مهندس الديكور .. افيدونـي

[EUPHORIA]

السلام عليكم ..

بس ابي استفسر عن مهندسين الديكور نجيبهم يوم يجهز البيت والا من البداية يوم نسوي الخرايط ؟

لان وحده قالت لي احسن تجيبين مهندس ديكور من البداية يسوي الديكورات براحته ويعدل من الخريطة مايسوي على الشكل اللي جدامه ..

رايكم ؟ .. وابـي أرقام مهندسين الديكور والأسعار .؟

ومهندس الديكور شلون يحسب لي السعر على مدة الشغل والا على اللي يسويه شـنو موضوعهم بالظبط :shy: ..

ابي اعرف كل شي من البداية وشكلي وايد بخبص .. الله يستر ..

وسؤال ثاني شنو احس نوع مكيفات .. في مثل المركزي بس لكل غرفة جهاز تحكم خاص وفي العادي سبلت كأن يسمونه :rolleyes2:
وبكم يكون تقريبا المركزي بس التحكم في كل غرفة غير ..

ان شاء الله فهمتوا علي بس ..

وبعد سؤال عن بركة السباحة ..

انا مسويه فالخرايط البركة .. لازم اجيب الشركة مالت البرك من الحين عشان يحفرون والا العمال يحفرون وباقي التوصيلات وجي من عند شركة البرك ؟ << سؤال وجيه ؟؟


مشكورين مقدماً

[شموخ دائم]

,

,


مرحبا


صباح الخير

الاسئله هذي كوكتيل مع الفطور
:)

لو تمشون في المشروع وحده وحده احسن شي وبهدوء

تشوفون احتياجاتكم من عدد الغرف ونوع البيت فيلا دور ارضي او دورين
وبعدها تختارون مكتب لرسم الخريطه يكون جيد
وتتوكلون على الله تبتدون بالخرائط

مصمم الديكور راح تحتاجون له في فتره توزيع الكهرباء
وما بعدها

كل طريقه ولها تكلفتها
لو حطيتوا مهندس الديكور من البدايه راح يكلف مبلغ
لانه ياخذ مبلغ على التصميم نفرض مثلا 60 الف
وراح ياخذ مبلغ شهري على متابعه البيت والتعديل فيه
ما يقل عن 2000 الى 3000 شهريا


بالنسبه للتكييف راح يكلف اذا كان تكييف مركزي نفس نظام الفندق
بحدود من 160 الف الى 200 الف حسب الحجم
وحسب نوع التكييف اذا كان نوعيه جيده

واذا نظام سبلت بيكون بحدود 60 الف تقريبا اذا 15 مكيف حسب حجم البيت

وممكن يكلف 30 الف واقل اذا وندوز او نوع عادي

حسب امكانياتكم وحسب انتوا كم حاطين للتكييف


اما برك السباحه
ما شاء الله كثير شركات تعمل وممكن انتوا تحفرون والباقي علييهم
وممكن كل الشغل كامل عليهم

موقع البركه اذا هي امام البيت تحفر اخر شي حتى يكون مجال للسيارات والعمال يدخلون
واذا خلف المنزل ممكن تحفرون من البدايه


بالتوفيق لكم

,

,



اخوك


شموخ دائم

[EUPHORIA]

هههه يمكن افكاري مب مرتبة ..

بس نحنا سوينا الخرايط والحين ناخذ موافقات البلدية وبنبتدي بأذن الله ..

خلاص ان شاء الله المصمم عقب .. بس اذا جبناه عقب بيحسب لنا شهريا والا على الشغل اللي يسويه ؟
ماتعرف مهندسين ديكور شغل حلو والسعر مب مبالغ فيه ؟؟

شنو افضل نوع من المركزي ..
طبعا مستحيل ويندو لان كله كلش مب شي ..
والله محتارين نخاف نحط مركزي ونتوهق فالصيانة او الشركات ماتكون جيدة كفاية ..
اما السبليت يملل ينقط ماي والا مادري شنو احس المركزي اريح بس ابي شركات مضمونه ؟؟ ..

وبركة السباحة بتكون يسار الفيلا .. بتكون مسكره مثل ملحق لبركة سباحة ..

وبخصوص الاصنصير ابي احسن شركة ؟ ومتى نروح نجوف الانواع وجي بعد البنيان والا .؟

والأهم من هاي كله تعرف شركات تبني زينه ؟ لان نحنا نبي ناخذ كم عرض سعر قبل مانبلش ؟
للحين ماخذين عرضين ..

