مركز ابوسمرة

[Sari]

السلام عليكم.

بصراحة يأاخوان. أنا من الناس الي يسافرون. عن طريق البر يعني ف الشهر من ثلاث سفرات الى اربع. وتعقدت من المركز تخيل سيارة تأخذ ربع ساعة عند شباك الجوزات ! وعذرهم ندخل بيانات المسافر اول مره يدش قطر طيب مركز سلوى للعلم أنة قديم واجهزتهم قديمة ليش مايطول المسافر !

وش الحلللللل !!!!!

وسلامتكم

[حسن]

هم فعلا بطيئين الضاهر البيانات الطلوب ادخالها اكثر من بيانات الجواز مثل رقم السياره ونوعها
وموديلها وكم معاه

فعلا افضل نظام واسرع هو السعودي بدون نقاش
والمشكله عندنا لين الحين التطوير متاخر ولا عندهم جهاز يعطيك انتر وخلاص
الزين في السعودبه احيانا يختم على الورقه بدون مايفتح جواز سيده ختم ويقولك توكل تقوله الجوازات
يقولك توكل :)

[عزووز قطر]

عليكم السلام ورحمه الله

والله ياأخوي انا اختلف معاك
الاخوان والاخوات في مركز بوسمرة متعاونين لدرجة محد يتخيلها
وعندي شباب من الامارات والبحرين دوم يمدحون مركزنا

الله يعطيهم العافية ..

[Sari]

مرحباً اخوي حسن.

أنا اتكلم عن الجوزات

بيانات السيارة عن الجمارك ومافيه اشكال

التأخير في الجوازات

[Sari]

هلا اخوي عزوز.

أنا ثاني العيد دشيت المركز مع أذان المغرب وطافتني صلاة المغرب والعشاء ابشرك

[حسن]

مرحباً اخوي حسن.

أنا اتكلم عن الجوزات

بيانات السيارة عن الجمارك ومافيه اشكال

التأخير في الجوازات

انا ادري واعرف بس انا اضن وضني مايخيب
اتمني حد شغال هناك معانا ياكد ولا يصحح لمعلوماتي

[راس مشعاب]

بصراحة الله يجزاهم خير شباب بوسمرة عساهم عالقوة دوم
ابتسامة ومعاملة راقية وسرعة في الانجاز
وشي طبيعي انك تاخذ ربع ساعة الموضوع ممكن يحتاج الى تشييك امني
عالمسافر وربما صار تشابه بالاسماء مع واحد مطلوب او ممنوع وحب الموظف او الموظفة التاكد اكثر من بيانات المسافر لرفع اللبس او الشبهة عنه
فعشان جذي قالوا لك ادخال بيانات .
وهالشي بالعكس يحسب للموظف على تفانيه واخلاصه وحبه للعمل من اجل لو رجع هالمسافر مرة ثانية مايصير له تاخير وهذا نصيبك انك جيت ورى مسافر اول مرة يدش البلد .
المهم طولة البال وسعة الصدر وانا اخوك
بالنسبة لك امورك طيبة واكيد دام انك تسافر بالشهر زي ماتفضلت 3-4 مرات
بيكون انجاز معاملتك اسرع

[بومحمد المطاوعه]

جزاك الله خير على طرح هالموضوع

اولآ:
الله يحفظك في سفراتك وجياتك

ودرب السلامه ان شاءالله
ثانيآ :

مركز ابوسمره دقيق في كل شي ولله الحمد

النظام على الكمبيوتر يطول اشوي

السستم تغير مب نفس قبل

سستم يديد ودقيق واكثر سيفتي

بغض النظر عن السعوديه ولا غيرها

انت شوف ورقة الجمارك الي تاخذها من مركز بوسمره
و الورقه الي تاخذها من مركز سلوى
بياناتك في مركز بوسمره كامله صحيحه

من عدد الركاب + الاسم + رقم السياره + لون السياره ونوعها

اما في مركز سلوى وللأسف

بياناتك كلها غلط في غلط

الاسم غير صحيح
بيانات السياره غير صحيحه
عدد الركاب غلط في غلط

ولو تقوله ترى غلط يرد عليك شيقول...

عادي يمشي ....

