::: السفاره القطريه بواشنطن dc والإعصار والطلبه القطريين ::

[إعلامي قطر]

..

السلام عليكم..

الموضوع بأختصار إني إتصلت بالسفاره القطريه بواشنطن DC
وبعد عدة محاولات ردت وحده لبنانيه ودار بيننا حوار وخلاصته التالي:

س: هل تم التنسيق أو إشعار الطلبه القطريين خاصة بنيويورك عن مدى خطورة الإعصار ؟
ج: لا

س: ليش طيب ؟
ج: مافينا نحكيهم عددهم كتير !

س: شلون عددهم كثير وإحنا كقطريين عددنا مايتعدى نص مليون !
وإللي بنيويورك ماظن صعبه تحصرون عددهم كسفاره وتتطمنون عليهم !
شوفوا سنع السفاره الإماراتيه مع رعاياها وتعلموا !

ج: آه أكيد إحنا نزلنا ع الوب سايت تاع السفاره تحذير !

وإنتهت المحادثه !

المهم عقبها بلغت الشباب إللي أعرفهم بواشنطن دي سي وكل واحد فينا
سوى إللي يقدر عليه وبلغ وحذر معارفه بنيويورك وقلنا لهم إللي يقدر
يجي واشنطن دي سي لو هاليومين لأن حسب آخر أبديت وصلنا
الإعصار راح يضرب نيويورك بقوه الساعه 2 صباحا بتوقيت
دي سي يعني 9 صباح يوم الإثنين بقطر..

وأيضآ كل واحد تواصل مع الجهه اللي باعثته بقطر سواء هاتفيآ
أو بالإيميلات أو بالمسجات ووصاهم يبلغون الطلبه خاصة
بنيويورك وماحولها..

عمومآ حبيت أنزل هالموضوع كتحذير وإللي عنده أي حد بنيويورك
يبلغه ينتقل لأماكن أقل خطوره والله الحافظ إن شاء الله..

وهذا الموقع ممكن من خلاله متابعة مستجدات الإعصار:

Www.weather.com

وهذي أرقام السفاره بدي سي وأرقام الخارجيه:

خدمة تواصل بوزارة خارجية دولة قطر تتمنى لكم سفرا سعيدا وعودا حميدا, ويمكنكم التواصل عبر الهواتف التالية: 97440111000+ أو 97440111140+ أو 97440111104+ أو هاتف سفارة دولة قطر في +12022741603 أمريكا

والله يحفظ جميع القطريين والمسلمين يارب..

..

[(محمد)]

جزاك الله خير الشيخ ماقصرت

[غايه الطواش]

ماقول غير مالت ع الجهه الي باعثتنا
حتي يوم نطرش لهم ايميلات مايردون علينا

جزاك الله خير

[طبيب قطري]

قالولنا ان حالة طوارئ مب بس في نيوورك وفي دي سي بعد ..
الله يستر

[غايه الطواش]

اخوي حاله الطواري في كل الولايات الساحليه

[حميداني]

الله يحفظكم ويردكم سالمين

[طبيب قطري]

الله يحفظكم ويردكم سالمين


تسلم اخوي..

[sendarala]

الله يحفظكم وتردون سالمين يا رب

[penguin]

ج: مافينا نحكيهم عددهم كتير !

عطوني ارقامهم واكلمهم عنكم :rolleyes2:

[لمعة الالماس]

الله يحفظهم

الاعصار في اي ولاية بالضبط؟

[Innovative]

الله يحفظكم ويردكم سالمين يا رب

[Aaziz]

الله يحفظهم

الاعصار في اي ولاية بالضبط؟


فيه موضوع مخصص لمتابعه تطورات الوضع في امريكا
http://qatarshares.com/vb/showthread.php?t=529884&page=2
مسويه اخونا محمد الله يجزاه خير

[Chambray]

كلموا الدوحة وقولوهم الي صار لكم مع السفارة وان مافي اي تحذير جانا او ارشاد من السفارة

[الخزرجي قطر]

جزاكم الله خير الله يحفظكم ويبعد عنكم مخاطر الاعصارويبعد عنكم كل شر

[طبيب قطري]

كلموا الدوحة وقولوهم الي صار لكم مع السفارة وان مافي اي تحذير جانا او ارشاد من السفارة



يكلمون من بالضبط في الدوحه؟؟

[غايه الطواش]

