ليش القطري بس ؟؟؟

[حسن]

السلام عليكم ورحمه الله وبركاته

حبيت اناقش معاكم شي ملاحظه بالنسبه لهل قطر بس
العزوف من الكيمرا والخوف منها في الكثير من القاءات والهروب منها وخصوصا الرجال ليش
من كم يوم اشوف برنامج الصباحي لسوق الخضره مع الرميحي وهويعلق الى مره جايه من وراه ومنقبه واتبين الى عويناتها يوم شافته صدت وغطت وجها بالدفه وشلت عليه ليش وش صاير
ممكن نسمع ارائكم في الموضوع

[حبر وقرطاس]

والله يجوز الخجل وعدم الاعتياد على فكره الظهور على التلفزيون
انا اشوف الشغله عاديه جدا لو حد يطلب رايي في سوق عام امام الكاميرا مافي مشكله
بس اهم شي عطوني فرصه اعدل الغتره واكشخ وعقب مستعد ادل بدلوي لين الصبح :nice:

[غير البشر]

اي حسن شفتها يحليلها شافت الكاميرا وكوعت عنها

مشكلتنا الله يسلمك التعليقات والقعار

يعني واحد يطلع او يسوي لقاء خذ التعليقات والضحك
الاقال كذا وشكله منحرج والعقال مايل يتأتأ وهو يتكلم ومادري شنو


احنا شعب غير شعب ناقد درجه اولى :nice:

[غايه الطواش]

والله اخوي حسن من كم سنه قناه الجزيره حبت تسوي معاي لقاء واستأذنت هلي
لوتسمع الكلام الي سمعته جني مسويه جريمه مع اني قلت لهم بطلع بنقابي
عيب ومنقود وماعندنا بنات يطلعون فالتلفزيون وبتفضحينها

المهم قلت لهم ان شاء الله وسويت اللقاء :)

[عبدالعزيز الهتمي]

انزين عندك برنامج فض فض هههههه الي يزبد عالكيمرا والي اشوي والدمعه تنزل من عينه ههههههه والي يستانس ويسوي حركات اتقول قاعد فعرس ابوه :tease: لا تلومهم ياخوي حسن يمكن يخافون من الحك انا مره شاركت في برنامج وانحكيت حك من الاهل والربع:(

[شبح الصمت]

ترى صدق الكاميرا مب اي شخص يقدر انه يتكلم قدآمها

أعرف مذيع يقولي احنا يعطونا دورات مواجهة الكاميرا لين نتعود عليها ..

والحياء عند حريمنا

صعبة تجي تقول لوحده تعآلي بسوي معأج لقاء وبأخذ رآيج

[حسن]

والله يجوز الخجل وعدم الاعتياد على فكره الظهور على التلفزيون
انا اشوف الشغله عاديه جدا لو حد يطل رايي في سوق عام امام الكاميرا مافي مشكله
بس اهم شي عطوني فرصه اعدل الغتره واكشخ وعقب مستعد ادل بدلوي لين الصبح :nice:

اهلا اخوي حبر وقرطاس
هو الواحد مهب طالع على المسرح علشان نقول يمكن الجمهور له رهبه هو امام كيمرا موضيع
ويبي يسمع رايه كمواطن في شغله لازم الغريب يتكلم عنا
وبعدين انت تقول خجل هل هذا يعتبر مرض نفسي لابد انه يعالج عنه ؟

شاكرلك اخوي حبر وقرطاس شرفتنا في كل وقت

[شبح الصمت]

مفروض انه يوم يسوى معاها لقاء وماشاء الله عليه الرميحي إنسان فنان وسرعة البديه عنده


وسواها من قبل خذ رآي وحده بس الكاميرا ما وجهها عليها ...

[طبيب قطري]

موضوعك حلو اخوي ..
انا عن نفسي ماراح أخجل لو بيسوون معاي لقاء مباشر :)

[حسن]

اي حسن شفتها يحليلها شافت الكاميرا وكوعت عنها

مشكلتنا الله يسلمك التعليقات والقعار

يعني واحد يطلع او يسوي لقاء خذ التعليقات والضحك
الاقال كذا وشكله منحرج والعقال مايل يتأتأ وهو يتكلم ومادري شنو


احنا شعب غير شعب ناقد درجه اولى :nice:

انت غير البشر

انت شفتها يوم كوعت اتقول شايفه شي اللهم ياكافي
الرجال يبي يعرف ردود المواطن من اسعار الخضره
مناسبه ولا لا على طول شرده وزين من اللي بيعرفها
وهي مايبين منها شي غير صوتها واذا عرفوها خير ياطير مسويا شي غلط

