رأيكم في راديو مؤسسة قطر..

[طبيب قطري]

السلام عليكم ورحمة الله ..

أخواني وأخواتي الأعزاء أعضاء المنتدى الكرام.. بكره ان شاءالله اول يوم دوام بعد أجازه العيد - طبعا للمؤسسات الحكومية - وبهذه المناسبة حبيت اطرح هذا الموضوع عن رأيكم في راديو مؤسسه قطر ..
وانا بطريقي للدوام افتح الراديو طبعا وبحكم عملي كطبيب فاوقات ذهابي للمستشفي تختلف ، مرات أروح قبل الفجر بشوي وأكيد ما احب اسمع غير إذاعة القران الكريم .. وأوقات اذا طالع بنفس توقيت برنامج وطني الحبيب اسمع منه شويه ..
في رمضان جذبت انتباهي هالاذاعه ( راديو مؤسسه قطر) بصراحه برامجها كانت كلها دينيه أكثر من رائعه .. ولكن بعد شهر رمضان لاحظت ان البرامج دون المستوي ومافي احترافية بالأعداد بالمره وبعض المذيعين واضح أنهم مجرد متدربين او ماعندهم خبره بمجال الإذاعة وخصوصا البرامج المباشرة تحس ان المذيع يؤدي واجب وهم ثقيل عليه تلقي المكالمات من المتصلين مافيها أي روح ولا تفاعل هذا طبعا غير المواضيع المطروحة الي مالها طعم ، لدرجة اني شكيت ان الاتصالات تكون متفق عليها مسبقا!!
حبيت اعرف رأيكم في هالاذاعه وهل كان هذا مستواها منذ إنشائها ؟ لأني بصراحه ما بديت أسمعها إلا برمضان ..

واتمنالكم دوام سعيد كله نشاط بإذن الله :nice:

[فراغ]

والله اخوي طلعت وايد اشياء
هذي اول مره اسمع فيها عن هذي الاذاعه
انا احب اذاعة البحرين
لانهم يحطون اصوات واغاني بحريه
وانا ادوخ عليها

[السكين]

والله يا دكتور ما سمعتها قبل :shy:

بس ننتظر الآراء :)

[طبيب قطري]

والله اخوي طلعت وايد اشياء
هذي اول مره اسمع فيها عن هذي الاذاعه
انا احب اذاعة البحرين
لانهم يحطون اصوات واغاني بحريه
وانا ادوخ عليها


ههههه عاد اذا تحب الأغاني لا تحاول تسمع راديو مؤسسة قطر بيرتفع ضغطك يحطون أغاني من زمن الفراعنه الظاهر !! :secret: :omen2:
عموما الإذاعة ترددها 93،7 أسمعها وعطيني رأيك ..:telephone: :)

[فراغ]

ههههه عاد اذا تحب الأغاني لا تحاول تسمع راديو مؤسسة قطر بيرتفع ضغطك يحطون أغاني من زمن الفراعنه الظاهر !! :secret: :omen2:
عموما الإذاعة ترددها 93،7 أسمعها وعطيني رأيك ..:telephone: :)
وكيه وكيه

[طبيب قطري]

والله يا دكتور ما سمعتها قبل :shy:

بس ننتظر الآراء :)

الغريب اني عرفت ان هالاذاعه موجوده من 2009 !! وانا مثلك ماسمعتها إلا في ارمضان الي طاف !! اشرايك هل هذا دليل علي فشلها ؟؟ استغرب ليش ماحطوا إعلانات عنها !!

يعطيك العافيه اخوي علي مشاركتك وإذا رايح الدوام بكره ان شاءالله أسمعها وعطيني رأيك 93،7 :nice:

[غايه الطواش]

اسمع تردد ميولك

ههههه

احب بعض البرامج فيها مثل برانج متعلق بعرضات هل قطر وبرنامج متعلق بالحقائق والغرايب

ومثل ماتفضلت في رمضان الصراحه ماتوقعت برامجها قويه
ومفيده

لكن فالايام العاديه وايد يكررون الاخبار والسينفونيات يحطونها طويله

القناه ماتغطي كل قطر ومن فتره معينه تم توقيع عقد مع شركه فرنسيه لتقويه الارسال ليغطي كافه مناطق قطر
وبس والله

