حادث على خط لفان قبل العيد

[doha1]

السلام عليكم

في يوم الثلاثاء حدث امامي تصادم سيارتين

وكان الحادث قوي ونجم عن 4 اصابات شباب في عمر الزهور ووفاة السائق فالسياره الثانيه

فقد قمت بتليغ العمليات 999 وانتظرنا هناك 10 دقائق لتصل شرطة الفزعه

وقسم الاسعافات كان يتحدث معي في الهاتف ويطلب مني التاكد من عدم وجود نزيف والقيام باللازم لحين وصول الاسعاف

والمؤسف قسم العمليات يقولون الاسعاف 5 دقائق ويكون عند الحادث لانه خارج من منطقة لفان

والحادث بعد دوار السمكه ب 200 متر تقريبا ولم يصل الاسعاف

ولما حضرت شرطة الفزعه طلبوا الاسعاف الطائر

تواجدت هناك لمدة نصف ساعه ولم يأتي الاسعاف

المصابين محشورين فالسياره طول هذا الوقت شيء مؤسف ولا احد له الحق بإخراجهم

الا الاسعاف فلماذا هذا التاخر والى متى ونحن نعاني من هذه المسألة

لماذا لانرى مواطنون يقودون الاسعاف فهم اعلم بمناطق قطر
واسعر فالوصول وكثير يحتاجون العمل

لماذا لا يكون هناك تواجد للشرطه والاسعاف 24 على خط الشمال او الجنوب او الغرب او الشرق من قطر

لاننا نراهم بشكل متقطع

:weeping:

[عاهد بن علي]

الله يكون في العون

[شبح الصمت]

الله يحفظ الجميـع


المفروض مؤسسة حمد يحطون لهم في كل منطقة من المنآطق البعيده مسعفين

يآخذون لهم فيلا ويحطون فيها مسعفين وسيارتين أسعاف

وخلاص يستقرون أهناك مكانهم

وأي حادث لا قدر الله يكونون قريب من الحادث

[بومحمد المطاوعه]

لاحول ولا قوه الا بالله

جزاك الله خير ياخوي


والله هالمشكله في الاسعاف

قبل كانو قطريين

بس للأسف الحين مانشوف قطري

يعني الحادث في الشارع الثاني

يخاف يضرب الرصيف

يروح لين الدوار ولا الاشاره ويرجع

والله اكبر غلط والتأخير دقايق يسبب وفاه

الحمدلله على كل حال

تحياتي لك يالغالي

[بصمة قطرية]

لا حول و لا قوة الا بالله
الله يرحمهم و يغفر لهم
المفروض يكون في مراكز ثابته للأسعاف
يوزعونهم على مناطق الدولة البعيدة مثل ما ذكرت
ما يصير الإسعاف يوصل بعد نص ساعة أو ساعة ...!!!!

تعبنا و إحنا نقول
هل قطر و مواليد قطر من المقيمين أولى إنهم يسوقون الإسعاف
لأنهم يعرفون كل شوارع قطر ..

جايبين لي ناس ما تدل شي في قطر
و مخلينهم يسوقون إسعاف ..

كل روح تروح بسبب تأخير الإسعاف
في ذمة اللي موظف هالسائقين ...!!!!

[حسن]

كنت اشوف سيارات الاسعاف قبل اما الحين ماعندي علم
بعدين ماعتقد الحين يتقبلون شغله سواقين اسعاف واذا في عددهم قليل جدا وش يسون محد يقبل بالشغله ذي

[بصمة قطرية]

كنت اشوف سيارات الاسعاف قبل اما الحين ماعندي علم
بعدين ماعتقد الحين يتقبلون شغله سواقين اسعاف واذا في عددهم قليل جدا وش يسون محد يقبل بالشغله ذي

لا والله ياخوي حسن في ناس يقبلون ليش ما يقبلون
في ناس تدور شغل و ترضى تشتغل اي وظيفة
و في مقيمين محتاجين شغل
هم أولى من اللي ما يدل شوارع الدوحة ..

