تاجير البطابط في سيلين !!

[اللوز]

اخواني الاعزاء
النصب واضح في تاجير البطابط في سيلين
كل واحد يحط سعره
لا حسيب ولا رقيب
بطبطه تاجيرها للساعة الواحدة 1200 ريال !!
اطالب بتوحيد الاسعار على حسب حجم المحرك
فمثلا تلاقي للاطفال بطبطة 50 سي سي
سعرها 50 ريال
محلات اخرى 80 ريال
علما بان هذه البطابط مكروفه كرف ولا توجد ببعض البطابط اضاءة في الليل ولا ارقام في حالة لا سمح الله حصل توقف للبطبطة
فنطالب من ادارة المرور وضع علامة للبطبطة ( جارمن ) في حال ضياع الاطفال وذلك من خلال وجود قطعة تركب في البطبطة توضح اين مقر البطبطة وكذلك تركيب عداد للبطبطة يوضح الزمن المتبقي للايجار
علما بان اماكن البطابط خلال هذا الموسم متقاربة جدا ولا توجد فواصل بينها ناهيك عن ازدحام السيارات والبطابط يمين ويسار
الله يحفظكم
وسلامتكم

[Rashid554]

وليش تبي المرور يتابع عيالك بواسطة الجارمن وانت ماتابعهم شوراك ؟
بخصوص الاسعار ماعندي خلفيه عنها

[دااانة قطر]

ياليت يمنعون الحريم والبنات

[اللوز]

وليش تبي المرور يتابع عيالك بواسطة الجارمن وانت ماتابعهم شوراك ؟
بخصوص الاسعار ماعندي خلفيه عنها

انا اقصد بشكل عام
وليس عيالي
يعني لو طفل ضاع كيف سيتم الوصول له ؟؟

[ابوالعبد]

والله اخوي بلا بطابط لا يحزنون ليش تعرض اطفالك للخطر

اما عن الاسعار لحد يستاجر منهم خلهم يخيسون او اشتر لك بطبطه تكون لك ملك احسن لك

[اللوز]

والله اخوي بلا بطابط لا يحزنون ليش تعرض اطفالك للخطر

اما عن الاسعار لحد يستاجر منهم خلهم يخيسون او اشتر لك بطبطه تكون لك ملك احسن لك

انت لو اتشوف شكثر الناس حق تاجير البطابط
حتى رحنا محل هناك
يقول Waiting List !!!!

:anger1::anger1::anger1::anger1::eek5::eek5::eek5: :eek5:

[Dark_QTR]

غريبة .. 1000 ريال مبالغ فيها جداً جداً
أنا أمس مأجر بولارس اب 400 ريال، وأشوفه سعر جيد.. سعر ال 300 سي سي وطالع اب 100 ريال للساعه.. أنت المفروض تأجر عند المحلات المشاهدة للمصنع ( مقابل الدوار الأخير قبل دوار الشاليهات) الأسعار جيده ممكن "تكاسر" معاهم..

من ناحية البنات ما بنات، حل منع التأجير من قبلهم ممكن ما يكون فعال، وإذا قلتوا الأمن بيدخل، ترى رجال الامن عندهم أشغال ثانية غير مراقبة بنات الناس! خصوصاً إن الخدمات إهناك "على قد الحال" .

من ناحية الأطفال، فأنصح بدراجات صغيرة لا تزيد عن 80 سي سي ، مع ارتداء معدات السلامة و القيادة في أماكن آمنه وتحت المراقبة الكل راح يرجع البيت مستانس

وسلامتكم

[البحار00]

اليوم رحت سيلين

وأجرت بطبطه الساعه ١٢٠ ريال

بس كلهم متفقين على سعر واحد

وعندهم كلمه وحده اذا ماتبي بهالسعر غيرك يبي

بس عقب اجازة العيد أظن كلام ثاني

[حميداني]

