هل يتركب الدرابزين على البورسلان ؟؟؟؟

[Chambray]

السلام عليكم
عندي صاله وودي اركب أفصلها عن الممر .. وسوي درابزين من صوبين

لكن الي اشوفه ان الدرابزين يتركب على الرخام او على الصبيه !

بس مادري هل يتركب على البورسلان ويكون ثابت ؟؟؟؟؟

في انتظار خبرتكم في هالمواضيع

[ahmed jasim]

شفته يتركب على جانب الدرج فى الأسمنت
مو على البلاط
http://www7.0zz0.com/2012/11/06/16/557034697.jpg

[معماري قطري]

السلام عليكم
عندي صاله وودي اركب أفصلها عن الممر .. وسوي درابزين من صوبين

لكن الي اشوفه ان الدرابزين يتركب على الرخام او على الصبيه !

بس مادري هل يتركب على البورسلان ويكون ثابت ؟؟؟؟؟

في انتظار خبرتكم في هالمواضيع

جدامك حلين للتركيب .. أما يكون البورسلان عندك مركب على مونة والمونة على خرسانة مب على رمل، وفي هالحالة بيكون التركيب بطريقة عادية وبراغي عادية ممكن .. الوضع الثاني تكون الأرضية ضعيفة أو رملية تحت البورسلان، وفي هالحالة تحتاج لبراغي أطول وتدخل في الخرسانة تحت أو ممكن يسوي لك حل ثاني بحيث يسوي فتحة بالدريل عميقة شوي ويركب فيها الحديد بقراوت خاص ويغطي مكان الفتحة الباقي بالواشر الخاص مال الدرابزين.

هذي الحلول إذا اللي يركب عارف شغله أما واحد دخيل على الصنعة كان صباغ واستوى يركب درابزين فجأة لازم بيعقد الأُمور، وخصوصاً من إخواننا العرب اللي يعرفون يسون كل شيء.

حتى سو بحث في اليوتيوب وشوف الطريقة وراوه خله يشوف.

[KSK Logistic]

مثل مااشرحوا الاخوان

[بو علاوي]

جنت أريد أعلق وبطلت

[حسن]

يتركب على الكل شي انا لما ركبو لي كنت مبلط الصاله هم يضربون دريل ويحطون اصياخ صغيره مع غلو خاص وبعدين بيلحم القواعد وكلش اوكي راعي الدرابزين يعرفون الطريقه بس تحمل اذا
يلحم الشرار يحرق ويترك اثر على السيراميك او البورسلان خل يحطون رمل حول المنطقه علشان
الشرار

[خبير صيانة]

يتركب علي اي شئ المهم
مين يركب يكون استاذ