ماذا تفعل لو كان صديقك غير مقطاطجي

[تاجر كشخة]

السلام عليكم ورحمة الله وبركاتة

خخخ حلووة ذي المقطاطجي

السؤال ماذا تفعل لو كنت انت وصديقك خارجين في في رحلة او في نزهة في احد المجمعات ودائما انت الذي من يقوم بدفع تكاليف الرحلة من السيارة الى الماكل والمشرب وهو ودائم التهرب من القطية يعني انت طالعين مع بعض تغيرون جو فلازم يكون فيه تعاون ولانك طيب وساذج تقوم بكل شيء مع العلم انه في احيان كثير هو من يقترح ان نغير جو في أحد الأماكن ومع العلم أنه شخص مقتدر :rolleyes2:

[النهار]

هههههه ياكثرهم هالايام
مره واحد من الربع قام يلح علي قوم خلنا نطلع ياخوي مالي نفس اطلع اليوم الله يهداك قم نغير جو اليوم الجو روعه وانا عازمك المهم ماكثرت خبر مع العلم انا عارف هالشخص انه جلده قلت خلني اليوم اطلع حرتي فيه :weeping: رحنا سوق واقف طلب شيشه قبل العشاء وبعدها اشوفه طالب طلبيه 420 ريال قلت في نفسي ايش هالكرم الي طاح عليه اليوم :eek5: اكيد محصل له على كنز عموما جاء وقت الحساب :weeping: حط يده في مخباه يقول لي اخ اخ اخ نسيت البوك في البيت او السياره :anger1: اكيد الي بيدفع الغبي الي عارف فصول القصه لان الشخص هالحركات معروفه عنده

[فلتة زمانها]

اخبر هالحركة يسوونها المتان
وقت القطية يقولك لا ماقدر ياخي مسوي ريجيم
وقت البلع يصف ويشمر وينظف الصحن وهالحركة تصير مع البنات بعد

[intesar]

هههههه ياكثرهم هالايام
مره واحد من الربع قام يلح علي قوم خلنا نطلع ياخوي مالي نفس اطلع اليوم الله يهداك قم نغير جو اليوم الجو روعه وانا عازمك المهم ماكثرت خبر مع العلم انا عارف هالشخص انه جلده قلت خلني اليوم اطلع حرتي فيه :weeping: رحنا سوق واقف طلب شيشه قبل العشاء وبعدها اشوفه طالب طلبيه 420 ريال قلت في نفسي ايش هالكرم الي طاح عليه اليوم :eek5: اكيد محصل له على كنز عموما جاء وقت الحساب :weeping: حط يده في مخباه يقول لي اخ اخ اخ نسيت البوك في البيت او السياره :anger1: اكيد الي بيدفع الغبي الي عارف فصول القصه لان الشخص هالحركات معروفه عنده

كان جوعان وأكل على حسابك..:secret:

[النهار]

اخبر هالحركة يسوونها المتان
وقت القطية يقولك لا ماقدر ياخي مسوي ريجيم
وقت البلع يصف ويشمر وينظف الصحن وهالحركة تصير مع البنات بعد


في ديت المتان والله مايسونها هم الي يبادرون بالدفع والسبب معروف المتان سبحان الله فيهم طيبه واصحاب نكته البخيل له مواصفات اي واحد رقبته عريضه في العاده البخل متأصل فيه :nice:

[تاجر كشخة]

هههههه ياكثرهم هالايام
مره واحد من الربع قام يلح علي قوم خلنا نطلع ياخوي مالي نفس اطلع اليوم الله يهداك قم نغير جو اليوم الجو روعه وانا عازمك المهم ماكثرت خبر مع العلم انا عارف هالشخص انه جلده قلت خلني اليوم اطلع حرتي فيه :weeping: رحنا سوق واقف طلب شيشه قبل العشاء وبعدها اشوفه طالب طلبيه 420 ريال قلت في نفسي ايش هالكرم الي طاح عليه اليوم :eek5: اكيد محصل له على كنز عموما جاء وقت الحساب :weeping: حط يده في مخباه يقول لي اخ اخ اخ نسيت البوك في البيت او السياره :anger1: اكيد الي بيدفع الغبي الي عارف فصول القصه لان الشخص هالحركات معروفه عنده