[طبيب قطري]

اسمع تردد ميولك

ههههه

احب بعض البرامج فيها مثل برانج متعلق بعرضات هل قطر وبرنامج متعلق بالحقائق والغرايب

ومثل ماتفضلت في رمضان الصراحه ماتوقعت برامجها قويه
ومفيده

لكن فالايام العاديه وايد يكررون الاخبار والسينفونيات يحطونها طويله

القناه ماتغطي كل قطر ومن فتره معينه تم توقيع عقد مع شركه فرنسيه لتقويه الارسال ليغطي كافه مناطق قطر
وبس والله


طيب وليش مايكملون البرامج الدينية !! انا قريت ان الإذاعة تخاطب فئه معينه من المثقفين والمتعلمين في المجتمع !! اذا كانوا يخاطبون المثقفين بهالمستوى من البرامج ففي شي غلط !!

[observer]

مرحبا طبيب قطري موضوعك حلو

انا احب هالقناة واحلى فقرة هي صباحك مشرق مع الاستاذ مرعي محمد كلامة طيب وجميل جدا



انصح بمتابعة هاذي الفقرة الممتازة التى تثري المستمع بالمعلومات :nice:

ودمتم في رعاية الله

[طبيب قطري]

مرحبا طبيب قطري موضوعك حلو

انا احب هالقناة واحلى فقرة هي صباحك مشرق مع الاستاذ مرعي محمد كلامة طيب وجميل جدا



انصح بمتابعة هاذي الفقرة الممتازة التى تثري المستمع بالمعلومات :nice:

ودمتم في رعاية الله

الصراحه ماتابعت هالفقره ان شاءالله بسمعها وبقولك رأيي
مشكور اخوي

[غايه الطواش]

طيب وليش مايكملون البرامج الدينية !! انا قريت ان الإذاعة تخاطب فئه معينه من المثقفين والمتعلمين في المجتمع !! اذا كانوا يخاطبون المثقفين بهالمستوى من البرامج ففي شي غلط !!

والله اخوي ماعتقد والا شدخل حقايق ورايب والا برنامج العرضات في ناس معينه


ومثل ماتفضل اخوي اوبزيرفر تكلم عن برنامج صباحكم مشرق جدا جميل كنت اسمعه وانا رايحه الدوام :shy:

[العقل الحر]

اذا يحطون شيلات قطرية ... بسمعها

ولكن ما عتقد

لانها اذاعه ( موجهه )

والقصد معروف

[غايه الطواش]

اذا يحطون شيلات قطرية ... بسمعها

ولكن ما عتقد

لانها اذاعه ( موجهه )

والقصد معروف
لا اخوي يحطون وكفايه تشكيك

[حسن]

سمعتها لما امر صوب الريان ولا الناصريه العام بس شوي وماركزت عليها اما الحين
ماعرف عنها شي كلش وبعدين ماشوف لها اهتمام اعلامي كبير يمكن الكثير منا مايعرف
ان في اذاعه موسسه قطر

[observer]

اسمع اسمع اسمع تردد ميولك

[العلم]

العام الماضي حطوا برنامج لقاء مع الشيّاب أهل قطر ... وكان البرنامج ممتع


أما الجانب الديني فأتوقع أن عندهم إهتمام ،، لأني أعرف شيخ يقولي دوم يتصلون له ويطلبون مداخلات وكلمات ،،،،



أما الإنتشار والدعاية فمقصرين فيها ومب منتشرة بين الناس .،،، بل البعض مايفرق بينها وبين إذاعة قطر ....

