ليش القطري والقطريه يستحون يلبسون حزام الأمــــان ....؟

[بومحمد المطاوعه]

السلام عليكم ورحمة الله وبركاتة ...

شخباركم يا اعضاء المنتدى الغالي

عساكم مرتاحيين

حبيت اطرح موضوع الحزام

والمستحى من بعض القطريين

انا قلت قطريين لأن اكثر ناس مايتحزموون بغض النظر عن المقيمين والاجانب انا اتكلم عن اهل بلادي وعلى راسي المقيمين ولهم احترامهم بس الموضوع لعيال بلادي :)

http://2bb.me/n.php?l=upxc9658965/1104/55590017587.jpg


لا يزال الالتزام بتطبيق حزام الأمان ضعيف جداً
فمعظم المواطنين لا يحبذون استعمال حزام الأمان ويختلقون الأعذار الواهية لتبرير عدم استعمالهم له
فهم لا يستعملونه إلا عندما يكون هناك مراقبة على الأرض

إنه من الضروري لأي شخص قبل أن يُطلب منه أن يستعمل شيء ما، أن يقف على ماهية هذا الشيء ويتعلم كيفية استعماله بشكل صحيح ويفهم فائدته ليستعمله عن اقتناع وليس عن إكراه.


هذا مثال على تأثير قوة الإصطدام على بعض السرعات:

- على سرعة 15 كلم/س، قوة الإصطدام تعادل سقوط شخص من على كرسي!

- على سرعة 50 كلم/س، قوة الإصطدام تعادل سقوط المركبة بمن فيها من الطابق الثالث للمبنى!

- على سرعة 120كلم/س، قوة الإصطدام تعادل سقوط المركبة بمن فيها من الطابق العاشر!

لذلك: إستعمل حزام الأمان داخل وخارج المدينة ينفع وااايد

انا عن نفسي اربط ولله الحمد

نشوف حوادث بالهبل والي يطير من الموتر

والله مشكله قويه

الحزام زين وشين

الشين اذا احترق الموتر اكبر مصيبه مايتبطل لأنه

الله كريم ونشوف مناقشاتكم ....

[حبر وقرطاس]

انا البس الحزام فالشوارع الطويله

داخل لفريج لا للامانه.. يمكن لاني اثق في سواقتي وانتباهي

فالماضي صار لي حادثين وسبحان الله اثنينهم كنت لابس الحزام

وثبتني عالكرسي مضبوط، ف حين السائق الاخر انكسرت يده


انا اناشد الاخوه والاخوات يلبسونه

سبب من الاسباب مايلبسونه الحريم او ينفرون منه لانه يبرز تفاصيل الجسم
لكن الاخوات بامكانهم تغطيته بالشيله او العبائه ..
وادعو الله للجميع بأن يحفظهم وان كان القضاء ولابد منه يالله الستر للجميع

[فلتة زمانها]

عن نفسي ملتزمة بربط الحزام
لنه اكثر من مره دعمت ومسكت بريكات والحمدلله
الحزام يحميني من بعد الله سبحانه من الاصطدام بالسكان والزجاج الامامي

[بومحمد المطاوعه]

انا البس الحزام فالشوارع الطويله

داخل لفريج لا للامانه.. يمكن لاني اثق في سواقتي وانتباهي

فالماضي صار لي حادثين وسبحان الله اثنينهم كنت لابس الحزام

وثبتني عالكرسي مضبوط، ف حين السائق الاخر انكسرت يده


انا اناشد الاخوه والاخوات يلبسونه

سبب من الاسباب مايلبسونه الحريم او ينفرون منه لانه يبرز تفاصيل الجسم
لكن الاخوات بامكانهم تغطيته بالشيله او العبائه ..
وادعو الله للجميع بأن يحفظهم وان كان القضاء ولابد منه يالله الستر للجميع

الحمدلله على السلامه

وصحيح الحزام والله مفيد من بعد الله تعالى

[شموخ دائم]

,

,



مرحبا

شكرا على الموضوع

الخجل هنا غير موجود وليس له علاقه بالمواطن او غيره

الموضوع فقط هو عدم تعود
و( ثقافه الحزام ) غير موجوده وينقصنا الوعي فيها

وما تم الالتزام فيها الا من خلال التوعيه والبرامج الكثيره التي اطلقتها اداره المرور مشكوره
وفرض ( المخالفه ) وبعدها التزم فيها اكثر الناس
واصبحت اليوم عاده لدينا
من تركب السياره تسحب الحزام

بختصار ما كنا متعودين عليها واليوم تعودنا وصار وعي لدى الناس



الان ينقصنا اشياء كثيره ما تعودنا عليها :_

1- الاتزام بالسرعه المحدده بكل شارع
2- اعطاء اشاره قبل اللفه
3- الالتزام بالمسار والحاره
4- التجاوز من اليمين
5- التحدث وكتابه المسجات اثناء السواقة
6- احترام حق المشاة والعبور


ما زلنا نحتاج الكثير من البرامج والتوعيه انا اشوفها
اهم من الحزام بكثير

,

,


اخوك


شموخ دائم

[مشاكل]

انا البس الحزام بس قدام الشرطة
بعد مااطوفهم افك الحزام بسرعه علشان مايتكرفس الثوب :shy:

[بومحمد المطاوعه]

عن نفسي ملتزمة بربط الحزام
لنه اكثر من مره دعمت ومسكت بريكات والحمدلله
الحزام يحميني من بعد الله سبحانه من الاصطدام بالسكان والزجاج الامامي

الحمدلله على السلامه

وزين انج تربطين الحزام

الله يحفظج ترى الحزام والله مب عيب ولا حرام بالعكس

مفيد للحوادث

[بومحمد المطاوعه]

,

,



مرحبا

شكرا على الموضوع

الخجل هنا غير موجود وليس له علاقه بالمواطن او غيره

الموضوع فقط هو عدم تعود
و( ثقافه الحزام ) غير موجوده وينقصنا الوعي فيها

وما تم الالتزام فيها الا من خلال التوعيه والبرامج الكثيره التي اطلقتها اداره المرور مشكوره
وفرض ( المخالفه ) وبعدها التزم فيها اكثر الناس
واصبحت اليوم عاده لدينا
من تركب السياره تسحب الحزام

بختصار ما كنا متعودين عليها واليوم تعودنا وصار وعي لدى الناس



الان ينقصنا اشياء كثيره ما تعودنا عليها :_

1- الاتزام بالسرعه المحدده بكل شارع
2- اعطاء اشاره قبل اللفه
3- الالتزام بالمسار والحاره
4- التجاوز من اليمين
5- التحدث وكتابه المسجات اثناء السواقة
6- احترام حق المشاة والعبور


ما زلنا نحتاج الكثير من البرامج والتوعيه انا اشوفها
اهم من الحزام بكثير

,

,


اخوك


شموخ دائم

بارك الله فيك اخوي

خل التوعيه على صوب

كلنا عارفين ان الحزام زين مب شين

بس بعضهم يقول ليش اربط الحزام واعفس ثوبي

وبعضهم يقول منصجك حزام ليش شايفني دريول ...