هههههه ابشرك سويت له هالحركة امس طلبنا شي خفيف عاد انا ما كان عندي فلوس لاني استعمل البطاقة دايما والمحل ما يتعامل الا بالكاش المهم عطيت الحبيب ذيك النظرة علشان يفهم ويقولي انا عندي خمسميه ماسكة وما عندي خرده المهم يوم شاف نفسه تورط طلع الخرده ههههه

[تاجر كشخة]

اخبر هالحركة يسوونها المتان
وقت القطية يقولك لا ماقدر ياخي مسوي ريجيم
وقت البلع يصف ويشمر وينظف الصحن وهالحركة تصير مع البنات بعد

هههههههههه بس اكيد بعدها يشربون بيبسي دايت علشان الرجيم :tease:

[alnoida]

السلام عليكم ورحمة الله وبركاتة

المقطاطجي

:rolleyes2:


وعليكم السلام ورحمة الله وبركاته

انا دخلت فقط لمعرفة معنى الكلمة

على كل حال بالنسبة للموضوع فهو يعيبك
اذا تقبل النصيحه لا تتكلم فيه خصوصا في المجالس

[Bozizoo]

اخبر هالحركة يسوونها المتان
وقت القطية يقولك لا ماقدر ياخي مسوي ريجيم
وقت البلع يصف ويشمر وينظف الصحن وهالحركة تصير مع البنات بعد

لا لا لا ارجوك لا تغلطين على المتان ما عرضى عليهم
والله ايش زينهم اكثرهم طيبين و دفيعه
حتى ماتركب متين و بخيل
بخيل يعني منشف على نفسه لو بخيل ما انتفخ
و ياريت استوي بخيل عشان اضعف
فديتني والله

[khaldoon]

اعرف اثنين بالشلة اللي اعرفها هالشكل....ما نشوفهم يمدون يدهم و يدفعون الحساب نهائيا

عن نفسي انا مب مستعد اتصل و اطلع معهم بروحنا لاني اشوف انها عملية استهبال على الاخر و انا ما اقبل احد يستغلني هالشكل

[elders]

انا عندي مشكلة بالعكس !!!اكتر وحدة بحب اطلع معها الشي الوحيد اللي بزعلنا من بعض انها ما بتخليني ادفع !!!!!! قال هي اكبر مني وانا انسة !!!!
شو دخل ما بعرف !!
حلينا الموضوع وصرنا نشوف بعض بالبيوت وازا طلعنا كبيرها ساندويش بالسيارة !!او بعمل حالي اون دايت وبطلب سلطة ..

[نتفـه]

بسيطه اسهل حل لا تطلع معاه :)

[Abdullah_89]

حلاته الطلعه قطيه

الا اذا كنت عازم رفيجي هاي شي ثاني

اما كل يوم مجابلني والدفع على شخص واحد عيب

ممكن نتفق ان كل يوم واحد يدفع

المتان حرام مايسوونها قلبهم طيب وعلى نياتهم

[محب قطر 64]

كثار وخاصة بالسفر ما يشترون و عند ما تيجي تعزم عليهم هم ينبسطون وهات هات اكل حتى المية

[penguin]

الحمد الله نتهاوش من يدفع
وفالنهايه اطيح ع راسي ههههه
لا اتغشمر كلنا نشارك
ذكرتوني بواحد كل مايعزمنا
يدفع كل شي الا الشيشه
اشترك فحمله ضد التدخين و ذلنا :nice:

تحذير صحي التدخين سبب رئيسي للسرطان وأمراض الرئة والقلب والشرايين‏‎

[(بوطلال)]

هذا احط عليه x وامسح اسمه من اللسته

[Mohammad ALG]

انتبه للموضوع في بداية صداقتنا ، يعني اذا لاحظت انه استغلالي من البداية ما اوثق علاقتي معاه :)

[العريق]

السلام عليكم و رحمة الله و بركاته
بصراحة دخلت ابي اشوف معنى الكلمة و أيش المقصود فيها ؟
و بعد ما فهمت ابي أقول ان هناك الكثير من هالاشكال . لكن المشكلة ان كثير من الأحيان ما تحصل أحد يطلع معاك فأنت مضطر انك تدفع مقابل و ناستك و ليس استغلال أو استهبال .
لكن ايش أصل كلمة المقطاطجي ؟

