اماكن بيع العاب مثل الحدايق العامه

[q6ryah]

السلام عليكم

لو تتكرمون تدلوني ع محلات تبيع او تورد العاب مثل الحدايق العامه تكون حديد وخشب شي يستحمل

جربت تويز ار اص 6 الالاف وعيالي صغار واختربت مع انه ماكان حد يلعب فيها


في محل بسوق واقف قالو لي عنه بس للاسف مادليته ولا عندي رقمه


انا ابي نفس الحدايق العامه

[طيف عابر]

اختي تواصلي وياي وان شاء الله اساعدك بالموضوع

[بو الجوري]

إختي في محل قبل دوار التلفزيون وإنتي جايه من جامع الدوله

مع دخلة مطعم نجمة الهند ،، أعتقد إسمع أرض العجائب

هو يبيع ألعاب الحدايق وهالسوالف

[GENIUS]

المحل اللي قرب دوار التلفزيون اسمه الجيل الصاعد وعنده فرع في سوق الخميس والجمعه . ومحل البحار في المنتزه عنده بعض التشكيلات الحلوة .

[بو الجوري]

^

صح صح إسمه الجيل الصاعد

[ضوى]

الصراحة بو غزلان العضومعانا تقدرين تعتمدين عليه بهالاشياء ، خدمة خمس نجوم وكوالتي ماعليه كلام وسعر جداااا مناسب ، وغير هذا والاهم من كل شي دعم الطاقات الوطنية الشابة

[حراير قطر]

انا بعد ارشح لج العضو بوغزلان

وهذا شغله ما شاء الله حلو ومرتب

http://www.qatarshares.com/vb/showthread.php?t=524592

[q6ryah]

اشكركم كلكم

اول شي بو غزلان للاسف صار لنا فوق الشهر نتصل مانلاقي يرد

الجيل الصاعد العابه حلوه لكن الصناعه نوعا ما جيده وليست ممتازه

انا بغيت نفس الالعاب بحديقه البدع ودحل الحمام

[ام علي1981]

انا بعد كنت بارشح اخونا بو غزلان
لكن انشالله المانع خير

[عوآآآآشـي]

اذا سمحتوا اللي يعرف بوغزلان شخصيا يكلمه وان شاء الله يكون بخير
لاني أبي دورفه ورسلت له رساله بس شكله صار له فتره مادخل
المنتدى وابيها هالشهر

وتسلمووون مقدماا

[Bo jassim 33]

انا جربته وهو في قمه بالادب
لكن اللي اعرفه انه حاليا موسم التخييم واكيد معسكر في سيلين


الله يوفقه

[لمعة الالماس]

محل ارض العجائب في سوق واقف

كان مشارك في معرض البرك وعنده اشياء حلوة والعاب وغير ارضيات اسفنجية للحوش

[q6ryah]

تسلمون ان شاء الله بروح لمحل ارض العجائب وبنقل تجربتي لكم