بشاره ياهل تواير البالون

[حسن]

السلام عليكم ورحمه الله وبركاته

حبيت اقول نصيحه لاخوانه اللي يروحون الحساء ويشترون تواير بوالين

قبل وقفه العيد لي صديق اسمه فواز راح الحساء ييبي يركب تواير بوالين لسيارته لقى نوع اسمه هيرو صيني وسعره رخيص جدا350 ريال رنق 17
الاخ فواز استانس يوم ركبها الى ماتسوي ريال نفضه في الموتر وكل ماعملت ميزانيه وصفرت الارقام وتطلع تجرب الموتر يرتج بكبره وانا كنت معاه واستغربت منها ولمته على شراءها وقلت له هل معقوله تاير رنق 17 ب350 في وقتنا الحالي
وبعدين اتصلت على صديق وسئلتها عنه وانا حاط السماعه على الاسبيكر الى ويذم فيها ويقول هي عباره عن نفاخه وقابله للانفجار باي لحظه ولا يوجد فيها اي نوع من انواع السلامه
رجع فواز الحسا ورجعها على المحل وبدل بنوع اخر حجري

من موضوعي هذا حبيت اوضح للشباب الحذر من نوعيه هذه التواير وابي النصح لهم لاجل سلامتهم
وبحكم ان شبكه الاسهم لها دور كبير في مجتمعنا والخبر ينتشر بسرعه ومشكورين عليه

اللهم اني بلغت اللهم اني فاشهد
اخوكم حسن

[شبح الصمت]

الله يجزاك خير

[عزووز قطر]

البضاعة الصينية رديئة بكل انواعها واصنافها

[العربية نت]

باب الغش واسع جداً في الاحساء وفي المملكة بشكل عام لان الرقابة معدومة صح ان الغش في كل مكان حتى في قطر لكن في المملكة اكثر :)

[حسن]

الله يجزاك خير

والله يجزاك بمثله اخوي شبح الصمت
شرفتنا يالحبيب

[بوعلي2]

البضاعه الصينيه لاتصلح
ولكن البالون السيام ممتاز جدا ومش صيني
والهيرو ايضا جميل حلو نوعا ما ومش صيني
الكروزر بالبالون متعه لايعلمها الا جيل الطيبيين
اهم شي الابتعاد عن السرعه وتسوق بحذر وبالقانون وصدقني انك تحب البالون بالشارع والبر مع مزانية دبي شي جميل
اما ميد ان شاينا (تقليد مايمشي)

[حسن]

البضاعه الصينيه لاتصلح
ولكن البالون السيام ممتاز جدا ومش صيني
والهيرو ايضا جميل حلو نوعا ما ومش صيني
الكروزر بالبالون متعه لايعلمها الا جيل الطيبيين
اهم شي الابتعاد عن السرعه وتسوق بحذر وبالقانون وصدقني انك تحب البالون بالشارع والبر مع مزانية دبي شي جميل
اما ميد ان شاينا (تقليد مايمشي)

شوف يابوعلى نصحت ولد عمي عن البالون السيام
راح ورا المركز وركب له اربع تواير والله في البر الموتر تقول عليه تواير حجريه الموتر بكبر يرتج وتسمع قرقعه الكروزر من كل صوب قلت له ايامنا هذه السام محد يركبها يادانلوب ولا سيموتومو الياباني الاصلي واذا مشيت في البر تحس موترك يمشي على قطن مهب وعره اما الحين تواير زفت هيرو ميرو بوبعير مالون جمالون غير الياباني والاماني لاتركب
وبعدين هذا موتري الاستاندر اضربه البر على الدانلوب الاصلي الحجري ريافه ماعقبها ريافه وسلامه لبغيت دوس بريك مايتعدي متر
السلامه مفقوده في ذي التواير ياجماعه
والمثل يقول من استرخص باالحمه خانتبه المرقه
لهذه الدرجه اناس مسترخصه بارواحها

[بوعلي2]

كلامك جميل ياحسن

بس الزين بالبالون ريافته ولين على الموتر

بغض النظر عن الصيني


بس ماباليد حيله انا قانوني ومركب ميجر ١٧ الى اجل غير معلوم

[حسن]