[مضارب دوسري]

اووووووووه صارت معاي كثيييييييييير ياخوي
مره مع واحد نفس هالحاله كل يوم اطلع معاه لمدة اسبوع ودايم لما اطلب الفاتوره يقوم يغسل يده ويقعد فالحمام ربع ساعه
وفي المره الاخيره قلت بنروح نتعشى ف ليالي وتعشينا وكثرت من الطلب ولما جا وقت الحساب قلت ترى اليوم دورك مب كل مره انا ادفع صح؟
قال افا عليك وابشر وجا الحساب كان فوق ال 700 ودفع ومن يومها لين الحين ماشفت له اي اتصال حتى لما يقابلني يتصدد
لازم هالنوعيه تعطيهم كاااش وصدقني هو اللي بيسحب عليك عقب ما يدفع

[CH Engineer]

المفروض يوم عليك ويوم عليه بس اذا الدفع ثقيل عليه ماعندي مشكله ادفع عنه

[khaldoon]

اووووووووه صارت معاي كثيييييييييير ياخوي
مره مع واحد نفس هالحاله كل يوم اطلع معاه لمدة اسبوع ودايم لما اطلب الفاتوره يقوم يغسل يده ويقعد فالحمام ربع ساعه
وفي المره الاخيره قلت بنروح نتعشى ف ليالي وتعشينا وكثرت من الطلب ولما جا وقت الحساب قلت ترى اليوم دورك مب كل مره انا ادفع صح؟
قال افا عليك وابشر وجا الحساب كان فوق ال 700 ودفع ومن يومها لين الحين ماشفت له اي اتصال حتى لما يقابلني يتصدد
لازم هالنوعيه تعطيهم كاااش وصدقني هو اللي بيسحب عليك عقب ما يدفع

واضح انه انصعق وما قدر يتصرف و دفع الحساب لانه مب محترف فعلا... ما انصحك تسوي هالحركة مرة ثانية مع واحد مثله لانه بيكون اكثر احترافية بالنصب و بيقولك والله نسيت المحفظه في البيت و الا والله انا مستعد ادفع و ما أتأخر ابدا ...ساعتها ايش بتسوي :(

[مضارب دوسري]

واضح انه انصعق وما قدر يتصرف و دفع الحساب لانه مب محترف فعلا... ما انصحك تسوي هالحركة مرة ثانية مع واحد مثله لانه بيكون اكثر احترافية بالنصب و بيقولك والله نسيت المحفظه في البيت و الا والله انا مستعد ادفع و ما أتأخر ابدا ...ساعتها ايش بتسوي :(

صحيح
انا سويتها مرتين ومشت معاي ههههههه
بس اكثرهم لما تفاتحه بالموضوع ينصعق وينحرج خصوصا اذا تعرف واحد يقرب له او واحد من ربعه
فيقرر يدفع ويبتعد عنك الى الابد خخخخخ

[jeep-srt8]

لاتاخذ رفيج غصب وتغصبه يدفع ماتعرف عن ظروفه

اما اذا هو يكلمك ويجيب ويقط عليك هههههههه

المفروض من نفسك تقوله شي تبيه وليش انا ادفع ههههههه ومطلعني واعزمك بعد عطه فالويهه

وممكن انت معوده على هالشي وهو تعود وانت بطلت !!!!

بأختصار صديقي الغير مقطاطجي اذا طالعين طلعة ماكلمه

اكلم رفيج الي ابيه يستانس ومايقدر يقط هاي عادي يعني لانه حتى هالنوعية من الناس تجي وهي قاعده وساكت ومايبي شي ومايرضى ياخذ شي هههههه فديتهممممم ذوق والله

[عبدالعزيز الهتمي]

على حسب ظروف الصديق ،،
معاي شباب فلدوام رواتبهم أقل مني مستحيل أخليهم يدفعون ، أما ربعي الي دوم معاي مسوين
نظام والكل ماشي عليه والأمور طيبه

[ريتويت]

الله اعلم

[khalid525]

اذا الريال ونعم فيه ورفجته مغنم ما عندي مشكلة ممكن اتم ادفع كل مرة ، الدنيا تعلمك ان الانسان الكامل مب موجود .