ومشكور أخوي

[شموخ دائم]

,

,


مرحبا

اعرف بس ما بقول
ههههه

ما احب اكتب اسماء اشخاص

بالنسبه للتكييف عندك شركه متسوبيشي وفي شركات مضمونه ان شاء الله
بتلاقين الاخوان والاخوات ذاكرينهم بمواضيع التكييف

الاصنصير
احسن شركتين
شركه اوتيس وشركه متسوبيشي
ممتازين وكل وحده حسن من الثانيه
بيكلف الاصنصير بحدود من 120 الف الى 150 الف
حسب اختياركم لكم راكب
وحسب الديكور الداخلي

من الضروري الاختيار من الحين لعدد الركاب
حتى يتم عمل القواعد له ( بيت الاصنصير ) والمقاسات تكون معروفه
مو شرط تشترونه بس تعرفون المقاس للمقاول

بالتوفيق




,

,



اخوك


شموخ دائم

[sweety]

هههه يمكن افكاري مب مرتبة ..

بس نحنا سوينا الخرايط والحين ناخذ موافقات البلدية وبنبتدي بأذن الله ..

خلاص ان شاء الله المصمم عقب .. بس اذا جبناه عقب بيحسب لنا شهريا والا على الشغل اللي يسويه ؟
ماتعرف مهندسين ديكور شغل حلو والسعر مب مبالغ فيه ؟؟

شنو افضل نوع من المركزي ..
طبعا مستحيل ويندو لان كله كلش مب شي ..
والله محتارين نخاف نحط مركزي ونتوهق فالصيانة او الشركات ماتكون جيدة كفاية ..
اما السبليت يملل ينقط ماي والا مادري شنو احس المركزي اريح بس ابي شركات مضمونه ؟؟ ..

وبركة السباحة بتكون يسار الفيلا .. بتكون مسكره مثل ملحق لبركة سباحة ..

وبخصوص الاصنصير ابي احسن شركة ؟ ومتى نروح نجوف الانواع وجي بعد البنيان والا .؟

والأهم من هاي كله تعرف شركات تبني زينه ؟ لان نحنا نبي ناخذ كم عرض سعر قبل مانبلش ؟
للحين ماخذين عرضين ..

ومشكور أخوي

اختي بالنسبة للاصنصير مب مشكله تشوفون الانواع والاشكال بعد البنيان
بشرط بشرط بشرط تكون المقاسات مضبوطة وماخوذة من شركة الاصنصير اللي تبغين تشتغلين معاها
فلازم من الحين تختارين لج شركة اصنصير وتطلبين منهم يعطونج مقاس الاصنصير بالمللي وتتاكدين من ذلك وتخلين الاستشاري يتعرف على شركة الاصنصير ويطلب منهم مقاسات الاصنصير بالتفصيل .
وموفقة ان شاء الله

[EUPHORIA]

مشكورين ماقصرتوا ..

وياكم ان شاء الله ..

حدي متحمسه للبنيان ومتخوفة واحس صج افكاري متلخبطه ..

يعطيكم العافية ,,

[captin]

مرحبتين

المشكلة الكبرى اللي يقع فيها أكثرنا في قطر عند التصميم
هي عدم وجود رؤية متكاملة لمشروع البناء من البداية
نسوي مخطط الفيلا في أي مكتب بشكل سريع وبعد ما يبتدي البناء
ندور مصمم ديكور داخلي ونروح نغير كثير من الاشياء اللي في المخطط
سواء من ناحية معمارية او خدمات مثل الكهرباء والإضاءة . عشان تتناسب
مع التصميم الداخلي الجديد.

المفروض إحنا نصمم المنزل بدقة وتفاصيل
تتناسب مع احتياجاتنا وظروفنا وطريقة المعيشة
اللي نبيها مش نسوي مخطط وبعدين نسكن ونلزم نفوسنا بالمعيشة وفق التصميم.

أنا أشوف وجود مصمم ديكور داخلي من البداية مهم جدا لتوفير الوقت والجهد
وتوزيع المساحات والإضاءة وقطع الأثاث والخدمات الأخرى مثل الهاتف وشبكة
النت ونقاط الكهرباء داخل وخارج المنزل .

بالنسبة للتكييف التوجه حاليا نحو البكج يونت والدكت اسبليت وميزة هاذي الأنظمة
أنها مخفية تماما وتعطي ناحية جمالية وهدوء عند التشغيل .
انا شخصيا تعاقدت مع شركة لتركيب مكيفات نوع دكت سلبيت وعشان نقدر نركب مثل هاذي
الأنظمة لازم ناخذ في الاعتبار ارتفاع السقف ما يقل عن 4 امتار ويفضل أن شركة التكييف
أيضا يتم الاتفاق معاها عند التصميم لعمل مخطط التمديدات في الأسقف.



