إستفسار : فنادق الخبـر :.. ــــــــــــــــــــــــــــــ !

[بو الجوري]

اليلام عليكـم جميعاً :..

بغيت أستفسر عن أفضل الفنادق في الخبـر ،

إن شاء الله ناوي أروح الخبر مع الأهل ليلتين ( إيكيا وميداس ) :nice:

فأبغي فندق ممتاز وعن تجربه ، ولو في منتجعات بمسابح خاصه يكون أحسن :..

[الســـهم]

هلا اخوي بوالجوري ..

سكنت قبل العيد بشقة اسمها تنال , نظيفة جدا ومكيفها مركزي وبارد , لكن غرفها صغيره وسعرها بـ 500 ريال لليلة غرفتين وصالة ومطبخ صغير ..

الشقه مقابلة بوابة رقم (8) لمجمع الراشد , يعني تقدر تروح الراشد مشي , وراح يكون ايكيا قريب منك مسافة دقيقتين الى 3 دقايق بالسياره وراح تلقاه بالضبط خلف مجمع الظهران , وميداس موجود على طريق الظهران باتجاه الكورنيش , يعني وانت داخل الخبر بيصير الراشد على يسارك بس تعديه بكيلو او اشوي اكثر بتلقى ميداس على يسارك واكثر من محل مفروشات عاليمين واليسار ..

الفنادق العالمية بتلقاها على كورنيش الخبر وتعتبر بعيده عن الاماكن اللي انت محددها ..

اذا معاك ام العيال انصحك تاخذها سوق السويكت ( شارع الامير بندر بن عبدالعزيز ) وخل عنك المولات ..

[بو الجوري]

هلا أخوي السهـم ،، تسلـم

وبشوف الفندق إن شاء الله عالنت :..

سؤال
سوق السويكت وين ؟ ومفتوح وإلا مغطى ! وشعنده !!

[الســـهم]

سوق السويكت بنص الخبر , يجيك وانت داخل الخبر بعد ماتعدي الراشد وميداس بيكونون على يسارك وانت رايح جهة الكورنيش , مب متأكد اذا كان بعد الاشارة الاولى او الثانية على اليسار بتلقى لفة عليها اشاره هذا سوق السويكت , وهو سوق مفتوح عبارة عن بلوكات بوسطها شوارع وكل شارع له اسم , كل شي راح تلقاه بوسط هالبلوكات من ملابس وعطور وادوات البناء , يعني سوق ضام الاولي والتالي , وشارع الامير بندر هذا بروحه حكاية للحريم ( عبايات , عطور ، الخبر بلازا , مفارش , ....... إلخ ) ..

بخصوص الشقة انا حجزتها من عندهم مباشرة , ماعتقد انها موجوده على بوكينق ..

شوفها بهالتقرير ..

http://www.mosafrcool.com/vb/showthread.php?t=4779

[لمعة الالماس]

فندق كروان بلازا مقابل الراشد مول اول ما تدخل الخبر على اليمين تحصله

٥ نجوم ومواقف تحت الارض

ونصيحة احجز من بوكنج ارخص وتقدر تتصل الفندق وتشوف فرق السعر قبل لا تحجز

http://www.booking.com/hotel/sa/crowne-plaza-al-khobar.ar.html?label=gog235jc-city-ar-sa-alNkhubar-nobrand-qa-tab;sid=671906935dde1f6677e7a003d661abcb;dcid=1

[بو الجوري]

تسلم يالسهـم وعرفت السوق اللي تقصده ،،


لمعة الألماس بشوف إن شاء الله وتسلمين

[بو الجوري]

شكله حلو الفندق يا لمعة الألماس :..
و أنا أفضل الفنادق للفتره القصيره خصوصا إن إحنا 2 بس :)

[kka]

عندك فندق رمادة الخبر في السويت جاكوزي وحركات وفندق الموفنبيك بعد نفس الشي اذا تبي بركة خاصة روح البحرين في فندق العرين

[.. الكاش ..]

كروان بلازا حلو

[أنا أحبكم]

رحت وجيت من الخبر مع العيال ولا شفنا التقرير اللي وعدتنا فيه يابو الجوري :telephone:

[بو الجوري]

عندك فندق رمادة الخبر في السويت جاكوزي وحركات وفندق الموفنبيك بعد نفس الشي اذا تبي بركة خاصة روح البحرين في فندق العرين

أنا رايح الخبر لكذا محل ، مالي حاجه فالبحرين :)

و تسلـم وبشوف الفنادق اللي ذكرتها



كروان بلازا حلو

الله يحلي أيامك :)


رحت وجيت من الخبر مع العيال ولا شفنا التقرير اللي وعدتنا فيه يابو الجوري :telephone:



تصدق مارحت ، إذا كنت تقصد يوم سألت عن الشقق :)

رحت بروحي سريع سريع ههههههه :secret: