اقتراحات لتطوير المطار ابي مساعدتكم

[الخيالة]

سلام عليكم
في مجال شغلي
طالبين مني ان اعطيهم اقتراحات لتطوير صالة المغادرون من الكاونترات لوزن الشنط لين الترانزيت ومبني الوصول في المطار الحالي
فابيكم تساعدوني وتعطوني رأيكم
شنو اللي نحتاجه حاليا ان يسوونه في المطار شنو اللي ناقص شنو اللي موجود ونبي منه زياده جذيه يعني

أتمني كل. واحد يقترح وانا لازم اكتبه بالانجليزي وعندي وقت لين يوم الثلاث

[طيف عابر]

تفضلي بعض الاقتراحات وان شاء الله تفيدك

تشجيع الكوادر الوطنية من الطيارين والكوادر الفنية والضيافة العاملة كواجهه لقطر

تحسين نوعية الاطعمة والمشروبات المقدمة للمسافرين والكوفي شوبات والمطاعم

ضرورة تأمين سيارات نقل حديثة لنقل المسافرين الكرام من والى المطارات وباسعار ملائمة ومنع الاجتهاد في تحديد اسعار النقل التي تثقل كاهل المستفيدين من خدمات الشركة المذكورة.

الاهتمام الكامل بتطوير مهارات العاملين بالشركة وتنمية قدراتهم بالمحادثة وباللغات العالمية لكونهم واجهة اساسية تعكس هيبة الدولة وسمعة قطرالمرموقة.

استمرار تدريب العاملين الميدانيين، وتشجيعهم على تقديم اقتراحات لتطوير وتحسين الخدمات من خلال برنامج للحوافز.

اذا حبيتي اقدر اسويلك تقرير باللغة الانجليزية كامل عن الموضوع سواء بالورد ولا البوربوينت

[الخيالة]

مشكور اخوي طيف
اذا يكون بالانجليزي احسن مجرد ماتكتب أهني مايحتاي في الوورد
ابي بعد اقتراحات حق مبني المغادرة قسم الترانزيت

[نتفـه]

لو كنت ما اخاف من الطيارات واسافر وايد جان قلت لج مقترحات بس انا مادشيت المطار الجديد ومادري عن شي فيه
اتمنى الاعضاء يفيدونج بهالخصوص بس هالقسم راكد ليش ما كتبتيه في الحوار العام احسن لج ؟

[الخيالة]

مشكوره نتفه بس أنا قصدي مطارنا القديم مب الجديد الجديد للحين مافتحوه
اممممم
مانتبهت حق القسم :(

[Lady_Ech]

السلام عليكم اختي الفاضله
يعطيج العافية
بس حبيت استفسر عن المطار دام انج تشتغلين فيه
لان نزلت موضوع ابي اعرف كيفية التقديم ع وظائف مطار الدوحة وبالصدفة دخلت موضوعج ف ياليت اقدر اتواصل معاج ع الخاص
وبكون شاكره لج

[Aaziz]

نحتاج مكاين التشيك ان للبوردنق الذاتيه ،، الي تشبي مكاين ال اي تيم ام ... يعني انا بنفسي اسوي تشيك ان لنفسي .

نحتاج المكاين الي تلف النايلون على الشنط .

وجود عامل و عامله على مدارس الساعه لتنظيف اجلكم الله الحمامات يكون دائما متواجد داخل او قريب من الحمامات .

اقتراحاتي هذي و انا من زمان ماشفت المطار ولا اعرف ايش الوضع الحالي ،،، اذا فيه مسافات طويله مشي يحطون السيور الي مثل الاسكليتر و سيارات الجولف للتوصيل .
محل مساج مفتوح في وسط القاعات او الممرات بمساحة 4 في 4 يحتوي حواجز زجاجيه و كراسي المساج الي تشبه كراسي التمارين الرياضيه المايله .. مش الي مثل السرير و كراسي لمساج القدم هذا في منطقه الترانزيت .


خراطيم طبعا .

و اذا تذكرت شي بقول

[المهندس عبدالعزيز]

الموضوع بدون أقتراحات، لكل دولة مواصفات من المختصة بالطيران ، على سبيل المثال أمريكا لديها مواصفات ومقاييس لأعمال التشغيل في المطارات
http://en.wikipedia.org/wiki/Federal_Aviation_Administration

[بـن عدوان]

add Help Desk

[باراكودا]

غرفة تدخين واسعة مكيفة مع شفاط وفلتر وبس لو ممكن فرع لمطعم بول وستاربوكس .