شركة Bosch لصيانة السيارات التابعة لوكالة المرسدس

[s.a.m]

السلام عليكم

اختصار للموضوع ،،

فرع الوكره ،،
http://www.nbks.com/wp-content/uploads/2011/07/Bosch-Service.jpg


رحت اسوي صيانة عندهم للمرسدس

المسؤول ( عربي الجنسية )
عطاني تقرير القطع المطلوب تغييرها بسعر 8500 ريال
يقول كلمت الوكاله عشان ينزلون في السعر ما وافقوا
طبعا ً انا شكيت فيه ( حسيت انه حاط السعر من نفسه )

وبنفسي رحت للوكاله و طلبت منهم كل القطع المطلوبه
و ضفت عليها بطاريه قيمتها 1100 ريال
تخيلوا المبلغ طلع 5700 ريال و عطوني خصم 700




الفرق 3500 ريال :eek5:


ارجوا الحذر منهم يالغاليين
يحطون اي سعر من عندهم و للأسف بعض الناس تدفع على طوول و ماتنتظر

الفواتير كلها عندي

وان شاء الله برفعها لإدارة حماية المستهلك ،،



اجمل التحايا ،،

[اللوز]

بالتوفيق

[الخليل للاعمار]

ارجوا الحذر

[kmk]

تكفى لا تسكت لهم لله لا يباك فيهم وخاصه اتجىك السرقات من الجنسيه العربيه مدرى شلون يرتاحون فى اكل الحرام جعلهاا نار فى بطن كل حرامى

[l0o0rd-qtr]

لاتسكت يالطيب دام على بالهم القطري يستلم الفاتوره باليمين ويدفع من جيبه باليسار

[LiL iNVe$ToR]

اخوي انا اتعامل معاهم من سنيين ..هو يعطيك استميت من اللي عنده ان كم التكلفه كامله مع قطع الغيار..واذا بغيت تقدر تعطيهم فلوس القطع وهم بيجيبون لك كل شي بفواتير الشركه لكن ما انصح بهالطريقه.

لك الحريه انك تجيب قطع الغيار من اي مكان وهم بيركبون لك فقط.

[nedoo]

بوش الوكره لا انصح بتعامل معهم

[مودى2006]

التعليق الوحيد
نصابيين!!

[سارونه]

متابعه :)

[Abdullah_89]

تسلم لي اخوي

وبالتوفيق وجزاك الله خير

[باراكودا]

النصب شغال عندنا طالما حماية المستهلك ارقود في سابع نومه .

[وحيد-الشوق]

نصابين وبس انا رحت العام ورفعت ليتات سيارتي (ميزانيه) ب20 ومره ب40 هالسنة رحت له قالي الفلبيني 60 بغيت اضربه ياجماعة رحت للبناني قلت له شنو 60 انا كم مره رفعت الليتات لسيارتي عندك وماخذت هالمبلغ قالي روح خلاص ولا تدفع عاد انا ويهي بليته ماصدقت هههههههههه

انت زين انك مركز في غيرك على نياتهم من قلب يقوله خلاص توكل على الله واشتغل والمسكين يقص عليه اللبناني ويبوق فلوسه حسبي الله عليهم نصب واستغلال وجشع في هذي الشركة

[معماري قطري]

الله يوفقك

هذا اللي يجي من بعض اللي يحسبون القطري بنك يمشي على الأرض .. زين حماية المستهلك شبيسوون والشرطة مثلاً شبيسوون .. بيتركونه يعربد براحته ومن أمن العقوبة أساءَ الأدب.