ليش لابسه شيله ؟ وشسالفه الكبوووس

[meeemz]

السلام عليكم

معظمكم لاحظ التغير الواضح على فتيات الجيل الجديد ، صحيح مب كلهم لكن فئه كبيره من البنات صاروا ما يحطون الشيله عدل ويتعمدون يطلعون شعورهم
العبايه شكلها فقط منظر والحجااب اسم اني قطريه وفعلا البنت تكون بنت عايله ..
قبل كنا نكذب عيونا ونقول لا اكيد من جنسيه عربيه و مسويه في نفسها هاي كله عشان تجذب شباب هلقطر ...
لكن للأسف خربوا بناتنا ، بنات اهل قطر ، ويوم سافروا ربطوا راسهم بنتفه شال او كبوس مخصوص للسفر ، وبعضهم بدوها بالكبوس و عقب قطوا الحجاب بكبره ..
كل شي كان عباره عن خطوات اول شي طلع سانتي وعقبه انش وعقبه خلاص ما يلفون الشيله والرقبه طالعه ...عقب خلاص يموت القلب وبس مافيها شي اذا فصخت
واللي يحر انه هالبنات المتبرجات اييون يشكون من الشباب جنه الا الشاب جنى عليها
وموديل يديد طالع عبايه مافيها طقطق تمشي اللي داخل كله مبين
اللي قلت عنه اكيد انتوا شايفينه في كل مكان دوام مجمع جامعه
خلاص السفور انتشر بشكل كبير بس لي متى ولأى مدى
يعني اليوم كان ودي انصحهم و اللي معاي قالت لي ماستحوا من ربهم مب مستحين منج وبيقطعونج بكلامهم
لكن
على الاقل نضايقهم بالكلام
مستحيل تقولي جزاج الله خير بتقولي شدخلج ويمكن بتهاوش ويمكن بتصد
بس بينها وبين نفسها اكيييد بتحس بالذنب وبتنحرج
مستحيل تكون رده فعلها ايجابيه لكن على الاقل خل تعرف انه اللي تسويه غلط
و مجتمعها يستنكر هالشي
اعرف وحده قالت لبنت غطي شعرج ، البنت هاوشت وقالت شدخلها لكن لما راحت البنت اللي نصحتها قامت البنت تصيح ، هي ما قومت سلوكها وهالبنت كلمتني وقالت انها تصلي وتقرا القران والخ بس كانت بتنهار لانه محد من قبل نصحها واللي لمسته انه البنت هزها الكلام ومبين انها حاسه بالذنب
اذا سكتنا عنهم ماندري يمكن خلاص بعدها مايحطون الشيله بالمره
لازم يعرفون انه احنا مجتمع محافظ يستنكر تصرفاتهم و بنحافظ على عاداتنا وتقاليدنا
والدليل على استنكار المجتمع انه صاروا الشباب يفكرون بالبنات الاكبر والانضج واللي ما انجرفوا مع موجه الانفلات الحاصله لفتيات الجيل الجديد
اتمنى منكم المشاركه في الموضوع لإيجاد حل أو صياغه نصيحه وطريقه للتعامل مع رده فعلهم اللي في غالب بتكون سلبيه ، بس أتمنى انه ما نسكت ونتجرأ ونكلمهم ونبتدي بالتغيير

[حسن]

الله يعينك

[أخت الكل]

هذا كله سببه ضعف الوازع الديني وضعف دور الوالدين وسلطتهم

[حسن]

الكبوس وش سالفته اخبر شاي بوكبوس لايكون يلبسون الشاي يسونها
بنات هل اليومين لاتستبعد شي عنهم

[meeemz]

الكبوس وش سالفته اخبر شاي بوكبوس لايكون يلبسون الشاي يسونها
بنات هل اليومين لاتستبعد شي عنهم

الكبوس هاي اللي يسافرون بيعرفون شقصد ... قطعه قماش على شكل كبوس او عمااامه نفس عمامه السيخ بس صغيره يبيعونها في المعارض والبنات يشترونها حق السفر و يطلعون لنا بلوك عجيييب فشلونا في لندن لابسين صروال خباز والقميص داخله وجوتي كعب وكله الوان في الوان ولابسين ذهب واساور يبرقون ماجنهم مسافرين

[elders]

الله يهدينا ويهديهم ويهديكي

[penguin]

المشكله مب في اللي اطلع قذلته وخلاص
المشكله اذا كلمت بنت متحجبه وهي تكلمك عادي ترفع شيلتها تعدلها :rolleyes2: يعني الستر مقطعنا اختنا المسلمه
خلاص جفت شعرج شرايج تعطيني شيلتج اغسل فيها السياره


يحر انه هالبنات المتبرجات اييون يشكون من الشباب

ذيلن انقرضوا
احين عادي يستانسون جنه العيد عندها :nice:

[ضوى]

الكبوس هاي اللي يسافرون بيعرفون شقصد ... قطعه قماش على شكل كبوس او عمااامه نفس عمامه السيخ بس صغيره يبيعونها في المعارض والبنات يشترونها حق السفر و يطلعون لنا بلوك عجيييب فشلونا في لندن لابسين صروال خباز والقميص داخله وجوتي كعب وكله الوان في الوان ولابسين ذهب واساور يبرقون ماجنهم مسافرين

بالفعل شفناهم في اسطنبول الله يهدينا ويهديهم ويسترعلى بناتناوبنات امةمحمد اللهمامين

[elders]

الاخ بطريق شوف توقيع الاخت ضوى ..تقبل مروري

[penguin]

الاخ بطريق شوف توقيع الاخت ضوى ..تقبل مروري

بلللللل لاحول ولاقوة الا بالله

شنو الغلط باللي قلته :rolleyes2:

عشان اعدله اذا اقدر

[elders]

بلللللل لاحول ولاقوة الا بالله

شنو الغلط باللي قلته :rolleyes2:

عشان اعدله اذا اقدر

هلا اخي ..انت عارف كان وين الغلط وحاولت تعدل بعضه ومشكور ..

