يلبس الزي القطري للحصول على الإحترام

[ms-qtr]

بسم الله الرحمن الرحيم

ببدأ الموضوع بقصة سائقنا السابق

كان لدينا سائق هندي في العشرينات من العمر
عندما تمكن سائقنا من السواقة
وأصبح خبير باسلوب السواقة في الدوحة
وتصرفات الناس في الشارع

طلب من والدي طلب غريب بعض الشيئ
فقد طلب منه ان يعطيه من الملابس التقليدية القطرية التي ضاقت على اخوتي ويريدون رميها
فسعد والدي لطلبه ظناً منه بأن السائق كان محباً للزي القطري وللبلد

وفعلا اخذ السائق "يكشخ" بالثوب والغتره والعقال
واصبح كل من يراه يظنه قطرياً
بل ان صديقاتي كانوا يظنون انه احد اقاربي
وبعد عدة سنوات سافر السائق الى بلده الام من غير عودة


موضوع النقاش: هل تعتقدون ان هناك من يلبس الزي القطري ليحصل على احترام أكثر في الشارع و الأماكن العامه؟؟؟

وهل فعلاً نحن نعامل القطريين بطريقة أفضل من ما نعامل بها الغير؟؟؟

[cavok]

Ms-qtr
كلام صحيح

[الأصيلة]

يمكن يبغي يكسب الإحترام أكثر ويمكن عاجبه اللبس
بالعكس الثوب للسايق زين وأستر له من البنطلون

[يوسف0]

طبعاً ليش لا؟

مثل لين تسووق كامري او لانكروزر الكامري ماينعطى وجه اما الكروزر توخر عنه وانت تظحك:tease:

[بصمة قطرية]

للأسف هالكلام صحيح
حتى لو بنسبة بسيطة
البعض ما يحترم السائق مثل ما يحترم القطري ..!!

[راس مشعاب]

طبعاً ليش لا؟

مثل لين تسووق كامري او لانكروزر الكامري ماينعطى وجه اما الكروزر توخر عنه وانت تظحك:tease:
يعني السالفة مظهر واكتساب الاحترام من خلال المظهر مذمة للي يسويها .
اعرف اخوان عرب ونعم فيهم وبملفاهم محافظين على لبسهم وكلامهم ومحد قلل من احترامهم بالعكس فارضين احترامهم على الناس .
بس ليش مانقول ان هؤلاء ماخذينها من باب
(( كل ما يعجبك والبس ما يعجب الناس ))
اعتقد ماعليهم لوم في هالحالة بل بالعكس تحسب لهم لانهم حاولوا الاندماج في المجتمع
اللي من حولهم والاندماج دليل الحب والانتماء

[khaldoon]

للأسف الشديد في ناس كثير تسويها و من جنسيات عربية مختلفه .... و كبار بالسن و يسوونها علشان يكسبون احترام الجميع و فرض الهيبه لانفسهم لانه شخصياتهم المهزوزة و غير الواثقه من نفسها عجزت عن انها تفرض احترامها على الجميع

لا احترم من يقوم بهذا العمل نهائيا لانه هو اصلا لا يحترم نفسه من الداخل

[نيساني]

اكيد الثوب له واسطته ويلعب دور كبير لدرجة حتى مرات راعي المطعم اذا شافك بملابس سبورت مايجيك بعكس اذا لابس ثوب

وشكراًً

[MAZEN37]

بدون نقاش طبعا
الثوب هو لباس العرب اصحاب الارض
وفي بلاد الاجانب لبسهم له احترامه

[w4rr10r]

للأسف الشديد في ناس كثير تسويها و من جنسيات عربية مختلفه .... و كبار بالسن و يسوونها علشان يكسبون احترام الجميع و فرض الهيبه لانفسهم لانه شخصياتهم المهزوزة و غير الواثقه من نفسها عجزت عن انها تفرض احترامها على الجميع