فعلا انا ملا حظ الكثير منا ينتقد لاجل الانتقاد بس
تعال انت من تكلم باسمك انت رجل ماتشوف الى الغيبره

هلا والله ويامرحبا بك:victory:

[حسن]

والله اخوي حسن من كم سنه قناه الجزيره حبت تسوي معاي لقاء واستأذنت هلي
لوتسمع الكلام الي سمعته جني مسويه جريمه مع اني قلت لهم بطلع بنقابي
عيب ومنقود وماعندنا بنات يطلعون فالتلفزيون وبتفضحينها

المهم قلت لهم ان شاء الله وسويت اللقاء :)

اوه ماقلتي لنا الحلقه علشان نشوف السارجننت غايه

انتي تقولين لقيتي ممعارضه من الاهل لكن هل هلك عندهم مانع فرضا لو قلتي باروح بدرس برع هل ياتي بيوافقون لا لا

مادري احس ان احنا نناقض نفسنا بنفسنا وحنا بعارفين وش نبي
نقول نتنقب هني محد يعرفنا واذا سافرنا وداعا للنقاب والعبايه محد بيعرفنه
احترت انا والله

المهم عساك بدعتي باللقاء انتي شكلك ماينخاف عليك بالتوفيق ياغايه لك والى يرد كل غالي الى هله

[وثائقي]

المثول أمام الكاميرا لربما يصيبك ببعض الخوف والإرتياب وخصوصاً لأول مرة وقد مررت بتجربة حينما أستضفت في برنامج على الهواء مباشرة قبل عدة اشهر فقد إنتابني بعض الإرتباك والخشية في تلكم الأجواء الغير مألوفة والحمد لله إستطعت الحديث قدر الإمكان ..

وفق الله الجميع لما يحبه ويرضاه ..

[للصبر اخر]

تصدق اخوي حسن
مره كان عندي تصوير بالستي وكان في طفل قاعد سالته اسوي معاك لقاء
فررررررررح وراح يستاذن امه رجع قالي امي ماترضى
حاولت اقنعها اقولها هالشي عادي وحلو الولد يعبر ترددت في البدايه ومن بدينا تصوير سحببت الولد وراحت
وقالت لي اسمحيلي ما اقدر
نفسي اعرف شنو هالسبب اللي يخليهم يرفضوون

[حسن]

انزين عندك برنامج فض فض هههههه الي يزبد عالكيمرا والي اشوي والدمعه تنزل من عينه ههههههه والي يستانس ويسوي حركات اتقول قاعد فعرس ابوه :tease: لا تلومهم ياخوي حسن يمكن يخافون من الحك انا مره شاركت في برنامج وانحكيت حك من الاهل والربع:(

هلا والله بولد الهتمي
فض فض وغيره انا ماشوف هذه البرامج تضيع وقتك معاها
ذكرتني بلقاءات قناه الجزيره امس في فلسطين وغيره
تشوف خلف المذيع الكل راز ويهه يبي يطلع ولا اللي يسوي نفسه يتصل يكلم الاهل انا عل الجزيره دلوئتي
شوفنى انا باشورلكم اي وه انه ده اللي رافع كراعي:)

هذا انت يابوسعود طلعت وش صار بس ربعك حكوك ليش اكيد مهبب شي

انا بالنسبه لي عادي دام انت واثق من نفسك
وبعدين مهم مايطلبون منك تقولهم تركيبه القنبله الهايدروجينيه مجرد اسئله عاديه من واقع الحياه اللي نعيشها

هلا والله شرفتني يابوسعود

[تاجر كشخة]

السبب الرئيسي هو الخوف من الانتقاد

[بومحمد المطاوعه]

هههههههههههههه


جزاك الله خير ياخوي

مره من المرات صادني الرميحي قالي مطووووع

قلت له هلا قال بعد اشوي في تصوير

شرايك تطلع

عاد ياليت ف مكان عدل

في محل يبيع مكسراات

يبيني اتكلم عن الكازووو والفستق

هههههههههههههه قلت له شخبارك انت طيب

ضحك يحليله قال ليش قلت له لا وين اتكلم على الفستق وسعره والكازوو

قلت له ثواني بعدل الغتره

ووووووووووشل عليييه اقرب باب

ههههههههههه

بس دايما اسوي لقاء فالتلفزيون واي تجمع احضره

انا احب الاعلام والمقابلات ماعندي اي مانع

بس ف مكان عدل وعلى شي عدل مب على كازووو

ونفس ماقالو اخواني ان صعب اي شخص يطلع مقابله في التلفزيون

تحياتي لك يالغالي

[حسن]

ترى صدق الكاميرا مب اي شخص يقدر انه يتكلم قدآمها

أعرف مذيع يقولي احنا يعطونا دورات مواجهة الكاميرا لين نتعود عليها ..