اصلن اتحداه اذا عادي بس مركز بوسمره فيهم الخير يمشونه

ولا والله من حقهم يرجعون اي مسافر جاي من سلوى

وبيانات الورقه غلط

حتى لو على لون السياره

الكلام انا كتبته بتجربه شخصيه
لأن ولد خالي اماراتي ومركز سلوى عطوه بيانات غلط
مركز بوسمره رجعوه لسلوى وقالوله خلهم يعدلون البيانات

دايما اسافر وبيانات مركز سلوى والبطحاء غلط

عمرهم ماعطوني شي عدل

عدد المسافر مسجلين لي 7 وانا فالموتر 1

هههههههههههه بعيد الشر

اللهم لاشماته

بس العقل نعمه وواجب عليه التدقيق في هالأمور

تحياتي لك اخوي

[بومحمد المطاوعه]

وازيدكم من الشعر بيت قووووي وفصيح



مركز بوسمره اول ماتوصل تقول السلام عليكم

يردون عليك
وعليكم السلام ورحمه الله وبركاته

الكل مب البعض انا اقووووووووووول الكل

اما روح مركز سلوى

قول السلام عليكم

مايرد ونادر ماتحصل شخص بشوش ويرد السلام ويضحك

اما مركز بوسمره يتحمدون لك بالسلامه
والابتسامه شاقه ويها شق

وده ينزل يحضنك ويقولك نوووورتنا


طبعا انا اعم بس للأسف الاكثريه في مركز سلوى نفسيه الله اعلم ليش هالتعامل

والحمدلله على كل حال

[حسن]

ياولد المطاوعه انا اخرج مت بوسمرا موتري نيسان ويكتبون تويوتا بياناتي الاوليه
وين المشكله عادي لازم هل البيانات الدقيقه مقدم على مساعده ولا باتزوج
اوروربا وانتم تعرفون لان العالم كله مسافره برع ويتنقلون من بلاد الى بلاد بدون جمارك وجوازات
وحنا لين الحين كانك دخل قاعد عسكريه من هل المتاريس حواجز اشكال واللوان
شي من تحت الارض وشي ينزل من السماء وشي من الجنب
لو انا لي يد لافتح المراكز واشيلها بالدوزرات على بكره ابيها
علشان نتطور ونتقدم مثل الغرب اللى الكل يموت لو مايسافرون لهم بيموتون لو قعدو في بلدانهم
ووالله لايثورون

يازين الجيل الاول يسافرون ويروحون بدون شي لانهم جهله
وجيل المتعلمين تسافر وتروح جوازات وملكيات وتامين وغيره

[BoAof]

لا تقارن بوسمره ب سلوى
ترا مركز بوسمره لو وقفت فيه ساعه كامله بعد بكون مستانس
وما عمري تميت اكثر من 10 دقايق للامانه
بس من توصل المركز السعودي تتم على اعصابك لين تطلع منه وتحس انه هم وانزاح
طبعا البيانات خطء في خطء ومش حالك

[بومحمد المطاوعه]

ياولد المطاوعه انا اخرج مت بوسمرا موتري نيسان ويكتبون تويوتا بياناتي الاوليه
وين المشكله عادي لازم هل البيانات الدقيقه مقدم على مساعده ولا باتزوج
اوروربا وانتم تعرفون لان العالم كله مسافره برع ويتنقلون من بلاد الى بلاد بدون جمارك وجوازات
وحنا لين الحين كانك دخل قاعد عسكريه من هل المتاريس حواجز اشكال واللوان
شي من تحت الارض وشي ينزل من السماء وشي من الجنب
لو انا لي يد لافتح المراكز واشيلها بالدوزرات على بكره ابيها
علشان نتطور ونتقدم مثل الغرب اللى الكل يموت لو مايسافرون لهم بيموتون لو قعدو في بلدانهم
ووالله لايثورون

يازين الجيل الاول يسافرون ويروحون بدون شي لانهم جهله
وجيل المتعلمين تسافر وتروح جوازات وملكيات وتامين وغيره