[لاجل QT]

وين ردي راح عسى ماشر:eek5:

[محب قطر 64]

في ناس قرشه غالي عليه طخه و لا توخذ منه قرش يبيعك بسهوله

[alfahad1]

اذا الريال ونعم فيه ورفجته مغنم ما عندي مشكلة ممكن اتم ادفع كل مرة ، الدنيا تعلمك ان الانسان الكامل مب موجود .

من اليوم انت رفيجي ههههه

بالنسبه لي اذا تكررت اكثر من مره وشفت فيه هذا الطبع ما بطلع وياه وبتهرب من عزايمه المجانية

[Aaziz]

وعليكم السلام ورحمة الله وبركاته

انا دخلت فقط لمعرفة معنى الكلمة

على كل حال بالنسبة للموضوع فهو يعيبك
اذا تقبل النصيحه لا تتكلم فيه خصوصا في المجالس

نصيحة من ذهب ،، ولكن

[حفيد الأنصار]

احنا بالنسبة للاكل
اي احد بيجي الاستراحة وهو في الطريق يتصل تبون شي ( عشاء)
وكل واحد يجيب معه كيك وعصيرات ( خفايف يعني )
اما الجراك والدخان كل واحد يجيب لنفسه ( ذنبك على جنبك ) :nice:

[حميداني]

السخي وياي سخي وياه والبخيل وياي ابخل عليه
ومثل ما قالو الشباب من صوبي ما اتصله في الطلعات لكن ان شفته معانا في الموتر
انبه الشباب واقولهم نظامنا ترى امريكي , كل واحد عن نفسه بلا قطيه بلا شي
ان ما كان موجود اكون عادي اليوم علي بكره على رفيجي اللي ما عليه مثل هالحركات ان قدر

[زقرتي ومزاجي]

احسن نظام في الدنيا .. ومريح جدا
ببساطة كل واحد يدفع حسابة

[.. الكاش ..]

الله المستعان

[بريق الحق]

انفق مافي الجيب ياتيك مافي الغيب
سبحانك يالله

[(راشـد)]

حلاتها الهوشه عند الدفع :shy:

الحمدلله اغلب اللي عرفتهم بالعكس الا يدفع, ومرات يصير فيها شد وجذب من يدفع
كر وفر :nice:

يابلفيت انا شسمه :nice:

[لولو2022]

الحين ليش نزعل من البخيل
بلعكس بنعلمه الكرم

[خليفـة]

قواك الله اخوي

لو كان مثل ما تفضلت اخوي مقتدر مادياً .. بقول له :
ادفع واستمتع معانا
اما انك تجي تاكل وتشرب وتستانس ومن غير ما تشارك بشي
فهذا شيء مرفوض .. وتواجدك غير مرحب فيه

والي ما يستحي منك .. لا تستحي منه

خليفـــة

[الايرباص320]

احلى شي اكل البيت ههههههههههه

احلى شي السفر بروحك ههههههههه

وبعد احلى شي تنسى البوك هههههههه

[بوسالمين]

أنا عندي مواصفات معينة للصديق ولو انطبقت في حد هذه المواصفات هو صديق عزيز علي جداً ..

لذلك، كل أصدقائي تجدهم أعزاء علي جداً ..

بالتالي، لما أطلع، من معزتهم عندي أدفع عنهم .. يعني دفعي الفاتورة ليس معناه أني أتبع العادات والتقاليد فحسب بل لأني أحب أن أُكرم من أعزه ..

لذلك، مهما دفعت انا، ما حط في خاطري واقول ليش وليش .. لأني سويتها عن معزة ..

ومن كثر معزتنا، نعتبر نفسنا واحد، ولا أحد فينا يستحي ان يقول للثاني ادفع الفاتورة مثلاً .. لأي سبب كان

وطلعاتنا تنقسم للتالي ..
ان كانت الفاتورة مقدور عليها نتهاوش على الدفع
ان كانت عالية جداً بكل اريحية نقسم الفاتورة علينا
وان كانت طلعة ولا رحلة نفسم الفاتورة بينا حتى لو اصر احد انه يدفعها نهدد اننا بنمشي ..