اخوة المواطنين القطريين في الولايات المتحدة الامريكية،،، نحيطكم علماً بان السلطات الامريكية قد اعلنت حالة الطوارئ في العديد من الولايات بسبب الاعصار ساندي الذي يضرب حاليا منطقة الكاريبي ويتقدم نحو السواحل الشرقية للولايات المتحدة. عليه ، يرجى اخذ اقصى درجات الحيطة والحذر والاستعداد للوصول المحتمل للعاصفة وتخزين الاحتياجات الضرورية لا سيما مع توقع انقطاع التيار الكهربائي وعدم التنقل اثناء حدوث العاصفة والبقاء في مكان امن . .
للاتصال بالسفارة في حال الطوارئ:

Emergency/Relocation: (202) 390-1345 Available 24/7


Main number: (202) 274-1600 Monday to Friday from 9am to 5pm

Diplomats' and Staff's emergency access numbers:

(202) 469-1900
(202) 812-1666
(202) 716-7878
(202) 269-7555

من موقع السفاره

[طبيب قطري]

حاليا بنيويورك

[غايه الطواش]

شنو الي حاليا بنيويورك؟

[برشلوني قطر]

انا اتصلت فيهم وماردو..

انا رايح علاج والمشكله لا انا اعرف انجليزي ولا الشباب القطرين الي معاي ف نفس المبنى

يعرفون انجليزي..والله الناس معتفسين واحنا ع ويهنا نشوف التلفزيون وضايعين فالطوشه..

بس موضوع اخونا محمد الله يجزيه خير ماعطين الاخبار اول بأول..

الله يسهل الامور ويبعد الشر

[غايه الطواش]

اخوي برشلوني اهم شي تاخذ لك اكل وماي حق اسبوع وتاخذ لك كم بجلي

هنيه االمريكان الله بالخير والمحافظ يحذر واباما القى كلمه يحذر فيها

[برشلوني قطر]

اخوي برشلوني اهم شي تاخذ لك اكل وماي حق اسبوع وتاخذ لك كم بجلي

هنيه االمريكان الله بالخير والمحافظ يحذر واباما القى كلمه يحذر فيها


والله نسيت اخذ بجلي:eek5:

[غايه الطواش]

بسرعه انزل خذ لك فيه وقت

[برشلوني قطر]

بسرعه انزل خذ لك فيه وقت


كلمت الربع قالو خذنا لك شمعه:eek5:

تمشي الحال

[غايه الطواش]

شنو شمعه ؟؟
شتسوي ؟؟

خل يخلون الاجوا الرومانسيه عنهم وياخذون شي عدل

[إعلامي قطر]

بصراحه شي يترقع وشي مايترقع !

إللي يقهر بالموضوع إني شخصيآ عارف إن بهالوقت بالتحديد
فيه طالبات قطريات من كذا جهه متواجدين بنيويورك حاليآ !!

السفاره موقفها محرج جدآ ولا سمح الله لو صار شي
لأي حد من هالشوفات من المسؤول ومن راح يتحاسب ؟

هل يُعقل إن السفاره ماتعرف من الداخل لأمريكا ؟
من زود عددنا يعني ولا شالسالفه ؟

معاي طالب إماراتي سفارته خذوه من المطار
وسنعوه من الألف للياء وهم تعدادهم أكثر منا..

الله يرحم أيام سفارتنا القطريه بمصر وخدمتهم الممتازه
وتواصلهم معانا وحتى المطار يوصلونا منه وله !

ليش إحنا ما نبدى نخطط إلا عقب الفلعه !

السفاره تدري عن هالإعصار من فتره وكان الأجدر
إنه يكون فيه تنسيق وحرص أكثر ع القطريين عموما !

عمومآ الله يحفظهم جميعآ
وحسبي الله ونعم الوكيل
في كل مقصر..

[برشلوني قطر]

ههههههههههههههه

عاد ارجعو الحين..استحي اقولهم..

بروح اشوف اذا احصل قريب..اذا صار فيني شي ع مسؤوليتج<<الظاهر بتخترب العمليه..:weeping:

[.. الكاش ..]

الله المستعان

[طبيب قطري]

بصراحه شي يترقع وشي مايترقع !

إللي يقهر بالموضوع إني شخصيآ عارف إن بهالوقت بالتحديد
فيه طالبات قطريات من كذا جهه متواجدين بنيويورك حاليآ !!

السفاره موقفها محرج جدآ ولا سمح الله لو صار شي
لأي حد من هالشوفات من المسؤول ومن راح يتحاسب ؟

هل يُعقل إن السفاره ماتعرف من الداخل لأمريكا ؟
من زود عددنا يعني ولا شالسالفه ؟

معاي طالب إماراتي سفارته خذوه من المطار
وسنعوه من الألف للياء وهم تعدادهم أكثر منا..

الله يرحم أيام سفارتنا القطريه بمصر وخدمتهم الممتازه
وتواصلهم معانا وحتى المطار يوصلونا منه وله !

ليش إحنا ما نبدى نخطط إلا عقب الفلعه !

السفاره تدري عن هالإعصار من فتره وكان الأجدر
إنه يكون فيه تنسيق وحرص أكثر ع القطريين عموما !

عمومآ الله يحفظهم جميعآ
وحسبي الله ونعم الوكيل
في كل مقصر..


الدنيا عيد والسفاره الظاهر ماخذين أجازه !!!

[طبيب قطري]

شنو شمعه ؟؟
شتسوي ؟؟

خل يخلون الاجوا الرومانسيه عنهم وياخذون شي عدل





كلامج مضبوط
وبعيد الشر الشموع مع ها لرياح القويه ممكن تسبب حرايق.. استعمل البجلي مالهم والي فهمته انك رايح علاج يعني افضل ما تقعد بروحك ، حاول تكون مع جروب..

[Aaziz]

عليكم بهذا النوع من الاضائه قيمته رخيص و تلقونه بالجمعيات اخذو منه كميات

تكسر العصا و ترجه و ينور فعلا ،،انا مجربه و يستمر ساعات والع احسن من الشموع و امن ،، اجلكم الله للحمام و تحطه في زوايا الغرفه

حتى ينعلق على الجسم و انت تمشي بالظلام عشان محد يدعم حد :nice:

http://www.officerstore.com/store/products/20120202090434_Photo1.jpg

[طبيب قطري]

عجبني بالموضوع انه حتي واحنا بأمريكا ندخل علي منتدي الآسهم .. الله يجمعنا على الخير دائماً ..

[برشلوني قطر]

بصراحه شي يترقع وشي مايترقع !

إللي يقهر بالموضوع إني شخصيآ عارف إن بهالوقت بالتحديد
فيه طالبات قطريات من كذا جهه متواجدين بنيويورك حاليآ !!

السفاره موقفها محرج جدآ ولا سمح الله لو صار شي
لأي حد من هالشوفات من المسؤول ومن راح يتحاسب ؟

هل يُعقل إن السفاره ماتعرف من الداخل لأمريكا ؟
من زود عددنا يعني ولا شالسالفه ؟

معاي طالب إماراتي سفارته خذوه من المطار
وسنعوه من الألف للياء وهم تعدادهم أكثر منا..

الله يرحم أيام سفارتنا القطريه بمصر وخدمتهم الممتازه
وتواصلهم معانا وحتى المطار يوصلونا منه وله !

ليش إحنا ما نبدى نخطط إلا عقب الفلعه !

السفاره تدري عن هالإعصار من فتره وكان الأجدر
إنه يكون فيه تنسيق وحرص أكثر ع القطريين عموما !

عمومآ الله يحفظهم جميعآ
وحسبي الله ونعم الوكيل
في كل مقصر..


اتصدق اخوي...والله ان الحين متصلي سواق كان يوصلني المستشفى يوصيني

ايش اسوي ويقولي حاسب وسو كذا وكذا..

الله المستعاااان


كلامج مضبوط
وبعيد الشر الشموع مع ها لرياح القويه ممكن تسبب حرايق.. استعمل البجلي مالهم والي فهمته انك رايح علاج يعني افضل ما تقعد بروحك ، حاول تكون مع جروب..


قبل يومين راح اخوي..بس ف شباب اهل قطر فالطابق الي فوقي ومايقصروون

ومب مخلييني كل اشوي عندي..الله يجزيك ويجزيهم خير


عليكم بهذا النوع من الاضائه قيمته رخيص و تلقونه بالجمعيات اخذو منه كميات

تكسر العصا و ترجه و ينور فعلا ،،انا مجربه و يستمر ساعات والع احسن من الشموع و امن ،، اجلكم الله للحمام و تحطه في زوايا الغرفه

حتى ينعلق على الجسم و انت تمشي بالظلام عشان محد يدعم حد :nice:

http://www.officerstore.com/store/products/20120202090434_photo1.jpg

للاسف اخوي بوسعود قبل اشوي رحت الجمعيه سوبرماكت ماحصلت ولا بجلي ولا

نفس الي عندك...ماحصلت الا شموع...