وانا قلت القطري لأن ماعتقد في مقيم بيتجاهل الحزام

لأن مخالفته 300 ريال

اهم احرص في هالشي

اما احنا وربعنا يقول شنو 300 ريال

واصلن مب دافعها اعرف فلان وعلان بيشيلها

ولا بحولها

كلنا نعرف ونقدر بس القصد السلامه لا اقل ولا اكثر

تحياتي لك

[بومحمد المطاوعه]

انا البس الحزام بس قدام الشرطة
بعد مااطوفهم افك الحزام بسرعه علشان مايتكرفس الثوب :shy:

ههههههههههههه ها جذي نظامك

مانبي جذي احنا نبي السلامه يالذيب

الله يحفظك

[شبح الصمت]

السلام عليكم

حلفت محد يقوم

عالعموم

هالحزام قصة قصة من الف ليلة وليلة

عن نفسي جاتني ايآم ما أفصخه كلش عآآآدي من زود ما كنت احبه عادي انزله معاي البيت وانام وانا رآبطه آخاف يجوني في الحلم ويشوفون مهب رابطه ويصكوني مخالفه ‍!


:shy:

[بو الجوري]

هلا الشيخ

تصدق جات فتره تخبرونهـا ، يوم بدأو يخالفون على الحزام
ومنتشرين في كل مكان ،، :telephone:

كنت أربط الحزام من أول ما أدق سلف ، بس عشان أريح راسي ، لأنهم كانو يطلعون من كل مكان :rolleyes2:

بس الصراحـه ماحب ألبسه خصوصاً فالدوحـه
يعني لو مسافر أو خط طويل معليه :..

مادري أحس كأنه حد لامني وأنا أسوق :shy:

[شموخ دائم]

,

,


مرحبا

:)

لا اخوي ( لاتخلي التوعيه على صوب )

يعني ( تعفيسه الثوب ) اهم من حياه الانسان !!!

ههههه

هنا دور التوعيه وبقوه

:)

لان الناس لسه مو فاهمه صح اهميته

,

,


اخوك


شموخ دائم

[بومحمد المطاوعه]

السلام عليكم

حلفت محد يقوم

عالعموم

هالحزام قصة قصة من الف ليلة وليلة

عن نفسي جاتني ايآم ما أفصخه كلش عآآآدي من زود ما كنت احبه عادي انزله معاي البيت وانام وانا رآبطه آخاف يجوني في الحلم ويشوفون مهب رابطه ويصكوني مخالفه ‍!


:shy:

ههههههههههههههههههههههه

وعليكم السلام يالله حيه
خشمك

هههههههه حلوه تنزله البيت

ذبحتني ياخي من الضحك

حرام عليك والله :(

دموووع فالدواام والشباب يطالعوني يقولون اشفيك تصيح اقولهم تعالو شوفو الرد يصيح ولا لا

هههههههههههه

الله يقوييك يالغالي

[7llo]

اول شي انا من الناس الي مايحطون الحزام الا لما يكون في تفتيش الصراحه الحزام ممل ويخنق بتقولي يحميك ترا المكتوب على الجبين تشوفه العين لو مركب الحزام وراكب سياره حدديد مصبوبه صب ودعمت والسياره ماصارلها شي ممكن انا اموت يكون العمر خلاص انتهى ,, وثاني شي انا ماسرع حددي 120 مادعس غير على خطوط وحتى في السفر عمري ماطفت 150

[بومحمد المطاوعه]

هلا الشيخ

تصدق جات فتره تخبرونهـا ، يوم بدأو يخالفون على الحزام
ومنتشرين في كل مكان ،، :telephone:

كنت أربط الحزام من أول ما أدق سلف ، بس عشان أريح راسي ، لأنهم كانو يطلعون من كل مكان :rolleyes2:

بس الصراحـه ماحب ألبسه خصوصاً فالدوحـه
يعني لو مسافر أو خط طويل معليه :..

مادري أحس كأنه حد لامني وأنا أسوق :shy:

هههههههههه انزين احسن شي حد لامك ياخوي

تحس ببحنان الحزام :tease:

والله ياخوي الصراحه انا من الي يربطون الحزام وصرت احب اربط الحزام بس اذا دخلت الفريج ابطل الحزام

تحياتي لك

[Aaziz]

السلام عليكم

عندي قناعه تامه ان السبب الرئيسي لعدم لبسنا للحزام هو الثوب و الغتره ، من تجربه
اربط الحزام وانت لابس رياضه و شوف كيف الوضع عادي ، و اربطه وانت لابس الثوب و الغتره و شوف شلون الحزام شاد الغتره حتى ماتقدر تلتفت.
الحمد لله وصلت لمرحله اني اذا في مره نسيت الحزام احس انه فيه شي غلط .
الحزام مهم جدا جدا و الي يبي يعرف اهمية الحزام و خطر السرعه يظيف هذي القناه الممتعه في اليوتيوب
CarCrashCompilation VM

[وطن]

سجل عندك

:victory:

قطرية وأربط الحزام من سنة 98 تقريبا لين يومك ولله الحمد

رفيجتي عودتني عليه .. الله يجزيها خير

[شبح الصمت]

ههههههههههههههههههههههه

وعليكم السلام يالله حيه
خشمك

هههههههه حلوه تنزله البيت

ذبحتني ياخي من الضحك

حرام عليك والله :(

دموووع فالدواام والشباب يطالعوني يقولون اشفيك تصيح اقولهم تعالو شوفو الرد يصيح ولا لا

هههههههههههه

الله يقوييك يالغالي





جعل دوم تضحك ومبتسم ومفرفش


والله يا ولد المطاوعه انا صادتني عقده مره مرتين وراء بعض في نفس اليوم صادوني أقولك وغير المتفرقه


وعقب التزمت التزام اول ما اطلع كاني طير رابطينه

وعقب ردت الحآلة

تدري والله الحين امر عليهم وشوفهم واقفين عالدواوير وهلي يقولون لي اربط اقولهم مالي بارض

ههههههههههههههههههههههههههاي

تصدق والا يسجلون

غريبه !!!