صحيح اخوي تحدث اخطاء

بس مب كثر مركز سلوى

وبعدين هالبيانات ترى ماحطوها عبث

بس الي قاعد على الكمبيوتر ويطبع اهو يطبع عبث

كل شي وله قانون وهالبيانات ترى ضروريه

تخيل موتر ادعمك وشرد وتعطيهم الرقم ويطلع بيانات غلط فالسستم

ترى مافي شي وماله قانون

وعلى طاري اوروبا

ترى امريكا لو تكتب ورى اسمك بدال رقم الموتر عادي

بس فثواني يقدرون يسحبونك لو سويت شي

يعني عندهم اجهزه مطوره مانوصل لها احنا

يعني لاتقارن اخوي :)

تحياتي لك

[Dark_QTR]

ياولد المطاوعه انا اخرج مت بوسمرا موتري نيسان ويكتبون تويوتا بياناتي الاوليه
وين المشكله عادي لازم هل البيانات الدقيقه مقدم على مساعده ولا باتزوج
اوروربا وانتم تعرفون لان العالم كله مسافره برع ويتنقلون من بلاد الى بلاد بدون جمارك وجوازات
وحنا لين الحين كانك دخل قاعد عسكريه من هل المتاريس حواجز اشكال واللوان
شي من تحت الارض وشي ينزل من السماء وشي من الجنب
لو انا لي يد لافتح المراكز واشيلها بالدوزرات على بكره ابيها
علشان نتطور ونتقدم مثل الغرب اللى الكل يموت لو مايسافرون لهم بيموتون لو قعدو في بلدانهم
ووالله لايثورون

يازين الجيل الاول يسافرون ويروحون بدون شي لانهم جهله
وجيل المتعلمين تسافر وتروح جوازات وملكيات وتامين وغيره


والله يا أخوي حسن أنا أشوف الوضع جي أحسن بالجمارك و الحدود، على الأقل في أمن على الواردات في الدولة، في أوروبا، لو تهرب حشيش من ألمانيا لفرنسا محد بيدري عنك!
وبخصوص البيانات الخطأ، فهي خطرة وحساسة بدرجة عالية..

أفرض شخص من جنسية خليجية دش البلاد بمعلومات خاطئة، ومسجل في التقرير أن السيارة موديلها مختلف و لونها مختلف...، وخلي نقول دعم سيارتك و شرد... يوم تروح تبلغ راح تصير مشاكل كبيرة لأن ممكن ""مافي شخص دش البلاد بهالمواصفات"" وممكن يحط التهم على ناس آخرين وراح تضيع وقت أجهزة الامن.

فهالأمور صحيح إنها بسيطه و سخيفة و لكن لها تأثير فاعل!

[أنثى]

أما المراكز عالحظ يا تلاقيهم صاحيين ويدققون على كل شي والا ما يدرون عن الدنيا مرة كنا مسافرين الاحساء يوم او يومين بالكثير وبنرجع وكان جواز بنتي باقي له تقريبا 10 ايام وبينتهي قال لنا ما تطلعون لان الجواز بينتهي لازم تجديد قلنا كلها يومين قال هذا قانون.وفي مرة سافرنا الامارات تخيلوا طلعنا من قطر الى الامارات وقعدنا تقريبا 10 ايام واحنا راجعين من الامارات وقفنا الموظف يقول جواز البنت منتهي وما تقدر تطوف وسألنا انتوا من متى في دبي قلنا له من اسبوع يقول مستحيل جواز البنت منتهي من شهرين خخخخخخخ دخلنا عادي واحنا طالعين اكتشفنا قال لازم ترجعون وتجددون الجواز حاولنا معاه ومع مدير الجوازات آخر شي وافق بس قال ادعوا ما ينتبهون في السعودية والا قطر خخخخخخخخخخخخخخخخ وطفنا ولا حد انتبه ورجعنا وجددنا الجواز والله ستر

[تاجر كشخة]

لا لا بو سمرة عيني عليهم باردة فديتهم كلهم لين شفتهم ردت روحك وراح تعبك ادب اخلاق تنظيم وسرعة وابتسامه فوقها شتبي اكثر من كذا لو اني شاعر كان تغزلت فيهم اما المراكز الثانية اللهم يا كافي جاتك الضيقة

احووووووووبكم يا بو سمرة

[حسن]

والله يا أخوي حسن أنا أشوف الوضع جي أحسن بالجمارك و الحدود، على الأقل في أمن على الواردات في الدولة، في أوروبا، لو تهرب حشيش من ألمانيا لفرنسا محد بيدري عنك!
وبخصوص البيانات الخطأ، فهي خطرة وحساسة بدرجة عالية..