والحياء عند حريمنا

صعبة تجي تقول لوحده تعآلي بسوي معأج لقاء وبأخذ رآيج

هل والله باخوي شبح وين هل الغبه شكلك مسوي رجيم عن المنتدي :)

الكيمرا عاديه والله هو مهب حاطينك في وجهه مدفع
لا والحين الكيمرا صغيره تنحط في الجيب الفوقاني
ياشبح
هي صج يمكن لما تكون امام ناس عالم جمهور تقول في ذي الحاله بتخاف ولا بتحس برهبه
بعدين الحريم متغطيه ماييبن منها شي
وهذا حنا نشوف في الدول المجاوره الكل يطلع ويتكلم
ولا تحس انه مستحي ولا متلعثم عادي يقول اللي يعرفه
هل ثقافه الظهور امام الكيمرا تحتاج لوضع منهج تدريسي في المدارس :eek5:

يامرحبا بالشبح :victory:

[غير البشر]

حسن تتوقع هذا يستحي من الكاميرا لو عندنا

شوف الرد الثالث والرابع :omen2:

http://www.qatarshares.com/vb/showthread.php?t=224771

[khaldoon]

والله هي فيها رهبة خاصة لو كان الكلام ارتجالي و من غير استعداد اما لو الواحد مستعد و عارف فما فيها شي ..... المشكله انه الناس تخاف انها تظهر كأنها ما عندها ثقافة وتتأتأ و تتلعثم امام الكاميرا

بعدين يا اخوي الناس تخاف من المجهول... يعني يخافون يتكلمون بأسعار الخضرة يظن من يشوفهم انهم ينتقدون اداء المسؤولين و المقصرين اللي سمحوا للتجار برفع الاسعار

و في ناس تخجل و في ناس انطوائية و في ناس تعرف انه اللي حوليهم راح يستلمونهم مصخرة...... بس اللي عنده ثقة بنفسه غير

واحد قريبي قالي شوف الحلقة يوم كذا على قناة معينة بيسوون لقاء معاي.... لقاء في قناة اقتصادية يعني كان احد ضيفين في برنامج مثل اللي تشوفهم في الجزيرة... يعني لقاء مدته ساعة تقريبا مب مجرد سؤال بالشارع ..... لو انه مب واثق من نفسه كان ما قالي شوف اللقاء . و قالي ايش رأيك بكل امانة على ادائي امام الكاميرا.... هو ما له سابق خبرة بهالمجال

[حسن]

مفروض انه يوم يسوى معاها لقاء وماشاء الله عليه الرميحي إنسان فنان وسرعة البديه عنده


وسواها من قبل خذ رآي وحده بس الكاميرا ما وجهها عليها ...

يعني هي الله يهداها بتلقي خطام امام الكونجرس الامريكي
هو يبي يعرف من اغلى اليوم الطماطم ولا الوطى:eek5:

مادري احس هناك تناقض في الظهور

[حسن]

موضوعك حلو اخوي ..
انا عن نفسي ماراح أخجل لو بيسوون معاي لقاء مباشر :)

والله انت الحلو يادكتور انت وين تخجل كل يوم يمرون عليك بشريه الله يعينك عليه والله يجزيك خير
لان انت تبعث الفرح والبهجه للمراجعينك
ترا امزح معاك يادكتر
وين تخجل يادكتور انت انسان دارس برع وعندك ثقافه كبيره
لكن تعتقد العلم له دور ولا الثقافه لها دور ولا عيشه الغربه لها دور في تغير فكر الانسان

شرفنا مرورك يادكتور المفاصل تعورني قلت يمكن فيتامين د ناقص عندي مادري صح ولا غلط

تحياتي ياطبيب قطري

[حسن]

المثول أمام الكاميرا لربما يصيبك ببعض الخوف والإرتياب وخصوصاً لأول مرة وقد مررت بتجربة حينما أستضفت في برنامج على الهواء مباشرة قبل عدة اشهر فقد إنتابني بعض الإرتباك والخشية في تلكم الأجواء الغير مألوفة والحمد لله إستطعت الحديث قدر الإمكان ..

وفق الله الجميع لما يحبه ويرضاه ..