هذي التجاره والسعر ما تقدر تلوم عليه وانت حر مش ملزوم بهذا الشي
اما سالفة الماجلان فانا وياها 100% ان الموضوع كذلك لازم يكون له اجراءات قانونيه
علشان تحمي المستعملين فمثل هذه الاماكن توجب على اهل هالشغله اللي يتاجرون فيها انهم يأمنون
مواد الحمايه من خوذه وامور الزاميه على المستعمل وماجلان بعد ! لان هالحوادث والحالات تطري كثير فلازم يغرم من يهملها
ويجب الحيطه والحذر منها علشان ما ينقلب هذا المكان من مكان فرح وناسه الى مأاسي
نعم للنظام ولا للفوضويه

الله يوفقك اللوز

[بصمة قطرية]

الله يحفظ عيالنا وعيال المسلمين ..
البطابط حلوة و ممتعة بس بعقل
و مراقبة من الأهل ..

[.. الكاش ..]

1200 لساعه معقوله لاحول ولاقوه الابالله

[penguin]

1000
شدعوا @@
بعطيكم بطبطه تلعبون فيها فري
ديروبالكم ع اليهال
الله يحفظهم

[بومحمد المطاوعه]

اعتقد يقصد 120 ريال

مب 1200

خطأ مطبعي اعتقد

[الدوحي7]

نصب ونهب،،

[اللوز]

اعتقد يقصد 120 ريال

مب 1200

خطأ مطبعي اعتقد

لا اخوي مش خطا مطبعي
1200 عداً ونقداً

[The Watcher]

عفواً آخي الكريم .. بس ايش اللي حادك ؟
لو انا شريت بطبطة وعرضتها للايجار ٥٠ آلف ريال في الساعة ولقيت مستآجرين .. تتوقع بنزل السعر؟

القصد انك لو امتنعت انت وغيرك عن الاستئجار بالآسعار المبالغ فيها .. كانوا هم بنفسهم نزلولك السعر

[كتكوت الوحش]

الله يحفظ عيالنا وعيال المسلمين

[بومحمد المطاوعه]

لا اخوي مش خطا مطبعي
1200 عداً ونقداً

والعثررره شنو 1200

والله مادفعت

ياريال حوادث بالهبل المفروض

يجبرونهم بالخوذه

الهلمت

بس ماشوف لابسين ولا شي

[اللوز]

والعثررره شنو 1200

والله مادفعت

ياريال حوادث بالهبل المفروض

يجبرونهم بالخوذه

الهلمت

بس ماشوف لابسين ولا شي

تصدق في يومها
شفنا حادث واحد منقلب بالبطبطة الظاهر جنسيته انجليزي
جاه الاسعاف و4 دوريات
للاسف بدون خوذه ( الهلمت )

[هامور خرطي]

بعد الحوادث والتجاوزات والمشاكل مع ملاك البطابط خصوصا عند الترجيع ومحاولة البعض النصب اتمنى من هيئة السياحة تطور هذا
المشروع وتضع له ضوابط ونظام بعيدا عن النصب والاستغلال وخلوه يخيس عندهم مثل ماشفت مكروفين كرف اليهد والعمر الافتراضي للبعض انتهى

[Black Cat]

بصراحه المهم هو مراقبة السيفتي لديهم واجبارهم على اتخاذ اجرائات السلامه الاسعار يمكن التحكم بها بطريقه اخرى ولكن السلامه اهم

[شموخ]

ياليت توقفون تأجير البطابط على الكل مو بس على البنات حتى الأولاد لأن هالبطابط خطرعلى ارواح الناس اللي تروح تتمشى في سيلين وانا شفت سواقة هالشباب وطيشهم لما يشوفون العوائل تمر من صوبهم وكل واحد منهم يطلع شطارته

[بومحمد المطاوعه]

تصدق في يومها
شفنا حادث واحد منقلب بالبطبطة الظاهر جنسيته انجليزي
جاه الاسعاف و4 دوريات
للاسف بدون خوذه ( الهلمت )