أفرض شخص من جنسية خليجية دش البلاد بمعلومات خاطئة، ومسجل في التقرير أن السيارة موديلها مختلف و لونها مختلف...، وخلي نقول دعم سيارتك و شرد... يوم تروح تبلغ راح تصير مشاكل كبيرة لأن ممكن ""مافي شخص دش البلاد بهالمواصفات"" وممكن يحط التهم على ناس آخرين وراح تضيع وقت أجهزة الامن.

فهالأمور صحيح إنها بسيطه و سخيفة و لكن لها تأثير فاعل!

ياخوك كلها تعطيل وخصوصا احنا دول مجلس التعاون يعني عرب ومسلمين على الاقل ييخلون مركز واحد فقط السعودي هو المسؤل وانت داش عندهم وقطر هو المسؤل اللي داش عندنا علىالاقل افتكينا في الف حل وحل وبعدين الجمارك يعني انا وش باجيب من السعوديه فقع تمر يقط جراخيه وبخصوص المخدرات وغيرها ماهي موجوده داخل دول العالم وكلها ولها اجهزه مكافحه تتابعها وتكافحها وبعدين ليش نضن ان العالم كلهم مهربين ومجرمين مره تهاوشت وياهم يوم المركز القديم وانا موتري بحوض يعني مفصخ واخر شي قلت لهم شفيكم قالو ندور دش قلت لهم مركزكم الصحون مركزه فوقه وتقولن تدورون دش الصراحه وش تقول وبعدين شنو يعني جوازه منتهي خير ياطير صاحبه مات انتهي يعني ماهو الى مجرد اثبات هويه فقط لايقدم ولا يوخر اذا انتو تفكرون بهل التفكير وش فايده مجلس التعاون خلوهم يحلونه ونفتك ابرك مهب صح

[Abdullah_89]

بكل امانه عمري ماسافرت بالسيارة وتعطلت في مركز بوسمره

اللي يبهدل مركز سلوى فالسعوديه السيد واقف وكاونتر واحد يشتغل ولما توصل الكاونتر فيه 10 موظفين طق سوالف وضحك ؟؟

انزين والمسافرين ؟؟ والعوايل ؟؟ واليهال اللي تمللوا ؟؟ والشيبان المساكين ؟؟


مركز بوسمره عز والله

يعطيهم مليون عافيه مو مقصرين

[(بوطلال)]

مركز بوسمره الافضل على مستوى الخليج .

[Abdullah_89]

مركز بوسمره الافضل على مستوى الخليج .

بالضبط :nice:

[بومحمد المطاوعه]

اخوي حسن انا مادري شاقولك

ليش زعلان بوجود مركز حدودي

ترى هذي سياسه قويه

مابي اتكلم وافتح البوست

ف خلنا فالسيفتي احسن ياخوي

ترى اذا مافي جمارك ولا في مركز حدودي

على الدوحه السلام يبه

الحمدلله شوف الضبطيات في المركز

وشنهي اكثر شي

الحين في تفتيش وفي قوانين وفيه ضبطيات

وبعد تحصل التهريب وارد وضبطيات بالهبل

وبعدين الله يجزاك خير

هذي قوانين رؤساء الدول اهم يحلون هالمشكله

اما احنا نتبع الاجراءات بالقانون وبكل احترام ونمشي ولله الحمد بدون اي مشاكل

لو تأخرت 10 دقايق بس بياناتك سليمه

كل تأخيره فيها خيره

وتحياتي لك

[ابوالعبد]

لانه الي يشتغلون في ابوسمرا غير مدربين وخصوصا البنات

مايدرون شطبخه

[البوررصة]

