ابي اعرف ماهي الطريقه المناسبه والافضل

[yesno]

ابي اعرف وشي الطريقه الصحيحه والافضل
1- ابداء بتركيب الحجر واترك مكان ديكورات الشبابيك فاضي وبعدين اركب الديكورات او اركب الديكورات اول او مع بعض للغلم الديكورات حجر اردني والبيت كامل حجر اردني .


2- ابداء بتركيب الرخام الجرانيت للدرج قبل تركيب البورسلان افضل او بالافضل بعد تركيب البورسلان .

:telephone::telephone::telephone: متوهق لوسمحتو ساعدوني وماخاب من استشار

[khaldoon]

بالنسبة للسؤال الاول... ما تفرق مين الاول ... ممكن تصير الحالتين لو احد المواد متوفر اكثر من الثاني ....بس انا افضل انك تركب الديكورات الاول علشان ما تعطل قياس و تركيب الشبابيك و تقفل على الديكورات بالحجر

لو بديت بالحجر و خليت مكان الديكورات راح يكون في هالك اكبر بالحجر بخصوص التقفيل بين الديكور و الحجر

بخصوص السؤال الثاني... الحالتين تصير خاصة لو انه البورسلان متواجد في الموقع قبل الجرانيت او العكس.... افضل انك تسوي بلاط الدور اللي تحت و اللي فوق و الفرق بينهم تقدر تقسمه على عدد البلاطات و ارتفاعاتها علشان ما يكون في فرق

بالتوفيق

[مضارب دوسري]

هلا اخوي انا اشوفها عادي ماتفرق انت واختيارك
ولكن نصيحه ياخوي
اياك تركب البورسلان او الجرانيت قبل الصبغ الاساسي والديكور

واياك تركب الديكور او الصبغ الاساسي قبل ماتركب الشبابيك والابواب الخارجيه

[ابو رها]

ابي اعرف وشي الطريقه الصحيحه والافضل
1- ابداء بتركيب الحجر واترك مكان ديكورات الشبابيك فاضي وبعدين اركب الديكورات او اركب الديكورات اول او مع بعض للغلم الديكورات حجر اردني والبيت كامل حجر اردني .


2- ابداء بتركيب الرخام الجرانيت للدرج قبل تركيب البورسلان افضل او بالافضل بعد تركيب البورسلان .

:telephone::telephone::telephone: متوهق لوسمحتو ساعدوني وماخاب من استشار

هلا اخوي

بالنسبه لسؤالك الاول
لازم والافضل مع بعض كل مايوصلون لشباك يركبون ديكوراته عشان
الحجر يمسك الديكور ع الشباك ويثبته زين خصوصاً ان الديكورات
للشبابيك دائماً اثقل واسمك من الحجر

سؤالك الثاني
ابدأ بالارضيات والدرج بالاخر والفني الممتاز يسويلك الميزان
للارضيات والادراج قبل يبدأ بالشغل عشان تكون تقسيمة
الادراج والبسطات متساويه من السطح للدور الارضي
مع الارضيات
كمان مثل ماقالولك خلص اعمال الجبس وتأسيس
الدهانات قبل اعمال البلاط

تقبل تحياتي
ابو رها