اي والله كل يوم ياريال قلبه او حادث

والسبه هالبطابط الكجرره

ياليت كل مكتب يحوط له مكان نفس طعس صغير علشان لا يتباعدون هذوله الي يأجرون

الامارات فالبدايد كل محل محوط له طعس بالشبك ولازم هلمت

لاحوادث ولا شي الحمدلله

عاد هني اخر ناس بيحسوون فيهم

والله ياخوي الهلمت زين والسيفتي

انا الحمدلله ما انزل ف سكوتري الا لابس الهلمت ولايف جاكيت

اعرف اسبح الحمدلله بس في حاله الاغماء ترى تنزل القاع ولا حد يقدر يسحبك

من جذي البس لايف جاكيت وهلمت علشان لو تقلبت فالاسكوتر تضرب راسي ماتكسر ههههه لان علي حركات فالبحر مش اهلن

سكوتري مزوده وكله تطير وسباق واستعراض فالسيفتي مطلوب

الربع يقولون وين هلمت مايبيله
قلت لهم اوكي خل واحد فيكم تضرب راسه الاسكوتر وبيعرف
ماصار سبوع من كلامي

الا واحد من ربعنا تعور ومن بعدها كلهم لايف جاكيت
وهلمت ههههههه

وعلى طاري الايجار
ترى ياخوي كلهم عليميه
انا واحد متضرر دووم من الي يأجروون سكوترات فالبحر

3 مرات ادعموني وانا واقف عند المنزل تخيلل

واحد دعمني طيرني برع البحر الحمدلله اني لابس الهلمت ولا راح راسي

والثاني مأجر جت دعمني وركب فوق سكوتري الحمدلله نزلت منها قبل لايدوسني

الثالث صوب جزيره السافليه دعمني تقدر تقول وجه بوجه بس ربك ستر لفيت عنه ولا كنت بكسر ويها من الدعمه

الحمدلله على كل حال

يوم الاربعاء

واحد مأجر سكوتر ولف قدام رفيجي
ودعمه من الجنب

طبعا الاسكوتر تكسرت وغرقت نصها والمكينه خبطت

خذو على المأجر 7000 ريال
قيمه التصليح والمكينه
ورفيجي سكوتره اشوي تضررت
بس الحمدلله ماصار له شي
السبه كله من هالعليميه فالسواقه

طولت عليك ربي يحفظك

الله المستعان وربي يحفظهم الي يأجرون

[خالد32]

اتمنى يمنعون الياهال من ركوب البطابط و يلزمون الكبار بالخوذه

[اللوز]

بعد الحوادث والتجاوزات والمشاكل مع ملاك البطابط خصوصا عند الترجيع ومحاولة البعض النصب اتمنى من هيئة السياحة تطور هذا
المشروع وتضع له ضوابط ونظام بعيدا عن النصب والاستغلال وخلوه يخيس عندهم مثل ماشفت مكروفين كرف اليهد والعمر الافتراضي للبعض انتهى

اقتراح جميل نقدمه للهيئة العامة للسياحة
بخصوص وضع اسعار ملزمة لكل شركات تاجير البطابط
فان شاء الله يطلع هذا المشروع من منتدى شبكة الاسهم القطرية ليرى النور

[اللوز]

http://im27.gulfup.com/Z3iM1.jpg (http://www.gulfup.com/?7ATz8I)

الله يحفظ هذا الطفل
تحس ان البطبطة اكبر من طوله !!

[بصمة قطرية]

http://im27.gulfup.com/Z3iM1.jpg (http://www.gulfup.com/?7ATz8I)

الله يحفظ هذا الطفل
تحس ان البطبطة اكبر من طوله !!

