هديتك لي امك ؟؟؟

[بريق الحق]

السلام ورحمة الله وبركاته

والله الموضوع شاغلني الصراحة كل مابي اشتري شي حق الوالده ماعرف شنو الشي الي اشتريلها وكل... ماسافرة ارجع لها بغرشة عطر لانه اتصلها واقوله شتبين ايب لج اتقولي مابي شي بس سلامتك

اتمنى كل واحد يكتب لنا تجربته مع امه وشنو الهديه الي حبتها الوالده لم عطيتها ( اكيد اغلى هديه لها شوفت اعيالها لها )
وان شاء الله احصل الحل منكم
وجزاكم الله خير

[intesar]

شنطة.. ولا بوك

[SOUD.QA]

قواك الله بو عابد والله يخلي لك الوالده ويطول بعمرها إن شاء الله وربي يقويك على برها وطاعتها


سلمك الله احسن حاجه تسويها تسأل خواتج ولا خالاتك عن اللي بخاطر الوالده او شاللي يعجبها إذا انت ما تلاحظ هالاشياء عليها بس انا ملاحظ هالايام الامهات الله يطول بعمرهم يحبون يشترون الذهب القديم مثل المرتعشه متى ما قدرت ورحت الرياض ولا البحرين تلقاهم هناك ارخص بواجد من عندنا

عندك بعد ساعات الرولكس والامهات يورثونها لبناتهم لان الساعه سعرها فيها صراحه وتقدر بعد تشتري لها شنطة شانيل الكلاسك

ان بغيت الصدق هدايا الامهات الله يحفظهم تكلف بس ان بغوا روحنا ترخص لهم

:)

[وثائقي]

بصراحة اخوي انا انوع وآخر شي جبته لها ساعة ذهب صحيح غاليه بس امي اغلى الله يحفظها لنا ويحفظ امهاتكم ياأأأأأأأأأرب^^

[penguin]

من خلال تجربتي الامهات يفرحهم اي شي بمعنى الكلمة
يعني لا تعقد الهدية بتكون قريبة من قلبها أسرع

[لـبـيـه]

تذكره للعمره

[الزعفراني]

شوف شاللي اكثر شي تحبه وتميل له في البيت ..