كلامك غريب يآرجل .. اما فرض هيبه !
ترآه مجرد ثوب .. والاحترآم المتبآدل مطلوب من الجميع
يعني الحين العرب الي يروحون بلاد اروبا والغرب بشكل عآم ويلبسون لبسهم
هل معنآه انه شخصياتهم مهزوزه ؟


لا احترم من يقوم بهذا العمل

هههههههههـ

[الخــوري]

الاحترآم مطلوب من الجميع

[penguin]

ماينعطون ويه بيشيخون علينا

عرفت ليش الدريوليه يشردون من دلعكم

لا تنسون تعطونهم بعد غتره وعقال :rolleyes2:

للازم يعرفون حدودهم و الناس مقامات :rolleyes2:

[دخيل الله]

ديرتنا وجونا مايصلح فيه الا الثوب اريح واوسع :)

[حميداني]

الكلام صحيح ... والدليل اعرف واحد من ربعي من يلبس بدل بعض الاحيان لما يروح المجمعات هو يحب التغيير ويقولي حميداني خلك وياي صريح شوف بعض الشباب اللي انعرفهم واسلوبهم لما يشوفوني بثوب
وشوف اسلوبهم ونظراتهم لما يشوفوني لابس بدله كاني صرت عدو , هل لاني لبست بدله اصبحت غير اللي أنا عليه ؟

نوعيه تافهه تحكم عالناس بالمظاهر فما ينلام السايق دامه لاحظ هذا الشي عنده
نوعيه من الافكار انشجع لها فلما تجي سلبياتها انقول من وين جت هالنظره وهي مش منا
لازم يكون في اعادة برمجه للبعض من هالنظره الدونيه علشان نرتقي

[فراغ]

الكلام الي ينقال صحيح (الحكم بالمظاهر والكشخه)
مره انا ياي من البحر وتعرفون اذا لبسنا فنايل وصراويل نصير مثل الهنود نفس السحنه (الشكل)
مراد انا كنت في عراوي
ولصق فيني جي عند الدوار ويا ينمبي وقالي هي رفيك ليش مافيه يفتح الطريج ومعاه ربعه
شويه ولهو ضاربني بكرتون الفاين
دخله علي من الدريشه على طول ضربني الكرتون في راسي
انا ماكان عندي فاين وياني قوطي فاين ببلاش
قلتله سوري بالهندي وانا اهز راسي
ومن داخلي فرحان بقوطي الفاين
مراد فتحت الاشارة وكل واحد راح بطريج

[CH Engineer]

من حق القطري ان يحصل على مزيد من الاحترام في بلاده عن سواه من المقيميين

[MAZEN37]

الكلام الي ينقال صحيح (الحكم بالمظاهر والكشخه)ق
مره انا ياي من البحر وتعرفون اذا لبسنا فنايل وصراويل نصير مثل الهنود نفس السحنه (الشكل)
مراد انا كنت في عراوي
ولصق فيني جي عند الدوار ويا ينمبي وقالي هي رفيك ليش مافيه يفتح الطريج ومعاه ربعه
شويه ولهو ضاربني بكرتون الفاين
دخله علي من الدريشه على طول ضربني الكرتون في راسي
انا ماكان عندي فاين وياني قوطي فاين ببلاش
قلتله سوري بالهندي وانا اهز راسي
ومن داخلي فرحان بقوطي الفاين
مراد فتحت الاشارة وكل واحد راح بطريج
اضحك الله سنك
ههههه ام الموقف

[wadha-qa]

الكلام الي ينقال صحيح (الحكم بالمظاهر والكشخه)
مره انا ياي من البحر وتعرفون اذا لبسنا فنايل وصراويل نصير مثل الهنود نفس السحنه (الشكل)
مراد انا كنت في عراوي
ولصق فيني جي عند الدوار ويا ينمبي وقالي هي رفيك ليش مافيه يفتح الطريج ومعاه ربعه
شويه ولهو ضاربني بكرتون الفاين
دخله علي من الدريشه على طول ضربني الكرتون في راسي
انا ماكان عندي فاين وياني قوطي فاين ببلاش
قلتله سوري بالهندي وانا اهز راسي
ومن داخلي فرحان بقوطي الفاين
مراد فتحت الاشارة وكل واحد راح بطريج

ههههههههههههههههههه احلى موقف

ممكن تلبسون الدريول ثوب بدون غتره و عقال صراحه احسن من البدلات

[khalid Qtr]

بالنسبة للعرب في بعضهم لباسهم الاصلي حتى في بلادهم الثوب والغترة
مثل العراق وبلاد الشام
اما بالنسبة للاحترام بناء على المظاهر فانا اشوف انه مرض وعنصرية

[الخزرجي قطر]

كلام صحيح لاغبار عليه اللبس القطري او الخليجي له هيبته

[بصمة قطرية]

الكلام الي ينقال صحيح (الحكم بالمظاهر والكشخه)
مره انا ياي من البحر وتعرفون اذا لبسنا فنايل وصراويل نصير مثل الهنود نفس السحنه (الشكل)
مراد انا كنت في عراوي
ولصق فيني جي عند الدوار ويا ينمبي وقالي هي رفيك ليش مافيه يفتح الطريج ومعاه ربعه
شويه ولهو ضاربني بكرتون الفاين
دخله علي من الدريشه على طول ضربني الكرتون في راسي
انا ماكان عندي فاين وياني قوطي فاين ببلاش
قلتله سوري بالهندي وانا اهز راسي
ومن داخلي فرحان بقوطي الفاين
مراد فتحت الاشارة وكل واحد راح بطريج

خخخخخخخخخخخ
ردة فعلك عجيبة :nice:

[Dana’1]

ممكن يكون لكسب الاحترام في نظرة
وممكن يكون حب تغيير.. وتجربة وارتاح علية

حتى بعض الخليحيين يلبسون بدل برا بلادهم
اما حب للتغيير ... او عشان ما يلفت نظر اهل البلد علية..خصوصا العنصريين منهم والحرامية

يعني عادي الحين حتى الحكام يغيرون زيهم الرسمي اما لنفس الاسباب او غيرها الله أعلم
ماجات على السايق الهندي

[عزووز قطر]

وفي قطريين يلبسون بدلات في بعض الاسواق الخليجية علشان يحصلون سعر أرخص

وكلن يغني على ليلاه

[يوسف0]

وفي قطريين يلبسون بدلات في بعض الاسواق الخليجية علشان يحصلون سعر أرخص

وكلن يغني على ليلاه

جربت مافي فايده الوجه واللهجه ماتساعد :)

[nasser003]

اللبس رياضه ولا بنطلون وروح دائره حكوميه وشوف اللي يصير فيك ... دش مجلس من المجالس وانت لابس بنظلون وشوف اشلون يطالعونك ,,,,,,,

[السكين]

الثوب لبس لكثير من بلادنا العربية ، ومن لبسه لظنه إنه سيكون محل إحترام فالأولى أن يفرض إحترامه بتعامله وبطريقته وأسلوبه ، وبالمقابل من يحترم الناس على حسب جنسيتهم فهو غير جدير بالاحترام أيضاً .

[مضاد]

من حق القطري ان يحصل على مزيد من الاحترام في بلاده عن سواه من المقيميين


نعم من حقه .

وبالخط العريض :victory:

[فراغ]

من حق القطري ان يحصل على مزيد من الاحترام في بلاده عن سواه من المقيميين
صحيح اخوي كلامك
لكن انا قطري بعد
وياني قوطي الفاين في راسي

[بـن عدوان]

اكيد الثوب له واسطته ويلعب دور كبير لدرجة حتى مرات راعي المطعم اذا شافك بملابس سبورت مايجيك بعكس اذا لابس ثوب

وشكراًً


وانت صح :nice:

[بو علاوي]

انا يوميا اروح اقعد ببعض المجالس
ولما اكون لابس ثوب ويجي ضيف مايعرفني يسلم علي ويحترمني
ولما اكون لابس بنطلون يسلم علي بطرف اصابعه كانه مستعر مني هههههه
بس انا ما ازعل لانه مايعرفني