:nice:

[بومحمد المطاوعه]

,

,


مرحبا

:)

لا اخوي ( لاتخلي التوعيه على صوب )

يعني ( تعفيسه الثوب ) اهم من حياه الانسان !!!

ههههه

هنا دور التوعيه وبقوه

:)

لان الناس لسه مو فاهمه صح اهميته

,

,


اخوك


شموخ دائم

هني المشكله ياخوي

بعضهم يقولك لا وين اعفس ثوبي هههههه

انا لو الحزام يشق ثوبي بعد بربطه مب لو يعفس الثوب

بس البعض الله يحفظهم مايبي يربط

هني المشكله

[بصمة قطرية]

ما كنت أحب الحزام
بس من عقب الحادث تأدبت
مستحيل أركب قدام و ما أحط الحزام ..
حتى عيالي مستحيل يركبون قدام و ما يحطون الحزام ..

[بومحمد المطاوعه]

اول شي انا من الناس الي مايحطون الحزام الا لما يكون في تفتيش الصراحه الحزام ممل ويخنق بتقولي يحميك ترا المكتوب على الجبين تشوفه العين لو مركب الحزام وراكب سياره حدديد مصبوبه صب ودعمت والسياره ماصارلها شي ممكن انا اموت يكون العمر خلاص انتهى ,, وثاني شي انا ماسرع حددي 120 مادعس غير على خطوط وحتى في السفر عمري ماطفت 150

شكرا على الرد

اخوي خل موضوع المكتوب والقدر

هذا الشي قدره الاهيه لا اعتراض عليه

بس رب العالمين ماقال روح قط نفسك في التهلكه

وتقول مكتوب ومقدر

بتشوف حفر وبتنقز وبتقول اذا مت مكتوب

هالشي اكيد سويته بأيدك

تقدر انك تنط في الحفره وتتكسر وتقدر ماتنط وتعيش سليم

انا كل قصدي الحزام حمايه من بعد الله

تحياتي لك اخوي

وصحيح انه يضايق بس تقدر تتحكم فيه وتنزله من على الجنب علشان مايزنطك

الله يحفظك يالشيخ

[بومحمد المطاوعه]

السلام عليكم

عندي قناعه تامه ان السبب الرئيسي لعدم لبسنا للحزام هو الثوب و الغتره ، من تجربه
اربط الحزام وانت لابس رياضه و شوف كيف الوضع عادي ، و اربطه وانت لابس الثوب و الغتره و شوف شلون الحزام شاد الغتره حتى ماتقدر تلتفت.
الحمد لله وصلت لمرحله اني اذا في مره نسيت الحزام احس انه فيه شي غلط .
الحزام مهم جدا جدا و الي يبي يعرف اهمية الحزام و خطر السرعه يظيف هذي القناه الممتعه في اليوتيوب
carcrashcompilation vm

صحيح بارك الله فيك

بس والله انا تعودت حتى مع الثوب

صار شي عادي بالنسبه لي

تحياتي لك اخوي

[بومحمد المطاوعه]

سجل عندك

:victory:

قطرية وأربط الحزام من سنة 98 تقريبا لين يومك ولله الحمد

رفيجتي عودتني عليه .. الله يجزيها خير

ونعم

والحمدلله انج تربطين الحزام

احسن لج

الله يحفظج اختي

[بومحمد المطاوعه]

ما كنت أحب الحزام
بس من عقب الحادث تأدبت
مستحيل أركب قدام و ما أحط الحزام ..
حتى عيالي مستحيل يركبون قدام و ما يحطون الحزام ..

الحمدلله على السلامه

زين انج تربطين الحزام

انا لو اروح سيلين والعديد

لو قاعد ورى بعد اربط الحمدلله

[بومحمد المطاوعه]

جعل دوم تضحك ومبتسم ومفرفش

:nice:

وياك يالذيب والله ما اضحك الى على ردودك هههههههههه





والله يا ولد المطاوعه انا صادتني عقده مره مرتين وراء بعض في نفس اليوم صادوني أقولك وغير المتفرقه


وعقب التزمت التزام اول ما اطلع كاني طير رابطينه

وعقب ردت الحآلة

تدري والله الحين امر عليهم وشوفهم واقفين عالدواوير وهلي يقولون لي اربط اقولهم مالي بارض

ههههههههههههههههههههههههههاي

تصدق والا يسجلون

غريبه !!!

:nice:

هههههههههههههه ماتصيدك عقده عيل

600 ريال احجز فيها سويت فالحساا

3 غرف مع 5 اسره وصاله ومطبغ ومطعم وحمامين الله يعزك

هههههههههههههه

والله يالذيب اربط الحزام ابرك لك

مب خوف من المخالفه لا بس خوف على السلامه

ربي يحفظك يالغالي

[fhd4]

أنا على استعداد إني أدفع ريالين أجرة الدوبي لكل شخص ما يلبس الحزام عشان ما يتكرفس ثوبه ...

ولا إنه يدفع حياته هو عشان هالثوب...



يتكرفس الثوب ولا تكرفس عظامك ...


الله يحفظنا واياكم جميعا من شر الحوادث ...

[حسن]

هذا مثل ذاك اللي استحى من الكازو والبذان والمكسرات:victory:

شوف ياولد المطاوعه هو مهب استحى لا ماعتقد انها مقبوله الناس خلاص عقب الخالفات ماعاد فيه فكه اما العصا ولا اشربي
بس هو كسل ولا نسيان ولا لغلاغه الحزام انا وبكل صراحه اقولك مااستخدمه الى ماندر واحيانا في البر :) مهب مخالفا لا بس انا ماسرع الا نادر وبعدين توايرنا رنق 20 وسالف السييفتي اوكي وبعدين انا وصلت الى درجه الاحتراف في السواقه :victory:
وبعدين انت من الهايويات اللي عندك بالميئات كل 100 متر دوار واشاره وزحه مابعدها زحمه فانا مانصح بالحزام داخل البلد لكن مافي مانع انك تلبسه في البر ولا الطرق الخارجيه
:victory:

[بومحمد المطاوعه]

أنا على استعداد إني أدفع ريالين أجرة الدوبي لكل شخص ما يلبس الحزام عشان ما يتكرفس ثوبه ...

ولا إنه يدفع حياته هو عشان هالثوب...



يتكرفس الثوب ولا تكرفس عظامك ...


الله يحفظنا واياكم جميعا من شر الحوادث ...

