استفسار بخصوص الصخونه

[الخيالة]

بغيت استفسر
اختي تقريبا من أسبوعين واهيه مصخنه يعني حرارتها كانت اول شي 41
عقب 38 عقب 37 يعني تنزل شوي وترتفع راحت الطواري رقدوها هالفتره وسووا لها تحاليل كل شي وحتي تصوير أيكو كل شي وكل شي كان زين وتموا يعطونها مضاد حيوي بس لين الحين الصخونه تنزل وترجع مره ثانيه

مب عارفين شالحل؟؟:(

[بومحمد 00]

الحرارة ماترتفع الا فيه سبب

خليها اتعيد التحاليل وتسويتها في اي مكان ثاني غير مستشفي حمد

[qatara]

متغير عليها المكان ولا الاكل

وماتشفون شر والله يبري ويشفى الجميع

[الخيالة]

لا ماسافرت مكان التحاليل كلهم أوكي

سوت بعد في عيادة الدوحة

[هارودز]

ماتشوف شر اجر وعافية

[الخيالة]

الشر مايجيكم

[بصمة قطرية]

نفس الحالة جاتني
دخلت المستشفى مرتين
أول مرة خذت مضاد يومين و طلعت و استمريت على المضاد
بالفم ثالث يوم انتكست حالتي
و ارتفعت الحرارة اكثر من قبل
و دخلوني تحت الملاحظة و كل فحوصاتي سليمة
تحاليل مزرعة الترا ساوند ستي سكان
مافي شي ...!!!!
خذت مضاد في الوريد لمدة اسبوع
خلصته قبل العيد بيوم والحين احس بترجع لي نفس الحالة
الله يستر ..
مب عارفة وين اروح
ابي افحص بس ما اثق في مستشفيات الدوحة ...!!!!

[بصمة قطرية]

عيادة الدوحة اش قالوا لها ...؟؟
كرات الدم البيضة كانت مرتفعة ولا طبيعية
اذا مرتفعة يعني في التهاب في الجسم ..!!!

[الخيالة]

الحين وحده قالت لي المره زين
بخلي اختي تجرب وان شاءالله خير



بصمه
كل التحاليل اللي اختي سوتهم في حمد وعيادة الدوحه كلهم أوكي

[الخيالة]

الحين بعد مسخنه شوي يعني ترتفع الحراره وتاخذ بنادريكس تنزل الحراره

[طبيب قطري]

كم عمرها أختك ؟

[الخيالة]

٢٢ سنه

[Aaziz]

ماتشوف شر ان شاءالله

هذا شي غريب و حصل لواحد من ربعي. في اليوم حرارته تنزل تحت المعدل الطبيعي و بعد ساعات توصل في الاربعين. رقدوه و سووله كل الفحوص و زراعه دم و قعد في المستشفى تقريبا 5 ايام و كل الفحوصات طبيعيه و الدكاتره مش عارفين السبب و طلعت في جسمه مثل الانتفاخات تظهر و ثاني يوم تختفي.
و حالته تكون يوم احسن و يومراسواء مش مستقره و قرر يروح البحرين. الغريب و سبحان الله على ماوصل البحرين و رقد على اساس بيروح ثاني يوم المستشفى قام لقى نفسه اشوى و ريح اول يوم و ثاني يوم كان احسن و طاب لله الحمد بدون ادويه ولا حتى عرف ايش فيه.
اتوقع انه نوع من انواع الفيروسات بس قوي و ياخذ فتره على مايطيب

[كتكوت الوحش]

عادي عادي
بس ضروري
تاكل شكلها مع الحراره ما تاكل او مسدودة نفسها
ولازم تاكل عشان المضاد الحيوي ياخذ مفعوله لانه يحرق المعده اذا فاضيه
ويمكن مشكلتها احتقان خفيف باللوز او التهاب
او اذنها ملتهبه اشوي ........ هالاشيا اتأثر واتخلي الحراره ترتفع
هاي من بعد كلامك انه سويت المزرعه وكل التحاليل
بس اتوقع فيه اخر تحليل يسونه والي هو عن طريق ابره بالضهر ؟
هل سولها اياها ؟؟

[الأصيلة]

الحين وحده قالت لي المره زين
بخلي اختي تجرب وان شاءالله خير



بصمه
كل التحاليل اللي اختي سوتهم في حمد وعيادة الدوحه كلهم أوكي

مايصير تاخذ مرة مع المضاد
لأنها عبارة عن مضاد واحتمال تنتكس حالتها

[الأصيلة]

عليكم بالرقية وقراءة الفاتحة عليها ليل نهار
وإن شاء الله تتحسن...

[قلم صادق]

عليكم بالرقية وقراءة الفاتحة عليها ليل نهار
وإن شاء الله تتحسن...

ما تشوف شر ان شالله ...... خذوها عند الدكتور حمدي اللي في مستوصف الجزيره ماشالله عليه شاطر ويعرف عدل .

واختي عليكم بالصدقه عنها يوميأ ... لحديث الرسول الكريم ( داووا مرضاكم بالصدقة )

[كازانوفا]

ربي يشفيهااا

[بصمة قطرية]

مايصير تاخذ مرة مع المضاد
لأنها عبارة عن مضاد واحتمال تنتكس حالتها

صاجة الأصيلة ،،

[الخيالة]

الشر مايجيكم

خلاص ماكو فايده أهني بتسافر بتسوي تحاليل بره

يعطيكم العافيه

[حفيد الأنصار]

الله يشفيها ويعافيها يارب
عليكم بالصدقة
«داوُوا مرضاكم بالصدقة»

http://im29.gulfup.com/giRP1.jpg (http://www.gulfup.com/?mwXCh5)

[الخيالة]

امين يارب
مشكور اخوي
الله يشفي كل المرضي

[الزعفراني]

هذي بسبب جرثومة في الجهاز التنفسي

[نتفـه]

لا يكون فيها احتقان !! ترا الاحتقان يسبب الحراره
صادتني هالحاله وتميت طايحه مريضه مصخنه شهر وشوي ومن مستشفى لين مستشفى وف الاخير طلع لان محد فيهم افتكر يشوف اذا كان عندي احتقان وما عالجوه او لا كل ادويتهم كانت خافض للحراره وبندول ..

[نوار قطر]

حبيبتي اختج يبيلها وحده تمسدها وترفع بلاعيمها بالاحرى اختج مسقطه ودوها عند المساده ام جمال تمسدها ومافيها الا العافيه

[عناد2009]

ليش ماتفحص عالروماتيزم.. يمكن حمئ روماتيزمية،،الفحص يكون تحليل دم
والله يشفيها ان شاءالله

[فريخ الشاهين]

ما تشوف شر أن شاء الله ....
أختي اختج يمكن معاها بوصفار ....
بوصفار يضرب بحراره وألم في الكبد والواحد ماله نفس للأكل وفي نفس الوقت تحسين لون الشخص نفسه اصفر .....
الله يشفيها أن شاء الله ....