ربك الحافظ

[خزامئ]

الله يحفض جميع الطلبه القطريين
والمسلمين اجمعين

[Aaziz]

برشلوني ،، شوف ممكن يوفرونها لك اداره السكن ،، روح للريسبشن ،، هذي الاضاءه مايخلا منها مكان في امريكا . و على الاقل بيشوفون لك اقرب مكان يبيعها .
و اذا تعذر عليك شي كلمني (من شوي طرشت لك رساله على التلفون و رديت علي) :victory:

[برشلوني قطر]

برشلوني ،، شوف ممكن يوفرونها لك اداره السكن ،، روح للريسبشن ،، هذي الاضاءه مايخلا منها مكان في امريكا . و على الاقل بيشوفون لك اقرب مكان يبيعها .
و اذا تعذر عليك شي كلمني (من شوي طرشت لك رساله على التلفون و رديت علي) :victory:

هلا هلا الغالي..

هو ف مكان بس اشوي مشواار..

بشوف الرسبشن عقب..بس شنو بجلي بالانجليزي :rolleyes2: ؟؟

[غايه الطواش]

هلا هلا الغالي..

هو ف مكان بس اشوي مشواار..

بشوف الرسبشن عقب..بس شنو بجلي بالانجليزي :rolleyes2: ؟؟


flashlight

[برشلوني قطر]

flashlight


شكرا

مساعه قلت له لايت...طلع لي ولاعه حق الفرن:eek5:

[Aaziz]

torch light

بجلي

[غايه الطواش]

لا الولاعه lighter

[مضاد]

انا في امريكا وشايف الوضع ولاهي بول مرة .، وحتى اللي في الهند وسند يعرف هذا.



في تحذير للمنطقه اللي ممكن يضربها الاعصار و في خطة اجلاء من الحكومة الامريكية .

على اااااعلى مستوى .


وسفارتنا في واشنطن ايش ممكن تقدر اسوي اكثر .

يا اخي خلك واقعي و اطلب المستطاع .

[طبيب قطري]

تورش لايت = بجلي

[برشلوني قطر]

انا في امريكا وشايف الوضع ولاهي بول مرة .، وحتى اللي في الهند وسند يعرف هذا.



في تحذير للمنطقه اللي ممكن يضربها الاعصار و في خطة اجلاء من الحكومة الامريكية .

على اااااعلى مستوى .


وسفارتنا في واشنطن ايش ممكن تقدر اسوي اكثر .

يا اخي خلك واقعي و اطلب المستطاع .




اقل شي ياخوي تتواصل مع المواطنين الي مب عارفين ايش يسوون ولا مرت

عليهم نفس الاوضاع..

معليش اخوي انت يمكن اتعرف انجليزي وعارف الوضع لاكن ف ناس مايعرفون

ف ذي الامور..محتاجين من يوجهم...ع الاقل بمسجات او توجيه نصايح الخ..

او ع الاقل يردوون مب حاطين مسجات تتصل محد يرد

[طبيب قطري]

(قد ضااقت بنا الآفاق فمن لنا غيرك يستجيب الدعاء)..

الله المستعان

[MoHaMmEd114]

وشلي مقعد كم

قصوا تذاكر وأرجعوا

يعني السفارة بتنصحكم تقطعون تذاكر

اما المجلس الاعلى للتعليم

ماعندهم اجراءات لمثل هالكوارث

بس الروح اهم منهم

[طبيب قطري]

الرحلات الخارجية والداخليه متوقفه حتي أشعار آخر ..

[برشلوني قطر]

وشلي مقعد كم

قصوا تذاكر وأرجعوا

يعني السفارة بتنصحكم تقطعون تذاكر

اما المجلس الاعلى للتعليم

ماعندهم اجراءات لمثل هالكوارث

بس الروح اهم منهم


ف ناس يتعالجون يا اخوي..بودهم يقعدون ؟

[Mr. H]

المشكلة أن الاعصار تكون قريب من مدينتي ( فلوريدا ) , و الصراحة كان قوي و تحس البيت بيطيح عليك من قوة الهواء ( لكن مجرد صوت ) و اما المطر ف من قوة الرياح و صل لين اخر السيب مع ان اقرب فتحة له تبعد يمكن 5 متر , بس على حسب الاخبار أن سرعته و قوته زادت من بعد ما عدى فلوريدا و الحين متوجة صوب نيويورك و والعاصمة الامريكية , فاتوقع بيجيكم اقوى من الي جانا