وازيدكم من الشعر بيت قووووي وفصيح



مركز بوسمره اول ماتوصل تقول السلام عليكم

يردون عليك
وعليكم السلام ورحمه الله وبركاته

الكل مب البعض انا اقووووووووووول الكل

اما روح مركز سلوى

قول السلام عليكم

مايرد ونادر ماتحصل شخص بشوش ويرد السلام ويضحك

اما مركز بوسمره يتحمدون لك بالسلامه
والابتسامه شاقه ويها شق

وده ينزل يحضنك ويقولك نوووورتنا


طبعا انا اعم بس للأسف الاكثريه في مركز سلوى نفسيه الله اعلم ليش هالتعامل

والحمدلله على كل حال

أكبر تحية للجمارك والحوزات يعطيهم الصحة والعافية تعامل راقي على الضغط الي عليهم بعد مايقصرون افضل من الدول المجاورة

[بومحمد المطاوعه]

أكبر تحية للجمارك والحوزات يعطيهم الصحة والعافية تعامل راقي على الضغط الي عليهم بعد مايقصرون افضل من الدول المجاورة

اي والله صدقت يالذيب

اجمل التحيه لهم بعد

[STAR2012]

ياجماعة الخير عندنا وعندكم خير التأخير يصير في المركزين ( سلوى و ابوسمرة ) انا جيت قطر قبل تقريبا 6 اشهر واللي سوت لي الدخول البيانات خطاء حتى رقم الجوازت ولا فتشو السيارة ولاشي وعند رجوعي تأخرت وسألت اللي بالجوازات قال اللي دخل بياناتك ادخلها خطاء وانتظر شوي ..
لكن حسب مااعرفة ان دخول اي مواطن يسألونه اول مره اذا اول مرة يتم تسجيل بياناته وحفظها واذا تعدد دخولة فقط يحتاجون رقم الجواز حتى لو البيانات خطاء الرقم اهم شي .. لكن ياجماعة الخير ترى احنا ناس نكثر من الانتقادات اللي احيانا تكون مجحفة مركز البطحاء عيد الفطر استقبل خلال 3 ايام مليون مسافر واكثر من 60 الف سيارة اي نفسيئة واي اخلاق تنفع في مثل هذه الحالات واحنا شعوب بيننا عند الجوازات يوقف الواحد بوزه شبيرين زعلان 24 ساعة بعكس حالته اذا صار في امريكا اوروبا بس يوزع ابتسامات ويهز راسة مثل الهنود اول مايجون للخليج

[ضاحي]

تحية لموظفي الجوازات وجمارك أبوسمره .

[.. الكاش ..]

اضم صوتي وبقوه للعضو ولد المطاوعه

[م. عبدالعزيز]

وازيدكم من الشعر بيت قووووي وفصيح



مركز بوسمره اول ماتوصل تقول السلام عليكم

يردون عليك
وعليكم السلام ورحمه الله وبركاته

الكل مب البعض انا اقووووووووووول الكل

اما روح مركز سلوى

قول السلام عليكم

مايرد ونادر ماتحصل شخص بشوش ويرد السلام ويضحك

اما مركز بوسمره يتحمدون لك بالسلامه
والابتسامه شاقه ويها شق

وده ينزل يحضنك ويقولك نوووورتنا


طبعا انا اعم بس للأسف الاكثريه في مركز سلوى نفسيه الله اعلم ليش هالتعامل

والحمدلله على كل حال

اتفق مع ولد المطاوعه 100%

الله يصلح حال موظفي مركز سلوى السعودي

[بومحمد المطاوعه]

اضم صوتي وبقوه للعضو ولد المطاوعه

الله يجزاك خير ياخوي

[بومحمد المطاوعه]

اتفق مع ولد المطاوعه 100%

الله يصلح حال موظفي مركز سلوى السعودي

اللهم امين

وبارك الله فيك اخوي

تحياتي لك

[غير عنهم]

طلعت المشكلة عامه والله اليوم اثناء دخولي مركز ابو سمرة تاخرو فرق بينهم وبين مركز سلوى ربعنا لازم ياخذون دورات في ادخال البيانات وبعده اختبار للمدة الزمنيه في ادخال المعلومات

[Special man]

مركز بوسمره مافي مثله والله انهم بشوشين وسريعين الله يحفظهم

[بومحمد المطاوعه]

طلعت المشكلة عامه والله اليوم اثناء دخولي مركز ابو سمرة تاخرو فرق بينهم وبين مركز سلوى ربعنا لازم ياخذون دورات في ادخال البيانات وبعده اختبار للمدة الزمنيه في ادخال المعلومات

والله ياخوي

انا يوم السبت راجع مت الخبر

وقفت في سلوى ساعه تقريبا مع الزحمه اما في مركز بوسمره ربع ساعه ماوقفت

نفس الزحمه بس الحمدلله كثره بوابات الدخول

وسرعه ادخال البيانات

تحياتي لمركز بوسمره

[الســـهم]

السلام عليكم ورحمة الله وبركاته ..