كلامك جميل ياحسن

بس الزين بالبالون ريافته ولين على الموتر

بغض النظر عن الصيني


بس ماباليد حيله انا قانوني ومركب ميجر ١٧ الى اجل غير معلوم

يابوعلى انا واخواني مواترنا كلها حجري الاصلي الدانلوب حق الاستاندر لين وقوي وريف في الحصى ماتدري به والبنشر قليل ونادر وتيوب ليس امان وسيفتي
اما البالون الريف غير الياباني وبس الباقي ايبس من الحجري
اسئل مجرب وعوره القاع الجبلي

[حسن]

البضاعة الصينية رديئة بكل انواعها واصنافها

اي والله صدقت لو لي يد في الموضوع لامنع دخولها بتاتا
حبينا نبلغ شبابنا عن خطورتها ومشاكلها وعلشان مايخسرون اعمارهم وفلوسهم اذا تبي تشتري اشتر شي يسوا لاتستهين في السياره باثنين التواير والبريك
انا عندي اهم حاجه

[سهم قطر]

شكرااا للمعلومات

[7llo]

المفروض يردون يبيعون البالون نفس قبل العالم قاعده تسافر وتركب بالون وترجع

[khaldoon]

بارك الله فيك يا الغالي و الله يكثر من امثالك يا رب

[حسن]

باب الغش واسع جداً في الاحساء وفي المملكة بشكل عام لان الرقابة معدومة صح ان الغش في كل مكان حتى في قطر لكن في المملكة اكثر :)

والمشكله هم تقول شبكه يعرفون يطيحون على عوق هل قطر الشباب صايدينهم بالبوالين:weeping: والحريم صايدينهم بشامبو العبايه وشغلات البيت:)واليهال بالشراخيه مهب مخلين شي واحنا الرجاله يبون يصيدونه بش:secret:النسوان بيزعلون

على العموم الغش وارد في كل ديره ومكان وها انا ذا احذركم ياجماعه هذه التواير مصيبه والله ركبت مع الريال وحنا طالعين من الميزانيه الى الموتر تقول صادته ضروره استنزل السكان مابغينا نمسكه
معقوله هذه تواير والله ماركبها على كبينه ثابته بعد مهب متحرككه
تحياتي ياشيخ

[ابوالكلام]

ماسر تعلق الناس بالبالون ؟

[عضو قديم]

عيل وين البشارة !!!!!!!!!!!!

[حسن]

عيل وين البشارة !!!!!!!!!!!!

والله ياعضو قديم البشاره ان ننصح اخوانا ونوعيهم عن خطوره هل النوع من التواير
البشاره ان يرد البيت لهله سالم

هذه اكبر بشاره

بعدين الله يهداهم لو ماسويت لهم جذي محد مار على موضوعي قلت خل احبلهم دفاني
تحمل لايضربك المد

هلا والله وعضو قديم بس ها تحمل يقوله نفاخه مهب تاير

[البحار00]

ظنيت تبشرنا انهم اسمحو ببيع البالون

تعبنا من ضرب الخطوط

الجمعة بروح الحسا تهقا بيسمحون لي ادخل التواير وهي في شنطة موتري

جزاك الله خير ياخوي علا النصيحة

[captin]

مرحبتين أخوي

للأسف لازال كثير من الناس
يبحث عن البضاعة الرخيصة الرديئة
وللأسف أنها على حساب السلامة والأمان
في حالة التواير أو قطع غيار السيارات أو حتى السلع الأخرى

كل غالي سعره فيه

[حسن]

شكرااا للمعلومات

حياك الله ياخوي

[عاهد بن علي]

اي بشاره ؟ وينها ؟؟؟؟؟؟؟؟؟
صدتنا صيده

[حسن]

اي بشاره ؟ وينها ؟؟؟؟؟؟؟؟؟
صدتنا صيده

البشاره انك قريت الموضوع ووص اعيالك عن هذه التواير يابوعلي :telephone:بصمه وينك صدناه

[امـ حمد]

جزاك الله خير على النصيحه

[بـارود]

حطمتني يَ شيخ :( :weeping:
ع العموم أشكرك ع النصيحة :)

[حفيد الأنصار]

