استفسار عن السفاره البريطانيه

[بوجاسم@قطر]

السلام عليكم


بغيت استفسر عن السفاره البريطانيه اذا ابي اخذ فيزا شالاجراءت المطلوبه وكم يوم تاخذ الفيزا عشان تطلع والسفاره تاخذ طلبات العصر ولا بس الصبح ؟

[S.T.Y.L.E]

مكانهم جنب فندق روتانا اللي فالمطار
في طلب تعبيه اون لاين وتدفع رسوم على حسب مدة الفيزا ( 6 شهور - سنة - سنتين - خمس سنين - عشر سنين )
واذا ماتعرف تعبيه تقدر تروح اي مكتب سفريات يعبونه لك

وبالمره تاخذ موعد مقابلة سواءً اون لاين او من مكتب السفريات نفسه

اذا لغتك الانجليزية مب ذاك الزود انصحك تمر مكتب سفريات

المطلوب ، الجواز + صور شخصية + بيانات الاب والام + تعبئة الطلب + رسوم الفيزا

المدة :
- اذا مستعجل ( 3 - 4 ايام + تدفع رسوم )
- اذا مب مستعجل ( 4 - 12 يوم بدون رسوم )

[قطررية كشخه]

ما عندي شي اقدر افيدكم فيه السموحه
والله يوفقكم

[غايه الطواش]

ماقصر ستايل