[غايه الطواش]

سمعتها لما امر صوب الريان ولا الناصريه العام بس شوي وماركزت عليها اما الحين
ماعرف عنها شي كلش وبعدين ماشوف لها اهتمام اعلامي كبير يمكن الكثير منا مايعرف
ان في اذاعه موسسه قطر

اصلا هي حق هل الريان والناصريه ههههههههه

[رجل الجزيرة]

اسمع تردد ميولك

ههههه

احب بعض البرامج فيها مثل برانج متعلق بعرضات هل قطر وبرنامج متعلق بالحقائق والغرايب

ومثل ماتفضلت في رمضان الصراحه ماتوقعت برامجها قويه
ومفيده

لكن فالايام العاديه وايد يكررون الاخبار والسينفونيات يحطونها طويله

القناه ماتغطي كل قطر ومن فتره معينه تم توقيع عقد مع شركه فرنسيه لتقويه الارسال ليغطي كافه مناطق قطر
وبس والله

يا بغضني للسمفونيات بجميع أنواعها وحلاتها جرة صوت أو شلة من الشلات.
:)

[حسن]

اصلا هي حق هل الريان والناصريه ههههههههه

اها انا يوم كنت ساكن في الناصريه قبل لايكسرون بيتي ساعات وانا افرفر اسمعها وتركتها لانها كله سيفونيان واحنا مناك ندور السامري ماينفع معانا
الكمنجه:tease:نحب نسمع الطبل والطار علشان الربع يستطربون:victory:

[غايه الطواش]

يا بغضني للسمفونيات بجميع أنواعها وحلاتها جرة صوت أو شلة من الشلات.
:)


بالعكس احيان يحطون سينفونيه مادري كونشسترا اغاني وطنيه بس موسيقى وايد حللوه



اها انا يوم كنت ساكن في الناصريه قبل لايكسرون بيتي ساعات وانا افرفر اسمعها وتركتها لانها كله سيفونيان واحنا مناك ندور السامري ماينفع معانا
الكمنجه:tease:نحب نسمع الطبل والطار علشان الربع يستطربون:victory:

دئه أديمه
اولد فاشن ماتمشي مع VISION 2030
:shy:

[فلتة زمانها]

سمعتها كذا مره حسيت البرامج عادية مافيها شيء مميز غير برامج ارمضان
وقبل فترة كانوا مسويين لها دعايات

[حسن]

عتيج الصوف ولاجديد البريسم نسمع اذاعه قطر صج ارسالها يفشل مايتعدي مجلس العيادي في زكريت وحدها لفه الخور لكن وشنسوي على الاقل نسمع اصوات شعبيه عوض وضاحي
ونسمع جره ناصر البريدي وفرج عبد الكريم فديتج فديتج ياقطر بس هم لو يطولون الاريل شوي كان زين
انا شعاري اذاعه قطر وبس

[عبدالعزيز الهتمي]

فيه مذيع ماعرف شسمه بس دوم يقول تفضل ولك المايك
والمصيبه يقدم برامج شبابيه ويتكلم بلغه عربيه فصحى والمفروض يتكلم اللهجه المحليه ,,
وعليه اسئله مالها داعي كلش بالبرنامج حزات ,,
نتمنى لهم التوفيق

[طبيب قطري]

حسيت من ردودكم ان هالاذاعه فيها تخبط واضح وسوء أداره وفي برامج فاشله ومذيعين فاشلين واداريين فاشلين مايعرفون يسوون دعايه للاذاعه ، معقول أذاعه موجهه من مؤسسه قطر ووايد ناس ماعرفوا عنها ومعقول أذاعه فيها برامج لاتحظي بنسبة استماع عاليه ومع ذلك يستمرون بالبث ! ليش مايسوون إحصائيات مستمره علي كل شي يقدمونه وإذا في مذيع او برنامج فاشل يشلونه !!

[العقل الحر]

لا اخوي يحطون وكفايه تشكيك

بل بل بل

على الصبح تكميم افواه وسحب اراء

هذي رايي وانا حر فيه

ولا يكون كل شوي ناشر السالفه في الاعلام علشان تكون كفاية تشكيك

على كل حال اختلاف الاراء لا يفسد للود قضية

[الرويـس]

بعد اذنك دكتور
شنهو تخصصك ؟

[Riku3]

كنت حافظها في السيارة ايام ما بدء البث بالاذاعة وكانت اعلاناتها بكل مكان .. بس كانت بايخه وكلها سنفونيات وبرامج هابطه .. وقبل 6 شهور غيرت بطارية موتري وعدت برمجة القنوات وما رجعتها لانها ممله ! ..

افضل اذاعة قطر والقرآن والجزيرة العربية والانجليزية .. وقناة ابوظبي احب اسمع استديو واحد .. وبس .