[حسن]

لا والله ياخوي حسن في ناس يقبلون ليش ما يقبلون
في ناس تدور شغل و ترضى تشتغل اي وظيفة
و في مقيمين محتاجين شغل
هم أولى من اللي ما يدل شوارع الدوحة ..

يعني ردينا على طير ياللي نوظف مقيمين ماسوينا شي صار كلشي مستورد عندنا المسعفين مستوردين الدكاتره مستوردين سواقين الاسعاف مسستوردين
هذه كارثه مستقبليه

[فلتة زمانها]

حسب بروتوكول مؤسسة حمد سائق سيارة الاسعاف هو نفسه المسعف
وشرط يكون حاصل على دبلوم الخدمات الطبية الطارئه
اما وظفوا سواقين فهالشي انتهى من زمان

[الغني بالله]

الله يرحم المتوفي
ويشافي المصابين

ويهدي الشباب ويبعدهم عن التهور والسرعة



بالنسبة للاسعاف مدري التأخير او الوقت ينحسب من لحظة صار الحادث ام من لحظة ابلاغهم
وعندي تساؤلات: كم فعلا المراكز الاسعافية في الدوحة وخارجها
وما مقارنة سرعة الاستجابة لدى الاسعاف وكذلك مستوى الخدمة المقدمة مقارنة مع الدول المجاورة

[حسن]

حسب بروتوكول مؤسسة حمد سائق سيارة الاسعاف هو نفسه المسعف
وشرط يكون حاصل على دبلوم الخدمات الطبية الطارئه
اما وظفوا سواقين فهالشي انتهى من زمان

بس هل عندك خلفيه كم مسعف قطري عندنا

[امـ حمد]

لاحول ولا قوة الا بالله

الله يرحمهم ويشفي المصابين

[فلتة زمانها]

ما ادري الصراحة

[بصمة قطرية]

يعني ردينا على طير ياللي نوظف مقيمين ماسوينا شي صار كلشي مستورد عندنا المسعفين مستوردين الدكاتره مستوردين سواقين الاسعاف مسستوردين
هذه كارثه مستقبليه

على الأقل المقيمين يعرفون شوارع الدوحة و مناطقها
طبعاً نتمنى قطريين ..

[بصمة قطرية]

حسب بروتوكول مؤسسة حمد سائق سيارة الاسعاف هو نفسه المسعف
وشرط يكون حاصل على دبلوم الخدمات الطبية الطارئه
اما وظفوا سواقين فهالشي انتهى من زمان

دورة إسعافات أولية ..
ما أعتقد الأمر صعب ،،

[حسن]

على الأقل المقيمين يعرفون شوارع الدوحة و مناطقها
طبعاً نتمنى قطريين ..

الظاهر حتى المقيمين عايفين الشغله ياخت بصمه مهب معقوله كلشي نقطه على الغير الامر اكبر من ذالك
المفروض يسون بحوث ودراسات ويشوفون اسباب عزوف الشباب من تلك الوظائف ليش ولى متى نتمنى نسمع خبر وزاره الصحه

[بصمة قطرية]

الظاهر حتى المقيمين عايفين الشغله ياخت بصمه مهب معقوله كلشي نقطه على الغير الامر اكبر من ذالك
المفروض يسون بحوث ودراسات ويشوفون اسباب عزوف الشباب من تلك الوظائف ليش ولى متى نتمنى نسمع خبر وزاره الصحه

شرايك أخوي حسن نفتح موضوع في الحوار العام
و نحط استبيان
و نشوف مدى رغبة القطريين في العمل بهالوظيفة
و هل عندهم استعداد انهم ياخذون دورة اسعافات أولية
و يكونون مسعفين وسائقين
في الأخير الشغلة إنسانية بالدرجة الأولى ،،

[حسن]

شرايك أخوي حسن نفتح موضوع في الحوار العام
و نحط استبيان
و نشوف مدى رغبة القطريين في العمل بهالوظيفة
و هل عندهم استعداد انهم ياخذون دورة اسعافات أولية
و يكونون مسعفين وسائقين
في الأخير الشغلة إنسانية بالدرجة الأولى ،،