بس!

[الجنوبي]

على حسب
اذا الرجال حبيب ماأقدر ازعله
ادفع عنه والنفس طيبه

مستحيل اكره رفيجي علشانه بخيل ... الفلوس وصخ دنيا والعشرة الطيبة هي اللي تدوم

[تاجر كشخة]

على حسب
اذا الرجال حبيب ماأقدر ازعله
ادفع عنه والنفس طيبه

مستحيل اكره رفيجي علشانه بخيل ... الفلوس وصخ دنيا والعشرة الطيبة هي اللي تدوم

بس لما انت تسوي كل شي مرة ومرتين واربع وعشر اخر شي بتحس انك ثور وكان كل الوقت يستغلك ويضحك عليك

[تاجر كشخة]

قواك الله اخوي

لو كان مثل ما تفضلت اخوي مقتدر مادياً .. بقول له :
ادفع واستمتع معانا
اما انك تجي تاكل وتشرب وتستانس ومن غير ما تشارك بشي
فهذا شيء مرفوض .. وتواجدك غير مرحب فيه

والي ما يستحي منك .. لا تستحي منه

خليفـــة

صدقت والله

[حبر وقرطاس]

السلام عليكم ورحمة الله وبركاتة

خخخ حلووة ذي المقطاطجي

السؤال ماذا تفعل لو كنت انت وصديقك خارجين في في رحلة او في نزهة في احد المجمعات ودائما انت الذي من يقوم بدفع تكاليف الرحلة من السيارة الى الماكل والمشرب وهو ودائم التهرب من القطية يعني انت طالعين مع بعض تغيرون جو فلازم يكون فيه تعاون ولانك طيب وساذج تقوم بكل شيء مع العلم انه في احيان كثير هو من يقترح ان نغير جو في أحد الأماكن ومع العلم أنه شخص مقتدر :rolleyes2:

سو مثل انا ماسويت مع واحد من الربع
هو من النوع المذكور اعلاه ، عاد انا لئيم قلت اعطه درس في الحياه والصداقه هههه
بيت النيه له وانتظرته كم يوم لا اتصلت فيه ولا اتصل لي وانا ادري به بيتصل بيقول يالله مشينا عاللؤلؤه ..وجا اليوم الموعود واتصل اخونا فالله : ها يافلان يالله مشينا عاللؤلؤه
قلت له : ابشر افا عليك امرك؟ قال اي
المهم رحت وخذته ورحنا يوم وصلنا هناك كلنا وشربنا وتقهوينا جا وقت الدفع قلت له ياخوي نسيت اعوذ بالله طاقتي سحبها الصراف لازم اراجع البنك
هههههههههههههههههههههههه
والحبيب يقرقش مخابيه وكنه العيد

[عليه العوض]

احسن شي كل واحد يحاسب على نفسه وكلمة السر تقول له انجليز يعني كل واحد يحاسب على نفسه

[alsoq]

ايش استفدتو كليتو لحوم ربعكم
اعوذ بالله
طلعون عيوب بعض والله امركم بستر

[بن مفتاح]

للاسف انه في من هالنوعيات في كل مكان .. وانا اعتقد اني احب في من يصادقني ان يكون كريم .. كريم بالكلام .. كريم بالاحاسيس .. كريم بالمال .. اما الصديق الغير مقاطجي على قولة صاحب الموضوع يجعل الناس ينفرون منه .. فصفة الكرم من اجل الصفات يكفي انها من اسماء الله عز وجل ..

واكيد انه كان لي مر علي صديق من هذه النوعيات .. وعلاقتي به ليست قوية .. لكن اغلب من يعرفه يعرف هذه الصفة الغير حميدة فيه .. فكان البعض يتهرب من الخروج معه .. او عندما يسافرون او رحلة او ما شابه يدفعون قطية .. كل واحد يدفع مبلغ معين ويكون هذا المبلغ عند احد الاشخاص وهو المكلف بالدفع .. هنا ما فيه حيلة من الدفع .. يصير مقطاطجي غصب(ن) عنه ..
ههههه

ما فيك حيلة على هالموضوع المفرفش ..
عساك على القوة ..
وعيدكم مبارك ..