للأسف بعض الأهالي مب مهتمين
عادي يأجر له اي بطبطة يبيها
ما يقول هاذي كبيره عليه
و ما يقدر عليها
و عقب يقولون ليش عيالنا ينقلبون الله يحفظهم
نروح دايماً و نشوف الأهالي اللي مهملين عيالهم بالبطابط ..
الحمدلله عيالي كل واحد ماخذين له على عمره
ولازم الخوذة :victory:

[بوخالد911]

اعرف الاسعار هناك

50 سي سي = 50 ريال
80 سي سي = 80 ريال
125 سي سي = 100


والله يحييكم

[اللوز]

اعرف الاسعار هناك

50 سي سي = 50 ريال
80 سي سي = 80 ريال
125 سي سي = 100


والله يحييكم

مشكور على توضيح للسعار
ويا ريت يتم وضع لائحة موحدة للاسعار من قبل وزارة البيئة

[عوآآآآشـي]

بصراحه البطابط يبيلها اهتماام اغلبها بدون إضاءة

[بومحمد المطاوعه]

الله كرييم وبنشوف الحل

[شبح الصمت]

توني اسمعهم يتكملون عنه في وطني الحبيب صباح الخير


وصارت كلام على الموضوع

[الرويـس]

لاتأجر

[اللوز]

بصراحه البطابط يبيلها اهتماام اغلبها بدون إضاءة

صحيح الكلام
وتخيلوا اني استأجرت بطبطة تشغيها بواير (سلك) !!

[البحار00]

اعرف الاسعار هناك

50 سي سي = 50 ريال
80 سي سي = 80 ريال
125 سي سي = 100

والله يحييكم
عند الفروسيه بالضبط اول محلات تاجير اتجيك وانت رايح الشاليهات
متفقين على سعر واحد

125cc ب 120 ريال ويحلفون انهم ارخص ناس

ولو رحت داخل شوي صوب الشاليهات تحصلها ب 100 للساعه

بس تصدقون واحد قالي من هالمكاتب لو جبت لي بطبطه وخليتها

عندي بطلع لك فايده منها بس ماقالي كم

وسالت في بوظبي عن سعرها جديده 14 الف ياماها 125 سي سي

بحكم ان مالها وكيل حاليا في قطر

[اللوز]

عند الفروسيه بالضبط اول محلات تاجير اتجيك وانت رايح الشاليهات
متفقين على سعر واحد

125cc ب 120 ريال ويحلفون انهم ارخص ناس

ولو رحت داخل شوي صوب الشاليهات تحصلها ب 100 للساعه

بس تصدقون واحد قالي من هالمكاتب لو جبت لي بطبطه وخليتها

عندي بطلع لك فايده منها بس ماقالي كم

وسالت في بوظبي عن سعرها جديده 14 الف ياماها 125 سي سي

بحكم ان مالها وكيل حاليا في قطر

مشكور اخوي على التوضيح
فعلا هناك تلاعب في الاسعار
لا حسيب ولا رقيب

[بوسلمان 2010]

لابطابط ولا شي الله يكفينا شره

[7llo]

الشيخ اذا عيالك اطفال اخذلهم اصغر شي وانت راقبهم مايحتاي القارمن وثاني شي العيال مايعرفون للقارمن صعب عليهم,, مم الاسعار ترتفع في الويك اند وعلى حسب الزحمه اخر مره انا ماجر سزوكي 400 ب 250 الساعه

[اللوز]

الشيخ اذا عيالك اطفال اخذلهم اصغر شي وانت راقبهم مايحتاي القارمن وثاني شي العيال مايعرفون للقارمن صعب عليهم,, مم الاسعار ترتفع في الويك اند وعلى حسب الزحمه اخر مره انا ماجر سزوكي 400 ب 250 الساعه

ما أتحس ان السعر غالي؟؟؟

[فلوس]

الي يقول الاسعار غاليه يروح يسال الشباب الي يملكون بطابط عن اسعار قطع الغيار في الدوحه
وارتفاع اسعارهاا .كيف عاد صاحب محل ويملك اكثر من 50 بطبطه كم تكلفه قطع الغيار هذا اذا توفرت وكانت موجوده .البطابط تقعد مختربه اياام لين تتصلح .ناهيك عن مصاريف العمال من اكل وشرب وغيره .
ومن ناحيه اخرى ان هذي المحلات الموجوده هي الوحيده الي حاصله على ترخيص وممنوع تصدر رخصه جديده لاي شخص كان لان البيئه وقفت التراخيص. يعني بالعربي ( مافي غيرنا تبي تستاجر حياك ماتبي كيفك )

[اللوز]

الي يقول الاسعار غاليه يروح يسال الشباب الي يملكون بطابط عن اسعار قطع الغيار في الدوحه
وارتفاع اسعارهاا .كيف عاد صاحب محل ويملك اكثر من 50 بطبطه كم تكلفه قطع الغيار هذا اذا توفرت وكانت موجوده .البطابط تقعد مختربه اياام لين تتصلح .ناهيك عن مصاريف العمال من اكل وشرب وغيره .
ومن ناحيه اخرى ان هذي المحلات الموجوده هي الوحيده الي حاصله على ترخيص وممنوع تصدر رخصه جديده لاي شخص كان لان البيئه وقفت التراخيص. يعني بالعربي ( مافي غيرنا تبي تستاجر حياك ماتبي كيفك )

يعني 50 بطبطة بتخترب كل يوم !!
كم ايجار البطبطة في اليوم الواحد ؟؟
لو فرضنا بحسبة بسيطة متوسط الايجار
50 بطبطة X السعر 150 ريال = 7500 ريال لليوم الواحد
اسبوعيا = 52500 ريال قطري
الشهر = 21000 ألف ريال

لمدة ستة أشهر ( فترة التخييم ) = 1260000
مليون ومائتان وستون الف ريال قطري
أي خسارة بعد هذا المبلغ ؟؟
:anger1::anger1::anger1::anger1::anger1:

[فلوس]

يعني 50 بطبطة بتخترب كل يوم !!
كم ايجار البطبطة في اليوم الواحد ؟؟
لو فرضنا بحسبة بسيطة متوسط الايجار
50 بطبطة X السعر 150 ريال = 7500 ريال لليوم الواحد
اسبوعيا = 52500 ريال قطري
الشهر = 21000 ألف ريال

لمدة ستة أشهر ( فترة التخييم ) = 1260000
مليون ومائتان وستون الف ريال قطري
أي خسارة بعد هذا المبلغ ؟؟
:anger1::anger1::anger1::anger1::anger1:

ومن قال انه ياجر ال50 بطبطه كل يوم الشغل بالويكند بس
لو الناس تمشي على حسبتك كل اهل قطر اشتغلوا بالبطابط:nice:

[اللوز]

ومن قال انه ياجر ال50 بطبطه كل يوم الشغل بالويكند بس
لو الناس تمشي على حسبتك كل اهل قطر اشتغلوا بالبطابط:nice:


خلاصة الموضوع
محد خسران من رعاة تاجير البطابط

[اللوز]

الله كرييم وبنشوف الحل

يدا بيد لايجاد الحلول المناسبة

[بومحمد المطاوعه]

يدا بيد لايجاد الحلول المناسبة

اي والله ياخوي

[حبر وقرطاس]

1000 ريال ؟؟؟؟؟؟؟؟؟؟؟؟؟؟؟؟


جهز العجره ياولد

[بومحمد المطاوعه]

1000 ريال ؟؟؟؟؟؟؟؟؟؟؟؟؟؟؟؟


جهز العجره ياولد

عندي عجره مالت لحسا ههههه

[اللوز]

نستغرب من هذه الاسعار

[بومحمد المطاوعه]

نستغرب من هذه الاسعار

مهما تتكلم مابتحصل رد جامد وردع لهم

يتلاعبون في الاسعار