انحناء البورسلان !

[Chambray]

السلام عليكم
اخباركم

عندي استفسار بخصوص البورسلان ..

انا من عندي حساسيه من المنتجات الصينية لذلك اتجهه دائماً للمنتجات الاوروبية

وانا عميل دائم مع شركة من الشركات الكبيره في قطر ..

شريت بورسلان ( نوع grespania ) أسباني ، شبيه بالخشب بمبلغ وقدره وللوهله الاولى تشوفه ان مافيه شئ والامور طيبه ..
لكن يوم التركيب اخبرني المبلط ان البلاط فيه انحناء بسيط ، لا يلاحظ إلا إذا الواحد دقق فيه بمعدل 1 او 2 او 3 تقريباً

قلت مب مشكلة يمكن لان البلاطه كبيره 90 × 30

لكن من فترة شهر شريت بلاط بعد من نوعيه ( grespania )
30 × 60 .. وبعد نفس المشكلة !

عند التركيب الواحد مايلاحظ إلا إذا دقق عدل ..

فهل هذا شئ طبيعي .. ولا البلاط مغشوش ؟؟ ولا شسالفه !؟؟

لان واحد من الربع طلع عنده نفس المشكلة بس لبلاط صيني و 60 × 60 !

أفيدونا افادكم الله:nice:

[معماري قطري]

شقول لك يا اخوي بس معروف إن للقياس فيه شوية تغير بحدود بسيطة كلش ما تُلاحظ ويمكن بمعدات قياس دقيقة .. لكن مسئلة الإنحناء هذي غريبة وإذا كانت ملاحظة وبسهولة وبالعين تبين واضحة ما لك الا تطلب تغييره .. لأن الماركة اللي ذكرتها معروفة.

فيه إحتمال وتفسير مهم لهذي النوعية وهو ممكن يكون الإنحناء معمول مقصود علشان يعطيك إنطباع الخشب، وأتوقع الإنحناء في هذي الحالة يعطيك ميزة وجمال ومعمول عن قصد لأن سمعت عن التغير البسيط في المقاس ولكل نوع فيه في مواصفاته ذكر لهذا التغيير وحدوده، لكن الإنحناء أول مره أسمع عنه.

[MAZEN37]

من الاخر يقولون عنه اسباني لكن انا متاكد انه صيني
قول حق الشركه يراويك بل اوف لودنج مالت الكونتينر الي جابوه فيه

[بن غيث]

واضح أنه ستوك موجود عندهم أو تم أستيراده على أساس أنه فرز ثاني

ولاحظ أيضاً عدم وجود اى دبابيس أو حفر وبقع سوداء على السطح
هذه العيوب تظهر فقط إذا تم وضع الجليز بطريقة غير سليمة أو وصول اى نوع من الشوائب على البلاطة إثناء وضع الجليز >> والجليز هى المادة الزجاجية التى تغطى سطح البلاطه
وتأكد أنها مواصفات خليجية ( ss )

http://www13.0zz0.com/2012/11/03/05/285524279.jpg

وأنتبه لنفس هذه النوعية .. سيئة جداً

http://www13.0zz0.com/2012/11/03/05/395955598.jpg

شركة صينية أرسلت لي عرض المتر بــ 3 دولار

[@north_star@]

الانحناء احتمال انه البلاط واصله ماي اثناء فترة التخزين أو أنه نخب ثالث مب نخب أول لانه بلاط النخب الاول مستحيل يقوس أو ينحني وما تشوف فيه نتوء ولا فراغات بالطبقة الخزفية

[ابو رها]

هلا اخوي

الشباب ماقصروا بالتوضيح
لكن مشكلتك الله والعليم بسبب التخزين 100٪ بحال انه بورسلان اسباني
وعموماً البورسلان صعب يصير فيه انحناءات لصلابته وقوته
خصوصاً الاسباني والايطالي حتى لو نخب ثالث
عيوب البورسلان المصنعيه بالقوالب وبمادة الجليز فقط
القوالب تسبب فروقات بالاطوال توصل الى 2 مل
والجليز اذا مو مضبوط يسبب حفر صغيره وعدم نعومة الملمس
وطبعاً الكلام هذا مايشوفه اللي مايعرف بالبورسلان وحتى قص الليزر
فيه فروقات لكنها شبه معدومه
اما اذا كان موديله كذا فيه انحناء فلازم من الاسفل يكون مستقيم
كذا ممكن تقول موديل لكن البلاطه بالكامل منحنيه هذا عيب فيها


عموماً انا اتوقع المشكله بسبب التخزين لفترات طويله على طبليات متكسره
او مو مستويه زين ومرصوصه فوق بعضها

واذا مااستخدمته رجعه واستبدله والله يكون بالعون


تقبل تحياتي

[Chambray]

عفواً ( هو تقويس ) وليس انحناء ، انا ماعرفت اوضح :)

والتقويس بسيط جداً مايلاحظ إلا عند التركيب .. بمعدل 2 ملم تقريباً ..