[تاجر كشخة]

للاسف انه في من هالنوعيات في كل مكان .. وانا اعتقد اني احب في من يصادقني ان يكون كريم .. كريم بالكلام .. كريم بالاحاسيس .. كريم بالمال .. اما الصديق الغير مقاطجي على قولة صاحب الموضوع يجعل الناس ينفرون منه .. فصفة الكرم من اجل الصفات يكفي انها من اسماء الله عز وجل ..

واكيد انه كان لي مر علي صديق من هذه النوعيات .. وعلاقتي به ليست قوية .. لكن اغلب من يعرفه يعرف هذه الصفة الغير حميدة فيه .. فكان البعض يتهرب من الخروج معه .. او عندما يسافرون او رحلة او ما شابه يدفعون قطية .. كل واحد يدفع مبلغ معين ويكون هذا المبلغ عند احد الاشخاص وهو المكلف بالدفع .. هنا ما فيه حيلة من الدفع .. يصير مقطاطجي غصب(ن) عنه ..
ههههه

ما فيك حيلة على هالموضوع المفرفش ..
عساك على القوة ..
وعيدكم مبارك ..

شاكر لك اخي بن مفتاح على اثراء الموضوع
وانا اردلك التحية الله يبارك فيك

[H H]

بعضهم زعلانين ويقولون ادفعو وخلكم كرماء
مايدرون ان المشكله موب فالفلوس ! المشكله فاحساس الاستغفال والاستغلال!
وهالشي ماحد يرضاه على نفسه وبيدافع عن نفسه بالطريقه الي يشوفها صح !!

والا الفلوس يمكن الواحد وهو راجع يجيب لاخوياه عشا بستمية بسبعميه
ويروحلهم المجلس بدون مايفكر فالمبلغ الي دفعه حتى !
بس احساس الاستغفال ماحد يرضى فيه حتى لو كان على ريال واحد !!


الرجل نظامه ,, اعطي الف وانا راضي , ولا ينوخذ مني ريال باستغفال !!

[مرحوم قطر]

انا و ربعي معروفه طلعتنا او سفرتنا او رحلتنا

مثلا اذا بنروح رحله نحدد القطيه و كل من يدفع

و الي يشتغل يدفع اكثر من الي ما يشتغل او نستثني الي ما يشتغل اذا ماكان عنده

واذا بنسافر نفس الشي ملغ عند واحد فينه يصرف علينا و كل ما تخلص نعطيه مبلغ ثاني بالتساوي


اما بخصوص الي ما يدفع ولا الي لما تجي الفاتوره يقول يالربع عن اذنكم الحمام كرمكم الله ولا اوه الاهل متصلين لي

هذا خلاص نمشيه و نعذره مره و ثنتين اما الثالثه خلاص ما عاد نجيه و اذا كلمنا نتعذر له



بس اذا عنده ظرف لا نعذره لان بكره هو بيعذرني و انا ادريبه دومك كريم بس هلفتره لان عنده ظرف

[معماري قطري]

اووووووووه صارت معاي كثيييييييييير ياخوي
مره مع واحد نفس هالحاله كل يوم اطلع معاه لمدة اسبوع ودايم لما اطلب الفاتوره يقوم يغسل يده ويقعد فالحمام ربع ساعه
وفي المره الاخيره قلت بنروح نتعشى ف ليالي وتعشينا وكثرت من الطلب ولما جا وقت الحساب قلت ترى اليوم دورك مب كل مره انا ادفع صح؟
قال افا عليك وابشر وجا الحساب كان فوق ال 700 ودفع ومن يومها لين الحين ماشفت له اي اتصال حتى لما يقابلني يتصدد
لازم هالنوعيه تعطيهم كاااش وصدقني هو اللي بيسحب عليك عقب ما يدفع

ههههههه زين سويت

انا كنت أيام الدراسة الجامعية من مطعم لمطعم ولي صديق خليجي كنت وايد أطلع معاه وناكل وانا اللي ادفع لفترة تقريباً سنة، وكان هو كل شغله يدخل يده في مخباه ولا يطلعها، وكل مره يقول الجايه علي وانا أقول في قلبي يصير خير .. المهم رفيجي سافر مدينة بعيدة حول 7 ساعات بالطيارة عنا .. ووقتها لا فيه جوالات ولا حتى تلفونات سيارات .. وكان والله يبكي وهو يودعنا والكل يعرف انه دوم معاي .. الله يذكره بالخير حتى إسمه نسيته ألحين .. وانا كل وصاتي له لتنساني إتصل طمني عليك أول ما توصل وعطني رقمك .. راح ومرت أيام وأسابيع لا حس ولا خبر .. وشوي اسمع شباب يتكلمون عنه وانه اتصل بجماعة المسجد وكلمهم وكلم فلان وفلان .. وسئلني واحد عنه قلت ما كلمني .. إستغرب ما صدق وقال خذ رقمه من عند الشباب وكلمه قلت لا يبه خلاص نسيته .. ويمكن هذا اللي خلاني حتى ما اتذكر اسمه الحين لأنه طلع راعي مصلحة وغريب وايد.

[Bin Hood]

الحمدلله ما عندي هالنوع من الاصدقاء

اعتقد ان في بعض الاشخاص مروا علي لكن لا اذكرهم الحين


الصراحة افضل موقف للاخونا مضارب دوسري وانشهد ان جاب الموضوع من يمينه

[Bin Hood]

ههههههه زين سويت

انا كنت أيام الدراسة الجامعية من مطعم لمطعم ولي صديق خليجي كنت وايد أطلع معاه وناكل وانا اللي ادفع لفترة تقريباً سنة، وكان هو كل شغله يدخل يده في مخباه ولا يطلعها، وكل مره يقول الجايه علي وانا أقول في قلبي يصير خير .. المهم رفيجي سافر مدينة بعيدة حول 7 ساعات بالطيارة عنا .. ووقتها لا فيه جوالات ولا حتى تلفونات سيارات .. وكان والله يبكي وهو يودعنا والكل يعرف انه دوم معاي .. الله يذكره بالخير حتى إسمه نسيته ألحين .. وانا كل وصاتي له لتنساني إتصل طمني عليك أول ما توصل وعطني رقمك .. راح ومرت أيام وأسابيع لا حس ولا خبر .. وشوي اسمع شباب يتكلمون عنه وانه اتصل بجماعة المسجد وكلمهم وكلم فلان وفلان .. وسئلني واحد عنه قلت ما كلمني .. إستغرب ما صدق وقال خذ رقمه من عند الشباب وكلمه قلت لا يبه خلاص نسيته .. ويمكن هذا اللي خلاني حتى ما اتذكر اسمه الحين لأنه طلع راعي مصلحة وغريب وايد.

^

هلا معماري , زين انك ما ذكرت الجنسية علشان ما تسبب حساسيات وهذا من اخلاقك

بس مسامحة ليش كنت تدفع له وتدري انه عيار , هل من باب الاجر وانك ما تنتظر منه شي ؟!

[khaldoon]

بعضهم زعلانين ويقولون ادفعو وخلكم كرماء
مايدرون ان المشكله موب فالفلوس ! المشكله فاحساس الاستغفال والاستغلال!
وهالشي ماحد يرضاه على نفسه وبيدافع عن نفسه بالطريقه الي يشوفها صح !!

والا الفلوس يمكن الواحد وهو راجع يجيب لاخوياه عشا بستمية بسبعميه
ويروحلهم المجلس بدون مايفكر فالمبلغ الي دفعه حتى !
بس احساس الاستغفال ماحد يرضى فيه حتى لو كان على ريال واحد !!


الرجل نظامه ,, اعطي الف وانا راضي , ولا ينوخذ مني ريال باستغفال !!
:nice:


اما بخصوص الي ما يدفع ولا الي لما تجي الفاتوره يقول يالربع عن اذنكم الحمام كرمكم الله ولا اوه الاهل متصلين لي

هذا خلاص نمشيه و نعذره مره و ثنتين اما الثالثه خلاص ما عاد نجيه و اذا كلمنا نتعذر له


:nice:

اللي دائما بيدفع عن صاحبه او صاحبته يطلق عليه لقب الخروف لفلان او الخروف لفلانه ... يعني مب ميزة انه الواحد يدفع دايما... بل بالعكس يعتبر عيب و نقيصة