بارك الله فيك على الرد الطيب

وصدقت والله ياخوي

اهم شي الصحه تحياتي لك

[بومحمد المطاوعه]

هذا مثل ذاك اللي استحى من الكازو والبذان والمكسرات:victory:

شوف ياولد المطاوعه هو مهب استحى لا ماعتقد انها مقبوله الناس خلاص عقب الخالفات ماعاد فيه فكه اما العصا ولا اشربي
بس هو كسل ولا نسيان ولا لغلاغه الحزام انا وبكل صراحه اقولك مااستخدمه الى ماندر واحيانا في البر :) مهب مخالفا لا بس انا ماسرع الا نادر وبعدين توايرنا رنق 20 وسالف السييفتي اوكي وبعدين انا وصلت الى درجه الاحتراف في السواقه :victory:
وبعدين انت من الهايويات اللي عندك بالميئات كل 100 متر دوار واشاره وزحه مابعدها زحمه فانا مانصح بالحزام داخل البلد لكن مافي مانع انك تلبسه في البر ولا الطرق الخارجيه
:victory:

هههههههههه حلوه نقزه الكازووو


والله ياخوي انا حتى فالعديد

اذا كنت قاعد ورى اربط الحزام بعد

ومن ناحيه داخل البلد ترى والله محتاج للحزام

شوف عيني واحد انقلب وطار من الموتر

تكسر من الطيره ولا القلبه عادي لو مع الحزام


الله يحفظك ياخوي

[Dark_QTR]

اذا داش 22 فبراير أربط الحزام
في الفريج و المشاوير العادية ما أربط

[شبح الصمت]

وياك يالذيب والله ما اضحك الى على ردودك هههههههههه



هههههههههههههه ماتصيدك عقده عيل

600 ريال احجز فيها سويت فالحساا

3 غرف مع 5 اسره وصاله ومطبغ ومطعم وحمامين الله يعزك

هههههههههههههه

والله يالذيب اربط الحزام ابرك لك

مب خوف من المخالفه لا بس خوف على السلامه

ربي يحفظك يالغالي




مهب سالفة فلوس

سآلفة أقتناع في الشيء

صدقني الشخص الي بيقتنع بيربطه شخص مهب مقتنع لو شتسوي ما رآح يربطه !!

الحافظ رب العالمين

الله يحفظ الجميع يآخوي

:nice:

[بومحمد المطاوعه]

مهب سالفة فلوس

سآلفة أقتناع في الشيء

صدقني الشخص الي بيقتنع بيربطه شخص مهب مقتنع لو شتسوي ما رآح يربطه !!

الحافظ رب العالمين

الله يحفظ الجميع يآخوي

:nice:

صح كلامك يالذيب

اهم شي الاقتناع

والحمدلله على كل حال

ربي يحفظني وياك ويا الجميع

[الأصيلة]

ولدي توه ماخذ الليسن
لكن مايرضى يحط الحزام تعبت معاه
أعتقد تقليد لأصدقائه او إن الشباب يضحكون على اللي يحطه
ما أدري ايش السالفة...

[حلم الطفولة]

الله يحفظنا واياكم والمسلمين من شرالحوادث. تسلم على الطرح المميز :nice:

دائما اربط حزام الامان .. لكن سيارتي الله يحفظها ماتخليني انسى الحزام.. اضطر الى لبس الحزام عشان الجرس المزعج :anger1:

[MAZEN37]

ما شاءالله كل الاعضاء يلبسون الحزام
ملتزمين انا عن نفسي ماالبسه لاني غير مقتنع فبه في شوارعنا ضيقه نفس فوق الحر واكبر سرعه 120والبركه بالرادارات تارسه الشوارع ما يمديك تقوم بالموتر يعني ما في خطر

[penguin]

أنا ماهر ماحتاج حزام :nice:
مره لبسته ونسيت عمري ابي اقوم
اقول شفيني ماتحرك خخخ <<< احنا ويه حزام
بس البسه اذا الوالده قالت وييييييين الحزاااااااام ها
سعات احس انها تشتغل في المرور من ورانا :weeping:

[حفيد الأنصار]

عن نفسي في السفر ولاني امسك خط سريع كل ويكند 500 كيلو اربط الحزام
وسط المدن اذا تذكرت ربطته بعض الاحيان
صار لي حادث قبل سنتين دخل علي باص حجاج وانا ماشي 100 وماقدرت اتدارك الموقف ودخلت تحته من ورى :secret:
لولا الله ثم الحزام كنت رحت فيها لانه ثبتني وبس يدي دخلت في القزاز بعد مانكسر وكم غرزة فالاصابع والحمد لله والشكر

[م. عبدالعزيز]

داخل الفريج مانربط
برع الفريج نربط

والله يحفظنا جميعا

[معماري قطري]

السلام عليكم ورحمة الله وبركاتة ...

شخباركم يا اعضاء المنتدى الغالي

عساكم مرتاحيين

حبيت اطرح موضوع الحزام

والمستحى من بعض القطريين

انا قلت قطريين لأن اكثر ناس مايتحزموون بغض النظر عن المقيمين والاجانب انا اتكلم عن اهل بلادي وعلى راسي المقيمين ولهم احترامهم بس الموضوع لعيال بلادي :)

http://2bb.me/n.php?l=upxc9658965/1104/55590017587.jpg


لا يزال الالتزام بتطبيق حزام الأمان ضعيف جداً
فمعظم المواطنين لا يحبذون استعمال حزام الأمان ويختلقون الأعذار الواهية لتبرير عدم استعمالهم له
فهم لا يستعملونه إلا عندما يكون هناك مراقبة على الأرض

إنه من الضروري لأي شخص قبل أن يُطلب منه أن يستعمل شيء ما، أن يقف على ماهية هذا الشيء ويتعلم كيفية استعماله بشكل صحيح ويفهم فائدته ليستعمله عن اقتناع وليس عن إكراه.


هذا مثال على تأثير قوة الإصطدام على بعض السرعات:

- على سرعة 15 كلم/س، قوة الإصطدام تعادل سقوط شخص من على كرسي!

- على سرعة 50 كلم/س، قوة الإصطدام تعادل سقوط المركبة بمن فيها من الطابق الثالث للمبنى!

- على سرعة 120كلم/س، قوة الإصطدام تعادل سقوط المركبة بمن فيها من الطابق العاشر!

لذلك: إستعمل حزام الأمان داخل وخارج المدينة ينفع وااايد

انا عن نفسي اربط ولله الحمد

نشوف حوادث بالهبل والي يطير من الموتر

والله مشكله قويه

الحزام زين وشين

الشين اذا احترق الموتر اكبر مصيبه مايتبطل لأنه

الله كريم ونشوف مناقشاتكم ....

