في الشارع ضايع

[penguin]

وأنا راجع البيت كان الوقت متأخر جآن حصلت ولدين في الشارع واحد كبير والثاني صغير جدام بيتنا
يوم الكبير جافني شرد
الولد الصغير وكأن ماسك باكيت زقاره
أول ماقلت له شتسوي قعد يصيح
قعدت أسولف معاه في اي صف خامس مادري رابع معنا شكله نتفه
قعد يقولي لاتقول حق ابوي واخر مره و الكلام الخرطي
<<< زين في يهال للحين يخافون من اهلهم :rolleyes2:
وقعد يسولف سوالف مارح اقولها <<< يعني عن بيتهم
قلبي عورني

ومع السوالف عرفت أنه ولد جيرانا وصديق أخوي الصغير
المشكله هو واليهال في الفريج كله ايون يلعبون مع أخوي الصغير عندنا فالبيت يعني ماعرف شلون اتصرف :rolleyes2:

نجوفهم ونقول حرام صغار وينهم ووين هالسوالف احنا ماعرفنا الزقاره الا بالثانويه :rolleyes2:

شكلهم اذا راحوا الثانويه هيروين

من خلال هالموضوع حاب انبه الاهل يديرون بالهم علي عيالهم الصغار

كل واحد مطلع حق عياله الصغار بلاك بيري
ادخل جوف البلاوي اللي يدزونها حق بعض
جايف بنفسي محد قالي استغفر الله :rolleyes2:
ولا بعضهم حاطين باسورد خير ان شالله اسرار الكونغرس
ذيلن يبيلهم نوكيا بو ليت عشان يحرمون

.

هدف الموضوع البحث عن أفكار تحفظ لنا عيالنا
.

[تاسيتوس]

هدف الموضوع البحث عن أفكار تحفظ لنا عيالنا

كلمتين (الاب,الام).

[حميداني]

أشوف ان شفت شي عنده بجواله احرمه من الجوال دامه استعمله بشكل غلط
ان كان يشتري بالفلوس اللي تعطيه اياها زقاير احرمه من حرية الشرى بنفسه مع تذكيره ان استعملها بشكل غلط
وكل شي لمده ولما اترد له اياه تذكره بالسبب اللي خذت منه هالشي وتنصحه وعلى الله يحذر
هذا رايي وانتظر ومتابع بقية اراء الشباب

[الصغيره]

الام ثم الام ثم الام ثم لام ثم لام

للاسف كثير من الامهات محمل الاب كل شي وهي تبي شغل وتبي نوم وتبي مشاوير وتبي وتبي والعيال وش بقى لهم من الوقت والاهتمام

الاب بيبقى للبيت او للعيال او للكراج او للشغل او لمواجيب


على الاقل لك شوي اهتمام ايتها الام


ليه الامهات مثلا اللي بالحي ما يسوون محاضرات للعيال الصغار كل مر ه ببيت ويحضرون عارض سينمائي ويجيبون مقاطع مثلا عن السرعه عن السيجار عن المخدرات عن لصحبه السيئه عن التشبه

ويحضرون مثلا وجبات خفيفه ويحاضروت للاطفال ويسوون لهم مسابقات من نفس الموضوع اللي بيعرضونه وبعدها يختمونه بفلم كرتوني او مسرحيه للاطفال

والله الامر ترى بسيط


الله يحفظ عيالنا

[qatarman8008]

الام داخل البيت .. اساس التربية ...
والاب برى البيت .. شوف من يرافج ووين يروح ووين يرد ...
سهله للي عنده حرص على عياله ...
وصعبة للمطنش .. والمطنشة ..

[شميرام]

لازم تبليغ الأهل الله يهدهم مشكله ذي الايام الاهل ما يتقبلون نصيحه لا ويهاوشون ،وابعدو عيالكم بطريقه او اخرى بدون لتبينون لهم سبب ولاتشهرون او تعيبون عليهم لان العيب بلى
الله يهدأهم لما فيه خير وصلاح

[penguin]

لازم تبليغ الأهل الله يهدهم مشكله ذي الايام الاهل ما يتقبلون نصيحه لا ويهاوشون ،وابعدو عيالكم بطريقه او اخرى بدون لتبينون لهم سبب ولاتشهرون او تعيبون عليهم لان العيب بلى
الله يهدأهم لما فيه خير وصلاح


الناس بس يحبون يسمعون عيالكم خوش ناس متربين :weeping:


الام داخل البيت .. اساس التربية ...
والاب برى البيت .. شوف من يرافج ووين يروح ووين يرد ...
سهله للي عنده حرص على عياله ...
وصعبة للمطنش .. والمطنشة ..