لكن اهم شي

1- بطاريات و بجلي
2- ماء
3- اغذية معلبة
4- ازبن في العمارة ولا تطلع لين ما تشوف الاخبار
5- ابعد عن الدريشة وقفلها عدل
6- عب جوالك للاخر لان احتمال تنقطع الكهرباء و الانترنت
7- بلغ السفارة بموقعك و معلوماتك
8- تابع أخبار الاعصار أول بـ اول في الانترنت أو التلفزيون أو مع حارس العمارة
9- اذا تقدر تبات عند أحد من اخوياك يكون احسن


و ان شاء الله خير , الله يستر عليكم و يحفظكم

[السكين]

الله يحفظكم

مالنا غير الدعاء لكم الله يستر عليكم جميعاً

[الشـــــــنب]

أخ برشلوني وكل أمرك لله فقط و لا تخف و ربنا يرجعك و يرجع كل المسلمين سالمين غانمين لديارهم

[Stranger Man]

الله يستر على المسلمين انا طيارتي على واشنطن دي سي عقب اسبوع والمدينه في فلوريدا الظاهر بأجل الكورس لين ماتستقر الامور ، الله يحفظكم يا اخوان

[ابوعلي]

كلموا الدوحة وقولوهم الي صار لكم مع السفارة وان مافي اي تحذير جانا او ارشاد من السفارة

الامارات والسعودية حذروا رعاياهم وللاسف مدام الي ردت ما تنتمي لقطر وين تبي قلبها على القطريين

الحين مب وقت المحاسب ولكن لازم وقفة محاسبة من وزارة الخارجية للسفارة القطرية لأن مثل هالامور واضحة واجراءات روتينيه وما تحتاج لمعجزة حتى تتنفذ ولكن تحتاج لاهتمام وحرص على اخوانا وخواتنا المبتعثين للدراسة او العلاج


والله يحفظ اخوانا وخواتنا والجميع

[REEMajesty]

جزاك الله خير
الله يكثر من امثالك

[Chambray]

يكلمون من بالضبط في الدوحه؟؟

المشكلة ان مافي حد من اعضاء السفارة كلمهم الي كلمهم لبنانية سكرتيره هناك مايهمها ارواح اهل قطر

المفروض الاتصال يكون بارقام الطوارئ في وزارة الخارجية القطرية .. وإبلاغهم بهذه الحادثه

[نتفـه]

لا حول و لا قوة الا بالله
الله يحفظكم ان شاء الله ..
وجزاه الله خير راعي الموضوع انه سعى لسلامة عيال بلادي
في ميزان حسناتك ان شاء الله ..

[برشلوني قطر]

المشكلة أن الاعصار تكون قريب من مدينتي ( فلوريدا ) , و الصراحة كان قوي و تحس البيت بيطيح عليك من قوة الهواء ( لكن مجرد صوت ) و اما المطر ف من قوة الرياح و صل لين اخر السيب مع ان اقرب فتحة له تبعد يمكن 5 متر , بس على حسب الاخبار أن سرعته و قوته زادت من بعد ما عدى فلوريدا و الحين متوجة صوب نيويورك و والعاصمة الامريكية , فاتوقع بيجيكم اقوى من الي جانا

لكن اهم شي

1- بطاريات و بجلي
2- ماء
3- اغذية معلبة
4- ازبن في العمارة ولا تطلع لين ما تشوف الاخبار
5- ابعد عن الدريشة وقفلها عدل
6- عب جوالك للاخر لان احتمال تنقطع الكهرباء و الانترنت
7- بلغ السفارة بموقعك و معلوماتك
8- تابع أخبار الاعصار أول بـ اول في الانترنت أو التلفزيون أو مع حارس العمارة
9- اذا تقدر تبات عند أحد من اخوياك يكون احسن


و ان شاء الله خير , الله يستر عليكم و يحفظكم


مشكووور اخوي ع النصاايح...بارك الله فيك


أخ برشلوني وكل أمرك لله فقط و لا تخف و ربنا يرجعك و يرجع كل المسلمين سالمين غانمين لديارهم


اللهم آمين

ونعم بالله ياخوي..الحمدلله متوكلين ع الله ولين يصيبنا الا ماكتب الله لنا

[Chambray]

مشكووور اخوي ع النصاايح...بارك الله فيك




اللهم آمين

ونعم بالله ياخوي..الحمدلله متوكلين ع الله ولين يصيبنا الا ماكتب الله لنا

اخبارك يا اخوي برشلوني قطر . ان شاء الله انك طيب ؟؟ واخبار الاعصار ؟

[طبيب قطري]

الله المستعان

[برشلوني قطر]

اخبارك يا اخوي برشلوني قطر . ان شاء الله انك طيب ؟؟ واخبار الاعصار ؟


الحمدلله بخير وطيب...

