وبـدأ المنحنى الخطـر يظهر!!

[غزلان]

جديد العبايات … عباية ببنطلون!!




http://www.mbc66.net/upload/upjpg2/vMo86028.jpg (http://www.mbc66.net/upload/)


_




شفت الصوره بالموقع توقعت على التحريف الى كل يوم يصير بالعبايه ان تصل من سيء الى اسوأ

القصه الجديده للعبايات ,, على من تقع المسؤوليه لعودة العبايه الى طبيعتها ولعدم التحريف والعبث السيء لها حتى وصلت الى ماكنا نخافه؟

مؤسف ان تكون العبايه وسيلة الستر والأحتشام بيد من يحاول تحويرها لتكون لها اهداف اخرى تشوه من سمعتها دون ان يكون اجراء لوقف هذه المهزله !

[التميمي 3]

لاحول ولا قوة إلا بالله
الله يستر ويحفظ خواتنا المسلمات

[مشاكل]

بات مان
:vampire:

[al-obaidly]

انتو ليش ماتفهمون هذه العبايه خاصه حق للي يسوقون بانشي

[بنت مريخ]

تلوع الجبد
بكره بتشوفين بنات المجمعات يتنافسون في لبسها مع ادخال مع بعض التعديلات
الله يهديهم ولأ يبلينا

[penguin]

هذي قديمه <<< صاير خبره أأأنا :nice:
اجوفها استر من اللي احين هابين فيها
اللي تيكم قصيره و شفافه من تحت عرفتوها :rolleyes2:

[ajyal]

الامريكيه

http://www.abdelmohsen.com/play-86.html

[asadfg]

سؤال منطقي اخي الكريم؟ هل هذا العبائه تبدو لك بمظهر عبائه خليعه؟ او لاتزال اسلاميه وساتره لو اختلف الشكل فهي ليست بضيقه او تبين رسم الجسد بل وسيعه ومحتشمه وساتره وتحت ظل اللبس الاسلامي

فانا لا ارى اي شيء ملفت بالعبائه غير انه الشكل يبدو مختلف ولكن لم تخالف قانون الاحتشام

[غزلان]

لاحول ولا قوة إلا بالله
الله يستر ويحفظ خواتنا المسلمات

اللهم امين

[غزلان]

بات مان
:vampire:


والله يستر من الشخصيات الى بالطريق:rolleyes2:

[غزلان]

انتو ليش ماتفهمون هذه العبايه خاصه حق للي يسوقون بانشي


اهااا الحين فهمنا :rolleyes2:

[غزلان]

تلوع الجبد
بكره بتشوفين بنات المجمعات يتنافسون في لبسها مع ادخال مع بعض التعديلات
الله يهديهم ولأ يبلينا


الله يهدينا ويهديهم ماعاد فيها صفة العبايه

[حميداني]

ما فيها شي

[غزلان]

هذي قديمه <<< صاير خبره أأأنا :nice:
اجوفها استر من اللي احين هابين فيها
اللي تيكم قصيره و شفافه من تحت عرفتوها :rolleyes2:


اول مره اشوفها بهالطريقه

اي شفتها مهم يبذلون قصارى جهدهم من كثر الأفكار الى براسهم لتحوير العبايه وتحويلها لغاياتهم:(

[Locale]

سؤال منطقي اخي الكريم؟ هل هذا العبائه تبدو لك بمظهر عبائه خليعه؟ او لاتزال اسلاميه وساتره لو اختلف الشكل فهي ليست بضيقه او تبين رسم الجسد بل وسيعه ومحتشمه وساتره وتحت ظل اللبس الاسلامي

فانا لا ارى اي شيء ملفت بالعبائه غير انه الشكل يبدو مختلف ولكن لم تخالف قانون الاحتشام
لكن اذا ألبستها كل الناس بطالعها لان تصميمها غريب!!

[Rosso]

هههههههههه
هذه جريمه بحق للموضه :nice:

[غزلان]

سؤال منطقي اخي الكريم؟ هل هذا العبائه تبدو لك بمظهر عبائه خليعه؟ او لاتزال اسلاميه وساتره لو اختلف الشكل فهي ليست بضيقه او تبين رسم الجسد بل وسيعه ومحتشمه وساتره وتحت ظل اللبس الاسلامي

فانا لا ارى اي شيء ملفت بالعبائه غير انه الشكل يبدو مختلف ولكن لم تخالف قانون الاحتشام

هذي السلبيه الى نعاني منها كل ماتغير شكل العبايه قلتوا مافيها شي

وهل شفتها وهي تمشي فيها حتى تقول ساتره او غير ساتره؟

ولماذا اختاروا شكل البنطلون لها؟؟؟؟؟

وشدخل البنطلون بالعبايه ؟؟؟

[غزلان]

لكن اذا ألبستها كل الناس بطالعها لان تصميمها غريب!!