مع اني فعلا مش عارفة اصلا الجملة كلها حتى بعد التعديل شو مناسبتها بالموضوع

[penguin]

هلا اخي ..انت عارف كان وين الغلط وحاولت تعدل بعضه ومشكور ..

مع اني فعلا مش عارفة اصلا الجملة كلها حتى بعد التعديل شو مناسبتها بالموضوع

مسحت الجمله اللي مضايقتج

[elders]

مسحت الجمله اللي مضايقتج

من طيب اصلك ..الله يجزيك الخير اخي

[MAZEN37]

كلام جميل وموضوع مفيد للتذكير
لكن الوم الكاتب بنقطه وحده
هي تحميل الخطاء على الاخرين
نعيب زماننا والعيب فينا
وما لزماننا عيب سوانا

[معماري قطري]

الكبوس هاي اللي يسافرون بيعرفون شقصد ... قطعه قماش على شكل كبوس او عمااامه نفس عمامه السيخ بس صغيره يبيعونها في المعارض والبنات يشترونها حق السفر و يطلعون لنا بلوك عجيييب فشلونا في لندن لابسين صروال خباز والقميص داخله وجوتي كعب وكله الوان في الوان ولابسين ذهب واساور يبرقون ماجنهم مسافرين

والله فضيحة من هشكل كرهت لندن، وشباب كثيرين لابسين بعد لبس غير متناسق ولا كله لون واحد من راسه إلى أخمص قدميه ويحس انه كاشخ ولا لابس بدلة مزركشه ومطرزة ويتمشى في الهايدبارك أو يتسوق.

العيب من رب العائلة وولي الأمر إذا رضى بهالتفاهات، وبالذهب بعد من أساسه فهذا لمناسبات وممكن يعرض صاحبته أو حتى صاحبه للقتل.

[ريتويت]

يارب سترك

[wanted boy]

امس شفت بنت في سوق واقف لابسه ثوب وغتره وعقــــال !! ومسويه اللحية بالقلم

قمة المسخرة استغفر الله العظيم

[penguin]

من طيب اصلك ..الله يجزيك الخير اخي

تسلمين

لاني مافكر باليمين عرفتي المشكله :tease:

[الدبلوماسي]

والله ذكرتيني بقبل اسبوع يوم كنت بمطار شارل دي قول بوابه طيران القطريه هاي البوابه دخول وخروج المسافرين من المطار و الى الطيارة والعكس وانا انطر وقت الدخول للطيارة كان وقت عيد وصلوا مسافرين جايين من الدوحه والله شي يعور القلب بنات قطر لا شيله ولا شي تخيلو من اول مايدخلون المطار سيدة شلوو الشيله نسبه كبيرة منهم من غير محرم ويقولون العنوسه زايدة في قطر مااعتقد الشاب بيرضى يتزوج وحده بمثل هالصنف وخاصه من بنات هالجيل قبل ماكنا نسمع بسوالف عن بنات العوائل واحين الله يعين بس

[حسن]

ياجماعه تحملو تتكلمون في اعراض الناس ترا هذاولا مايدرون غافلات شيله الشيله والشعر عادي ولبيقطون العبايه وبكره بالتنوره القصيره والكراعين طالعه بس مساكين غافلات جاههلات
مهب متعلمات وبعدين مهب زين تنصحونهم خلوهم بروحهم يسون اللي يبونه خلوهم يسافرون بروحهم لاتخافون عليهم مافيها شي وبعدين مساكين مالهم ذنب لا نهم غافلات مايعرفون
النصيحه في القلب مهب بالعلن ترى الكل عنده اهل والعيب مهب زين
اذا شفتو هم برع متشخلعين دورو وجيهكم عنهم لاطالعونهم لان الجاي تنوره وقميص
بتتعبون بس خلوهم ولا حد يقول لهم شي وبعدين فكرو لي متى بتمون تتكلمون والله بتتعبون
ماتتعضون من ادم الواحد عليه من نفسه وبس هذا الفكر الجديد اللي يبي زين واللي مهب
عاجبه كيفه اذا قالك واحد هذه حريه شخصيه وش بتقوله
انتو اصبرو بس هو الحين باقي حجر الضب بس مادري بييزينه

[دااانة قطر]

الحين البندانه صارت كابوس أشوفها استر للي ما تغطي وجهها ويمنع ظهور الشعر

[متروس]

مالنا ومال البنات الصايعات ولا وش لابسين

ليش الواحد يتضايق لما يروح السوق ويشوف كم بنت صايعه وحالتها حالة ويتشكى ومايرقد لليل وبكرة يسولف مع الربع ويتوجد؟؟؟ ليييش كل هذا

الواحد علية من اهلة وباقي الناس الله وياهم

بعض الناس فاهمين معنى كلمة راقي بمفهم غلط .. الرقي رقي الفكر مش جلسة في كوفي شوب وضرب لاتية مع قرفة والايباد على الطاولة وهالسوالف او فصخ الحيا وهالخربطة

الصياعة والمغازل بكرة بعض الصايعات بيكتشفون انهم حملوا بالحرااااااااااااااااااااااام ياسااااتر

[pure]

امس شفت بنت في سوق واقف لابسه ثوب وغتره وعقــــال !! ومسويه اللحية بالقلم

قمة المسخرة استغفر الله العظيم

:eek5:

مستحييييييييييل !!! متأكد انها بنت !!!