قبل لا يسأل صاحب الموضوع ايش بتعمل مع صاحبك اللي من هالشكل لازم نفكر هل يستحق مثل هذا الصاحب الاستمرار معه في الصداقه او لا

و لذلك خذوا حكمة هذا الموضوع:

صاحب الكريم العاقل و العاقل غير الكريم و الكريم غير العاقل :rolleyes2:

الكريم العاقل هذا شخص شبه كامل و الكمال لله وحده

العاقل غير الكريم هذا شخص ممكن تستفيد من علمه و خبرته و فهمه و ثقافته او حتى من الجلوس معه كشخص مسلي و جلسته ممتعه و تتحمل بخله و تقتيره و حركاته النص كم عند دفع الحساب .... هنا فكر هل يستحق الاستمرار معه و الا قطع العلاقه او عمل مقلب جامد يطفشه و يربيه

الكريم غير العاقل هذا شخص عكس الشخص الثاني اللي ذكرته بالاعلى اي عكس العاقل غير الكريم يعني شخص لا يملك اي ثقافة و ربما الجلوس معه غير ممتع لكنه كريم و معطاء.... يعني بالعربي انت بهذه الحالة تكون شخص مصلحجي و متكسب ... من يقبل لنفسه هذا الوصف؟

[Dark_QTR]

انا أفضل إني أكون بدون ربع إذا كانوا ربعي من هالنوعية.. لأن بيكون هدم العلاقات الأخوية و العاطفية
وأصبح إنسان مادي متغطرس علاقته بك مجرد وسيلة شكلية ليست أكثر.

ولله الحمد ممكن ما صادفتني هال"مخلوقات المتطفلة" ممكن لأني مش صيدة سهله "ما أدري والله" أو ممكن لأن علاقاتي الإجتماعية القوية محصورة على فئة معينة وصغيرة من الناس، بس أستغرب يوم أسمع البعض يشكون لي الحال عن هالنوعية بالذات!!،

[ريتويت]

لو الشخص عنده اتيكيت بيعرف من نفسه كيف يتصرف ولايحرج الاخرين

[ms-qtr]

كنت اعرف وحده بنفس هالصفات
تقعد تطلب بكميات وفي النهاية انا ادفع
حتى ساعات ما اكون مشتهيه تقولي بس تعالي معاي ونسيني وفي النهاية انا الي ادفع
لما صار الموضوع ملحوظ وحسيت انها تستغلني
ابتعدت عنها تدريجياً
وأتوقع انها افهمت السبب

[ابن سينا]

ممكن حد يفسرلي كلمة مقطاطجي الله يخليكم هل الكلمه عربيه ؟؟؟

[مضارب دوسري]

ممكن حد يفسرلي كلمة مقطاطجي الله يخليكم هل الكلمه عربيه ؟؟؟

الكلمه هي مقاططجي
وجايه من كلمه قطيّه يعني مشاركه
صاحب الموضوع كتب الكلمه غلط

اما اذا كانت عربيه او لا مادري
يمقن اسبانيه او ايطاليه

[qatara]

المساله مسالة مبدا وليس لقمه قد نتصدق
بها على من لا نعرفه فمابالك بصاحبك

لاكن هنا يضايقك من ليس له مبدا وقليل من الحيا

[تاجر كشخة]

الكلمه هي مقاططجي
وجايه من كلمه قطيّه يعني مشاركه
صاحب الموضوع كتب الكلمه غلط

اما اذا كانت عربيه او لا مادري
يمقن اسبانيه او ايطاليه

مقطاطجي على وزن مغازلجي
ويقال اصل الوزن تركي

[محارب مداري]

من ناحيتي
اذا جا وقت الحساب
تعال طالعنا وضحك انسوي ضجه في المكان
ونلفت النظر الكل يطالعنا
الكل يبي يحاسب حتى توصل لدرجه ان نتهاوش
اغتر تطير وذاك يصرخ وهذا يحلف ويالييييل مطولك...
بس البعض من الربع رواتبهم ماتدق سلف
هذولا مستحيل نخليهم يحاسبون
حتى بعض المرات يتهربون من الطلعه لهالسبب(الله يعينهم)