والله ياخت بصمه ماعندنا مانع بس استبيان الكل بيقولك موافق وماعنده مانع هذا انا اللي متاكد منه

[بوخالد911]

لا حول ولا قوة الا بالله

[Most Wanted]

للأسف الشارع اللي صار عليه الحادث مسمينه خط الموت. وأنا امشي عليه يوميا بحكم الدوام وشقت الحادث اللي تكلم عنه صاحب الموضوع وقبلها بفتره مب بعيده صار عليه حادث ونفس الشي ثلاثه توفوا فيه الله يرحمهم جميع.

الغريب رغم حيوية الشارع بالنسبة لموظفين راس لفان ولا احد حرك ساكن انه يعدله من مسار واحد إلى مسارين والكل عارف عدد الحوادث اللي صارت عليه، والحين أشوف بنيان قائم من غرب الشارع من اللافتة مبين انه مربط خيول لأهل الخور يعني بعد زايده في عدد السيارات اللي راح تمر من على الشارع.

طول الشارع الكلي تقريبا ٨ كيلومتر ولا بعارفين يكبرونه ويشوفون كمية الحوادث اللي تصير عليه والمسؤولين محلك ساكن. شارع لاحتفالات صار واستوى خلال ٨ شهور وهو أطول والتقاطعات فيه اكثر وهالشارع ما يعتبر حيوي مثل خط الموت.

الله يرحم من توفى ويغفر له ويصبر أهلهم على ما ابتلاهم فيه ويستر علينا اللي يوميا رايحين رادين عليه

[الخزرجي قطر]

لاحول ولا قوة الا بالله العلي العظيم
الله يرحم المتوفي ويشفي المصابين
جزاك الله خير على موقفك الطيب بارك الله فيك

[doha1]

مشكورين ع الردود الطيبه

وفعلا الشارع حيوي لموظفين لفان لكن لاحياة لمن تنادي ولا احد مفتكر يجدد الشارع ويعدل فيه

شاطرين بس يرقعون الحفر


مااتوقع في عزوف ناس وايد تدور وظايف ليش مايوظفون ويدربون ويأهلون هذول ابناء البلد ومن حقهم


للامانه استاءت من تصرف العمليات لدرجة اني اوصف المكان بالتفصيل الممل مش معقوله والله حتى اللي يكلمني من المسعفين اجنبي

المفروض حتى بالنسبه لموقع الحادث فور استقبال اي بلاغ ينعرف مكان الحادث حتى مع تحديد موقع الحادث من قبل صاحب البلاغ نخبر في تطور كبير من ناحية الجي بي اس (الماجلان)

كلامك صحيح ولد المطاوعه الوقت مهم لاي حادث فيه اصابات

[كازانوفا]

لا حول ولاقوة الا بالله

[بونووف]

كنت اداوم في لفان واستعمل هالخط بشكل يومي تريلات تمر عليه وتتجاوز بعض وعالم مسرعين رايحين وراجعين صارت حوادث قدامي والمشكله الدوام في شركات لفان مايرحم تتاخر دقيقه تنحسب عليك فاالاغلب مسرعين

وصار حادث تقريبا شهر 3 او 4 تريلا متجاوزه والا دنكر ماي في الويه ويتداعمون من قوة الضربه راس التريلا انفصل وقعد يتقلب في الشارع ..بلغت 999 بعد نص ساعه جاو ولو تحسبونها ترى المفروض من الخور لين هالخط ماتاخذ عشر دقايق بالكثير

الله يرحمهم ويغفر لهم

[bos3eed]

السائق الاجنبي مب جريئ ويكون خايف على نفسه وهو يسوق

[7llo]

الصراحه المفروض يحطون سواقييين قطريين ,, الفمروض بعد يحطون مركز او بورتوكابن اسعاف على طريق الشمال نفس البورتو كابن مال مسيعيد