البندانه صارت عادي !

الحجاب مو القصد منه تغطية الشعر القصد تغطية الرقبه والاذون

[دااانة قطر]

:eek5:


البندانه صارت عادي !




الحين أنتوا تقصدون البنات يلبسون البندانه بس بدون حجاب أو شيله؟!
يعني صارت البنت تحط البندانه وتطلع
ما شفت هذا لنمونه؟!

[pure]

الحين أنتوا تقصدون البنات يلبسون البندانه بس بدون حجاب أو شيله؟!
يعني صارت البنت تحط البندانه وتطلع
ما شفت هذا لنمونه؟!

يب بدون أي شي بس بندانه بروحها انا هذا قصدي

[دااانة قطر]

يب بدون أي شي بس بندانه بروحها انا هذا قصدي


أعوذ بالله
معاكم حق
الله يهدي البنات


في طواف الأفاضه في مجموعة بنات كانوا كاشخات تقول بيدشون عرس لقنزات فسفوريه وعبي كشخه والقذله طالعه الله يهديهم حتى هم في ذاك المكان

[دانة الطواش]

ربي يهدي الجميع والله أنا وحدة اذا طلعت مكان وشفت هالبلاوي والله اتعب نفسيا ويعورني قلبي عليهم بنات صغار في سن مراهقة لاحد نصحهم ولا وجههم للصح والغريب ان الفاضلة الوالدة تكون ماشيه معاها احيانا وين دورج يا عزيزتي في التوجيه والنصح هذا سن خطر لازم نكون معاهم فيه ونساعدهم على تخطية بطريقة صحيحة ترضي ربنا وترضينا مب نوقف معاهم في الغلط ونقول هذي فترة وبتعدي خل تسوي كل الي نفسها فيه ، لا والف لا لازم تعرف الصح والغلط في هالفترة ، اما الفئة الكبيرة الي تعمل هالفعلات وهي المفروض في سن النضوج والعقل فهم فئة ضاله عن الحق وعقول ناقصة واطلب من الله ان يهديهم وان يتعضوا بالقصص السابقة وخاصة الفتاة التائية والعائدة الى الله ليوم واحد فقط ثم توفاها الله ربي يغفر لها ويرحمها قصة حقيقية حدثت منذ أسابيع او اشهر قليلة ولكم ان تحكموا ، ودمتم.

[meeemz]

، اللي اقصده بكبوس انه الرقبه كامله طالعه ومرات الشعر من قدام ومن ورا وبنات وااايد شفتهم ظهورهم طالعه ولابسين دلعات لحد يقولي مافيها شي لو انها لابسه هاي نك بنقول ساتره رقبتها ويظل الجزء اللي بين الرقبه والذقن مبين
المقصد هم بدوها فيها وقاعده تتقلص و قطوا الحجاب بكبره
كل شي خطواات
واللي قال بنات صايعات ،هالبنات مب صايعات ولا شي انا كنت احسب اللي تطلع شعرها تكون عندها اهداف ثانيه بس بعد مخالطتني لهم ، طلعوا بنات ناس ومحافظين على نفسهم بس ما يبون يلفون الشيله وتعودوا على شعرهم يطلع ويحبون انه يكون شكلهم جميل وبس يعني لزوم الكشخه ،و ما يبون حد يكلمهم ولما قلت لوحده شعرج طالع تخرعت ، وقالت انا اذا شفت واحد قطري على طول اخشه قلت لها لفيه عدل قالت بس مابي راسي يعورني
السبب اكيد يعود لبيتهم لكن مناصحه الاهل جداً صعبه لانه اكيد هم اما يدرون ببناتهم او خلاص تعودوا عليهم بهالشكل ..
ابي اوصل لنقطه وحده ، انا مب جايه انتقد واقول شفت ، و شصاير في الدنيا ، وهي مب وحده ولا ثنتين عشان نتجاهل الموضوع ، انا غرضي المناصحه والامر بالمعروف لازم يعرفون انه اللي يصير غلط وحرام وممكن ياثر على سمعتهم ، هالشي حصل وتطور خلال فتره بسيطه ، الاجازه اليايه شبنشوف ؟، على جيل بناتي وشو بلقى؟

[حلم الطفولة]