هلا والله باخوي وثائقي راعي حزم الجلاميد:)


انت ماينخاف عليك انت من اسمك لك نصيب

هو صحيح الاستديو والكيمرات لها رهبه وخصوصا على الهواء مباشره واول ظهور لك ماتنلام
بس شكلك بدعت ماانت مدوخ انتصار :victory:

شرفنى مرورك ياوثائقى وشكرا على طرح تجربتك
لنا

[وليف قطر]

الحيا من الايمان وانا اخوك

[هبوب الكوس]

مشكلتنا ما نحب الشهره :(

خبرك عقب العجاب ويبون منك توقيع لانك ظهرت فالتلفزيون

[حسن]

تصدق اخوي حسن
مره كان عندي تصوير بالستي وكان في طفل قاعد سالته اسوي معاك لقاء
فررررررررح وراح يستاذن امه رجع قالي امي ماترضى
حاولت اقنعها اقولها هالشي عادي وحلو الولد يعبر ترددت في البدايه ومن بدينا تصوير سحببت الولد وراحت
وقالت لي اسمحيلي ما اقدر
نفسي اعرف شنو هالسبب اللي يخليهم يرفضوون


اي والله للصبر اخر خلاص

حزنتيني على هذه القصه لان الام المفروض تكون مدرسه وتعلم عيالها وهذه الام ترفض طلب ولدها وطلبك شي يحز في الخاطر
هل المشكله في التعليم من وجهه نظري لا اعتقد
لاكن هل احنا محتاجين ثقافه اقولك نعم ويمكن اكثر من التعليم

الله المستعان لكن الخلل في من والتقصير من منه
الدوله المجتمع الاهل التعليم الجوعندنا غير:omg:

ياهلا ومرحبا تشرفنا بمرورك

[حسن]

السبب الرئيسي هو الخوف من الانتقاد

الخوف من الانتقاد ممن يخافون
:omg:

مادري والله مافهمت اخوي ممكن توضح لنا اشوي
علشان اخوانك القراء تتضح الصوره لهم
لاتخاف مافي كيمره بارك الله فيك:)

[حسن]

حسن تتوقع هذا يستحي من الكاميرا لو عندنا

شوف الرد الثالث والرابع :omen2:

http://www.qatarshares.com/vb/showthread.php?t=224771

ههههههههههههه

هذا الظاهر غطي على الفريان السعودي

:victory:

[قطريه ماركه]

عادات و تقاليد

خجل

[حسن]

:funny:
هههههههههههههه


جزاك الله خير ياخوي

مره من المرات صادني الرميحي قالي مطووووع

قلت له هلا قال بعد اشوي في تصوير

شرايك تطلع

عاد ياليت ف مكان عدل

في محل يبيع مكسراات

يبيني اتكلم عن الكازووو والفستق

هههههههههههههه قلت له شخبارك انت طيب

ضحك يحليله قال ليش قلت له لا وين اتكلم على الفستق وسعره والكازوو

قلت له ثواني بعدل الغتره

ووووووووووشل عليييه اقرب باب

ههههههههههه

بس دايما اسوي لقاء فالتلفزيون واي تجمع احضره

انا احب الاعلام والمقابلات ماعندي اي مانع

بس ف مكان عدل وعلى شي عدل مب على كازووو

ونفس ماقالو اخواني ان صعب اي شخص يطلع مقابله في التلفزيون

تحياتي لك يالغالي

افا تراك طلعت منهم ياولد المطاوعه انا قلت هذا راعي الجمس اللي مسويلنا صيه في المنتدي
بياكل المذيع وكيمرته بعد لاكن طلعت غير:weeping:

هل ياولد المطاوعه اسئله الكازو والمكسرات شردتك وانت رايح لها ولا خوفك من الربع الاهل يستلمونك
ها قول الصج لا تخاف هني مافي تصوير
مره ياولد المطاوعه صادي خالد صالح في الاند قالي باسوي معاك لقاء عن موضوع اجتماعي ماذكره يازواج الثانيه:)ولا عن المراهقه:anger1:
المهم قلت له ارجوك انا خايف يشوفني ومسؤولي ويقول اه هذا بوعلى وينه صار له عشر سنوات ماشفنا في الشغل جيبوه :secret:خلوه يحضر
عقب اللحاح خالد قلت له افا عليك وينه سوالك اسئل
وانا اجاوب يشوفني المدير ولا الوزير خير ياطير انا اغير شخصيتي واتهرب من المواقف علشان هم لا والف لا وابشرك قلت له بس ازرر الكلر وتفضل
والمشكله عقب ماحطو البرنامج تفاجهت الضيف
في الموضوع واللي يتكلم عن تلك الظاهر الدكتوره خالتي:nop:

escape

[حسن]

فاصل ونواصل اروح الصناعيه وارجع لكم

[وثائقي]

حسن لدي لقاء مباشر في برنامج حواري بعد فترة وجيزة مارأيك بمصاحبتي هنالك لنرى مدى صمودك أمام كاميرات التصوير ..

فتلكم دعوة مني لعلها لاقت قبولك ..

بوركت أخي الفاضل ..

[بومحمد المطاوعه]

:funny:

افا تراك طلعت منهم ياولد المطاوعه انا قلت هذا راعي الجمس اللي مسويلنا صيه في المنتدي
بياكل المذيع وكيمرته بعد لاكن طلعت غير:weeping:

escape

هههههههههههههه لا وين ياريال مع الكازووو هههههه اشدعوه قلت المقابلات مايبيله


:funny:

هل ياولد المطاوعه اسئله الكازو والمكسرات شردتك وانت رايح لها ولا خوفك من الربع الاهل يستلمونك
ها قول الصج لا تخاف هني مافي تصوير

escape

اي والله ياخي وين يصورني مع المكسرات والكازوو ولا يقول تكلم عن الفستق وانواعه :anger1:




:funny:
مره ياولد المطاوعه صادي خالد صالح في الاند قالي باسوي معاك لقاء عن موضوع اجتماعي ماذكره يازواج الثانيه:)ولا عن المراهقه:anger1:
المهم قلت له ارجوك انا خايف يشوفني ومسؤولي ويقول اه هذا بوعلى وينه صار له عشر سنوات ماشفنا في الشغل جيبوه :secret:خلوه يحضر
عقب اللحاح خالد قلت له افا عليك وينه سوالك اسئل
وانا اجاوب يشوفني المدير ولا الوزير خير ياطير انا اغير شخصيتي واتهرب من المواقف علشان هم لا والف لا وابشرك قلت له بس ازرر الكلر وتفضل
والمشكله عقب ماحطو البرنامج تفاجهت الضيف
في الموضوع واللي يتكلم عن تلك الظاهر الدكتوره خالتي:nop:

escape

ههههههههههههههههههههه

كفووو عليك

اهم شي الموضوع عن الزواج ولا شنو

شكلك خربتها مضبوووط


يعطيك العافيه يالغالي

[bos3eed]

السبب: الخوف من الحك, والله يا ان عندي ربع مستعدين يصملون علي شهر كامل على حرقه مابالك بلقاء تلفزيوني

[حسن]

والله هي فيها رهبة خاصة لو كان الكلام ارتجالي و من غير استعداد اما لو الواحد مستعد و عارف فما فيها شي ..... المشكله انه الناس تخاف انها تظهر كأنها ما عندها ثقافة وتتأتأ و تتلعثم امام الكاميرا

بعدين يا اخوي الناس تخاف من المجهول... يعني يخافون يتكلمون بأسعار الخضرة يظن من يشوفهم انهم ينتقدون اداء المسؤولين و المقصرين اللي سمحوا للتجار برفع الاسعار

و في ناس تخجل و في ناس انطوائية و في ناس تعرف انه اللي حوليهم راح يستلمونهم مصخرة...... بس اللي عنده ثقة بنفسه غير

واحد قريبي قالي شوف الحلقة يوم كذا على قناة معينة بيسوون لقاء معاي.... لقاء في قناة اقتصادية يعني كان احد ضيفين في برنامج مثل اللي تشوفهم في الجزيرة... يعني لقاء مدته ساعة تقريبا مب مجرد سؤال بالشارع ..... لو انه مب واثق من نفسه كان ما قالي شوف اللقاء . و قالي ايش رأيك بكل امانة على ادائي امام الكاميرا.... هو ما له سابق خبرة بهالمجال

عدنا والعود احمد حيالله اخي خلدون انا مادري
كله احس ان شكلك واحد متين ولابس نظاره شكل اللي في البوصه ذاك :)

صج كلامك ياخلدون في ناس تخاف وترتبك وتتلعثم :weeping:بس هذا الاول يوم كنا مغمضين بس جيل الحين مبلتعين مشاء الله عليهم

بعدين انت تقول الناس تخاف من المجهول وشهو هذا المجهول اللي ينتظرهم انت لما تتكلم في موضوع ما فكره معينه ولا ملاحضات تهم البلد والمقيمين عليها بالعكس هذا واجب وطني ويشرف مايخجل
عجل ليش يلعلعون في وطني الحبيب ويتذمرون وكله يقولك بوفلان وبوفلان لو انا مذيع ارفض الدخول على الهو بدون ان تذكر اسمك هذا شرف الا اذا هو غير صادق يمكن هذا عندك مثال مره ونعم المره وكفو عليها بنت العم عائشه المهندي وهي عميه تتكلم وتذكر اسمها مع العلم انها تتكلم لمصلحه الغير وليس لها :victory:

زمان كنت استمع لاذاعه الكويت كنت اسمع مشاركاتهم الحواريه مع الوزراء وغير كنت استغرب من قوه حوارهم وثقافتهم وهو مجتمع مثلنا سيم سيم
من هو السبب ياترا ماتقدر تلقى واحد معقوله
الكل يخاف من الكيمرا ولا المايك :rolleyes2:

يامرحبا ياخي خلدون وشرفت ودي احطك على كرسي الاعتراف مره ثانيه:eek5:

[حسن]

الحيا من الايمان وانا اخوك

صدقت والله ياوليف قطر الحياء من الايمان
وانشاء الله انا وانت وكل مسلم نكون من اهل الحياء والايمان :victory:

يعني تقصد تقول لناس لما تكون امام الكيمرا يحسون انهم مفاصيخ :eek2:هذا اللي تقصد عدل ولا لا

وسعيد ياخوي بمشاركتك هلا والله

[الزعفراني]

الأسباب كثيرة أهمها الخجل الاجتماعي ، الخوف من الكيمرا والمواجهة ، غياب الثقافة ، عدم القدرة على التعبير بطريقة صح ( بعضهم يجيب العيد ) ، عدم التعود على ثقافة الحوار ، كله ان شاء الله ، ان شاء الله ، ان شاء الله .

الخوف من الطنازه ، احنا مجتمع مبدعين في الطنازه وفي تكسير المجاديف ، من تطلع في لقاء والا صورتك في جريدة والا ماخذين منك تصريح تعال شوف الاستلام :rolleyes2:

طبعا كلامي ينطبق على البعض ، لكن البعض الآخر ماعنده مشكلة وعادي يظهر في التلفزيون وغيره .

[penguin]

ان شالله اطلع بالتلفزيون بحفله تخرجي :nice:

[لولو2022]

:shy:
ماعتقد عندنا الجرأه على الكاميرا
من كثر ماسمعت تغطي
اذكر اول ماعتمرت مع زوجي كشفت عند الكعبه
التفت لمطوف على زوجي وصرخ غطها
الحمدلله صرت ادعم لطوف من الحيا ، ولا لين عصبت على اليهال قلت يعلكم الحيا

[علي رشيد]

أهم شي اللي يتلثمون إذا شافوا الكميرا

و خصوصاً في فض فض !!

[علي رشيد]

أهم شي اللي يتلثمون إذا شافوا الكاميرا

و خصوصاً في فض فض !!

[بوحارب]

الناس. تعودوا على الهروب من الكاميرا ولا الموضوع عادي مافيه شيء

أنا لو كنت حلو بتحصلني طالع في كل برنامج هههههههه:(

[شبح الصمت]

الناس. تعودوا على الهروب من الكاميرا ولا الموضوع عادي مافيه شيء

أنا لو كنت حلو بتحصلني طالع في كل برنامج هههههههه:(



والصور الي اتكلم وإلا ................. :secret:

[حسن]

الناس. تعودوا على الهروب من الكاميرا ولا الموضوع عادي مافيه شيء

أنا لو كنت حلو بتحصلني طالع في كل برنامج هههههههه:(

ليش الناس تهرب يعني الكيمرا لهذه الدرجه تخوف
وبعدين انت ربطت الجمال له دور في عمليه الظهور
جايز وكل شي جايز يابوحارب
عجل الحمدلله انك مهب جميل كان ملينا من صورك

سعيد بمرورك ولاتنسى تمر سوق الحراج ترا عندهم خوش كراسي:)

[حسن]

السبب: الخوف من الحك, والله يا ان عندي ربع مستعدين يصملون علي شهر كامل على حرقه مابالك بلقاء تلفزيوني

يمكن انت تتكلم عن فئه عمريه صغيره معاك حق كلش وولا الاستلام يقطعون الواحد
بس الى واثق الخطوه يمشي مللك يقولون:)

هلا وغلا وحياك الله اخوي

[حسن]

escape
والصور الي اتكلم وإلا ................. :secret:

:nop:

[بومحمد المطاوعه]