امطار وهوى..لاكن الوضع مستغر الحمدلله

[غير البشر]

الله يحفظكم ويحفظ كل المسلمين

اللهم امين

[برشلوني قطر]

اشكر الاخ ناصر السعدي مدير الملحق الطبي ف واشنطن..توه متصل

يتطمن ويسأل ويوصي...

الله يجزيك خير يابوعلي

[معماري قطري]

بصراحه شي يترقع وشي مايترقع !

إللي يقهر بالموضوع إني شخصيآ عارف إن بهالوقت بالتحديد
فيه طالبات قطريات من كذا جهه متواجدين بنيويورك حاليآ !!

السفاره موقفها محرج جدآ ولا سمح الله لو صار شي
لأي حد من هالشوفات من المسؤول ومن راح يتحاسب ؟

هل يُعقل إن السفاره ماتعرف من الداخل لأمريكا ؟
من زود عددنا يعني ولا شالسالفه ؟

معاي طالب إماراتي سفارته خذوه من المطار
وسنعوه من الألف للياء وهم تعدادهم أكثر منا..

الله يرحم أيام سفارتنا القطريه بمصر وخدمتهم الممتازه
وتواصلهم معانا وحتى المطار يوصلونا منه وله !

ليش إحنا ما نبدى نخطط إلا عقب الفلعه !

السفاره تدري عن هالإعصار من فتره وكان الأجدر
إنه يكون فيه تنسيق وحرص أكثر ع القطريين عموما !

عمومآ الله يحفظهم جميعآ
وحسبي الله ونعم الوكيل
في كل مقصر..

السفارة القطرية إخوي ما تقصر

يوم اعصار 1992 في ميامي أعتقد أندرو إذا ما نسيت الإسم .. جاو زيارة شكثرهم وطمنونا انهم بيعينون كل طالب واستوينا خبر وحديث لباقي الطلاب الخليجييين.

بس راحوا والربع اللي طلبوا إعانة من وكالة الإغاثة من الكوارث الفيما وصلتهم تقديرات احتياجاتهم بسرعة .. والطلبة الخليجيين سفاراتهم ما قصرت ... وربعنا نسونا المهم جاوا واستانسوا شوي ورجعوا

[متفائل وايد]

بتعدي على خير ... اشوف اليهال في شوارع ديترويت .. والله يهون على جميع المسلمين

[غايه الطواش]

السفارة القطرية إخوي ما تقصر

يوم اعصار 1992 في ميامي أعتقد أندرو إذا ما نسيت الإسم .. جاو زيارة شكثرهم وطمنونا انهم بيعينون كل طالب واستوينا خبر وحديث لباقي الطلاب الخليجييين.

بس راحوا والربع اللي طلبوا إعانة من وكالة الإغاثة من الكوارث الفيما وصلتهم تقديرات احتياجاتهم بسرعة .. والطلبة الخليجيين سفاراتهم ما قصرت ... وربعنا نسونا المهم جاوا واستانسوا شوي ورجعوا

ههههههههههههههههه

خوش بشاره :nice:

بس الله يعلم اموري كلها تمام مع القنصليه ،

والحمدالله .

[معماري قطري]

ههههههههههههههههه

خوش بشاره :nice:

بس الله يعلم اموري كلها تمام مع القنصليه ،

والحمدالله .

الله ييسر اموركم انا اللي قهرني قبل ليش يجون ويقولون بنعوضكم.. ولا سفارتنا أكيد مل تقصر في شيء.