[غايه الطواش]

الكلام الي ينقال صحيح (الحكم بالمظاهر والكشخه)
مره انا ياي من البحر وتعرفون اذا لبسنا فنايل وصراويل نصير مثل الهنود نفس السحنه (الشكل)
مراد انا كنت في عراوي
ولصق فيني جي عند الدوار ويا ينمبي وقالي هي رفيك ليش مافيه يفتح الطريج ومعاه ربعه
شويه ولهو ضاربني بكرتون الفاين
دخله علي من الدريشه على طول ضربني الكرتون في راسي
انا ماكان عندي فاين وياني قوطي فاين ببلاش
قلتله سوري بالهندي وانا اهز راسي
ومن داخلي فرحان بقوطي الفاين
مراد فتحت الاشارة وكل واحد راح بطريج

هههههههههههههههههههههه
هههههههههههههههههههههه

[طبيب قطري]

صحيح اخوي كلامك
لكن انا قطري بعد
وياني قوطي الفاين في راسي

استغرب اشلون سكتله

[الدبلوماسي]

طبعاً ليش لا؟

مثل لين تسووق كامري او لانكروزر الكامري ماينعطى وجه اما الكروزر توخر عنه وانت تظحك:tease:
ههههههههههههههههه اي والله العظيم ذكرتني بواحد من الربع يسوق الكامري محد يحترمه والي يلف عليه والي يديم له ههههه ولما يسوق اللكزس الكل يحترمه :eek5:

[يوسف0]

ههههههههههههههههه اي والله العظيم ذكرتني بواحد من الربع يسوق الكامري محد يحترمه والي يلف عليه والي يديم له ههههه ولما يسوق اللكزس الكل يحترمه :eek5:

ههههههه انا ماتكلمت الا من تجربه :nice:

[pure]

ماينعطون ويه بيشيخون علينا

عرفت ليش الدريوليه يشردون من دلعكم

لا تنسون تعطونهم بعد غتره وعقال :rolleyes2:

للازم يعرفون حدودهم و الناس مقامات :rolleyes2:

صح الناس مقامات ,,

بس بالتقوى مب بالجنسية


الكلام الي ينقال صحيح (الحكم بالمظاهر والكشخه)
مره انا ياي من البحر وتعرفون اذا لبسنا فنايل وصراويل نصير مثل الهنود نفس السحنه (الشكل)
مراد انا كنت في عراوي
ولصق فيني جي عند الدوار ويا ينمبي وقالي هي رفيك ليش مافيه يفتح الطريج ومعاه ربعه
شويه ولهو ضاربني بكرتون الفاين
دخله علي من الدريشه على طول ضربني الكرتون في راسي
انا ماكان عندي فاين وياني قوطي فاين ببلاش
قلتله سوري بالهندي وانا اهز راسي
ومن داخلي فرحان بقوطي الفاين
مراد فتحت الاشارة وكل واحد راح بطريج

قلة أدب وقلة احترام ! واذا هندي اللي داخل شلون يقط عليه كرتون الفاين !!!!!


أنا ما يقهرني غير ياهل طوله شبر ولسانه شطول عل الدريوليه والخدم والاهل قاعدين ويطالعون ! شوية تربيه واحترام للناس !

والواحد يعامل الناس مثل ما يحب يعاملونه مب شرط يقط الميانه بس يعني الاساسيات

[حسن]

فعلا الثوب والغتره والعقال لها هيبه عندنا والبعض يلبسها للاحترام للدخول في الوزارات وانجاز
المعاملات له مصلحه في ذالك

باقولكم عن تجربه حدثت لي وهذا اللى يوكدلي الوفضى المروريه في الشارع
مره وانا رايح الصناعيه وكنت لابس لبس رياضه ومعاي عامل ينغالي وكننت اسوق بيكيب
كبير الصراحه انصدمت هل الشكل الاجانب لاعبين في قوانين المرور قسم بالله العظيم
انهم يلفون علي لف واخرهم صومالي بغيت اتضارب معاه وقال حق البنقالي خذ رقم السياره
قام وسجله غلط
الصراحه لبسنا تحس كعصاه القانون لللغير ولو مانلبسه بياكلونه المليون 600

[شبح الصمت]

الكلام الي ينقال صحيح (الحكم بالمظاهر والكشخه)
مره انا ياي من البحر وتعرفون اذا لبسنا فنايل وصراويل نصير مثل الهنود نفس السحنه (الشكل)
مراد انا كنت في عراوي
ولصق فيني جي عند الدوار ويا ينمبي وقالي هي رفيك ليش مافيه يفتح الطريج ومعاه ربعه
شويه ولهو ضاربني بكرتون الفاين
دخله علي من الدريشه على طول ضربني الكرتون في راسي
انا ماكان عندي فاين وياني قوطي فاين ببلاش
قلتله سوري بالهندي وانا اهز راسي
ومن داخلي فرحان بقوطي الفاين
مراد فتحت الاشارة وكل واحد راح بطريج




هههههههههههههههههههههههههههههههههههههههههههههههاي

هههههههههههههههههههههههههههههههههههههههههههاي

شكلك محتفظ فالفآين لين الحين

بس صج الشباب رزآله تدري لو يفر علي فآآين

هههههههههههههههههههههههههههههههههههاي

عآدي آخليهم يكركون فوق أقرب رصيف

ههههههههههههههههههههههههاي

يقولك الكثرة تغلب الشجاعه بس اهم شيء خليته يلحس له رصيف

[حبر وقرطاس]

كلامك غريب يآرجل .. اما فرض هيبه !
ترآه مجرد ثوب .. والاحترآم المتبآدل مطلوب من الجميع
يعني الحين العرب الي يروحون بلاد اروبا والغرب بشكل عآم ويلبسون لبسهم
هل معنآه انه شخصياتهم مهزوزه ؟



هههههههههـ

اقسم بالله ان الي قالته الاخت حقيقي. وابصم بايديني عليه
انا قطري وللامانه ان لبست سبورت واسوق يفكروني هندي .وايد تصادمت مع ناس فالشارع
لعدم احترامهم لانهم يفكروني هندي :shy: مع الاسف الشديد
اذا اسوق بثوب وغتره مافي امل حد يتجرأ والناس تحترمني فالشارع وتفسح الطريق واذا اوقف عند سوبرماركت يجيني الهندي يركض والامور طيبه
اما بلبس رياضه مالي امل حد عطني ويه
ههههههه حلفت الوالد والوالده هل فينا دم هنود يقولون لا
بس يبدو اني وسيم حبتين :tease:

[فلتة زمانها]

شسالفة الحين اي قطري يلبس بناطلين يطلع هندي؟
بالعكس اشوف القطري ينعرف حتى لو لابس بيجامة

[بوعلي2]

يمكن

ويمكن يبي يتمشى بمواقف الاند

كل شي يمكن وجايز

[حسن]

شسالفة الحين اي قطري يلبس بناطلين يطلع هندي؟
بالعكس اشوف القطري ينعرف حتى لو لابس بيجامة

انتي تعرفين لانك قطريه بس غيرك مايعرف
انا ساعات اذا لبست رياضه اضيع المصرين
ويفكروني مصري :victory:

[فلتة زمانها]

انتي تعرفين لانك قطريه بس غيرك مايعرف
انا ساعات اذا لبست رياضه اضيع المصرين
ويفكروني مصري :victory:

اكيد الاخ حسن صلعه :p

[شبح الصمت]

في بعض النآس تنقهر وهالحاصل

يوم يشوفك كآشخ كاجول وحركآت يقول شوف البلشتي يا حبيبي قآل بلشتي

ههههههههههههههههههههههههههههههههههههآآي

إلا ام القهر ضارب جبهته :secret:

يبي يسوي مب عارف ان كشخ لبس برمودا مكعبات وفانيله يغوص فيها

مع آحترامي بس هالشيء حآصل ونشوف القهر في عيون البعض

شبآب السبورتات اغلبهم كاجول وحركات وشباب ازقرتيه ومحترمين وآهل قطر

يعني ما ينحكم على الشخص من لبسه

لو بنحكم على الشخص من لبسه لا بالله انه صارنا ناس جهله

[فلتة زمانها]

شبح الصمت وشو هذا البرمودا مكعبات؟

[غايه الطواش]

شبح الصمت وشو هذا البرمودا مكعبات؟

كاروهات ههههههه

[بوعلي2]

صحيح اخوي كلامك
لكن انا قطري بعد
وياني قوطي الفاين في راسي

هههههههههههههههههه

[فلتة زمانها]

كاروهات ههههههه

من صجج هاهاهاهاهاهاها

[هبوب الكوس]

مره كنت رايح رحله ودخلت سوبرماركت وشف واحد لابس رياضه يتعبث بالغراض

قلت له رفيق جيب ماي صحه

قالي نعم وشوفه انحرج وصار وجهه احمر :shy:

دريت اني جبت العيد :rolleyes2:

حسن وشبح لا شوفكم لابسين رياضه :tease:

[عبدالعزيز الهتمي]

على طاري الثوب من فتره كنت فمكان مخصص للقطرين المهم افتر على الي قاعد أحذاي لا لبسه ولا طريقة كلامه توحي لك أنه قطري والمصيبه طلع قطري ،، إنزين ياخي البس نفسنا دامك محسوب علينا يمال الاضعفه يأكل من خير البلد
ولا يلبس نفسنا يقهروني هالأنواع

[شبح الصمت]

شبح الصمت وشو هذا البرمودا مكعبات؟




كاروهات ههههههه




ما أعرف اوصف لج اهو لا هو برمودا والا هو ببنطلون

غريب عجيب

:(

[شبح الصمت]

مره كنت رايح رحله ودخلت سوبرماركت وشف واحد لابس رياضه يتعبث بالغراض

قلت له رفيق جيب ماي صحه

قالي نعم وشوفه انحرج وصار وجهه احمر :shy:

دريت اني جبت العيد :rolleyes2:

حسن وشبح لا شوفكم لابسين رياضه :tease:





أنجين

:secret:

آنزين يصير بس رياضة ودخل الثوب من داخل السروال

:shy:

[بومحمد المطاوعه]

والله هالكلام صحيح

100%

بارك الله فيج اختي

مره من المرات كنت لابس رياضه

واسوق موتر واحد من الربع كابرس

تخيلي اختي يلفون علي ولا يعطوني درب

واذا عطيتهم درب يكون حذاي وينزل الدريشه ويصارخ

وارد اتكلم واصارخ عليه وقف يمين يخاف ويشرد

يوم يشوفون لهجتي قطري يشردون

مره من المرات واحد ياهل عمره 19

يكبس ليتات من بعيد يوم وصل جنبي نزل الدريشه

وتفل على السياره

والله وقفته خليته يصيح بدموووع وتركته يروح

قام يترجاني يوم عرف اني قطري

يقول على بالي مقيم قلت له ليش والمقيم مب انسان

والله قام يقول تكفى وتكفى يترجاني بس علشان

قلت له مستانس الحين صحيتك

خليته يروح ولا كنت بسحبه فالمركز بلتها لين يقول بس وعندي شاهد

وبعد موتره ممزوود يعني حجز 3 شهور اقل شي

يوم صاااح هههههههه تركته وقلت له لو شفتك مره ثانيه بتندم ولاعاد شفته

وقلت في نفسي مب لابس بدله الا وانا راكب كروزر او موتر ينعرف انه راعيه قطري


الله يهديهم البعض بعيد الشر شايف نفسه على غيره

اللهم لاشماته

[فراغ]