والي مايعرف ماراح يلاحظ او يفرق .. ومشكورين على التوضيح

[بن غيث]

التقويس من اسفل الى اعلى .. ام من اعلى الى اسفل
وهل في مشكله اذا رديته على الشركة الموردة ...

[Chambray]

التقويس من اسفل الى اعلى .. ام من اعلى الى اسفل
وهل في مشكله اذا رديته على الشركة الموردة ...

والله ماعرف شلون اشرح لك

لكن وقت التركيب راح تلاحظ ان البلاطه مش مستقيمه 100%
لكن بتشوف ان هناك تقويسه بسيطة جداً غير ملاحظه برتفاع 1 ملم - 2 ملم تقريباً ..

المشكلة اني بديت التركيب .. والمشكلة الثانية ان ذوقي انا صعب ، وبعد معاناه حصلت الي ادور عليه .. خصوصاً من النوعيه 30× 60 ..

لكن حبيت اعرف هل التقويسه البسيطة ذي عاديه ولا شسالفه ؟

[معماري قطري]

والله ماعرف شلون اشرح لك

لكن وقت التركيب راح تلاحظ ان البلاطه مش مستقيمه 100%
لكن بتشوف ان هناك تقويسه بسيطة جداً غير ملاحظه برتفاع 1 ملم - 2 ملم تقريباً ..

المشكلة اني بديت التركيب .. والمشكلة الثانية ان ذوقي انا صعب ، وبعد معاناه حصلت الي ادور عليه .. خصوصاً من النوعيه 30× 60 ..

لكن حبيت اعرف هل التقويسه البسيطة ذي عاديه ولا شسالفه ؟

والله شكل ما قلت لك قبل انا أتوقعها عادية علشان تعطيك شكل الخشب الطبيعي .. شوف المواصفات عند الشركة الموردة بتحصلها طبيعية.

[القلم الصريح]

السلام عليكم
اخباركم

عندي استفسار بخصوص البورسلان ..

انا من عندي حساسيه من المنتجات الصينية لذلك اتجهه دائماً للمنتجات الاوروبية

وانا عميل دائم مع شركة من الشركات الكبيره في قطر ..

شريت بورسلان ( نوع grespania ) أسباني ، شبيه بالخشب بمبلغ وقدره وللوهله الاولى تشوفه ان مافيه شئ والامور طيبه ..
لكن يوم التركيب اخبرني المبلط ان البلاط فيه انحناء بسيط ، لا يلاحظ إلا إذا الواحد دقق فيه بمعدل 1 او 2 او 3 تقريباً

قلت مب مشكلة يمكن لان البلاطه كبيره 90 × 30

لكن من فترة شهر شريت بلاط بعد من نوعيه ( grespania )
30 × 60 .. وبعد نفس المشكلة !

عند التركيب الواحد مايلاحظ إلا إذا دقق عدل ..

فهل هذا شئ طبيعي .. ولا البلاط مغشوش ؟؟ ولا شسالفه !؟؟

لان واحد من الربع طلع عنده نفس المشكلة بس لبلاط صيني و 60 × 60 !

أفيدونا افادكم الله:nice:




صحيح اخوي كلامك 100%

اللي صار معاك صار معاي بالضبط قبل سنتين ، اخذت بورسلان على شكل باركية من احد المحلات الكبرى وكان سعر المتر ب250 ريال اسباني نخب اول ونفس المقاس 30*90
وفي التركيب طلع في تقويس خفيف للاعلى ، راجعت المحل اللي شريته منه وقدمت شكوى لأدارة الشركة من بيعي بلاط مقوس فالتركيب فخاطبوا المصنع الاسباني بالمشكله وقموا بارجاع لي المبلغ اللي دفعته كااااااااامل وتم ايقاف استيراد هالنوع من البلاط
وعلى كلام المحل انه فعلا اذا كان البورسلان غير متساوي مثل 60*60 او 40*40 يطلع فيه تقويس بالبلاطه

[captin]

الانحناء احتمال انه البلاط واصله ماي اثناء فترة التخزين أو أنه نخب ثالث مب نخب أول لانه بلاط النخب الاول مستحيل يقوس أو ينحني وما تشوف فيه نتوء ولا فراغات بالطبقة الخزفية

This could be the best post for your question

[معماري قطري]