سعات الاب والام يحتاجون تربية


الام ثم الام ثم الام ثم لام ثم لام

للاسف كثير من الامهات محمل لاب كل شي وهي تبي شغل وتبي نوم وتبي مشاوير وتبي وتبي والعيال وش بقى لهم من الوقت والاهتمام

الاب بيبقى للبيت او للعيال او للكراج او للشغل او لمواجيب


على الاقل لك شوي اهتمام ايتها الام


ليه الامهات مثلا اللي بالحي ما يسوون محاضرات للعيال الصغار كل مر ه ببيت ويحضرون عارض سينمائي ويجيبون مقاطع مثلا عن السرعه عن السيجار عن المخدرات عن لصحبه السيئه عن التشبه

ويحضرون مثلا وجبات خفيفه ويحاضروت للاطفال ويسوون لهم مسابقات من نفس الموضوع اللي بيعرضونه وبعدها يختمونه بفلم كرتوني او مسرحيه للاطفال

والله الامر ترى بسيط


الله يحفظ عيالنا

كلامج جميل بينتي أن للام دور لازم تفعله صح
أفكار حلوه :nice: بس من بيطبقها ومن بيقعد لهم
وين تبين الامهات يتفرغون حق عيالهم بس شاطرين
حق السهر بالاعراس و مجاملات ماتخلص لهم دور كبير عقولهم الصغيرة ماتستوعبه


أشوف ان شفت شي عنده بجواله احرمه من الجوال دامه استعمله بشكل غلط
ان كان يشتري بالفلوس اللي تعطيه اياها زقاير احرمه من حرية الشرى بنفسه مع تذكيره ان استعملها بشكل غلط
وكل شي لمده ولما اترد له اياه تذكره بالسبب اللي خذت منه هالشي وتنصحه وعلى الله يحذر
هذا رايي وانتظر ومتابع بقية اراء الشباب

:nice::nice::nice:
احين كل شي مباح حتى الاهل يعرفون ان هالشي غلط بس يسونه
يخافون علي نفسية عيالهم مساكين بعدين يتعقدون :rolleyes2:
التربية تحتاج عطف وحزم


كلمتين (الاب,الام).

صححححح

[Abdullah_89]

استغرب من بعض الاهالي

يقولون الاولاد مسؤوليه الاب والبنات مسؤوليه الام


ترى المسؤوليه مشتركه بينهم

لازم الكل يعرف هالشي

[بوحمد111]

عساكم على القوه

مسؤلية تربية الاولاد والبنات مشتركه بين الوالدين ولكل منهم يكمل الثاني وعن السلوك الخاطئ يجب على المخالف ان يعاقب وبإسلوب حضاري وتوعوي

والولد الي كان شايل الزيقاره من الغلط ان لا نخبر والده او والدته حتى لا يتكرر الخطأ ويكبر مع مرور الوقت

[penguin]

عساكم على القوه

مسؤلية تربية الاولاد والبنات مشتركه بين الوالدين ولكل منهم يكمل الثاني وعن السلوك الخاطئ يجب على المخالف ان يعاقب وبإسلوب حضاري وتوعوي

والولد الي كان شايل الزيقاره من الغلط ان لا نخبر والده او والدته حتى لا يتكرر الخطأ ويكبر مع مرور الوقت


الله يقويك
بالعكس دامهم مايدرون بيكون خايف انهم يدرون وبيبتعد عن هالسوالف


استغرب من بعض الاهالي

يقولون الاولاد مسؤوليه الاب والبنات مسؤوليه الام


ترى المسؤوليه مشتركه بينهم

لازم الكل يعرف هالشي

طبعاً :)

اذا ناس ماعندهم غير بنات الابو مايربيهم مثلاً :rolleyes2: