سلوفاكيـا أو التشيك للعلاج الطبيعي ؟

[Marriott]

السلام عليكم ورحمة الله وبركاته

ياجماعة الخير ،

عندي إستفسار بخصوص العلاج الطبيعي بين جمهورية التشيك أو سلوفاكيا ..؟

علاج طبيعي لألام الظهر .. ياريت إلى عنده معلومات بخصوص ، أفضلهم للعلاج ؟

وأقرب مطار تنزل فيه القطرية ؟؟

بارك الله فيكم ،،

[الزعفراني]

وعليكم السلام والرحمة اخوي ..

ماعندي خلفية صراحه .. لكن اللي اعرفه في قطر مركز للعلاج الطبيعي نفس نظام التشيك او يمكن مجرد اسم .. مكانه صوب محطة بترول الخيسة تطلع الجسر وتتجه شرق بيجيك دوار صغير بتلقى المركز على يدك اليمين عباره عن 3 فلل .. اذا عادهم موجودين لان من مدة مريت ذاك الصوب ولقيت هالمركز .

[Marriott]

مشكور أخوي على مساهمتك ، بغيت اعرف عن البلدان المذكورة
غريبة محد جربهم !

الله المستعان

[Dana’1]

اهلي راحوا للتشيك..تبليتسه على كلامهم في هالمنطقة عيادتين بتهوفن والثانية نسيت اسمها
وهم راحوا للثانية ..والمشكلة كانت نفس الشي ألآم الظهر
٢٥ يوم
بس بصراحة ما استفادت!
يمكن حالة عن حاله تفرق ... أو يمكن يبغالها وقت أطول ...الله أعلم


تصدق سألت ابوي الله يحفظة..وقالي الهند أفضل
وشخص كان جار لنا بالسابق...هم يمدح الهند لتجربة مر بها شخصيا

بس ما عندنا فكرة عن عيادة او طبيب معينة...وإلا كان افدتك

بالتوفيق ..والشفاء العاجل لكل مريض آمين يارب العالمين

[المسعف]

عليك بالهند مثل ماقالت Dior
من أشهر وأفضل المستشفيات في بنقلور :مستشفى ومركز Soukya الشهير والمتخصص في العلاج الطبيعي ومصنف رسميا كأفضل مركز علاج طبيعي على مستوى الهند .
وهذا رابط موقعهم على الانترنت : Holistic Health Center & Ayurvedic Treatment Center - SOUKYA
"ماعليك شر"

[Marriott]

مرحباً اختي يدور ، وأخوي المسعف ،،
والله ياخوكم رحت تايلاند ولا استفدت ، والدوحة كل العيادات
وقالوا لي مالك الا التشيك أو سلوفاكيا مع اني ماحب دول شرق أوربا

والهند خوفي من اللغلاغه هناك ، الزحمة و قلة النظافة
مع علمي ان لهم بالمساج بس انا اهم شئ اعرف التشخيص الصح
اللي يقولي ( تيبس العضلات ) و أللي يقولي ( شد العضلات قديم )

جزاكم الله خير ، وبارك الله فيكم

[الخزرجي قطر]

الله يشفيك ويعافيك ان شاءالله
انا عندي نسيبي راح تعالج في التشيك
علاج طبيعي اذا تبي بساله او بعطيك رقمه
لكن الهند/بنجلور ماعليها كلام والمدينه نظيفه وراقيه

[Marriott]

مرحبا اخوي الخزرجي

ياريت تبعث لي رقمه اذا مافي مانع على الخاص.

بارك الله فيك

[بوعجيل]

الله يشافي مرضاكم ومرضى المسلمين

التوقيع :
لو جريت جري الوحوش غير رزقك ماتحوش