صحيح اخوي كلامك 100%

اللي صار معاك صار معاي بالضبط قبل سنتين ، اخذت بورسلان على شكل باركية من احد المحلات الكبرى وكان سعر المتر ب250 ريال اسباني نخب اول ونفس المقاس 30*90
وفي التركيب طلع في تقويس خفيف للاعلى ، راجعت المحل اللي شريته منه وقدمت شكوى لأدارة الشركة من بيعي بلاط مقوس فالتركيب فخاطبوا المصنع الاسباني بالمشكله وقموا بارجاع لي المبلغ اللي دفعته كااااااااامل وتم ايقاف استيراد هالنوع من البلاط
وعلى كلام المحل انه فعلا اذا كان البورسلان غير متساوي مثل 60*60 او 40*40 يطلع فيه تقويس بالبلاطه

انا إخوي خذت 120 * 60 إيطالي .. وقطع ثقيلة يتعاونون في تركيبها 3 أشخاص لكن الحمد لله لا إنحناء ولا تقوس ولا اختلاف في الأبعاد وركبته زيرو جوينت وطالع فوق الممتاز له قريب 7 سنين ولا مشاكل تذكر.

[MAZEN37]

اخ معماري اي تفضل تركيب زيرو جوينت او مب حلو وش مميزاته

[معماري قطري]

اخ معماري اي تفضل تركيب زيرو جوينت او مب حلو وش مميزاته

على حسب نوعية السيراميك أو البورسلان بعضه ما يركب كلش .. وبعدين الزيرو جوينت صعب في التركيب وغالبية البلاطين بيحاولون يقنعونك إنك ما تسويه .. وفي الأخير حتى الزيرو جوينت تكون فيه فجوة بسيطة جداً وهذي تنملي أما بقراوت سائل أو بقراوت ناعم جداً .. يعني جزيئاته ما تكون مثل حبات الرمل تمنع دخوله بين الفجوات .. أو أخيراً ببساطة تترك الفتحات البسيطة ذي وما تكون واضحة الا للي يدقق وبصعوبة.

فيه نوعيات كثيرة من البورسلان حافته مشكوفة يعني فيها كسرة بزاوية 45 درجة، وإذا ركبت بلاطتين جنب بعض يسوون حرف V بينهم .. زاويتين 45 من كل جانب تعطيك زاوية 90 درجة بس مايله على شكل حرف V وهذي النوعية المفروض تتركب زيرو جوينت بس الفاصل بين البلاطة والثانية يسوي لك مثلث وينملي ذيه بنوعية قراوت زينة أما Epoxy or fine sanded grout وميزة هذي الشطفة تخفي عيوب التركيب من ناحية المستوى وتمنع إنكسار الزاوية بسهولة.

ملاحظة مهمة اللي بيركب زيرو جوينت المفروض يكون شاطر ويفضل يكون عنده جهاز ليزر لتحديد استقامة خط التركيب، وفي النهاية الإثنين يطلعون حلوين إذا تم التركيب صح وبحرفية .. قصدي فاصل صفري أو فاصل بمقاس معين.

[naklan]

انا مع رأي الاخوان فرز ثاني او ثالث الفرق في السعر كبير على المورد
ويبيعونه على انه نخب اول اخوي البلاط الي يجي حول المتر في 40 يتقوس
لذالك ميزة الفرز الاول انك تاخذ بضاعة خالية من العيوب حاول مع المورد
لمراسلة الشركة واسترداد المبلغ مثل ما وضح احد الاخوة الاعضاء
تحياتي يالغالي

[Chambray]

والله شكل ما قلت لك قبل انا أتوقعها عادية علشان تعطيك شكل الخشب الطبيعي .. شوف المواصفات عند الشركة الموردة بتحصلها طبيعية.

الشكل الخشبي والشكل الثاني العادي

كلهم نفس المشكلة مب بس نوع واحد

[Chambray]

والله الخشبي شاريه على 220 ريال المتر بس مب شاري كمية وايد 45 متر .. وصار لها فترة عندي يمكن سنتين ( لاتقولون انا السبب خخخخخخخخخ )

لكن البلاط الثاني شاريه توني من شهر ( وبعد فيه تقويسه بسيطة ) وسعره 70 ريال

هل نخب ثاني وقصوا علي !

الشركة الي شريته من عندهم مش شركة صغيره !! من الشركات العملاقه في قطر

[KSK Logistic]

السلام ، اخوي انا استورد من المصنع في الصين > شوف اسباني ولا صيني داءاما فيه بلاط نسبه قليله من الانتاج
معيوب في اللون او الشكل او الانحاء ، المصنع ايبيعه نصف السعر وفيه تجار يشترونه وابيعونه .

[معماري قطري]

الشكل الخشبي والشكل الثاني العادي

كلهم نفس المشكلة مب بس نوع واحد

عيل خطأ مصنعي مثل ما قالوا الشباب وإرجاعه أحسن ولو ما قدرت ترجعه شوف مكان مهب مهم تستعمله فيه.

وبالتوفيق لك إن شاء الله.