جزاك الله خير على النصيحة
بصراحه ماعرف وش البالون اللي تتكلمون عليه
لكن الواحد ضروري في الاشياء اللي تهتم بالسلامة يأخذ الاصلي
عن نفسي أخذ افضل الكفرات لسيارتي ومش خسارة في سبيل سلامتي بعد حفظ الله
والحمد لله الكفرات ماتتغير الا في السنة مرة وحده بس يعني مو كثيرة

[مضارب دوسري]

ماعمري ركبت بوالين حتى يوم كانت مسموحه
الحمدلله دايم اشتري التواير اللي نفس تواير الوكاله

[حسن]

ظنيت تبشرنا انهم اسمحو ببيع البالون

تعبنا من ضرب الخطوط

الجمعة بروح الحسا تهقا بيسمحون لي ادخل التواير وهي في شنطة موتري

جزاك الله خير ياخوي علا النصيحة

انتو ليش ماتركبون الدانلوب الرملي اخبره ممتاز

بعدين قولي رقم موترك علشان اوصي عليك في الجمارك:victory:

[حسن]

جزاك الله خير على النصيحة
بصراحه ماعرف وش البالون اللي تتكلمون عليه
لكن الواحد ضروري في الاشياء اللي تهتم بالسلامة يأخذ الاصلي
عن نفسي أخذ افضل الكفرات لسيارتي ومش خسارة في سبيل سلامتي بعد حفظ الله
والحمد لله الكفرات ماتتغير الا في السنة مرة وحده بس يعني مو كثيرة

يابو حرب هذه نوع من انواع التواير الرمليه يحبونها الشباب عندنا وبعكم مهب مقصرين موفرين العنوه حاطينها ورا مركز سلوى

شاكرلك على مرورك يابو حرب

[حسن]

ماعمري ركبت بوالين حتى يوم كانت مسموحه
الحمدلله دايم اشتري التواير اللي نفس تواير الوكاله

احسن لك وابرك لك الاول يوم كنت اركبها ايام الدانلوب والسيموتومو الياباني كان الموتر يشاوح لين جيت تضرب بريك عند الدوار
عاد ولا دوار الفروسيه قبل تحس انك في صراع تلف الموتر يمين والسكان يوديك يسار:rolleyes2: عجيب ذاك الدوار :)
الله يذكر ايامه

[حسن]

حطمتني يَ شيخ :( :weeping:
ع العموم أشكرك ع النصيحة :)

تعيش وتاخذ خيرها

هلا والله يابارود

[حسن]

جزاك الله خير على النصيحه

يامرحبا بام حمد واجب علينا ننصح شبابنا الله يهديهم ويهدينا
حياك الله

[حسن]

ماسر تعلق الناس بالبالون ؟

فئه عمريه معينه الكل مر عليها بس الاول كانت تواير جيده وذات مواصفات واصليه اما الحين كلها غش وبعدين قبل كانت ترفع الموتر شوي ايام رنق 15 اما الحين الرنق صار 17 رفعوه المصنع لاكن شبابنا مصرين بعد يبون زود

[البحار00]

انتو ليش ماتركبون الدانلوب الرملي اخبره ممتاز

بعدين قولي رقم موترك علشان اوصي عليك في الجمارك:victory:


ههههههه بتوصي الجمارك يمشوني

ولا يصادرون مني التواير

[حسن]

ههههههه بتوصي الجمارك يمشوني

ولا يصادرون مني التواير

افاعليك بس انت جرب مش حتندم:funny:

[البحار00]

افاعليك بس انت جرب مش حتندم:funny:

ههههههه لا ياخوي عقب تروح فليساتي هباءً منثورا

واحط يدي على خدي عند بوابة المركز

ههههههه واشرايك بعد أصيح

[تمون]

من خذت الليسن في سنة ٩٧ ماعمري ركبت ميجر ولا افكر بعد اركب ميجر
الي يقرى بعض الردود يحسسك انك لين ركبت بالون تصير سيارتك زبده في طابي حار تتزحلق يمين يسار كأنك في سكيتنج

كل التواير تبنجر و الميجر احقر تاير فالتبنجر و التصلخ يطير لك رفارف موترك ويكسر المواتر الي وراك و ماقالوا خطر