ما اعتقد الإحصائيات صحيحة بالنسبة لقوة الإصطدام لكن يمكن قريبة من الصحيحة، وصحيح ربط الحزام مهم وزين شرطتنا ومرورنا اكتشفوه متأخرين وايد.

كنت من زمان أربط حزام الأمان والبعض يطالعوني متخرعين، وكنت أولع ليتات السيارة قبل المغرب بفترة وهي فترة قلة الإضاءَة وعدم الرؤية بوضوح للكثيرين .. ومرات أحصل ناس يأشرون لي مصابيح سيارتك والعه أطفيها .. مع إن هذي كلها إحتياطات أمان ضرورية

صدقوني عن تجربة وعلى سرعة 15 يمكن مسكت بريك فجأة واللي معاي دخل في الطبلون ولو مسرع أكثر كان بيصيبه شيء .. وهذا بريك يعني وقوف تدريجي .. لو نتكلم عن حد لا قدر الله يدعم حديد أشغال اللي حاطينه حماية وحراسة ثابتة ولا تنام حول الكاميرات على حتى 10 كم/ ساعة بيعرف شفايدة حزام الأمان ذيك الساعة.

عجبتني كلمة لمدير المرور إن حزام الأمان حتى في الأسواق ضروري وعلى سرعات بطيئة لأن فايدته مثبتة علمياً.

[حميداني]

من صوبي بصراحه ما البسه الا ان شفت شرطي مرور قدامي
وبعد ما البسه ما ارد افصخه , اخليه عادي

من صوبي لانه لبسه يضايقني صراحه ومن بعض الشباب اظنهم يشوفونها من هالناحيه
كشخه اقل رزه اقل ويعني يبين عليك فاهي في الشارع
هاللي الي اعتقد ان البعض يشوفه وما يبي يبين انه عليه .. فاللي يركب سياره سبورت
يقول من صجك سبورت ومسوي حاله واخر شي لابس حزام امان شكلي ميت خوف على عمري
برستيج وانه يبين انه ما عندك ثقه بحالك

طبعاً هذي كلها اشياء غلط واحد من ربعي جزاه الله خير قالي شفيها يعني ان لبسنا الحزام
قلت له ما فيها شي قالي خلاص عيل بلبسه
ههه وبس ... من ذاك اليوم وهو يلبسه

وواحد من ربعي خذاها عبره من حادث مع ربعه وينصح جزاه الله خير

الموضوع موضوع قناعة الشخص نفسه وهالقناعه تتغير
لما اتخلي الشاب هو اللي يحلل ويقول اي لازم احط الحزام , مب لانه غصب عني او لانه فلان قالي سو او فيها مخالفه

لاني انا اشوفها جذي فبسوي جذي .. مبدأ

[راعي الخور]

الحزم في تطبيق النظام سيجعل الثقافة العامة تتغير والاهتمام بالنظام والالتزام افضل

[لمعة الالماس]

الحزام مهم والحمد لله نلبسه

والله يهدي الشباب ويقتنعون يلبسونه المرور بصراحه تعب مخالفات وارشادات ولوحات نصائحية عند الاشارات وغير الحملات وبعد ما يلبسونه الا اذا في تفتيش.

[طبيب قطري]

أنا ماقدر البس الحزام بسبب كرشتي :(

[بريق الحق]

المشكلة المرور كرهنا في حزام الامان

[خليفـة]

في الماضي نعم اخوي بومحمد
كان القطري ينحرج شوي لما يحط الحزام
وكان يتضايق شوي لان الحزام يضايقه مع الثوب والغترة
ولكن بعد ان تم تطبيق الغرامة بحق المخالف بعدم ربط الحزام
صار الاغلبية يلتزمون بلبسه وما ينحرجون .. وخصوصا ان اغلب الناس تحطه الحين

انا عن نفسي البسه في أحيان كثيرة .. وفي بعض الأحيان .. اقول المشوار قريب ماله داعي

الله يجنبنا جميعاً شر الحوادث
اللهم امين

خليفـــة

[علي رشيد]

السلام عليكم

حلفت محد يقوم

عالعموم

هالحزام قصة قصة من الف ليلة وليلة

عن نفسي جاتني ايآم ما أفصخه كلش عآآآدي من زود ما كنت احبه عادي انزله معاي البيت وانام وانا رآبطه آخاف يجوني في الحلم ويشوفون مهب رابطه ويصكوني مخالفه ‍!


:shy:

ههههههههههههههههههههههههههه

بصراحه داخل الدوحه .. ماله داعي !
الخطوط الخارجيه ممكن ..

و بعدين يضايق مع الثوب و الغتره

يعني لما أكون لابس لبس رياضي عادي اربط الحزام ..


و بس والله ....

[Abdulraman]

اشدعوه يستحي يلبس حزام حشا لابس بكيني مب حزام :nice:

[ghanim911]

انا عن نفسي ملتزم داخل وخارج المدينة .. صارت عاده بالنسبه لي لدرجة من بيت ابوي لبيتي مسافة تقريبآ كيلو متر اربط الحزام ...
المساله بسيطه في اعتقادي هذه ثقافه يجيك جيل بعد جيل يلتزم بأمور لم يعهدها الجيل السابق او يتساهل فيها

[Dana’1]

عن نفسي البس الحزام لما اسوق
اما لما اجلس جنب كرسي السايق او في الخلف ما اربطة ما اعرف السر ههه

[دانة الطواش]

موضوع وايد مهم ياليت الشباب يقرونه ويستفيدون منه ، وانا دوم أنبه بوعيالي وعيالي على ربطه لكن لاحياة لمن تنادي يربطونه اذا شافوا الشرطة بس وبعدين يفتحونه او يمسكه بيده لحد ما يطوف الشرطة واسألهم ليش يقولون يضايقنا ويكفس الثوب ، ارجو لهم الهداية من الله والانتباه على نفسهم من هالحوادث، ودمتم.

[khalid Qtr]

الحمد لله المرة الوحيدة اللي دعمت فيها وانا ماشي فوق الـ 50 كنت رابط الحزام ..
ونفعني بشكل كبير لان الضربة كانت على سرعة 50 تقريبا

[بومحمد المطاوعه]

اذا داش 22 فبراير أربط الحزام
في الفريج و المشاوير العادية ما أربط

من حقك ياخوي تربط حزامك في هالخط التعيس

[Super Cool]

شخصيا البس الحزام من قبل ما يصير قانون الزامي

عموما مخالفة قوانين البلد يعتبر عصيان لولي الأمر....أتمنى الناس تفهم هالنقطة

[بومحمد المطاوعه]

ولدي توه ماخذ الليسن
لكن مايرضى يحط الحزام تعبت معاه
أعتقد تقليد لأصدقائه او إن الشباب يضحكون على اللي يحطه
ما أدري ايش السالفة...