السلام عليكم

معظمكم لاحظ التغير الواضح على فتيات الجيل الجديد ، صحيح مب كلهم لكن فئه كبيره من البنات صاروا ما يحطون الشيله عدل ويتعمدون يطلعون شعورهم
العبايه شكلها فقط منظر والحجااب اسم اني قطريه وفعلا البنت تكون بنت عايله ..
قبل كنا نكذب عيونا ونقول لا اكيد من جنسيه عربيه و مسويه في نفسها هاي كله عشان تجذب شباب هلقطر ...
لكن للأسف خربوا بناتنا ، بنات اهل قطر ، ويوم سافروا ربطوا راسهم بنتفه شال او كبوس مخصوص للسفر ، وبعضهم بدوها بالكبوس و عقب قطوا الحجاب بكبره ..
كل شي كان عباره عن خطوات اول شي طلع سانتي وعقبه انش وعقبه خلاص ما يلفون الشيله والرقبه طالعه ...عقب خلاص يموت القلب وبس مافيها شي اذا فصخت
واللي يحر انه هالبنات المتبرجات اييون يشكون من الشباب جنه الا الشاب جنى عليها
وموديل يديد طالع عبايه مافيها طقطق تمشي اللي داخل كله مبين
اللي قلت عنه اكيد انتوا شايفينه في كل مكان دوام مجمع جامعه
خلاص السفور انتشر بشكل كبير بس لي متى ولأى مدى
يعني اليوم كان ودي انصحهم و اللي معاي قالت لي ماستحوا من ربهم مب مستحين منج وبيقطعونج بكلامهم
لكن
على الاقل نضايقهم بالكلام
مستحيل تقولي جزاج الله خير بتقولي شدخلج ويمكن بتهاوش ويمكن بتصد
بس بينها وبين نفسها اكيييد بتحس بالذنب وبتنحرج
مستحيل تكون رده فعلها ايجابيه لكن على الاقل خل تعرف انه اللي تسويه غلط
و مجتمعها يستنكر هالشي
اعرف وحده قالت لبنت غطي شعرج ، البنت هاوشت وقالت شدخلها لكن لما راحت البنت اللي نصحتها قامت البنت تصيح ، هي ما قومت سلوكها وهالبنت كلمتني وقالت انها تصلي وتقرا القران والخ بس كانت بتنهار لانه محد من قبل نصحها واللي لمسته انه البنت هزها الكلام ومبين انها حاسه بالذنب
اذا سكتنا عنهم ماندري يمكن خلاص بعدها مايحطون الشيله بالمره
لازم يعرفون انه احنا مجتمع محافظ يستنكر تصرفاتهم و بنحافظ على عاداتنا وتقاليدنا
والدليل على استنكار المجتمع انه صاروا الشباب يفكرون بالبنات الاكبر والانضج واللي ما انجرفوا مع موجه الانفلات الحاصله لفتيات الجيل الجديد
اتمنى منكم المشاركه في الموضوع لإيجاد حل أو صياغه نصيحه وطريقه للتعامل مع رده فعلهم اللي في غالب بتكون سلبيه ، بس أتمنى انه ما نسكت ونتجرأ ونكلمهم ونبتدي بالتغيير






قلة حياء

قال صلى الله عليه وسلم: (الحياء والإيمان قُرَنَاء جميعًا، فإذا رُفِعَ أحدهما رُفِعَ الآخر).

قال بعض الحكماء: من كساه الحياء ثوبه لم ير الناس عيبه.

في رأيي ان الحجاب واللباس الساتر قناعة شخصية فالتغيير يبدأ من الداخل

قال تعالى في سورة الرعد:

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ )

لا نملك إلا الدعاء لهن

اللهم احفظ نساءنا وبناتنا ونساء المسلمين من التبرج والسفور ، اللهم ردهم إليك رداً جميلاً واحفظهم من الفتن ما ظهر منا وما بطن.

[al_jo0ory]

ليكون قصدج كبوس السنافر اللي طايحين فيه هالأيام :tease::tease:


استغفر الله العظيم مادري شلون الوحده ترضى أنها تطلع بهالشكل :secret:

[المرسى الأخير]

جزاج الله خير عزيزتي مييمز

كلامج عدل عنهم اغلبهم تلاقينهم محترمات و عارفين دينهم و ملتزمات بالعبادات بس تشوفينهم يحبون الكشخه و اظهار جمالهم من باب انهم يحبون يترتبون لا بغوا يطلعون و يستانسون بعمرهم

هو فقط تذكيرهم و تنبيههم للصح و الغلط بأسلوب محبب ﻷن الدين النصيحة


و نفس الكلام مع الشباب و موضة الكشخة الي طالعين فيها هاليومين بطريقة مبالغ فيها كأنهم ينافسون البنات !!


الله يهديهم اجمعين

[doha2012]

،





صباح الخير






اللهم استر عليناوعلى المسلمين وعافنا مما ابتلاهم به


اليوم الجمعه ادعوا لهم بالهدايه هم ومحارمهم !!!








،

[نورهان88]

الله يهديهم

[meeemz]

مشكورين على المشاركه وعلى
الردود الطيبه ولي عوده انشالله

[الزعفراني]

يعطيج العافيه اخت meemz .. كلام جميل وأسلوب أجمل وطرح يستحق الاحترام والتقدير .. ونتمنى الرسالة توصل لهالفئة من البنات .. حبيت أضيف شيء أخير .. كل ديرة وفيها مقبره .. مقابل الحيا والاحتشام لابد من وجود العري والابتذال وقلة الحيا .. وهذي سنة الله في الكون .. مجتمعنا مش منزهه ولا مثالي .. بالعكس هو مستهدف وبدرجة كبيرة وهناك من يعمل ليل نهار وبإحترافية من أجل زعزعة قيم هذا المجتمع المحافظ .. لكن اللي يشفع لنا هو وجود المناصحين من أمثالك .

الله يهدي بنات المسلمين ويستر عليهم .