والله ما عمري انصلخ علي بالون ولا شفت منه الا كل خير حق بر حق بحر حق جو مايقول لا هههههه

الصراحه انتوا مبالغين وايد فالموضوع تاير حاله حال اي تاير ولا عشان الشباب ياخذونه حق استعراض صار خلاص هو الخطر

يالله الحين امنعوا البالون مانشوف الحوادث خفت ؟؟ ياريال ماعليك من الكلام و عليك بالملوان مركبهم من سنه في العين 5 ب ٢٧٠٠ ولين الحين فيهم ربع نقشه و الحمدالله من ركبتهم لين الحين سنه مابنجر علي تاير و الي قبلهم من ركبتهم لين نزلتهم مافيهم ولا خط ولا بنجروا علي الاسبير كسر خاطري من الشمس صار مانه حصاه تملل بروحه معلق سنه بدلته لان ظاربته الشمس هههه

بالتوفيق لعشاق البالون و انا من ظمنهم

[الدوحي7]

يالله صباح خير، دخلت قلت بشاره وين لبشاره الله يهديك يابوعلي،،

[غايه الطواش]

تنفع حق المرسيدس :)

[عوآآآآشـي]

الله يجزاك خير اخوي على التنبيه
والله يحفظ شبابنا يارب

[هارودز]

الله يجزاك خير

[حسن]

ههههههه لا ياخوي عقب تروح فليساتي هباءً منثورا

واحط يدي على خدي عند بوابة المركز

ههههههه واشرايك بعد أصيح

صباح الخير يابحار
كلمت لك واحد في الجمارك قال عادي تطوف اذا هو لابسها :eek2: قصدي مركبه ولا تكون مقطعه قطع صغار:)
شرايك :victory:

[حسن]

من خذت الليسن في سنة ٩٧ ماعمري ركبت ميجر ولا افكر بعد اركب ميجر
الي يقرى بعض الردود يحسسك انك لين ركبت بالون تصير سيارتك زبده في طابي حار تتزحلق يمين يسار كأنك في سكيتنج

كل التواير تبنجر و الميجر احقر تاير فالتبنجر و التصلخ يطير لك رفارف موترك ويكسر المواتر الي وراك و ماقالوا خطر

والله ما عمري انصلخ علي بالون ولا شفت منه الا كل خير حق بر حق بحر حق جو مايقول لا هههههه

الصراحه انتوا مبالغين وايد فالموضوع تاير حاله حال اي تاير ولا عشان الشباب ياخذونه حق استعراض صار خلاص هو الخطر

يالله الحين امنعوا البالون مانشوف الحوادث خفت ؟؟ ياريال ماعليك من الكلام و عليك بالملوان مركبهم من سنه في العين 5 ب ٢٧٠٠ ولين الحين فيهم ربع نقشه و الحمدالله من ركبتهم لين الحين سنه مابنجر علي تاير و الي قبلهم من ركبتهم لين نزلتهم مافيهم ولا خط ولا بنجروا علي الاسبير كسر خاطري من الشمس صار مانه حصاه تملل بروحه معلق سنه بدلته لان ظاربته الشمس هههه

بالتوفيق لعشاق البالون و انا من ظمنهم

انا ماقولك عن لاتركب بالون انا انصحك عن نوع ردي من انواعها وخطر
بعدين اول مره اشوف تواتير تستخدمها بر بحر جو خوش نوعيه
وبعدين مافي وجه مقارنه بين البالون والمياجر كل تاير ولا استخدام

شفرتنا يالطيب انا شعاري الدانلوب الحجري وبس
برنا كله وعر مايصلح له غير الحجري

[حسن]

يالله صباح خير، دخلت قلت بشاره وين لبشاره الله يهديك يابوعلي،،

صبحك الله بالنور يالدوحي

ابشر انشاء الله حتفرج باذن الله

[ابن سينا]

عليك باشاهين ياباني اصلي وريف على السياره وروعه احسن من الف بالون

[حسن]

عليك باشاهين ياباني اصلي وريف على السياره وروعه احسن من الف بالون

ان اشهد انك صادق يابن سينا كنت استخدمه على موتري قبل
لكن الحين توايري 17 حسبي الله على الوكاله كل مالهم ويرفعون الرنق يازين 15 :)