استيائي الى المسؤولين عن السياحة ورسالة خاصة لهم فأقول (خلوا عنكم محاولة ارضاء الاجانب الكفار والفسقة بدعم ما يغضب الله كما في سوق واقف ... والتفتوا عوضا عن ذلك الى المواطن والمقيم المسلم)

لو كان الملل رجلا لقتلته ... عطيني السكين اختي ام جراح :anger1:

[Realestate]

كتارا يعملون دورات دائماً
اشترك في التبليغ البريدي في صفحتهم حتى توصلك أخبار الدورات

و أسباير عندهم دورات رياضية حلوة لجميع أفراد العائلة

دوروا دورات تستفيدون منها في الإجازة أحسن من الخروج للمطاعم بس

[Realestate]

نسيت بعد، كتارا عندهم دروس على ركوب الأمواج و التجديف و ركوب المراكب الشراعية
حلوين و تغيير
و الشاطئ عندهم روعة و فيه نشاطات حلوة للأطفال