[meeemz]

يعطيج العافيه اخت meemz .. كلام جميل وأسلوب أجمل وطرح يستحق الاحترام والتقدير .. ونتمنى الرسالة توصل لهالفئة من البنات .. حبيت أضيف شيء أخير .. كل ديرة وفيها مقبره .. مقابل الحيا والاحتشام لابد من وجود العري والابتذال وقلة الحيا .. وهذي سنة الله في الكون .. مجتمعنا مش منزهه ولا مثالي .. بالعكس هو مستهدف وبدرجة كبيرة وهناك من يعمل ليل نهار وبإحترافية من أجل زعزعة قيم هذا المجتمع المحافظ .. لكن اللي يشفع لنا هو وجود المناصحين من أمثالك .

الله يهدي بنات المسلمين ويستر عليهم .

مشكور على المشاركه الطيبه ...
صحيح كلامك في كل ديره مقبره لكن لانريد أن يكثر فينا الخبث ، ولا نريد أن ينتهي حالنا مثل حال بعض الخليجات اللي نشوفهم ، كفايه انه عددنا قليل
وشكرا مره اخرى

[ellezeem]

ناقصات عقل ودين

والنار تبغىي حطب

لاحول ولا قوة الا بالله ...

[dream~qa]

وش فايدة العباية والشيلة والبنت أصلا ما تعرف تعاليم دينها الاسلامي أو تعرف وبايعتها ...أنا أشوف نصح هالبنات وعوايلهم وتذكيرهم بيوم الحساب وتثقيفهم بدينهم أفضل من الاستنكار في المنتديات .

[فلتة زمانها]

المرأة
المرأة
المرأة
المرأة
المرأة
المرأة
المرأة

[عزووز قطر]

السبب في الامهات والاباء ،،، بأنهم عودوا بناتهم بأن لبس الشيلة والعباية من العادات والتقاليد لا أكثر ،،، ماعودوهم بأن ظهور الشعر تعتبر معصية لله تعالى

ولو طلع شعر البنت قالوا لها عيب غطي شعرج ،،، مايقولون حرام والله بيعاقبج على هالشي ...

[شميرام]

الواحد لين شاف حاله او حالتين يسكت لكن صايره ظاهره خاصه بين جيل 88 ونازل
في الداخل
العبايه من فوق مفتوحة ومن تحت مفتوحة في طقطق في نص او حزام ومن تحت لقنز هذي اذا مافي دانتيل تحت او العبايه قصيره عشان يبين الجوتي أي ماركه اوالبنطلون أي ماركه ا والقميص و الروج الفاقع الأحمر والبرتقالي والفوشي لا والحين بنت طول الام لابسه بس عبايه وشعر طالع صار الشي التافهه اهم من الدين،،،،،اذا رايحه زياره مب مشكله يمكن نقول معليه لكن حق السوق او مكان عام او عمل الاحتشام مطلوب و واجب

أما
في الخارج مادري شصار وين الدين وين الأهل اللي يعلمون الدين اقل شي أقول وين العادات والتقاليد في ناس فصخو الحيا لا حجاب ولا شي جنه مافي رب في أوربا وغيرها قبل كنا ننتقد الدول المجاوره عل ذي التصرف الحين هم ينتقدونا !!!!يقلون أش فيهم هل قطر استخفو النموذج الثاني يغطون شعر والدلعه ونص اليد طالعين والبنطلون الضيق ، الحجاب مب شعر الايه واضح {وَلْيَضْرِبْنَ بِخُمُرِهِنَّ عَلَى جُيُوبِهِنَّ } ،والأساور وخرابيط والحشره {وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ} وذيلا يخرخشون من اسورهم وميدلياتهم،،، لا تعتبر كشخه في نظر الغرب تعتبر شي ثاني او مخ تافهه أما الحراميه تعتبر صيده وحده من فوق لين تحت ماركات أكيد عندها بوك متروس فلوس ما يدرون أنهم يهال والكلام ينطبق على الشباب ,,,,, بعض الكويتيات يلبسون بناطلين بس محتشمات وسيع ومريح سواء متحجبات او لا

[شميرام]

وش فايدة العباية والشيلة والبنت أصلا ما تعرف تعاليم دينها الاسلامي أو تعرف وبايعتها ...أنا أشوف نصح هالبنات وعوايلهم وتذكيرهم بيوم الحساب وتثقيفهم بدينهم أفضل من الاستنكار في المنتديات .

كتابه الموضوع ليس استنكار عبر منتدئ هو تنبيه حق بعض الأهل الراقدين،،، ال شي صاير ظاهره والمنتدى ذي الكل يقرأه ،،،
المشكله هي كاتبه أن أي حد تذكره وتثقفه صار يستنكر التذكير والتنبيه وينزعج ويقلون لا تدخلون وصار شي يزعل ،،،، لا ويدرون أنهم عل غلط يقلون لا تشوفج فلانه تهاوشج عل لبسج!!!!'
يعني انتم ساكتين؟؟؟؟ ،،، وإذا ما عندنا بنات من ذي الجيل ونشوفهم في السوق ول في سفر

[خليفـة]

محد له الحق ان يحكم على وحده من مجرد شكلها الخارجي
والقصد من كلامي هنا
انها تكون مطلعه جزء من شعرها .. او حاطه شيلتها بطريقة غير مناسبة

مثل هالنوع من البنات حسابهم عند ربهم

ممكن تكون مقصرة في الالتزام باللبس الصحيح .. ولكنها تتصدق وتصلي وتصوم وتعرف الله
اكثر من وحده ثانية غيرها محتشمه وتلبس بطريقة افضل منها

