سؤال خطير

[$بنت شيوخ$]

ليش في اعيادنا الاسلاميه نجد ان القطريين مسافرين واذا جاء اعياد المسحيين من كرسمس وراس السنه يسافرون لهم حتى يحظرون اعيادهم ؟؟؟؟بلرغم انكم اولى تحظرون عيدكم

[أسد الجزيرة]

لانه ما في اجازة في الكريسمس

[بصمة قطرية]

في أعياد القطريين يسافرون لأن عندهم إجازة
بس أول مرة أسمع حد يسافر عشان يحتفل بالكريسمس أو راس السنه مع الغرب ..!!!!

بالعكس هالوقت اللي برع سواء دراسة أو دورة
يرجعون لقطر عشان الإجازة ،،

[ريتويت]

لانه ما في اجازة في الكريسمس

امبله عندنا يوم واحد اووف

[فرهود]

يمكن مافهمتوا قصد بنت شيوخ .

هب تقصد انا احنا المسلمين اذا جاء عيدنا سافرنا وماحظرنا الاحتفال فيه مع اهلنا وفي بلادنا .اما المسيحيين والنصارى اذا جاء عيد الكرسمس او راس السنه تلقاهم يغادرون بلاد الي يشتغلون فيها سواء قطر او غيرها ويتوجهون لبلادهم يحتفلون بأعيادهم . مع انا نحن اولاء منهم ان نحتفل بأعيادنا بين اهلنا وربعنا ونقيم شعائر الله من صلاة عيد وذبح الاضاحي وزيارة الارحام .


وانا اتفق ماعج اختي فعلا نحن فرطنا في شعائرنا وهم اصبحوا افضل منا في الاحتفال بالاعياد في بلادهم بين اهلهم وبالاهتمام بكل التفاصيل من توفير الهدايا وشجرة الكريسمس وبابانويل . للاسف

[intesar9]

موضوع جميل وتسائل مشروع
كلامك صحيح واحد الاسباب ان:

هناك اختلاف كبير بيننا وبينهم في طريقة الاستعداد للعيد والاحتفال به
هناك تستعد الاسواق والمتاجر باجراء تخقيضات وتنزيلات حقيقيه يصبح معها التسوق في حد ذاته متعه وفي المتناول
بينما عندنا تستعد المتاجر والتجار لمضاعفة الاسعار وحرق جيوب الناس يصبح معها التسوق كابوس مزعج

[شموخ]

انا وحدة ما احب اعيد خارج ديرتي عيدي دائما وابدا في قطرنا الحبيبة وبس

[عزووز قطر]

مافيها شي لو الواحد يسافر في ثاني العيد بعد صله ارحامه وتهنئتهم بالعيد
الصراحة ماعمري عيدت في الخارج ،،، ومااتخيل أعيد بعيد عن اهلي ...

ومن الضروري نعلم عيالنا على التجمع في الاعياد وزيارة الاهل ،،، والسفر لاحقين عليه..

[خالد32]

عادي بعد ما يعيد على هله و ربعه يسافر مع عياله
اما انه يسافر عشان يحتفل بالكرسمس!!! فالموضوع غريب شوي و يمكن ناس معدودين الي يروحن مب الكل

[qatara]

كل يغني على ليلاه

[الخــوري]

الله المستعان

[penguin]

للاسف اعيادهم وناسه :weeping:
في ناس قاموا يسافرون ((دول عربية)) في راس السنة
أماكن معروفة قاصين ع الخليجين فيها ياخذون عيديتهم منكم :rolleyes2:

[الصغيره]

احس العيد بس صار لكبار السن

ما عاد العيد عيد مثل لول

حتى العيديات صارت تخرد للخدامات اما الاطفال نوط ازرق او لا :(

[مرتبش]

اجازة العيد صارت اطول من اول وصار فيه مجال اكبر للسفر وتغيير الجو. الامر طبيعي

[بصمة قطرية]

[QUOTE=فرهود;8545540]يمكن مافهمتوا قصد بنت شيوخ .

هب تقصد انا احنا المسلمين اذا جاء عيدنا سافرنا وماحظرنا الاحتفال فيه مع اهلنا وفي بلادنا .اما المسيحيين والنصارى اذا جاء عيد الكرسمس او راس السنه تلقاهم يغادرون بلاد الي يشتغلون فيها سواء قطر او غيرها ويتوجهون لبلادهم يحتفلون بأعيادهم . مع انا نحن اولاء منهم ان نحتفل بأعيادنا بين اهلنا وربعنا ونقيم شعائر الله من صلاة عيد وذبح الاضاحي وزيارة الارحام .

كل هلي سافروا بعد العيد عيدوا في قطر
و لنفرض سافروا قبل العيد الناس
فلأنهم لقوا مجال للسفر
لأن الإجازة طويلة بس مب هروب من العيد
و المسيح معروفين ماةيجتمعون الا في أعيادهم
فشي طبيعي تلقاهم يحرصون على الأعياد
و ما يفوتونها ..
تلقاهم سنه كاملة ما شافوا بعض
احنا ولله الحمد نتلاقى على طول :shy:

[حسن]

كلامه واضح وانا فعلا مستغرب من موظفات بعد مهب موظفين اجازه شهر 12 قالت وحد يقعد
في الدوحه في الكرسمس لاتقولون مهب قطريه جوازها عنابي ومكتوب عليه دوله قطر
الوضع اختلف والجاي ادهى وامر زادت الفلوس زاد الفساد بانواعه

[حميداني]

لي عوده ان شاءالله

[شميرام]

الجواب إحنا نلتقي في أهلنا مره او مرتين او ثلاث او كل يوم في الأسبوع والأبعاد يمكن نشوف هم في شهر مره او مرتين هم ما يقعدون في بلادهم مهاجرين الكرسمس فرصه أن يتجمعون يشفونهم وعقب كم سنه او كم شهر ماشفوهم

[حسن]

الجواب إحنا نلتقي في أهلنا مره او مرتين او ثلاث او كل يوم في الأسبوع والأبعاد يمكن نشوف هم في شهر مره او مرتين هم ما يقعدون في بلادهم مهاجرين الكرسمس فرصه أن يتجمعون يشفونهم وعقب كم سنه او كم شهر ماشفوهم

يارجل والله الكثير اصبح مايشوف عمامه عماته خالاته خواله في العيد وهذا منتشر بشكل كبير
خلونه نتكلم بالصراحه