ارائكم حول فعاليات العيد الاضحى المبارك

[tawareq]

فعاليات عيد الاضحى المبارك متنوعة في العديد من المراكز التجارية والعديد من مناطق الدولة نشوف ارائكم وبالذات اراء الضيوف القادمين من مجلس التعاون الخليجي

[شموخ]

أنا عمري ماحضرت ولا فعالية صارت في الدوحة الا مرة واحدة اللي هي أيام غزو الكويت في التسعينات وبس والفعاليات اللي تصيركلها حق الأجانب والمقيمين

[(محمد)]

الفعاليات فاشلة كعادتها ولايوجد فعاليات لأهل قطر

لكن هناك فعاليات للاجانب
المفروض هالسؤال يكون موجه للغربيين والهنود

[khalid525]

هالمرة بصراحة ما قصرت هيئة السياحة ،استقبال السياح بالورد في منافذ الحدود، فعاليات في كل مكان في الاسواق والمجمعات والحدائق وكتارا هذا اللي شفته ، وطبعا اكثر اللي يحضرون هالفعاليات هم المقيمين والسياح اللي جونا من السعودية والكويت والامارات ، واهل قطر كالعادة ما يشاركون بس قاعدين في بيوتهم يتحلطمون ويحتجون بنفس الكلام :الدولة ما سوت لنا ولا فعلت لنا ، طبعا اتكلم عن نص القطريين اللي تموا في الديرة لان النص الثاني كانوا مسافرين :)

[تاسيتوس]

تقدم ملموس على مقياس 10 يستاهلون 7.5

[حميداني]

كان فيه فعاليات ؟ ...طلعت خبر خير
الله يهديهم كان اكتبو عنها علشان ندري

[الملا]

كان في فعاليات واعلنو عنها يعطيهم العافية ما قصروا

[حميداني]

انشغلنا عنها , يالله خيرها بغيرها ان شاءالله
والى الامام دام الشباب يمدحونها

[زهرة بنفسجية]

رحت سوق واقف شوي
كان في فعاليا سيرك و عروض حلوه
و اخدت الولاد لحفلة طيور الجنه
احس هالعيد افضل الفعاليات
مع العلم انه في بعض السلبيات
رحنا اول يوم حياة بلازا
كان زحمممه موت و مانك محصل طاوله
و الصوت غير واضح لا تسمع الا ضجيج في المكان
لازم مثل هالعروض تكون في مدرجات
يتمكن الكل من المشاهده مو واحد وقف يمنع كل اللي وراه من المشاهده
و زحام فظيييع وين مارحت
سوق واقف سساعه و نحن ندور باركينغ

[لـبـيـه]

فعاليات وين

شوف غير الفعاليات الي صارت من كم سنه عل طول الكرنيش اناره واضاءه واكشاك

تبيع على طول الكرنيش والمجمعات غيرها لحد الحين ماوصلنه لمرحلة الفعاليات

كتارا ضلمه ومافيها شي غير انك تمشي وتروح وتردوالعاب الناريه ليش ما يستغلون

المساحه بوضع العاب واكشاك واناره واللؤلؤه غير المطاعم مافيها شي

المجمعات كوبي بست كل مره

مفروض هيئة السياحه تعطي الصلاحيه للمجمعات للتنافس في الفعاليات لفترات متقطعه

مب نصوم نصوم ونفطر على ست ايام فقط

وليش مانشوف دبي في فعالياتها الامكانيات عندنا بس المشكله في التنفيذ والعنصر البشري

[القنيطرة]

ما حضرت الا فعاليات كانت بالقرب من حديقة حيوان الدوحة ((دريم بارك ))

[ام علي1981]

أحلى العروض بنشوفها في الكريسميس

[بو الجوري]

الصراحـه مارحت ولامكان :..

يا رجال منظر المواقف والزحمه تخوف إنك تفكر تودي اليهال :..

سمعت إنه فيه فعاليات ، لكـن مافكرت أروح ، لأنه شي طبيعي الناس فوق بعض :..