في النهاية .. لا يعلم مافي القلوب الا مقلب القلوب سبحانه

خليفـــة

[رهج السنابك]

؛

تذكرت قبل كم يوم وحده مع زوجها ع مايبدو لي
الاخت راميه الشيله ع ويهها يعني متغطيه بس من ورا رقبتها طالعه وجزء من الظهر والاخ معها واقف ولا انتبه ولا نبهها تميت واقفه مكاني متردده قلت اكلمها واقولها تغطي نفسها من الخلف وخفت بنفس الوقت قلت اذا زوجها راضي ولا قال شي اخاف ادا كلمتها يهب فيني او يفشلني وهو طول وعرض وشنب هالطول
بس اللي حسم الامر عندي شكل عبايتها كلش مب عباية حشمة فقلت هي ماحشمت باقي جسمها وتسترت مابتفرق معها الرقبه لو طالعه
دعيت لها بالستر ولازال فيني غصه من منظرها ومن منظر زوجها الي راضي بشكلها

[مسك روز]

في ردود اصدمتني ..!!

[intesar]

اللي محتاجينه توعية أكبر بمدارس البنات. يعني هذا دور الداعيات ودور الأوقاف..
يقولون الأوقاف يسوون ويسوون.. بس للحين ماوصلني ولا سمعت بشيء.. المفروض الأوقاف يطلعون برع مراكزهم .. يبدون يطبعون منشورات.. دورات تثقيفية تكون بداخل المدارس..

إذا الناس ماجاتكم.. إنتوا روحوا لهم.. ولا ليش عندكم قسم دعوة واسمهم دعاة وداعيات..

مازال ينقصنا الكثير والكثير.. ومع احترامي الكبير للوزير.. بس مالاحظت أي دور له..

[wadha-qa]

للاسف كلامج صحيح و اضيف بعد البنات اللي قاموا يقصرون العبايه بدرجه مب طبيعيه صراحه الحشمه في خطر ياليت عندنا جهه تطبظ المتبرجات بشكل مبتذل في الاماكن العامه لان شكلهم يفشل

[alsoq]

سؤالي كيف يرضى رب الاسره انا يسافروا اهله بدونه
واذا كان معهم المصيبه اكبر وامر
كيف ها الناس بالخارج تسمح لهم بها لبس من رضى على اهله بلبس غير محتشم او يظهر مفاتن الجسم فهو ديوث نعم احبتي ديوث

نسأل الله الهدايه والستر

[Aaziz]

في ردود اصدمتني ..!!

:victory:

[.. الكاش ..]

الله يهديهم ويصلحهم

[امـ حمد]

لاحول ولا قوة الا بالله العلى العظيم

انا مالوم البنات وين عيون الأهل وبالذات الأم

الله يصلح احوالهم ويهديهم

[penguin]

مااجوف المحرم له أهميه

جايف بنات مع أهلهم و استغفر الله من ورا اهلهم يسون البلاوي

البنت العاقله ماتحتاج محرم معها

لكن المطيوره هذي لو تسافر مع عشرين محرم محد يمسكها:rolleyes2:

[بنت مريخ]

أختي شفتي الى مع أزواجهم شلابسين ريحه عطرها تنشم من بعد كيلو والى يقهر ان الزوج مستأنس بكشختها وكاشخ معاها ماعرف هذا مافيه وازع ديني او مافيه غيره على زوجته. شفت أشياء عجيبه غريبه يارب لا تبلينا
وكشخه هاردوز وذيك المنطقه غيررررر
حشى مالهم خص بالإسلام لاحول ولاقوه الآباالله
خاطري اسئلهم ليش هاي كله؟ ما تخافون من موت الفجاءة؟
شفت وحده منقبه وعباده مخرمه من تحت في الدوام
الى أشوف من كم يوم ان اسنمه البخت اكبر من قبل بوايد
الله يهديهم ويصلح حالهم قبل الممات

[meeemz]

محد له الحق ان يحكم على وحده من مجرد شكلها الخارجي
والقصد من كلامي هنا
انها تكون مطلعه جزء من شعرها .. او حاطه شيلتها بطريقة غير مناسبة

مثل هالنوع من البنات حسابهم عند ربهم

ممكن تكون مقصرة في الالتزام باللبس الصحيح .. ولكنها تتصدق وتصلي وتصوم وتعرف الله
اكثر من وحده ثانية غيرها محتشمه وتلبس بطريقة افضل منها



خليفـــة


اولا مانتكلم عن ان اللي تطلع شعرها بنت مو زينه والا صايعه مب هذا موضوعنا مادخلنا في نوايا الناس والا قلوبهم نتكلم عن ظاهرة السفور بشكل عام وانكار المنكر ،خلاص هي مقصره هي غافله !! مب المفروض ننبهها مب المفروض ننصحها ؟؟؟؟

تعرف ليش؟؟؟ الله خفس ببني اسرائيل؟؟؟

لانهم كانوا لا يتناهون عن منكره فعلوه وكل مسلم واجب عليه النصيحه قال تعالى: ﴿لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ ، كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ﴾ [ المائدة ].

وتأمل في هالقصه فأنا اقول هالبنات واهلهم محتاجين توعية وان احنا نستنكر هالسفور،،وننصح لان هالشيء من واجبنا واللي وصلوه بناتنا من هالمستوى شيء يفشل بصراحه ..