الله يحفظه

هني المشكله الربع وضحكاتهم للحزام

الله يصلحهم هالشباب

[lady bird]

الله يجزاك خير يا ولد المطاوعة
موعك مهم وفرصة للتذكير للجميع

[abdulla999]

ليش القطري والقطريات
ويين الاجانب ليش حاط على القطريين بس
حدد بدون لاتخص

[بومحمد المطاوعه]

الله يحفظنا واياكم والمسلمين من شرالحوادث. تسلم على الطرح المميز :nice:

دائما اربط حزام الامان .. لكن سيارتي الله يحفظها ماتخليني انسى الحزام.. اضطر الى لبس الحزام عشان الجرس المزعج :anger1:

اللهم امين

الحمدلله انج تتحزمين وابرك لج

الله يحفظ الجميع

[بومحمد المطاوعه]

ما شاءالله كل الاعضاء يلبسون الحزام
ملتزمين انا عن نفسي ماالبسه لاني غير مقتنع فبه في شوارعنا ضيقه نفس فوق الحر واكبر سرعه 120والبركه بالرادارات تارسه الشوارع ما يمديك تقوم بالموتر يعني ما في خطر

الله يحفظك اخوي

بس والله ترى حتى لو 80 ولو الموتر انقلب لاقدر الله

مشكله تصير

الله الحافظ

[بومحمد المطاوعه]

أنا ماهر ماحتاج حزام :nice:
مره لبسته ونسيت عمري ابي اقوم
اقول شفيني ماتحرك خخخ <<< احنا ويه حزام
بس البسه اذا الوالده قالت وييييييين الحزاااااااام ها
سعات احس انها تشتغل في المرور من ورانا :weeping:

هههههههههه

الله يحفظك اخوي

والله يخلي الوالده عندك وعندي خير

نفس الشي الوالده تحشرني هههه

[بومحمد المطاوعه]

عن نفسي في السفر ولاني امسك خط سريع كل ويكند 500 كيلو اربط الحزام
وسط المدن اذا تذكرت ربطته بعض الاحيان
صار لي حادث قبل سنتين دخل علي باص حجاج وانا ماشي 100 وماقدرت اتدارك الموقف ودخلت تحته من ورى :secret:
لولا الله ثم الحزام كنت رحت فيها لانه ثبتني وبس يدي دخلت في القزاز بعد مانكسر وكم غرزة فالاصابع والحمد لله والشكر

الحمدلله على السلامه ياخوي

والله الحزام مهم

والحمدلله انك بخير وعافيه

ربي يحفظك

[بومحمد المطاوعه]

داخل الفريج مانربط
برع الفريج نربط

والله يحفظنا جميعا

الحمدلله انك تربط

الله يحفظك

[ضوى]

انا ملتزمة جدا بربط الحزام

زوجي نفس معظم الاعضاء اللي ردوا انه يلبسونه لما يشوفون الشرطة ، وجدا ينرفزني هالتصرف لانه يدل على قلة وعي ، خاصة لما يلتزم بلبس الحزام في اوروبا شي ينرفز

[بومحمد المطاوعه]

ما اعتقد الإحصائيات صحيحة بالنسبة لقوة الإصطدام لكن يمكن قريبة من الصحيحة، وصحيح ربط الحزام مهم وزين شرطتنا ومرورنا اكتشفوه متأخرين وايد.

كنت من زمان أربط حزام الأمان والبعض يطالعوني متخرعين، وكنت أولع ليتات السيارة قبل المغرب بفترة وهي فترة قلة الإضاءَة وعدم الرؤية بوضوح للكثيرين .. ومرات أحصل ناس يأشرون لي مصابيح سيارتك والعه أطفيها .. مع إن هذي كلها إحتياطات أمان ضرورية

صدقوني عن تجربة وعلى سرعة 15 يمكن مسكت بريك فجأة واللي معاي دخل في الطبلون ولو مسرع أكثر كان بيصيبه شيء .. وهذا بريك يعني وقوف تدريجي .. لو نتكلم عن حد لا قدر الله يدعم حديد أشغال اللي حاطينه حماية وحراسة ثابتة ولا تنام حول الكاميرات على حتى 10 كم/ ساعة بيعرف شفايدة حزام الأمان ذيك الساعة.

عجبتني كلمة لمدير المرور إن حزام الأمان حتى في الأسواق ضروري وعلى سرعات بطيئة لأن فايدته مثبتة علمياً.

بارك الله فيك اخوووي

والله يالغالي توقع كل شي

ترى في حدايد فالارض صب

هذي خطره في الحادث

تسبب كسوور

الله يحفظنا ويحفظ الجميع

بارك الله فيك

[بومحمد المطاوعه]

من صوبي بصراحه ما البسه الا ان شفت شرطي مرور قدامي
وبعد ما البسه ما ارد افصخه , اخليه عادي

من صوبي لانه لبسه يضايقني صراحه ومن بعض الشباب اظنهم يشوفونها من هالناحيه
كشخه اقل رزه اقل ويعني يبين عليك فاهي في الشارع
هاللي الي اعتقد ان البعض يشوفه وما يبي يبين انه عليه .. فاللي يركب سياره سبورت
يقول من صجك سبورت ومسوي حاله واخر شي لابس حزام امان شكلي ميت خوف على عمري
برستيج وانه يبين انه ما عندك ثقه بحالك

طبعاً هذي كلها اشياء غلط واحد من ربعي جزاه الله خير قالي شفيها يعني ان لبسنا الحزام
قلت له ما فيها شي قالي خلاص عيل بلبسه
ههه وبس ... من ذاك اليوم وهو يلبسه

وواحد من ربعي خذاها عبره من حادث مع ربعه وينصح جزاه الله خير

الموضوع موضوع قناعة الشخص نفسه وهالقناعه تتغير
لما اتخلي الشاب هو اللي يحلل ويقول اي لازم احط الحزام , مب لانه غصب عني او لانه فلان قالي سو او فيها مخالفه

لاني انا اشوفها جذي فبسوي جذي .. مبدأ

شفت اشلون رفيجك خذاها عبره

والله الحزام ضروري ياخوي

لاتتهاون عليه

ترى احنا لحم والسياره حديد

الله يحفظك ياخوي

[بومحمد المطاوعه]

الحزم في تطبيق النظام سيجعل الثقافة العامة تتغير والاهتمام بالنظام والالتزام افضل

صحيح بارك الله فيك اخوي

[بومحمد المطاوعه]

الحزام مهم والحمد لله نلبسه

والله يهدي الشباب ويقتنعون يلبسونه المرور بصراحه تعب مخالفات وارشادات ولوحات نصائحية عند الاشارات وغير الحملات وبعد ما يلبسونه الا اذا في تفتيش.

اي والله اختي صدقتي

المرور ماقصروو

بس الي مايقتنع مشكله

[بومحمد المطاوعه]

أنا ماقدر البس الحزام بسبب كرشتي :(

الله يعينك ياخوي ويشيل همك

[بومحمد المطاوعه]

المشكلة المرور كرهنا في حزام الامان

لا ياخوي بالعكس لاكرهنا ولا شي

احنا الي نكره انفسنا فيه

[بومحمد المطاوعه]

في الماضي نعم اخوي بومحمد
كان القطري ينحرج شوي لما يحط الحزام
وكان يتضايق شوي لان الحزام يضايقه مع الثوب والغترة
ولكن بعد ان تم تطبيق الغرامة بحق المخالف بعدم ربط الحزام
صار الاغلبية يلتزمون بلبسه وما ينحرجون .. وخصوصا ان اغلب الناس تحطه الحين

انا عن نفسي البسه في أحيان كثيرة .. وفي بعض الأحيان .. اقول المشوار قريب ماله داعي

الله يجنبنا جميعاً شر الحوادث
اللهم امين

خليفـــة

اللهم امين

جزاك الله خير ياخوي

صحيح بارك الله فيك الحين وايد يلبسوون

الله يحفظك ياخوي ويحفظنا

[بومحمد المطاوعه]

ههههههههههههههههههههههههههه

بصراحه داخل الدوحه .. ماله داعي !
الخطوط الخارجيه ممكن ..

و بعدين يضايق مع الثوب و الغتره

يعني لما أكون لابس لبس رياضي عادي اربط الحزام ..


و بس والله ....

الله كريم ياخوي

لازم تتعود على الحزام

[بومحمد المطاوعه]

اشدعوه يستحي يلبس حزام حشا لابس بكيني مب حزام :nice:

ههههههههههههه الله يصلحك ياخوي

وين هالكلمه

بعضهم ياخوي يستحي صدقني

[بومحمد المطاوعه]

انا عن نفسي ملتزم داخل وخارج المدينة .. صارت عاده بالنسبه لي لدرجة من بيت ابوي لبيتي مسافة تقريبآ كيلو متر اربط الحزام ...
المساله بسيطه في اعتقادي هذه ثقافه يجيك جيل بعد جيل يلتزم بأمور لم يعهدها الجيل السابق او يتساهل فيها

صحيح بارك الله فيك

الله يحفظك ياخوي

وزين تسوي

[بومحمد المطاوعه]

عن نفسي البس الحزام لما اسوق
اما لما اجلس جنب كرسي السايق او في الخلف ما اربطة ما اعرف السر ههه

الله يحفظج اختي

المفروض تربطين الحزام

حتى وانتي قاعده جنب السائق

[بومحمد المطاوعه]

موضوع وايد مهم ياليت الشباب يقرونه ويستفيدون منه ، وانا دوم أنبه بوعيالي وعيالي على ربطه لكن لاحياة لمن تنادي يربطونه اذا شافوا الشرطة بس وبعدين يفتحونه او يمسكه بيده لحد ما يطوف الشرطة واسألهم ليش يقولون يضايقنا ويكفس الثوب ، ارجو لهم الهداية من الله والانتباه على نفسهم من هالحوادث، ودمتم.

بارك الله فيج اختي

الله يحفظكم من الشر

[بومحمد المطاوعه]

الحمد لله المرة الوحيدة اللي دعمت فيها وانا ماشي فوق الـ 50 كنت رابط الحزام ..
ونفعني بشكل كبير لان الضربة كانت على سرعة 50 تقريبا

الحمدلله على السلامه

الله يحفظك ياخوي

[بومحمد المطاوعه]

شخصيا البس الحزام من قبل ما يصير قانون الزامي

عموما مخالفة قوانين البلد يعتبر عصيان لولي الأمر....أتمنى الناس تفهم هالنقطة

صحيح بارك الله فيك

زين ذكرتني في هالنقطه

الله كريم ياخوي

ان شاءالله الناس تتعض

[بومحمد المطاوعه]

الله يجزاك خير يا ولد المطاوعة
موعك مهم وفرصة للتذكير للجميع

ويجزاج اختي

بارك الله فيج

[بومحمد المطاوعه]

ليش القطري والقطريات
ويين الاجانب ليش حاط على القطريين بس
حدد بدون لاتخص

انا مالي علاقه في الاجانب

انا قطري واتكلم عن اهل بلادي وعيال بلادي

ومن قال اني حاط على اهل بلادي بالعكس اخوي

اتمنى ماتفهم الموضوع غلط طال عمرك :)

كل قصدي والي نشوفه بصراحه في الشوارع كلهم قطريين والاغلبيه قطريين

اما المقيمين ما اسميهم اجانب

احتراام لهم وتقدير كلهم اخواننا

الاجنبي تعني الانجليزي

الانجليزي يربط بدون لايشوف القانون اصلن

اما المقيمين الاغلبيه يربطون حزام

جزاك الله خير اخوي

[بومحمد المطاوعه]

انا ملتزمة جدا بربط الحزام

زوجي نفس معظم الاعضاء اللي ردوا انه يلبسونه لما يشوفون الشرطة ، وجدا ينرفزني هالتصرف لانه يدل على قلة وعي ، خاصة لما يلتزم بلبس الحزام في اوروبا شي ينرفز

الله يحفظكم ان شاءالله

وان شاءالله يكون مقتنع

[بومحمد المطاوعه]

الله يحفظنا واياكم

[عبدالعزيز الهتمي]

اليوم ولاول مره رابط الحزام من البيت لين الدوام والفضل يرجع لموضوعك ياولد المطاوعه :nice:

[بومحمد المطاوعه]

اليوم ولاول مره رابط الحزام من البيت لين الدوام والفضل يرجع لموضوعك ياولد المطاوعه :nice:


كفوووو عليك ياخوووي

والله انك ذيب

الفضل لله تعالى ياخوي

فرحتني بهالخبر الغالي

ان شاءالله دوم تربط

بس عطني رايك اشلون الثبات فالكرسي.؟؟


رساله لكم ياشباب وياشابات

اخوكم الهتمي ربط الحزام

شاف الموضوع والرجال توكل على الله وجرب

ماعليكم امر جربو مره وحده وعطوني خبر

الله يحفظكم

[قطريه ماركه]

الحمدلله نربط حزام الأمان ...