[الصغيره]

دام اللي بالاداره لبنانيه وش ترجون من فايده

لو حاطين واحد من عطران الشوارب كان الامور طيبه لكن ايش نسوي هذا هو الحال

[ديمقراطي]

اتوجه بخالص شكري للسفاره على وضع ارقام للاتصال وتلبية جميع الاتصالات تحذير المواطنين وتامين سكن للمحاتجين في اوقات الازمات مثل الكارثه الحاصله حاليا في واشنطن

[بورصواوي]

انا سمعت ان الاعصار في نيويورك مش واشنطن

[حسن]

المفروض الناس عارفه ان هناك اعصار قادم ماروح له اغير مكاني وبلادي
وبعدين الكل يسمع الاخبار وتجيه العلوم الحين اللي في الخرخير يعرف عن سدني
ويجيب الله خير

[عزووز قطر]

واليوم الخبر في الجريدة

والقطرية ألغت جميع الرحلات المتوجهة لواشنطن

اله يحفظ اهلنا هناك

[l0o0rd-qtr]

يحطون لبنانيه والسفاره قطريه !!!

[طبيب قطري]

السفارة القطرية إخوي ما تقصر

يوم اعصار 1992 في ميامي أعتقد أندرو إذا ما نسيت الإسم .. جاو زيارة شكثرهم وطمنونا انهم بيعينون كل طالب واستوينا خبر وحديث لباقي الطلاب الخليجييين.

بس راحوا والربع اللي طلبوا إعانة من وكالة الإغاثة من الكوارث الفيما وصلتهم تقديرات احتياجاتهم بسرعة .. والطلبة الخليجيين سفاراتهم ما قصرت ... وربعنا نسونا المهم جاوا واستانسوا شوي ورجعوا



اتفق معاك .. يمكن ماكان في تنسيق في اولها .. بس بصراحه السفاره كلموني وماقصروا

[مضاد]

يشهد الله انهم ما قصروا ، وجزاهم الله خير .

[معماري قطري]

اتفق معاك .. يمكن ماكان في تنسيق في اولها .. بس بصراحه السفاره كلموني وماقصروا

ما قصدت يا اخوي التنسيق .. الضرر جا مادي على الكل تقريباً، وبدرجات وربعنا في السفارة كانوا أول الواصلين ووعود بالتعويضات الزينة ذاك الوقت وراحوا ولا شفنا شيء ... بس سفرة للوناسه كانت .. صدقني جات تعويضات للي قدموا بلاغ للفيما وجات تعويضات لبعض الخليجيين واحنا لا .. والإعصار اللي ضرب ميامي كان بقوة 5 يعني أسرع اعصار في تاريخ فلوريدا واعتقد أمريكا كلها.

[Black Cat]

غريبه بصراحه كنت افتخر بسفارات قطر لما يقدمونه للمواطنين وبما انني احتجتهم في دولتين مختلفتين والله ماقصروا جزاهم الله خير
لكن الاغرب هو اللبنانيين لاحقينا حتى في واشنطن ؟

[ssh50002005]

اخ برشلوني للأسف كلامك غير صحيح بالنسبة للسفارة في واشطن او المكتب الليبي الاخ ناصر السعدي لم يتصل بنا اي مسؤول حتى الاطمئنان علينا نحن مجموعة قطريين موجدين في جيرسي الشقق تضررت عند البعض والبعض انقطعت الكهرباء عندة الى اليوم الخميس الساعة أثنا عشر مساء لم يتصل بنا احد اما اذا كان عندك واسطة فهذا شي ثاني

[برشلوني قطر]

اخ برشلوني للأسف كلامك غير صحيح بالنسبة للسفارة في واشطن او المكتب الليبي الاخ ناصر السعدي لم يتصل بنا اي مسؤول حتى الاطمئنان علينا نحن مجموعة قطريين موجدين في جيرسي الشقق تضررت عند البعض والبعض انقطعت الكهرباء عندة الى اليوم الخميس الساعة أثنا عشر مساء لم يتصل بنا احد اما اذا كان عندك واسطة فهذا شي ثاني


اخوي بارك الله فيك..ماله داعي تكذبني واتقول غير صحيح ..انا مريض وهو مسؤول..

واذا اتفكر ان عندي واااسطه على فكره احب اوضح لك نقطه ..

انا لي موضوع في هذا المنتدى موجه انتقاااد للمكتب الطبي ف بعض التصرفات..وهذا

الموضوع قبل فتره..

بس بالمقابل اذا حدث شي اشكر عليه اي شخص لا بالله باشكره حتى لو كنت منتقده..