اذا احمد ابن حنبل كان عندما يجلد يخاف ان تنكشف عورته ماكان شايل هم الألم ولا الجرح وهو رجل خاف ان تنكشف عورته فيحاسبه ربي واحنا وصل في البنات ان تكشف زينتها ونسكت ونقول والله كيفها ربها فوقها وهي تكشف عورتها برضاها
وهالبنت مو بس بهالسفور تضر نفسها هي تضر شباب ومجتمع اولا فتنه على الشباب وثانيا صار موضوع السفور سهل ومحد يستنكر هالشيء] وننسى ان من سن سنة حسنه فله مثل اجرها واجر من عمل بها ومن سن سنة سيئه فله مثل وزرها ووزر من عمل بها

[elders]

اولا مانتكلم عن ان اللي تطلع شعرها بنت مو زينه والا صايعه مب هذا موضوعنا مادخلنا في نوايا الناس والا قلوبهم نتكلم عن ظاهرة السفور بشكل عام وانكار المنكر ،خلاص هي مقصره هي غافله !! مب المفروض ننبهها مب المفروض ننصحها ؟؟؟؟

تعرف ليش؟؟؟ الله خفس ببني اسرائيل؟؟؟

لانهم كانوا لا يتناهون عن منكره فعلوه وكل مسلم واجب عليه النصيحه قال تعالى: ﴿لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ ، كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ﴾ [ المائدة ].

[/b][/

طيب مشان ما ينخسف فينا المنتدى ..اقرأي هالنصيحة وآثرت انها تكون في العلن لانها مش الك بس ..لكل عضو اثنى على اسلوبك وما انتبه للي انتبتهلو ...

ذكرتي بموضوعك الجملة هاي



قبل كنا نكذب عيونا ونقول لا اكيد من جنسيه عربيه و مسويه في نفسها هاي كله عشان تجذب شباب هلقطر ...
لكن للأسف خربوا بناتنا ، بنات اهل قطر ،



اولا عم بتناقضي في حالك اختي ....انتي عم تحكي انو لما تطلع البنت شعرها مش شرط تكون مش منيحة وانو الله وحده بيعلم بالقلوب ...

شو بالنسبة للي كذبتي عيونك وحكيتي اكيد عربيات ومسوية في حالها هيك مشان تجذب شباب قطر ؟؟

كيف دخلتي قلبها وعرفتي نيتها ؟؟
وكيف قررتي وأسأتي لشباب قطر انهم بنجذبو للشي اللي متل هيك ،وانهم الهم عهيك قصص فارطة ؟؟
وكيف تتهمي بنات بلدك بالتقليد لشي عاطل ؟ وتتأسفي انهم قلدو هيك اصناف في حين وجود اصناف مستورة وموجودين بقطر قبل العرب واكبر مثال الطفلات اللي من باكستان !!!
بعدين فعلا ما فهمت معادلتك ؟ العربية قلدت القطرية مشان تجذب القطري فرجعت القطرية قلدتها وخربت ؟؟؟ مش مفهوم مثالك بصراحة ......

رح اترك كل الحكي الفاضي اللي تناقشت معك فيه فوق (ولاحظي اني بعترف انو فاضي لانو كان مجرد جدال بس غرضي فيه انو عيب جد عيب الواحد يحمل حد اخطاؤه كأنو ما عندو مخ وما يراعي شعور الاخرين وخصوصا انك ما ذكرتي كلمة "بعض" اللي تعتبر مخرج عند الضرورة حتى لو كان مش مقنع )


المهم خلينا في الاهم اختي ...

الحجاب او الستر اذا كان قصدك فيه حجاب المسلمين مشان الحكي عنو يكون مؤثر واله معنى لازم تربطيه في اللي امر فيه مش في العادات والتقاليد ..العادات والتقاليد بتتغير وبتتاثر بالتداخل الحضاري وانفتاح الثقافات واختلاف القدوات ..فيمكن نصيحتك بهاي الطريقة ما الها وقع او تلاقي معارضين كتير خلفياتهم وتنشئتهم غير عنك ...
اما لو حكيتي ونصحتي واشرتي الى اتباع امر الله في الحجاب الصحيح وذكرتي بحبه والخوف من عقابه مارح تلاقي حد يعارض ...

الدين ما الو جنسية وانتي من غير ما تحسي وجهتي الموضوع لنقاط تانية متل ما لاحظنا في بعض المشاركات ،خلقتي فرق بين حجاب العربية وحجاب الخليجية وتميز حجاب القطرية ، اول مرة اعرف انو في حجاب مختلف لكل مسلم (حجابنا واحد من حيث الشروط والاختلاف بكون في الهيئة حسب العرف ) ...

اختي الكريمة مش هيك النصيحة بتكون ،وبتمنى اكون عبرت عن اللي بدي اوصلك اياه من غير ما تدايقي ...

جزاك الله خير والله يهدينا جميعا ...

[ريتويت]

اليوم فالاند.. اشوف بنت مبين عليها كبيره لابسه عبايه قصيره دانتيل وليجنز قصير مع خلخال وكعب وردي فوشيا والشعر اشقر كله برا.. قسم بالله خلت الناس تضحك عليها حتي الاجانب انصدموا

[مشاكل]

اليوم فالاند.. اشوف بنت مبين عليها كبيره لابسه عبايه قصيره دانتيل وليجنز قصير مع خلخال وكعب وردي فوشيا والشعر اشقر كله برا.. قسم بالله خلت الناس تضحك عليها حتي الاجانب انصدموا

داخله سيرك المهرجة

[ريتويت]

مغازل عيني عينك.. اتمني من البلديه يسوون تفتيش لمحلات العبي ويحرقون العبايات القصيره والدانتيل والحبل وكل شي غريب..

