جوالي انسرق , ابلغ الشرطة؟

[Noorah]

مرحبا ,

باختصار تلفوني اليوم الظاهر طاح وانا نازلة من السيارة عند باب جاردينيا النصر وانباق لأن السيارة كانت مسكرة يوم رجعت والتلفون مب موجود ..

هل لو بلغت الشرطة في فايدة ؟
واي مركز يتبع النصر؟

ماعندي بكب من الارقام واللستة محتاجتهم :weeping:

[SOUD.QA]

السلام عليكم ورحمة الله وبركاته

بلغي المركز بس ما عندي فكره النصر تابعين لمن بالضبط ولو كان عندج الرقم التسلسلي للجوال بيكون على علبته يكون افضل مع البلاغ

[Aaziz]

دقي عليه شوفي شغال ولا لا. يمكن الي لقاه طايح يبحث عن راعيه الان
اذا عندج كرتون التلفون الي فيه السيريال نمبر حق الجهاز ممكن الشرطه يفيدونج والله اعلم.
ممكن تتصلين في امن العاصمه و موظف البداله راح يخبرج منطقه النصر تابعه لاي مركز شرطه

[Noorah]

مسكر خلال ثلاث دقايق اتصل مسكر

اي عندي السيريال نمبر

بكرة بجرب اكلم امن العاصمة اسأل يمكن حد لقاه يعطيه الشرطة !

مع انه المفروض يعطيه المحل لاني صافه قدام الباب :(

[وثائقي]

على فكرة اختي ترى من رقم الجهاز بقدرون يوصلون لكل كارت ركب فيه ويعرفون رقمة بواسطة البحث الجنائي وغالباً تستخدم في حال تقفي اثر المطلوبين

ان شاء الله تلاقينه

[حميداني]

مشكلة الكارت ان صعب تحصلين حرامي ما يقط الكارت اول ما يبوق الجوال
ومن صوبي انصحج بانج تقطعينه قبل ما حد يلاقيه مقطوط ويستعمله استعمال غلط
او عالاقل قدمي بلاغ انه مش معاج علشان ان صارت مشاكل ما تجي على راس صاحب الكرت

معاج كرتون الجوال والسيريال اخذيه معاج وان ما تبين تروحين مناك
بكل بساطه بيطلبون من اللي يجيبه منج كتاب
يعني تكتبين باورقه اللي صار وتوقعين عليها واتخلين اخوج او ابوج يتولى الموضوع ان مافيج شده تروحي او مستنكره الروحه بكبرها

اهم شي ان نوكيا اللي هو نوكيا لرفيجي رجعو له اياه فالاجهزه الحديثه اسهل واسهل
الله يوفقج ويرجع لج اياه

[Noorah]

عاد تعتقد هم بيدورونه لي ..؟

والا بلاغ ينحط بملف والسلام ؟

[بو علاوي]

مرحبا ,

باختصار تلفوني اليوم الظاهر طاح وانا نازلة من السيارة عند باب جاردينيا النصر وانباق لأن السيارة كانت مسكرة يوم رجعت والتلفون مب موجود ..

هل لو بلغت الشرطة في فايدة ؟
واي مركز يتبع النصر؟

ماعندي بكب من الارقام واللستة محتاجتهم :weeping:

بلغي فورا واتوقع ان فريج النصر تابع لشرطة السد
وحتى لو الحرامي قط السيم كارد واستخدم سيم كارد ثاني رح يصيدونه اول مايفتح الجوال
بالتوفيق

[Noorah]

ان شاء الله :(

[alfahad1]

اليوم كنت في مخبز الرغيف الساخن وكان في جوال ضايع هل كنتي هناك

[كتكوت الوحش]

مرحبا ,

باختصار تلفوني اليوم الظاهر طاح وانا نازلة من السيارة عند باب جاردينيا النصر وانباق لأن السيارة كانت مسكرة يوم رجعت والتلفون مب موجود ..

هل لو بلغت الشرطة في فايدة ؟
واي مركز يتبع النصر؟

ماعندي بكب من الارقام واللستة محتاجتهم :weeping:

بصراحة كلامك مش مفهوم
؟
الحين هو انباق ولا اانسرق ولا طاح منك ؟
وانتي اتقولين انه السياره مسكره
الضاهر وانتي نازلة طاح منك
او في قاردينيا حطيتيه على الطاوله او شي
لا تستعجلين واتبلغين على سرقة الجوال
روحي قدمي بلاغ انه ضاع ؟
مو انسرق

[Noorah]

اليوم كنت في مخبز الرغيف الساخن وكان في جوال ضايع هل كنتي هناك

لا انا كنت بالجردينيا النصر

[Noorah]

بصراحة كلامك مش مفهوم
؟
الحين هو انباق ولا اانسرق ولا طاح منك ؟
وانتي اتقولين انه السياره مسكره
الضاهر وانتي نازلة طاح منك
او في قاردينيا حطيتيه على الطاوله او شي
لا تستعجلين واتبلغين على سرقة الجوال
روحي قدمي بلاغ انه ضاع ؟
مو انسرق

لا انسرق ,,

الجردينيا مراقب بالكاميرات كامل وبيشيكون لكن للاسف مافي كاميرا على البارك


عموما انا بلغت مركز السد وطلعت بدل فاقد وان شاء الله يصيدونه اكيد البيانات كلها بتكون انمسحت لكن باخذ حقي القانوني :anger1: