رادار خط المحرقة - الوكرة الى الكورنيش

[بوسيف86]

السلام عليكم ورحمة الله وبركاته

يا جماعة الخير, ابغى منكم افادة الله يبارك فيكم, اليوم وانا قابض خط المحرقة من الوكرة الى الكورنيش, اول رادار صادفني فلش علي وانا مثبت على 100 .. للعلم بأن هناك لوحة قبل هالرادار محددة السرعه 60 ! فهل معقول اول رادار يكون 60 وباقي الخط 100 ؟!

حبيت اضيف الموضوع لأن الرادارت في نص هالشارع كانت تفلش على 100 .. بس -والله العالم- كانت للتجربة .. الي ابي اعرفه الحين هل اول رادار مثبت على انه يصيد السرعه 60~ فما فوق او لا؟

ارجوا الافادة والمشاركه ..
والله المستعان!

[GENIUS]

هلا أخوي.

على حسب علمي رادارات هالخط ما زالت تحت التجربة .

وكلامك صحيح بالنسبة لسرعة أول رادار وهي 60 والعجيب أن السرعة لنفس الردار في الشارع المعاكس هي 100 .

وايضا فوق جسر راس بو عبود في رادار وانت رايح لدوار سناء السرعة 100 وانت جاي من دوار سناء السرعة 60 .

لكن إحذروا من الردارات المتحركة على هذا الخط.

[قدها وقدود]

انا بعد نفسك صادني اول رادار وكنت اقل من 100 بشوي

بعد اسبوع شيكت على المخالفات وطلع ماعليي ولا مخالفه

اتوقع تجربه او صار شي خطأ

[باراكودا]

الشارع بكبره في طور التجربة شكلهم متوهقين فيه كل الدلائل تبشر بحصول
أزمة مرورية خانقة بعد أفتتاح مطار المحرقة الدولي .

[7llo]

ملعومه يديده انه كل امر على سنه 120 عيل خلني اخف ابرك لي

[بوسيف86]

جزاكم الله خير على الردود الطيبه

الصراحة هذي الرادارات مسوية رعب !

الله المستعان