الرجاء الانتباه للحساب

[l0o0rd-qtr]

اغلبنا يمكن جرب عصير الي يسمونه روشه اللي بكتارا واللي عليه اقبال كثير المهم صادنا موقف انا ويالربع طلبنا 3 عصاير 2 موز + حليب + ايسكريم المهم لما جينا نحاسب طلب على الموز بالحليب 21 ريال بحكم انه 18 ريال + 3 ريال للاسكريم لكن الفلبيني مايعرف اننا طلبنا من قبل نفس الطلبيه وكان الحساب 18 ريال للعصير الواحد المهم قلنا له انت متاكد من الحساب قال اي قلنا له روح ناد المسؤول توهق وقام يعرق وقال لا انا غلطان وكلامكم صح !

المهم كل واحد يتاكد من الحساب قبل لاتدفعون

وسلامتكم والله يبعد عنكم الحساد والنصابين

[اداري]

دايما يسوونها حتى في ستار بوكس وباسكن روبن

ولا يعطون الفاتورة

[كحيلآن]

جزاك الله خير .. :)

[qatarman8008]

البلا الاكبر من هذا ان في الجمعيات يكتبون على السلعة سعر مثل 5.25 ريال .. ولما توصل عند الكاشير يسوي لها سكان يطلع سعرها 6.75 .. هذا الموقف صار قدامي ...

[وحيد-الشوق]

صار الكل يبي ينهب القطريين ويستغفلهم كله من الجرايد كل يوم طالعين ب اغنى دولة واغلى دخل في العالم شلون ماتبونهم يقصون علينا

شسالفه الفلبن منتشرين بصوره رهيبة في قطر والمصيبه لا لغة ولا اسلوب حزات احس ان احنا في دولة شرق اسيوية

[حميداني]

ايه اشوف مثل هالمواقف تصير والعامل او التاجر يستغل جهل من قدامه بالاسعار فيلعب لعبته مثل ما يبي
واغلبية الناس تستحي تجادل ومن اهني يقعدون يستغفلون فيه كل مره

[لمعة الالماس]

اغلب المطاعم والكفيهات يسون هالحركة

الواحد لازم يحسب عدل ويشوف الفاتورة وساعات من الخردة الباقية باخذون لهم

[khalid525]

النصب الاكبر يكون على الاطفال

[penguin]

بصراحه هذي مب مشكلتهم مشكلتنا الحمد الله والشكر :rolleyes2:

[الخزرجي قطر]

المشكله فينا وهم استغلوا طيبتنا وعدم التاكد من مبلغ الفاتوره او المبلغ الباقي كل واحد يبي ينهبنا من كل صوب وباية طريقه

[الصغيره]

جات على المقصه

الصراحه كله الحال كذا استغفر الله واللي مايخاف من الله بيسوي اكثر

[AL.SHMOKH]

الله يجزاك الف خير اخونا عالتنبيه

[سـ ع ـود]

الله يدوم النعمه ثلاث ارباع العصير ماي

شربت من عنده مره وقلت عقبها توبه

هو وراعي الشورما ام الدهن اليابسه

[ميك أب]

كلامكم صح هالشي منتشر انا عن نفسي لازم اطلب الفاتوره لأني أحس ان هذا حق صاحب المحل اللي استأمن هالعامل على ماله و هو مسكين ما يدري انه يبوقه من وراه و يتحجج بحجج واهيه عشان ما يعطي فاتوره واذا اشتريت شي و قالوا لي ماعندنا ربع او نص ريال اقول لهم عطوني بداله علك او اي شي بالقيمه و اعطيها عمال النظافه هم احق بها و لا اخليها لهم ما يستاهلون يستغلون طيبتنا
صلى الله عليه و سلم قال عن أهل الجزيره العربيه بأنهم لينوا الجانب يعني قلوبهم طيبه والدليل قبل البترول محد عرف الخليج بحبة فاكهه حتى من بعض الدول اللي حوالينا اللي كانوا يلعبون بالنعمه من كثرها و الله لو الحال العكس كان ما خلينا اخواننا في الدين وغيرهم من الديانات من اللي حوالينا يعانون اللي عانوه اهلنا بالاول والله اتذكر سالفة واحد ايام الغوص مات و كانت امنيته بسيطه ان يشبع من اكل الرز اللي كان شحيح خاصه في سنة البطاقه الصعبه اللي عانوها اهلنا الله يرحمهم اجمعين

[النجلا]

انا حق العيد شريت شنطة ب الف وستميه من محل في اللاند مارك وطبعا دفعت بالبطاقة ولما رجعت البيت اشوف التليفون الا جايني مسج البنك بنفس المبلغ مرتين قلت يمكن من البنك مغلطين بعدين لما حسيت ان رصيدي ناقص كلمت البنك وعرفت ان المحل ساحببن المبلغ مرتين حسبي الله عليهم

[l0o0rd-qtr]

انا حق العيد شريت شنطة ب الف وستميه من محل في اللاند مارك وطبعا دفعت بالبطاقة ولما رجعت البيت اشوف التليفون الا جايني مسج البنك بنفس المبلغ مرتين قلت يمكن من البنك مغلطين بعدين لما حسيت ان رصيدي ناقص كلمت البنك وعرفت ان المحل ساحببن المبلغ مرتين حسبي الله عليهم

اذا عندج الفاتوره بقيمه الشنطه ومسج البنك تقدرين تشتكين عليهم لاتسكتين عن حقج !