من عنده خبره في البروجكترات Projector يفيدنا مشكورا

[Aaziz]

السلام عليكم

ناوي اشتري بروجكتر لاستخدامها في البيت .. بدال شاشه التلفزيون

بديت البحث و اكتشفت انه البروجكترات بحر معلومات كثيره يبيلها شخص مجرب

توصلت الى ان ماركه Epson هي من افضل الماركات في البروجكترات

وتوصلت ايضا انه يوجد مصطلح اسمه lumens وهو حسب فهمي انه له علاقه في قوه الاضائه يعني كل مازاد اللومينوز كل ما امكن انك تقدر تشغل البروجكتر في الاضاءه عادي بدون لا تطفي الليتات

ولكن الي حيرني انه البروجكترات انواع ،، مثلا نوع يسمى بدوكتر مسرحي (للسنمى المنزليه)
ونوع للبزنز (تقديم بروجكت)
ونوع للملتي ميديا

ولا اعرف اي نوع هو الي يناسب لي او ايش الفرق بين هذي الانواع

حاليا قدامي هذا النوع .. مادري هل هو مناسب او لا

معلومات البروجكتر هنا (http://www.amazon.com/Epson-Projector-Portable-Widescreen-brightness/dp/B005J31BCO/ref=wl_it_dp_o_pC_nS_nC?ie=UTF8&colid=T20SX127W79&coliid=I7OGKQC4QU5ZA)
Epson MegaPlex MG-850HD

[بوNasser]

السلام عليكم ورحمة الله
يمكن انا ما افيدك وايد بس بناء على المواصفات المذكورة و اراء بعض المستخدمين اقدر اقول:

1- الجهاز يستخدم للعروض التقديمية (بور بوينت) مب لعرض الافلام ومشاهدة التلفزيون، فعادة في العروض التقديمية تكون الالوان اقل وكلها دوائر واشكال هندسية واحصاءات وقليل من مقاطع الفيديو، بينما في الافلام تلقى الالوان كثيرة بكل درجاتها، كذلك الحركة اكثر، ما اعتقد البروجكتر ممكن يظهرها بنفس سرعتها الحقيقية.

2- المصباح او (اللمبة) العمر الافتراضي لها 5000 ساعة تشغيل، لو قلنا بتستخدم الجهاز 13.5 في اليوم بتحتاج كل سنة تغيير اللمبة (وعادة سعرها غالي نسبيا، في امازون 160 دولار)

3- مروحة التبريد في الجهاز تصدر صوت خصوصا بعد ان يسخن الجهاز، وهذا لا يصلح في الاماكن الهادئة.

4- الجهاز فيه سماعات داخلية بس، اذا تبي سماعات اضافية لا زم توصلها بالمصدر اللي هو الكمبيوتر او التلفزيون او غيرهم.

5- اخيرا "وهذي من عندي" تحتاج طوفه مستوية، ومكان تحط فيه البروجكتر على الارض او في السقف بحيث ما فيه شي امامه يحجب الصورة من الجهاز الى مكان العرض (الطوفة مثلا) وايضا تحتاج تمديدات سلكية لوصل الجهاز، واذا مثل ما قلت تبي تستخدمه بدل التلفزيون اكيد بتحتاج وصلات رسيفر للصوت والصورة.

احنا في الشغل استغنينا عن البروجكتر ومشاكله وحطينا شاشة تلفزيون اكبر وافضل للمشاهدة حتى في النهار، وصرنا نستخدمه للعروض التقديمية (برزنتيشن) ولمشاهدة التلفزين (بس نشوف الاخبار) خبرك في الدوام ما يسير مسلسلات وكوره.

تحياتي لك وللجميع

[Aaziz]

الله يرحم والديك و يجزيك ربي الف خير،،، انت ذكرت اهم معلومه و هي منطقيه ان هذا البروجكتر مخصص للبرزنتيشن .
وهذا راح يخليني اغير قراري ولكن ببقى مع نفس الماركه .

اتوقع ان الي احتاجه يكون للسنما المنزليه او للملتي ميديا.

جزاك الله خير

[عازف الاورج]

انا انصح بالنوع المخصص للسينما المنزليه افضل وشراء شاشه للعرض تسمى ب البلاك بايموند ابحث عنها

[Aaziz]

انا انصح بالنوع المخصص للسينما المنزليه افضل وشراء شاشه للعرض تسمى ب البلاك بايموند ابحث عنها

تقصد الستاره البيضا ؟
و لو تعطيني الاسم الانجليزي افضل ،، حاولت ابحث عنها طلعت لي اشياء كثيره مالها علاقه

[عازف الاورج]

تقصد الستاره البيضا ؟
و لو تعطيني الاسم الانجليزي افضل ،، حاولت ابحث عنها طلعت لي اشياء كثيره مالها علاقه

تفضل الشيخ هذا موقع الشركه وعندهم اكثر من نوع

http://www.screeninnovations.com/