هههههههههه

الردود مالها حل

بس محد وصل للي كنت بوصله على التلفزيون

قالي تكلم عن الكازووو :(

انزين ليش انا شسويت لك يالغالي :weeping:

[حسن]

هههههههههه

الردود مالها حل

بس محد وصل للي كنت بوصله على التلفزيون

قالي تكلم عن الكازووو :(

انزين ليش انا شسويت لك يالغالي :weeping:

يعني الحين انت مجمع جماسي قطر كلها ومسويلك فلم على الكورنيش ويخوفك الكازو اي قوله عادي الكازو ممتاز يسوي شغل يبيض البشره ويطير الكحه
ها خلصنا ماصار شي الصراحه صدمتني
بعدين تعال باساسرك الكازو حو على البرياني لاتعلم عاهد اوكيه:victory:

[غايه الطواش]

يعني شنو حو ع البرياني ؟

[شبح الصمت]

يعني شنو حو ع البرياني ؟




يقصدك حلو على البريآني تحطين كأزو يعطيج طعم ولذة

:nice:

[غايه الطواش]

اي حلو انا قلت بعد حو ؟؟ جنه يحد له شي هههههه

[حسن]

يعني شنو حو ع البرياني ؟

:nop:

اوبيه شلون طلعت جذيه انا اشك عندنا جن هني باقو الحرف بس فله طلعت جمله مفيده:)

ذكرتني يوم كنا صغار نقول حق الديج حو على الديايه:)

عديها الله يهداك خطاء مطبعي انا ماحب الكتابه احب الحوار:telephone:

[غايه الطواش]

:nop:

اوبيه شلون طلعت جذيه انا اشك عندنا جن هني باقو الحرف بس فله طلعت جمله مفيده:)

ذكرتني يوم كنا صغار نقول حق الديج حو على الديايه:)

عديها الله يهداك خطاء مطبعي انا ماحب الكتابه احب الحوار:telephone:

هههههه شوف ردي علي شبح

[شبح الصمت]

اي حلو انا قلت بعد حو ؟؟ جنه يحد له شي هههههه




ههههههههههههههههههههههههههههههههههاي

يعني في ذمتج بيهد الطير على الدجاجه وهي مسكينه مطبوخه وسط البرياني

أما شكلج متأثره موسم مقناص

الطير الي عندج وش مسميته

[غايه الطواش]

ههههههههههههههههههههههههههههههههههاي

يعني في ذمتج بيهد الطير على الدجاجه وهي مسكينه مطبوخه وسط البرياني

أما شكلج متأثره موسم مقناص

الطير الي عندج وش مسميته

شقران :shy:

[حسن]

يقصدك حلو على البريآني تحطين كأزو يعطيج طعم ولذة

:nice:

وش نسوي ياشبح ولد المطاوعه بهدلنه معا الكازو
انا بدون كيمره تلخبطت مالومك يامطوع

[شبح الصمت]

شقران :shy:




مافيج حيله

وسلامي عليك يا شقران اشكره اشقر :tease:

عالعموم نرد لموضوع اخوي حسن

لازم الواحد يصقرونه قبل لا يطلع في الشاشه لاجل يكون طلع وما يهمه شيء

:nice:

[بومحمد المطاوعه]

يعني الحين انت مجمع جماسي قطر كلها ومسويلك فلم على الكورنيش ويخوفك الكازو اي قوله عادي الكازو ممتاز يسوي شغل يبيض البشره ويطير الكحه
ها خلصنا ماصار شي الصراحه صدمتني
بعدين تعال باساسرك الكازو حو على البرياني لاتعلم عاهد اوكيه:victory:


هههههههههههههه مجمع الجموس ياخوي

بتصريح من الخرجي يالذيب

ومنتظمين الحمدلله

بس الكازوو فالبرياني غير ههههههه

هاعد كنز ماشاءالله عليه عارف الخلطه ماعليك

[بومحمد المطاوعه]

وش نسوي ياشبح ولد المطاوعه بهدلنه معا الكازو
انا بدون كيمره تلخبطت مالومك يامطوع

هههههههههههههههههههههه

والله شنسوي ياليته قالي تكلم عن الرهش ولا اي شي

كازو عاد اشدعوه طايح من عينه هههههههه

[HAYA]

أخي الكريم حسن ...
لا تستغرب ..
هذه طبيعة المجتمعات المحافظة ، و يفضل أن تتجنب المرأة الكاميرا قدر الاستطاعة ، أما الرجل القطري فأطالبه بفرض حضوره القوي سواء أمام الكاميرا أو خلفها .

اللهم جمل نساء قطـــر بالستر و الحياء و العفاف .

مع الشكر ,,,,،،،،، .

[لولو2022]

:discuss:
الا عاهد وين ، عاهد وينك رد

[حسن]

:discuss:
الا عاهد وين ، عاهد وينك رد

هو حد قال عنه شي تلقينه في احد صناديق البريد
بس هو من كم يوم طالع في الجرايد وسوي له مزاد وصوره تارسه الجريده ويتكلم مانخش من الكيمرا
عاهد ماينخاف عليه جرناس هو

[ام ناصر1]

لأنه المجتمع القطري مجتمع يتناول سيرة الناس وسمعتهم لابسط الاشياء ... وهو مجتمع يضخم الامور البسيطة ... ودائما يعيق ويخيف الافراد وما يساعدهم على تجاوز مخاوفهم

[حسن]

لأنه المجتمع القطري مجتمع يتناول سيرة الناس وسمعتهم لابسط الاشياء ... وهو مجتمع يضخم الامور البسيطة ... ودائما يعيق ويخيف الافراد وما يساعدهم على تجاوز مخاوفهم

والله مادري يام ناصر هل الناس سارت تخاف راي المجتع الحين بالنسبه لي اقول لا والدليل شكثر ذمو العبايه ام حبل وشكثر تكلمو عن لبس النقاب وشكثر تكلمو عن البلاك بيري وهناك الكثير عن اللي استلموها وقطعوها لكن ماتغير شي ولا هزهم الكلام بالعكس اشوفهم يزيدون

ولا اننتي تقصدين سالفه النمر اللي سندرونا عليه وشغلو جميع الاجهزه الامنيه عليه ولاخير طلع كذبه ابريل هذا قصدك يمكن

حياك يام ناصر

[عاهد بن علي]

:discuss:
الا عاهد وين ، عاهد وينك رد

شفيكم ويش صاير ؟؟؟؟؟؟؟؟؟؟؟؟؟؟؟؟
انا دايخ في الطوشه بينكم ، مهب قادر اركز على شي :anger1:

[لولو2022]

شفيكم ويش صاير ؟؟؟؟؟؟؟؟؟؟؟؟؟؟؟؟
انا دايخ في الطوشه بينكم ، مهب قادر اركز على شي :anger1:


هههههههه لا معذور روح حق موضوعك

[جفى الجوارح]

الصراحه انا منهم
هههههههههههههههههههه

بيني وبينك شعب قطر اذا شاف واحد طلع على التلفزيون ينتقد فيه بشكل غريب
يعني عادي يقول (اشفيه ذي مب صاحي اشقاعد يقول _حتى لو كان كلامه صح_ شوف شكله غلط شوف مرزامه عوي , باااااااااال املاحق الكيمرا عشان تصوره) ومن هالكلام
والموضوع ينتشر ابسرعه (شفت فلان طلع اشقال) عاد خذ وخل

عاد انا اشلي بعوار الراس

[حسن]

الصراحه انا منهم
هههههههههههههههههههه

بيني وبينك شعب قطر اذا شاف واحد طلع على التلفزيون ينتقد فيه بشكل غريب
يعني عادي يقول (اشفيه ذي مب صاحي اشقاعد يقول _حتى لو كان كلامه صح_ شوف شكله غلط شوف مرزامه عوي , باااااااااال املاحق الكيمرا عشان تصوره) ومن هالكلام
والموضوع ينتشر ابسرعه (شفت فلان طلع اشقال) عاد خذ وخل

عاد انا اشلي بعوار الراس
يارجال الحين من يطالع التلفزيون القنوات وايد بس اللي يحز في النفس ان الغير قطري هو يتكلم عن البلد ليش واذا الواحد مقنع ينشر الغسيل الوسخ
هل عندنا ازدواجيه في الشخصيه هل هذا يعتبر مرض نفسي ولا يتم علاج هذه الظاهره

انا عن نفسي الله ياريت يسلموني المايك ولا اكيمرا لاخلص الفلم عليهم

[بيتي بوب 23]

ثقافه مجتمع لا غير

[Mohammad ALG]

فعلا يا اخ حسن كلامك سليم

بالنسبة للمرأة انا اشوف انه منطقي اذا رفضت تطلع

بس بالنسبة لشبابنا المفروض يتحلون بالجرأة ويسَّمعون رايهم

أنا طالب اعلام واعاني اذا حبيت اسوي لقاءات

[حسن]

ثقافه مجتمع لا غير

اتفق معك انها ثقافه مجتع لاغير

لكن لازم نغير من هذه الثقافه الغير صحيه