:victory:

--

[غزلان]

هههههههههه
هذه جريمه بحق للموضه :nice:


الموضه صارت سلطه ههههههه

[غزلان]

ما فيها شي


رأيك خاص فيك

[حميداني]

رأيك خاص فيك

الحين اتعبين هالعباه يا غزلان لان شكلها تغير ولا لانها مب ساتره ؟

[penguin]

الحين اتعبيني هالعباه يا غزلان لان شكلها تغير ولا لانها مب ساتره ؟

:nice:

[غايه الطواش]

شوفي اختي غزلان من ناحيه الشكل فهو مستنكر

بس من ناحيه الدين ماقدر افتي لكن العبايه وسيعه وفضفاضه وماتبين تفاصيل الجسم بالاضافه ان العبايه
هي لبس عادات وتقاليد مو من الدين ,الدين امر باللبس الساتر الفضفاض ابي مايبين معالم الجسم
ولا يكون بألوان ملفته
لو تشوفين لبس الباكستانيات والافغانيات بنطلون وسيع وفضفاض

يعني ماقدر اقول علي الي تلبسها مسويه شي حرام. بس بضحك علي شكل العبايه لانه مستنكر.
بس علي فكره عبايه البنطلون من زمان نازله

[ellezeem]

شكلها حلوه ومودرن وساتره اكثر من العباية

المفتوحه اللي تحتها بنطلون يفصل الجسم كله

بالضبط ...

[حياة]

[QUOTE=asadfg;8546983]سؤال منطقي اخي الكريم؟ هل هذا العبائه تبدو لك بمظهر عبائه خليعه؟ او لاتزال اسلاميه وساتره لو اختلف الشكل فهي ليست بضيقه او تبين رسم الجسد بل وسيعه ومحتشمه وساتره وتحت ظل اللبس الاسلامي

فانا لا ارى اي شيء ملفت بالعبائه غير انه الشكل يبدو مختلف ولكن لم تخالف قانون الاحتشام[/QUOTE



هذا كلام صراحه مانقبله بتاتا ... كيف عبايه ساتره
ومحتشمه...؟ مافيها من الاحتشام شي ...

[الأصيلة]

بس بعد أهون من أم ربطه واللي تحدد مقاس الخصر
الله يستر ماتتطور وتصير ضيقة لين الخصر
هذه بداية الموديل...
العيب فيها إنها ملفته للنظر...

الله يستر على بنات المسلمين

[الزعفراني]

عباية غوار الطوشى وأبوعنتر في صح النوم :)

[doha000]

خاشين ويهه العارضة ليش .. ههههه

[فلتة زمانها]

تشبه الكفرول
الله يستر علي ويحميني من الفتن

[شموخ]

الله يستر على البنات من هالموديلات اللي صج تلوع الجبد واللي تلبس مثل هالعباية ماأقول الا عووووووووووع

[نورهان88]

حلوووووووووووووووة مافيها شيء على الأقل الوحدة تقدر تمشي
تشبه العبايه البكستانية

[أخت الكل]

استغفر الله صار يبي لنا هيئة للامر بالمعروف والنهي عن المنكر

أخواني اللي شايفين العباية عاديه وساتره أقول لهم اتقوا ربكم أتقوا ربكم أتقوا ربكم

العباية ملفته جدا وغير تقليدية ومافيها ذرة ستر

[intesar]

عباية غوار الطوشى وأبوعنتر في صح النوم :)

جبتها من الآخر
صح

[الصغيره]

كله ولا عباة المطوع

اللي تجي لين نص الساق لما نجادلهم يقولوون الموضه وين العضيد من هالشرمذه

[دااانة قطر]

الله يهدي كل من يقول عن العباية أنها عاديه
وهذا سبب قمنا نشوف كل شئ سهل بسبة هالكلمه








الله المستعان أحس بيجينا عذاب من رب العالمين

[حسن]

كل شي عادي في هذا الزمن ولا هو مستغرب اتوقع في اقل من عشر سنوات بتنقرض العبايه
بنشوفها في المتحف

[كحيلآن]

باعتقادي انا واعوذ بالله من كلمة انا ... ان محد يرضى ان اهله يلبسون عباية تلفت الانتباه ... لانه بالاول والاخير هذا شرفك يمشي على الارض ان راح راحت المراجل معه فـ ما اضن ان احد يبي يكون ربع رجال يمشي على الارض حرام ثلاث ارباع مراجله تروح ويكون هو السبب:) ...[طبعاً الربع الاخير الي هو الشكل بس والثلاث ارباع الباقيه وزعوها على راحتكم ] :) السبب الثاني ان حرمته لاويه ذراعه .. ولا يقدر يسوي لها شي .. وكل ما قالت شي وانكره .. تمشي كلمتها عليه ... فـ صار يشوف بعض الاشياء الشاذه .. عاديه ... طبعاً مو من كيفه .. لآ من ورى خشمه .
السبب الثالث .. الي هم ماخذين فكرة التطور غلط تسمعون المثل الي يقول بدوي وطاح بـ هريس ..؟ أو صححوه لي مآني ذآكره .. هذول نفس الوضع طعوس ويبون يسون نفسهم متطورين .. ما يدرون أنهم بـ النسبة للمجتمع الي هم منه وفيه يعتبرون متخلفين .. مجتمعنا ينبذ اشياء كثيرة يسويها الغرب .. بس فيه نآس عآدي يسونها وكله بـ أسم التطور .. alta6awr انقليزي معرب على شآن حبآيبنآ المتورين :)

وشكراً

[دلة الرسلان]

هو بس منحنى واحد ياغزلان بتظهر منحنيات عده !

عندي استفسار عن ها اللبسة هل هي مشبكة يعني قطعة وحده ؟ وأذا ايه اشلون تتصرف أذا

احتاجت صاحبتها الحمام وانتم بكرامه ؟

[meeemz]

خلاص عبايه قصيره عبايه بنطلون خلاص شرايكم بعد تقسمونها نصيين و تخلون الكم 3 ارباع وبعد ليش ما تخلونها ملونه عشان تفرفشون فيها ..
مافيها شي ، أبداً
وليش تسنكرون ... نصيحتي لكم لا تنصحون ولا تتكلمون في البنات ، حرام ، لانه هذي خصوصيااات الاهل ابخص ببناتهم ومربينهم تربيه عدله وهاللبس مافيه شي
(كلامي موجه للبنات اللي عاجبتهم هالعبايه )
بصراحه انذهلت من الردود في موضوعي اللذي اغلق
يعني مانبي نتكلم حلال وحرام بس احنا نعرف البنات شلون بيلبسونها وهي الحين منظرها محتشم لكن الله اعلم إلى اين متجه الموضه

[ANONYMOUS]

على من تقع المسؤوليه لعودة العبايه الى طبيعتها ولعدم التحريف والعبث السيء لها حتى وصلت الى ماكنا نخافه؟



يمكن وزارة الثقافه والفنون الجميله

[qatara]

شوي شوي الين تصغر الدفه ومعها الستر وتتقلص
وتختفي فالغزو الفكري دائما ياتي حبه حبه لسلخ الماضي
ولوكان صحيح باسم التطور والتغيير والموضه

[كحيلآن]

تدرون المشكلة مهي بالعباية .. المشكلة إن فيه وحده أو واحد .. يقعد شخبط على دفتر (تصميم) ويسوي منه موديل .. ويعلن عنه .. ويجن المتسوقآت (الخبلآت فقط) وتشوف شكلها غريب ... وتقول الله تهبل < أي شي يهبل مافيه شي ما يهبل.. وتاخذها وتلبسها .. وتصير العباية هذي موضة .. ويروحن الخبلآت الي يتبعن الموضة ويشترون هالعباية وبعد شهرين ثلاث تصير هالموضة قديمة وتجي العباة الشكل الجديد نفس هذي بس على سترج ويلبسونها البنات .. اهم شي الموضة يآ شباب شفيكم أنتم موضة :)


الإضافة: تدرون ابي اصير مصمم عبايات أشخبط واطلع فلوس ولكل بضاعه شرآي يعني إن شاء الله رآح أصير تآجر واشترك إشترآك بالمنتدى ويحطون تحت أسمي تآجر :)

[بصمة قطرية]

للأسف قليلات العقل كثيرات
اللي يركضون ورا كل جديد
بحجة البحث عن الموضة
يكذبون على انفسهم بمسمى ( موضة )
هاي تخلف و ضحك على العقول
لم ولن تكون الموديلات السخيفة في العباية اللي تغير من ملامحها
و سترها ( موضة ) ..
العباية ستر و ليس موديل و موضة ..
الله يستر علينا و على بنات المسلمين ،،

[Journalist]

هالعباية قدييمة وشفتها يمكن على ثنتين في الجامعة وبس محد طاح فيها تفشل وتلوع الجبد

[حفيد الأنصار]

الحمد لله والشكر

[فراغ]

والله زينه وفيها ستر
بس عيبها
تشنها لخمه

[qatarman8008]

اشوف انها افضل من العبايات الموجوده حاليا في الاسواق ..
من حيث ان البنت ما تقدر تبطلها من قدام وتطلع الفضايح كلها نفس اللي نشوفه في المجمعات ..
وايضا من حيث انها ساتره كامل الرجل الى القدم ...
يعني بالعربي هذي العباية ما تصلح للبنت اللي تحب تلبس برمودا وتروي عصاقيلها للشباب في المجمع ..