لاكن بخصوص محد اتصلك وانت مريض هذا الشي مب عندي اجابته..لاكن يوم

الاعصار آخر الليل كان مافي ارسال وطرش مسج يتطمن واتصل والربع الي شفتهم معاي

فالسكن بعد سأل عنهم..مع ان كان عندي عتب ان المفروض يصير ترتيب قبل الاعصار

دام ان الخبر موجود من قبل عن الاعصار..

[ابوعلي]

اخوي بارك الله فيك..ماله داعي تكذبني واتقول غير صحيح ..انا مريض وهو مسؤول..

واذا اتفكر ان عندي واااسطه على فكره احب اوضح لك نقطه ..

انا لي موضوع في هذا المنتدى موجه انتقاااد للمكتب الطبي ف بعض التصرفات..وهذا

الموضوع قبل فتره..

بس بالمقابل اذا حدث شي اشكر عليه اي شخص لا بالله باشكره حتى لو كنت منتقده..

لاكن بخصوص محد اتصلك وانت مريض هذا الشي مب عندي اجابته..لاكن يوم

الاعصار آخر الليل كان مافي ارسال وطرش مسج يتطمن والربع الي شفتهم معاي

فالسكن بعد سأل عنهم..مع ان كان عندي عتب ان المفروض يصير ترتيب قبل الاعصار

دام ان الخبر موجود من قبل عن الاعصار..

اخوي برشلوني قطر

الحمدلله على السلامة

ومثل ماقلت المفترض الترتيب فبل الاعصار وخاصة ان كل شي متوقع

[برشلوني قطر]

اخوي برشلوني قطر

الحمدلله على السلامة

ومثل ماقلت المفترض الترتيب فبل الاعصار وخاصة ان كل شي متوقع


الله يسلمك من الشر اخوي بوعلي..

وفعلا اخوي ذي الملاحظه كانت موجوده..وانا وصلت ذي الشي لهم..

الحمدلله ع كل حال

[خالد32]

الحمد لله على السلامة للجميع و ان شاء الله يتعدل الوضع
اعتقد مسؤلية التحذير تكون للدولة المستضيفة اما اذا كان خطر مستهدف للمواطن القطري فتكون مسؤلية الخارجية القطرية
ما اعتقد محد عنده خبر عن الاعصار و الدنيا قايمة فوق و تحت في امريكا و اقل شي الواحد يسأل او يتصل بنفسه
لي متى ننطر حد يوجهنا و يخلصنا. لهدرجة احنا متكاسلين حتى في حماية نفسنا من الجو؟؟؟؟

الله يهديكم و يحفظكم

[ssh50002005]

الاخ العزيز برشلوني قطر تحية لك ولجميع الاعضاء والقراء أتا لا كذبك بس نقول هناك تقصير من السفارة والمكتب الطبي اما عن الإعصار فنحن وللة الحمد قد أخذنا موضوع الإعصار وأخذنا الاحتياط اللازم بتامين انفسنا بالحجز بالفنادق المجاورة ومع هذا سمعنا اليوم الجمعة ان شخص سوداني شغال في السفارة بواشطن موجود بنيويورك لمتابعة لمرضى

[شميرام]

المفروض ينقلون المواطنين الي اقرب منطقه امنه قبل الإعصار اعتقد تحذيرات والتوقعات كانت قبل ضرب الإعصار بيومين ونص تكفي نقل المواطنين في نيويورك و نيو جيرسي الي اقرب منطقه امنه ،،، ول يقعدون متلتهين بدون كهرب وماي ،،،
خاصه المرضى وين يركبون وينزلون مافيهم حيل بعد طالب بدون كهرب يدبر عمره

[برشلوني قطر]

الاخ العزيز برشلوني قطر تحية لك ولجميع الاعضاء والقراء أتا لا كذبك بس نقول هناك تقصير من السفارة والمكتب الطبي اما عن الإعصار فنحن وللة الحمد قد أخذنا موضوع الإعصار وأخذنا الاحتياط اللازم بتامين انفسنا بالحجز بالفنادق المجاورة ومع هذا سمعنا اليوم الجمعة ان شخص سوداني شغال في السفارة بواشطن موجود بنيويورك لمتابعة لمرضى


اتفق معاك ان المفروض يكون الترتيب قبل...والحمدلله ع سلامتك..والله يحفظكم..

والله ياخوي بالنسبه للترتيبات الله يجزيهم خير الي فالمنتدى عطوني بعض النصايح

الي اتبعتها وفي نصايح ماكنت اعرفها وتوهقت فيها..

الحمدلله ع كل حال..والله يسهل الامور ان شاءالله