بكل صراحة , مراكز السعودية اجراءات تسجيل الجوازات عندهم اسرع من مركز ابو سمرة ومركز السلع , بس مشكلتهم بالزحمة اللي يسببونها بسبب التراخي في اداء واجبهم , يعني من اسبوع تقريبا صف السيارات وصل لين البوابة الخارجية وهم فاتحين كونتر واحد بس , وباقي الكاونترات مسكرة على اساس انها فترة تغيير الشفتات , اهمال مابعده اهمال ..

بعكس مركزنا , ماشاء الله زحمة او مب زحمة تلقاهم فاتحين عالاقل كاونترين اذا مافي بالمركز الا كم سيارة ومن يزيد العدد يفتحون كاونترات زيادة على طول , صدقوني الموظفين على قدر كبير من الكفاءة والحرص على تسجيل كل البيانات بشكل صحيح , بس المشكلة بالنظام عندهم لانه مربوط بالانترنت , والانترنت عندهم بطيء وضعيف جدا بشكل ماتتخيلونه وهو اللي مسبب كل هالتأخير ..

بصراحة قواهم الله بجميع المراكز والقصور موجود بكل مكان , والحمدلله ان ندخل من بلد لين بلد وما نحس الا احنا بين اخوانا , حتى لو صادفتنا حالات شاذه من الموظفين لكن مانعممها عالكل , والله ان في ناس شوفتهم بالمراكز تشرح الخاطر وتنسيك كل الوقت اللي تأخرت فيه ..

[عبدالعزيز الهتمي]

السلام عليكم ورحمة الله وبركاته ..

بكل صراحة , مراكز السعودية اجراءات تسجيل الجوازات عندهم اسرع من مركز ابو سمرة ومركز السلع , بس مشكلتهم بالزحمة اللي يسببونها بسبب التراخي في اداء واجبهم , يعني من اسبوع تقريبا صف السيارات وصل لين البوابة الخارجية وهم فاتحين كونتر واحد بس , وباقي الكاونترات مسكرة على اساس انها فترة تغيير الشفتات , اهمال مابعده اهمال ..

بعكس مركزنا , ماشاء الله زحمة او مب زحمة تلقاهم فاتحين عالاقل كاونترين اذا مافي بالمركز الا كم سيارة ومن يزيد العدد يفتحون كاونترات زيادة على طول , صدقوني الموظفين على قدر كبير من الكفاءة والحرص على تسجيل كل البيانات بشكل صحيح , بس المشكلة بالنظام عندهم لانه مربوط بالانترنت , والانترنت عندهم بطيء وضعيف جدا بشكل ماتتخيلونه وهو اللي مسبب كل هالتأخير ..

بصراحة قواهم الله بجميع المراكز والقصور موجود بكل مكان , والحمدلله ان ندخل من بلد لين بلد وما نحس الا احنا بين اخوانا , حتى لو صادفتنا حالات شاذه من الموظفين لكن مانعممها عالكل , والله ان في ناس شوفتهم بالمراكز تشرح الخاطر وتنسيك كل الوقت اللي تأخرت فيه ..

اتفق معا هالرد
اذكر موقف صار جدامي قبل العيد بيوم في مركز الامارات الحدودي واحد قطري دخل
وحب يستفسر من شرطي اماراتي وين دول الخلج عاد من الزحمه الي كانت عندهم والعفسه
رد عليه ماشي دول الخلج الكل معا بعض :eek5:
المهم صار بينهم تلاسن بسيط وفالاخير مدير المركز حل الموضوع
لا تلومونهم وخصوصا اوقات العطل والمناسبات