التوصية


تشوفون مكتب تصميم محترم ومصمم ديكور يدخل من البداية في التصميم
المعماري وشركة تكييف ويشتفلون الثلاث أطرف مع بعض من البداية

بالتوفيق إن شاء الله

[معماري قطري]

اختي بالنسبة للاصنصير مب مشكله تشوفون الانواع والاشكال بعد البنيان
بشرط بشرط بشرط تكون المقاسات مضبوطة وماخوذة من شركة الاصنصير اللي تبغين تشتغلين معاها
فلازم من الحين تختارين لج شركة اصنصير وتطلبين منهم يعطونج مقاس الاصنصير بالمللي وتتاكدين من ذلك وتخلين الاستشاري يتعرف على شركة الاصنصير ويطلب منهم مقاسات الاصنصير بالتفصيل .
وموفقة ان شاء الله

بالنسبة للمصعد

الأفضل إختياره من الحين وأخذ تفاصيل البيت له كاملة وتفصيل الباب وطريقته.

أنصح ما تبالغون الا الباب يكون زجاج شفاف يبين اللي وراه ونظام سيفتي وبطارية إحتياطية ينزل أقرب دور ويوقف وقت مشكلة فنية أو انقطاع الكهرب.

متسوبيشي زينين بس ياخذون 90% من فلوسهم لحظة وصول المصعد ويجيبونه ويرمونه برا والمالك مسؤول عنه، والتركيب ما ابالغ اذا قلت في الشهر يجون مره ولا يخلصون شغلهم .. كذابين ومراوغين وبطيئين للغاية .. قبل كانوا زينين بس آخر مرة تعاملت معاهم للحين معلق.

سمعت المفتاح عندهم نوعية زينه والدرويش وفيه بعد شنايدر الألماني زين.

الأفضل الإتفاق أول بأول والدفع بأقساط ودفعات حسب التركيب والانتباه للعقد لأنهم يحطون كل شيء على المالك حتى رفع معدات المصعد، ولا تنسون الإتفاق على الصيانة لكم سنة ولو كانت صيانة وضمان بعد أفضل.

[معماري قطري]

نسيت حاجة بالنسبة للمصعد كثيرين الحين يتجهون للفريم الحديدي المحاط ببيت زجاجي، وهذا شكله حلو ومحمي من الخارج وبعضهم يركبونه في الحوش يبين يعني من الشارع على حسب وضع البيت يعني أو يطل على منظر حلو مثلاً، ولا ننسى نظام سيفتي ضد لعب الأطفال فيه.

وسلامتكم.

[Chambray]

بالنسبة للمصعد

الأفضل إختياره من الحين وأخذ تفاصيل البيت له كاملة وتفصيل الباب وطريقته.

أنصح ما تبالغون الا الباب يكون زجاج شفاف يبين اللي وراه ونظام سيفتي وبطارية إحتياطية ينزل أقرب دور ويوقف وقت مشكلة فنية أو انقطاع الكهرب.

متسوبيشي زينين بس ياخذون 90% من فلوسهم لحظة وصول المصعد ويجيبونه ويرمونه برا والمالك مسؤول عنه، والتركيب ما ابالغ اذا قلت في الشهر يجون مره ولا يخلصون شغلهم .. كذابين ومراوغين وبطيئين للغاية .. قبل كانوا زينين بس آخر مرة تعاملت معاهم للحين معلق.

سمعت المفتاح عندهم نوعية زينه والدرويش وفيه بعد شنايدر الألماني زين.

الأفضل الإتفاق أول بأول والدفع بأقساط ودفعات حسب التركيب والانتباه للعقد لأنهم يحطون كل شيء على المالك حتى رفع معدات المصعد، ولا تنسون الإتفاق على الصيانة لكم سنة ولو كانت صيانة وضمان بعد أفضل.

والله كلامك صحيح بخصوص موتسبيشي 100%

انا واحد تعقدت معاهم صراحة

[نور الحور]

نصيحة من قلب ..مهندس الديكور من البداية، وكل شي خلوه واضح في المخطط بالتفاصيل المملة ..
بالنسبة للمصاعد يمدحون متسوبيشي ..
وشنايدر الالماني جا مندوبهم الفيلا وقدم لنا عرض سعر حلو ومعقول وكله بانوراما لدرجة فكرت ألغي بيت المصعد اللي أسسناه وأحط الزجاجي احلى .. بس تخوفت من الصيانة والسيفتي .. إذا في حد يعرف عن شنايدر معلومات أو مجربه .. وخدمة مابعد البيع عندهم يفيدنا وجزاه الله خير

[EUPHORIA]

مشكورين ماقصرتوا ..

