فزعتكم ضروري .

[فرهود]

ان شالله اخوي بيقدم تراي يوم الخميس وماعنده فرصه يتدرب غير يوم الاربعاء .اليوم رحت مدرسة التدريب في ازغوى طلبت منهم يدربونه يوم الاربعاء وبادفع لهم يقول مايصير غير 12حصه اقل شي وبألف وميتين ريال . عرضت عليه نص المبلغ بس لحصه وحده ماوافق يقول هذا قانون.

السؤال هل في مدارس تعطي بالحصه خصوصا على الL و Barking . او عندكم حل ثاني اتمنى احصل رد قبل يوم الاربعا بارك الله فيكم

[عاهد بن علي]

الله يوفقكم

[حسن]

وين المشكله خله يتدرب

[ZURICH]

اقل عدد حصص للتدريب 12 ساعة في مدارس السواقة

واشوف مايحتاج تدريب .. اهم شي في التراي هو Barking

حط له علامات في الحوش وخله يتعلم يوقف السيارة بالريوس

ومبروك الليسن مقدماً :)

[ms-qtr]

خل يتدرب احسن
تعبنا من الناس الي سواقتهم غلط بغلط

[Dark_QTR]

ما ينفع كلش.. لازم يدرب على المهارات المطلوبة في الإمتحان.. انت المفروض كنت تاخذله 12 ساعه وتحجز حق تراي بعد ما يخلص الدوره على طول.. وأنصح أنك تسجله في ساعات الذروة عشان يعرف يتصرف في حالة إزدحام الشارع و يتجنب مفاجئات الطريق، وتذكر إن النجاح السائق لا يكون بأخذ رخصة القيادة بل يكون بنجاح القيادة على الطريق في هذه البيئة المتوحشه...

أما إذا انت حاس إن أخوك متمكن وله سوابق.. خذله لفه في شارع تجاري.. شوفه شلون يتصرف
وعن ال l وده باركنات لاقونا الي مافيها ولا الطير وخلى يتدرب على الطلعه الي اهناك..

[فراغ]

اخوي نصيحه لك
خل اخوك يتدرب على السواقه زيز ما زيز (((حق سلامته))) اولآ ولسلامة الآخرين
لآن السيارة اداه قاتله اذا الأنسان لا يحسن قيادتها
وشفنا وايد هنود استعجل كفيلهم عليهم في اخذ اليسن وكان النتيجه خسارت اهله وبقى وحيدآ في الحياة
لا تستعجل ان شاء الله اخوك بياخذ اليسن مثل ما خذاه غيره
بس فكر في سلامته قبل كلشي

[الصغيره]

يخوي خله يدرب خاف الله فيه وفي الناس اللي بالشارع حتى لو صاحب المدرسه وافق ما يصيييير عليه مراقبه من المرور لازم يكمل الحصص مافيه حل ثاني ابد

[Abdullah_89]

انا اخوي اخذ الليسن بدون تدريب وماشاء الله مايمر اسبوع الا داعم فهالسياره المسكينه ومكسر مواتر خلق الله

انا اقول خله يتدرب احسن له كلها 12 حصه يعني اسبوعين ليش مستعيل عالليسن وين بيروح يعني ؟؟ الدوحة كلها زحمه في زحمه الواحد صار يكره يتمشى فيها من زحمتها وسواقة الناس الغلط