[شيوخه]

لو شنو ماحط الحزام :shy:


ماحبه تحس جنى حد رابطك عالكرسي مب شي :court:

[عبدالعزيز الهتمي]

كفوووو عليك ياخوووي والله انك ذيب الفضل لله تعالى ياخوي فرحتني بهالخبر الغالي ان شاءالله دوم تربط بس عطني رايك اشلون الثبات فالكرسي.؟؟ رساله لكم ياشباب وياشابات اخوكم الهتمي ربط الحزام شاف الموضوع والرجال توكل على الله وجرب ماعليكم امر جربو مره وحده وعطوني خبر الله يحفظكم

الذيب من جابك,, ومن ناحية الثبات مايحتاي
صحيح تكرقس الثوب شوي بس حسيت بشعور الواثق قدام الدوريات
وان شااءالله اترك عادة ربط الحزام قدام الدوريات
شي طيب يكون الواحد صادق معا نفسه وما ينتظر حد يخالفه
ويكون حر نفسه

[بومحمد المطاوعه]

الحمدلله نربط حزام الأمان ...

الحمدلله

[بومحمد المطاوعه]

لو شنو ماحط الحزام :shy:


ماحبه تحس جنى حد رابطك عالكرسي مب شي :court:

غلطانه اختي

والله الحزام زين

بس القصور منا احنا

[بومحمد المطاوعه]

الذيب من جابك,, ومن ناحية الثبات مايحتاي
صحيح تكرقس الثوب شوي بس حسيت بشعور الواثق قدام الدوريات
وان شااءالله اترك عادة ربط الحزام قدام الدوريات
شي طيب يكون الواحد صادق معا نفسه وما ينتظر حد يخالفه
ويكون حر نفسه


الله يرحمه ابوي

جزاك الله خير يالغالي

ان شاءالله تربط الحزام دووم

الله يحفظك يالشيخ

[عبدالعزيز الهتمي]

رحمة الله على الوالد وعلى جميع اموات المسلمين امين يارب

[بومحمد المطاوعه]

رحمة الله على الوالد وعلى جميع اموات المسلمين امين يارب

اللهم امين يارب

بارك الله فيك

[Lady]

السلام عليكم
أنا زوجي كان يربط الحزام من قبل ما ينزل القانون وعلمني ما يتحرك بالسياره الا لما اربطه..
وهو حاط في كل سياره كرسي أطفال حق بنتي يعني من نركب السياره تقعد في كرسيها و تربط الحزام..

الطفل لما يشوف امه وابوه يربطون ويتعلم من الطفوله تتكون عند ثقافة حزام الامان
السؤال اللي يطرح نفسه من فيكم عنده كرسي اطفال في السياره او علم أعياله على الحزام حتى لو هم يقعدون وراء؟

[ضوى]

السلام عليكم
أنا زوجي كان يربط الحزام من قبل ما ينزل القانون وعلمني ما يتحرك بالسياره الا لما اربطه..
وهو حاط في كل سياره كرسي أطفال حق بنتي يعني من نركب السياره تقعد في كرسيها و تربط الحزام..

الطفل لما يشوف امه وابوه يربطون ويتعلم من الطفوله تتكون عند ثقافة حزام الامان
السؤال اللي يطرح نفسه من فيكم عنده كرسي اطفال في السياره او علم أعياله على الحزام حتى لو هم يقعدون وراء؟

انا اول مابديت اركب بنتي معاي السيارة اخذت لها كرسي السيارة ويوم كبرت شوي تقعد ورا واربط لها الحزام ، الكرسي ضروري جدا للاطفال لسلامتهم ان شاء الله

[Lady]

انا اول مابديت اركب بنتي معاي السيارة اخذت لها كرسي السيارة ويوم كبرت شوي تقعد ورا واربط لها الحزام ، الكرسي ضروري جدا للاطفال لسلامتهم ان شاء الله


احييج اختي ضوى
حزام الأطفال جدا مهم.. ساعات اشوف ناس في الشارع عيالهم يلعبون وراء ولا في شي يمسكهم .. لا قدر الله لو صار حادث الاطفال هم الضحيه

[بومحمد المطاوعه]

السلام عليكم
أنا زوجي كان يربط الحزام من قبل ما ينزل القانون وعلمني ما يتحرك بالسياره الا لما اربطه..
وهو حاط في كل سياره كرسي أطفال حق بنتي يعني من نركب السياره تقعد في كرسيها و تربط الحزام..

الطفل لما يشوف امه وابوه يربطون ويتعلم من الطفوله تتكون عند ثقافة حزام الامان


زين الحمدلله الله يحفظكم





السؤال اللي يطرح نفسه من فيكم عنده كرسي اطفال في السياره او علم أعياله على الحزام حتى لو هم يقعدون وراء؟

الصراحه هاي فكره حلوه

انا عن نفسي عيالي صغار للحين

وعندي خدم يمسكونهم ورى لو طلعنا ما احتاج للكرسي

بس عندي كرسي موجود فالبيت

للحين ماستخدمته

تحياتي لج اختي

[Lady]

زين الحمدلله الله يحفظكم




الصراحه هاي فكره حلوه

انا عن نفسي عيالي صغار للحين

وعندي خدم يمسكونهم ورى لو طلعنا ما احتاج للكرسي

بس عندي كرسي موجود فالبيت

للحين ماستخدمته

تحياتي لج اختي


أخوي جرب تحطهم بالكراسي حتى لو هم صغار.. يعني في كراسي حق كل الاعمار.. أنا بنتي من عمرها 6 شهور كنت احطها بالكرسي لما كبرت شوي غيرنا الكرسي الحين هي تقعد بروحها بالكرسي واربط لها الحزام

[بومحمد المطاوعه]

أخوي جرب تحطهم بالكراسي حتى لو هم صغار.. يعني في كراسي حق كل الاعمار.. أنا بنتي من عمرها 6 شهور كنت احطها بالكرسي لما كبرت شوي غيرنا الكرسي الحين هي تقعد بروحها بالكرسي واربط لها الحزام

الحمدلله زين تعودت

بس ان شاءالله بجرب احطهم فالكرسي وبشوف النتيجه ولو عارف صياح هههه بس الله التجربه زينه

تسلمين اختي والله يحفظكم واياكم