انا ابوي مهندس معماري , وتدخل في الخريطة بأذن الله بيكون مخططي اول مره يستوي في قطر ..

بس انا ابي من ناحية الديكور كل شي يكون بيرفكت ..

بس شكلي بجوف مهندس ديكور ..

اما بالنسبة للمصعد من امس وانا افكر بشكل جدي اني من الحين اروح اجوف قبل لانخلص الخطوة النهائية فالخرايط وكنت حاطة في بالي شركه متسوبيشي بس بعد آرائكم هونت ..

بجوف الشركة اللي قلتوا لي عنها ..

بس بخصوص المكيفات ابي اسماء شركات بليز لان في عالشي ابد ماعندي فكرة ..

في حد ركب المكيفات المركزيه .. ومجربها ابي شي مجرب ..

وبالنسبة للبركة ادري في شركات وايد بس للحين متخوفة عشان الصيانة ابي بعد شركة تنفع وما اندم ابد لا يوم يسونها ولا بعدها ولا فالصيانة ..


ابي افضل شركة للمكيفات المركزية وللمصاعد و للبرك .. مجرررربة اهم شي .. واهم شي فالصيانة وتركيبهم وكل شي يكون اوكي ..

شاكرة لكم ..

[معماري قطري]

نصيحة من قلب ..مهندس الديكور من البداية، وكل شي خلوه واضح في المخطط بالتفاصيل المملة ..
بالنسبة للمصاعد يمدحون متسوبيشي ..
وشنايدر الالماني جا مندوبهم الفيلا وقدم لنا عرض سعر حلو ومعقول وكله بانوراما لدرجة فكرت ألغي بيت المصعد اللي أسسناه وأحط الزجاجي احلى .. بس تخوفت من الصيانة والسيفتي .. إذا في حد يعرف عن شنايدر معلومات أو مجربه .. وخدمة مابعد البيع عندهم يفيدنا وجزاه الله خير

والله متسوبيشي عقدوني بليدين حدهم وبطيئين .. إذا شنايدر مصنوع في ألمانيا أو دولة غير الصين اخذوه وانتوا متطمنين.

[معماري قطري]

مشكورين ماقصرتوا ..

انا ابوي مهندس معماري , وتدخل في الخريطة بأذن الله بيكون مخططي اول مره يستوي في قطر ..

بس انا ابي من ناحية الديكور كل شي يكون بيرفكت ..

بس شكلي بجوف مهندس ديكور ..

اما بالنسبة للمصعد من امس وانا افكر بشكل جدي اني من الحين اروح اجوف قبل لانخلص الخطوة النهائية فالخرايط وكنت حاطة في بالي شركه متسوبيشي بس بعد آرائكم هونت ..

بجوف الشركة اللي قلتوا لي عنها ..

بس بخصوص المكيفات ابي اسماء شركات بليز لان في عالشي ابد ماعندي فكرة ..

في حد ركب المكيفات المركزيه .. ومجربها ابي شي مجرب ..

وبالنسبة للبركة ادري في شركات وايد بس للحين متخوفة عشان الصيانة ابي بعد شركة تنفع وما اندم ابد لا يوم يسونها ولا بعدها ولا فالصيانة ..


ابي افضل شركة للمكيفات المركزية وللمصاعد و للبرك .. مجرررربة اهم شي .. واهم شي فالصيانة وتركيبهم وكل شي يكون اوكي ..

شاكرة لكم ..

ليش ضدنا انتي إذا ابوج معماري فهو أساس مهندس الديكور .. شوفي المعماري ممكن يسوي دزاين انترير لكن الإنترير مستحيل يسوي تصميم معماري ... البركة في ابوج وانسي مصممين الديكور لأن أغلبهم مب مختصين هواية وبس الا قلة اللي يكونون متخرجين من كلية متخصصة مثل خريجي جامعة فرجينيا في قطر.

[معماري قطري]

والله كلامك صحيح بخصوص موتسبيشي 100%

انا واحد تعقدت معاهم صراحة

هنود كل واحد رافع خشمه ضامنين لا حماية مستهلك ولا يحزنون ... آخر مرة أتعامل معاهم.

[EUPHORIA]

انا مب ضد حد بس قاعد اشرح لكم اللي حاصل وياي ..

ويعطيك العافيه اخوي ماقصرت ..

والوالد مب مقصر بس احس الديكور ماله خص في دراسه ابوي ههه ..

مشكورين ..