[مشاكل]

مغازل عيني عينك.. اتمني من البلديه يسوون تفتيش لمحلات العبي ويحرقون العبايات القصيره والدانتيل والحبل وكل شي غريب..

المفروض يمنعونها على البنات مثل ماامنعوا البوالين على الشباب
لان فالنهاية اثنيناتهم خطر على الانسان

[penguin]

شو بالنسبة للي كذبتي عيونك وحكيتي اكيد عربيات ومسوية في حالها هيك مشان تجذب شباب قطر ؟؟

كيف دخلتي قلبها وعرفتي نيتها ؟؟
وكيف قررتي وأسأتي لشباب قطر انهم بنجذبو للشي اللي متل هيك ،وانهم الهم عهيك قصص فارطة ؟؟
وكيف تتهمي بنات بلدك بالتقليد لشي عاطل ؟ وتتأسفي انهم قلدو هيك اصناف في حين وجود اصناف مستورة وموجودين بقطر قبل العرب واكبر مثال الطفلات اللي من باكستان !!!
بعدين فعلا ما فهمت معادلتك ؟ العربية قلدت القطرية مشان تجذب القطري فرجعت القطرية قلدتها وخربت ؟؟؟ مش مفهوم مثالك بصراحة ......
...


محشومين خواتنا العربيات
وايد بنات نفتخر بوجودهم عندنا في قطر
ناس أخلاق وتربية
بس احس انها تقصد البعض مب الكل أكيد :victory:

[شميرام]

وكيف قررتي وأسأتي لشباب قطر انهم بنجذبو للشي اللي متل هيك ،وانهم الهم عهيك قصص فارطة ؟؟
وكيف تتهمي بنات بلدك بالتقليد لشي عاطل ؟ وتتأسفي انهم قلدو هيك اصناف في حين وجود اصناف مستورة وموجودين بقطر قبل العرب واكبر مثال الطفلات اللي من باكستان !!!
بعدين فعلا ما فهمت معادلتك ؟ العربية قلدت القطرية مشان تجذب القطري فرجعت القطرية قلدتها وخربت ؟؟؟ مش مفهوم مثالك بصراحة ......

أختي هي تبغي تنبه الناس وايد ناس يقلون نفس الكلمه ذيلا مش قطرين او قطريات !!!

في عربيات او غيرهم يلبسون العبايه من منطلق العادات والتقاليد البلاد لكن في تصرفاتهم تختلف عن العادات والتقاليد سوء فهم للعادات وتقاليد البلاد،،،، لكن العرب اللي عايشين في دوحه من زمان حتى لو لبسهم نفسه ما يتغير (ما لبسو العبايه )لكن اغلبهم طبعهم نفس اطبع هل قطر اللي يعيبنا يعيبهم

يعني قبل نشوف وحده لابسه عبايه قاعده تشيش مثلا وشيشه عندنا من الكبائر حتى التدخين لو مره بتشيش ،حتى شباب بعض الأهالي يرفضونه وعقب يشفون وحده في كافيه او مطعم تشيش ولابس عبايه طبعا اول ردت فعل حق الناس يقلون مب قطريه ،،،يمكن سوريه او لبنانيه او إيرانية لان شيشه عند بعضهم شي عادي طبعا غلط نتهم الغير بس من النادر يكنون قطريات ذي الكلام قبل سنه الحين نحصل قطريات ،،،هي قصدها لا تقعدون تنكرون ذي الفعل عل هل قطر لا في قطريات جذيه (انا صرت أكرهه ذي الجمله لا ذيلا مب قطرين جنهم المنزهين عن الخطأ )


التصرفات او لبس اللي قالت عنها ليست لجذب الشباب بعضهم آخر تفكيرهم الزواج وتكوين عيله او صدقات لان الاوليه تظهر كشختها بينها وبين ربعها !!!!شي أحاول افهمه في ذي الجيل معني اللي بيني وبينهم كم سنه بس الأفكار غير

[ms-qtr]

ظغوط الموضة صارت اكبر من الوازع الديني
انتشر السفور بين البنات في السفر
ولبس البندانات و الملابس الي في قطر ما تلبسها الا في بيتها
كان لما تسافر كل شي يصير حلال !!

[لاجل QT]

في النهاية شي راجع لهم الله اللى بيحاسبهم

مالنا حق نتدخل في خصوصيات الناس هم مسؤلين عن اعمالهم

يفضل الدعاء لهم بالهداية

الكلام وفتح مواضيع عن هالاشياء ماراح تفيد..والا كان فادت المواضيع اللى انفتحت قبل ..ادعو لهم بالهداية وتصدقو لهم :)كان يهمكم الموضوع بجد من الناحية الدينية:)

اعجبتنى كلمة بندانة:shy:اول مرة اعرف اسمها :shy:

[بنت مريخ]

البندانه سعرها ٩٠٠ريال عند خواتنا السعوديات في معرض العبي في قاعه المعارض بتاريخ ٢٠١٢/٥
وملخصه وعليها الطلب
فلاتستهينون بها