[الدوحه1]

شالهدف من انشاء الاذاعه؟؟؟
اذا مؤسسة قطر عندهم افكار لبرامج اذاعيه ليش مايستخدمون اذاعة قطر (العربيه او الانجليزيه) ؟؟؟
في تخبط في البلد بخصوص القنوات الاذاعيه والتلفزيونيه!!
المفروض كل القنوات الاذاعيه والتلفزيونيه الحكوميه تكون تحت اشراف واداره جهه وحده اللي هي "المؤسسه القطريه للأعلام" لان الهدف من انشاء هالمؤسسه هو الاشراف على القنوات المحليه..
لكن اللي حاصل الحين ان في قنوات اذاعيه وتلفزيونيه حكوميه افتتحت بعيدا عن اشراف وادارة المؤسسه مثل اذاعة وتلفزيون الريان , اذاعة مؤسسة قطر , وانا سمعت انهم يبون يفتحون قناة تلفزيونيه خاصه بالأسره!!!!
فاتمنى ان ينتهي هالتخبط بأسرع وقت..

[طبيب قطري]

بل بل بل

على الصبح تكميم افواه وسحب اراء

هذي رايي وانا حر فيه

ولا يكون كل شوي ناشر السالفه في الاعلام علشان تكون كفاية تشكيك

على كل حال اختلاف الاراء لا يفسد للود قضية



كلامك مضبوط ومن حقك تقول رأيك مثل كل الأعضاء الي أعطوا رأيهم ..

[رجل الجزيرة]

[QUOTE=غايه الطواش;8548473][FONT="Trebuchet MS"][SIZE="5"][B]


بالعكس احيان يحطون سينفونيه مادري كونشسترا اغاني وطنيه بس موسيقى وايد حللوه

[COLOR="Navy"]الشيبان يقولون أذا أكلت جح وإلا بطيخ مع لبن ويش يصير لك برص صح.

سمفونية مع أغاني وطنية ما تركب مثل راعي البرص.

[طبيب قطري]

[QUOTE=غايه الطواش;8548473][FONT="Trebuchet MS"][SIZE="5"][B]


بالعكس احيان يحطون سينفونيه مادري كونشسترا اغاني وطنيه بس موسيقى وايد حللوه

[COLOR="Navy"]الشيبان يقولون أذا أكلت جح وإلا بطيخ مع لبن ويش يصير لك برص صح.

سمفونية مع أغاني وطنية ما تركب مثل راعي البرص.

:nice:

[الخزرجي قطر]

احلى شي اسمعه ومااغير موجة القناة اذاعة القران الكريم وبس

[طبيب قطري]

احلى شي اسمعه ومااغير موجة القناة اذاعة القران الكريم وبس

صحيح ، بس الواحد مستغرب من مستوى الإعلام وبعض الإعلاميين بقطر..

[طبيب قطري]

سمعت برنامج اسمه الشاي الأخضر .. المذيع حالته صعبه

[مرتبش]

مستوى المذيعين دون المستوى اتخيلهم طلاب يتعلمون في كليات المؤسسة وحابين يزيدون خبرتهم !... دعايات للبرامج في كل الاوقات واخرتها البرنامج مدته ٥ دقايق هذي اهم نقطتين

[شموخ]

ولا مرة سمعت هالاذاعة لأني ما أعرف التردد كم بس ان شاءالله راح اسمعها وأقول رأيي

[طبيب قطري]

ترددها ٩٣،٧
بانتظار رأيك

[الـقـاسـي]

للرفع ,,

ياليت المتابعين الجيدين يعطون رأيهم لان احس اللي انتقدوا يسمعون لها فترات بسيطه جدا ..

تعدد وسائل الإعلام في قطر سواء تلفزيون أو ذاعه او صحف المستفيد منه فالنهايه هو المتلقي لان الخيارات تكثر عنده والتنافس يزيد ..

[سفير الدوحة]

ممتاز (:

[طبيب قطري]

ممتاز (:

أشكرك علي مرورك الشيخ :victory:

[حبر وقرطاس]

هاااااااااااا


ما سمع


مادريت

[طبيب قطري]

حاطين أغاني ويقولونلك الإذاعة تخاطب فئة المثقفين!!!