يا شباب
خلونا نلخص الموضوع
صراحه اذا انت القطري لابس رياضه ما يحترمك لا القطري ولا الهندي او الاجنبي
واذا لبست لباسك القطري تحصل الاحترام من الكل
لذلك حلات الثوب رقعته منه وفيه
ولتجنب المضايقات عليك بالنقاط التاليه
لا تركب عراوي واذا أضطريت البس غترة وعقال لا يهم اذا من تحت لابس صروال وفنيله
ثانيآ يفضل اخذ سلفه والكشخه بسياره جديده حتى لو الجيب فاضي
ثالثآ يفضل وضع نظارة شمسيه عن الشمس ولزوم الكشخه

[حبر وقرطاس]

يا شباب
خلونا نلخص الموضوع
صراحه اذا انت القطري لابس رياضه ما يحترمك لا القطري ولا الهندي او الاجنبي
واذا لبست لباسك القطري تحصل الاحترام من الكل
لذلك حلات الثوب رقعته منه وفيه
ولتجنب المضايقات عليك بالنقاط التاليه
لا تركب عراوي واذا أضطريت البس غترة وعقال لا يهم اذا من تحت لابس صروال وفنيله
ثانيآ يفضل اخذ سلفه والكشخه بسياره جديده حتى لو الجيب فاضي
ثالثآ يفضل وضع نظارة شمسيه عن الشمس ولزوم الكشخه

هههههه
انا احييك على ايجاد حلول سريعه لمن يشتبه فيه من جنسيات اخرى لما يلبس رياضه
انا قررت احط ثوب وعقال في السياره دايما مع النظاره والمشط والعطر وعلك النعناع والشاحن ( عسى ماشر شكلي بعيش فالسياره)

[عرباوي قطري]

طبعا الثوب والغتره تعطي من يلبسها المهابه والاحترام لانها اساس في تقاليدنا واكيد اذا طلع الواحد من ثوبه وقلد غيره يقل مقداره .. والله يخلي سمو ولي العهد اللي فرض على جميع طلاب المدارس لبس الثوب

[المتألم]

لأن البيئة تحترم المظاهر ، أو بالعربي يحترمون دام لابس لبسهم سواء بحب وقناعه ولا عشان تمشي أمورك
ومثل ما ذكروا الاخوان ، الشباب ما يقصرون لو قطري لابس بنطلون لفوا عليه ولعوزوه بالسواقه .

مثل كثيرين لو لف عليه موتر بي أم ولا مرسيدس ولا من هالمواتر الكشخه يسلم عليه
ولو لف واحد عنده كامري لعن خامسه بالسب واللف وزين لو ما ركبه رصيف .

الله المستعان .

[المتألم]

انتي تعرفين لانك قطريه بس غيرك مايعرف
انا ساعات اذا لبست رياضه اضيع المصرين
ويفكروني مصري :victory:
القبايل العربيه بالعموم سحنتها واحده مهما اختلفت بعض التفاصيل
وكثير منها لون سمار يشبه لهنود
كثيرين من هالقبايل لو يلبسون بناطيل يصيرون شبه لهنود
الي يعرفهم هو الي يعرف اشكال العرب صح ويقدر يفرق
رغم ان في حالات صعب تفرق لاختلاط الدماء خصوصا بالهند مع العرب ، وتلقى الملامح وحده

ولهاشيء مع المصري تلقى نفسك مصري
مع الهندي تلقى نفسك هندي
الخ ..

[الرويـس]

شي جيد


إذا
دعوة لتعميم الزي
وليهنأ الجميع بالأحترام

[بومحمد المطاوعه]

يا شباب
خلونا نلخص الموضوع
صراحه اذا انت القطري لابس رياضه ما يحترمك لا القطري ولا الهندي او الاجنبي
واذا لبست لباسك القطري تحصل الاحترام من الكل
لذلك حلات الثوب رقعته منه وفيه
ولتجنب المضايقات عليك بالنقاط التاليه
لا تركب عراوي واذا أضطريت البس غترة وعقال لا يهم اذا من تحت لابس صروال وفنيله
ثانيآ يفضل اخذ سلفه والكشخه بسياره جديده حتى لو الجيب فاضي
ثالثآ يفضل وضع نظارة شمسيه عن الشمس ولزوم الكشخه

صحيح ياخوووي مافي احترام للأشخاص الي لابسين بدلات

انزين انا يمكن رايح امشي فالكورنيش

اتريض اشوي

مايبيله ثوب وجوتي الله يعزكم

وغير هالشي

يعني الحين الغير قطري ينداس فالارض...

ترى بشر وبني ادم

الدوله فيها قوانين لو لف عليك اي مقيم ولا قطري تقدر تاخذ حقك بالقانون مب بالضرب والهواش

رساله للجميع

تحياتي لك:)

[7llo]

كلامج صحيح اختي نفس لما تشوفين كروزر يكبس لج بتفتحينه له ولما اييج كورولا يكبس بتكعين بريك في ويهه لانه موتره صغير ماتحترمينه

[.. الكاش ..]

لازم وله ماتمشي اموره وخاصتن في الشارع

[خليفـة]

اتذكر سنة 1982 .. كنت اعرف صديق عندهم دريول باكستاني
وكان لما يطلع الدريول مع اهل رفيجي يوصلهم مشوار
يلبسونه غتره وعقال !!
استغربت وسألت رفيجي :
هذا باكستاني دريولكم .. ليش ملبسينه ثوب وغتره !!
قال عشان محد يلعوز خواتي ويلاحقهم .. الكل يذل ويخاف

قلت له الصراحه .. نظرية ووجهة نظر
:)

اما عن اللبس بشكل عام .. شخصية الأنسان وطريقة تعامله مع الناس
هي الي تفرض احترام الآخرين له اكثر من مسألة ملابسة

والله اعلى واعلم

خليفـــة

[SOONALL]

أكيد روح الجوازات بالثوب والغتره. تمشي أمورك أما إذا لا خذ رقم يا الحبيب بس الصراحه أنا إشوف ثوب وغتره في بلاد الغرب فشيله

[متفائل وايد]

نعم هالشي موجودددد

[hasss1969]

شيء مضحك مبكي الحقيقة...الاسبوع الماضي عزمني صديق عزيز قطري الجنسية على الغداء وانا من النوع اللي مايحب يروح عزايم لكن تحت الحاحه واني لا اريده ان يزعل مني لبيت الدعوة وفعلا طلعت من الدوام راسا على العزيمة وكنت لابس بنطلون وقميص وربطة العنق والحقيقة كلها ماركات لكن للاسف ماشفعت لي الماركات
:)
المهم دخلت مجلس العزيمة وكل ما اسلم على واحد احس بفتور من طرفه وكانه لايريد ان يسلم علي ...وبعد ماجلست صاحب العزيمة عرفهم علي وانني اعمل طبيب فسبحان مغير الاحوال كيف انقلبت تعابير الوجوه واتى عدة اشخاص وجلسوا جنبي اما للاستشارة او لاخذ موعد:)

[alfahad1]

شيء مضحك مبكي الحقيقة...الاسبوع الماضي عزمني صديق عزيز قطري الجنسية على الغداء وانا من النوع اللي مايحب يروح عزايم لكن تحت الحاحه واني لا اريده ان يزعل مني لبيت الدعوة وفعلا طلعت من الدوام راسا على العزيمة وكنت لابس بنطلون وقميص وربطة العنق والحقيقة كلها ماركات لكن للاسف ماشفعت لي الماركات

المهم دخلت مجلس العزيمة وكل ما اسلم على واحد احس بفتور من طرفه وكانه لايريد ان يسلم علي ...وبعد ماجلست صاحب العزيمة عرفهم علي وانني اعمل طبيب فسبحان مغير الاحوال كيف انقلبت تعابير الوجوه واتى عدة اشخاص وجلسوا جنبي اما للاستشارة او لاخذ موعد


حلوه هههههه الناس هالايام تحكم بالمظاهر

[بوخالد911]

نعم

وهذا وااقع