اكتب خلف سيارة البيت ( كيف ترى قيادتي ) وجوال الكفيل

[عاهد بن علي]

انا ارى من الظروري هذه الايام بأن نكتب خلف سيارة سائق البيت ، عبارة
( كيف ترى سواقتي ) ورقم جوال الكفيل
لاني رأيت تجاوزات واستهتارات من سواقي بعض العوائل مما يدعوني الى البحث عن جوال الكفيل لاخبره بتجاوزات السائق وسلوكه أللا مسئول ، اليوم رأيت سائق اجنبي ما خذ عيال الكفيل من المدرسه وحاط الطفل الصغير في حضنه وهو يسوق السياره !!!!!!!
الموضوع خطير جدآ جدآ جدآ

[عاهد بن علي]

الحمد لله ماعندي سايق

[عقار]

لا حول ولا قوة الا بالله
في حضنه !!!! ليتك وقفته وخذت رقم الكفيل وكلمته

[عاهد بن علي]

لا حول ولا قوة الا بالله
في حضنه !!!! ليتك وقفته وخذت رقم الكفيل وكلمته

للاسف كان في الشارع المعاكس وثانيآ لو وقفته بيبليني باي شي وبينكر الموضوع

[النهار]

عيل ابشر جوالك مايسكت طالما السايق برع البيت
ساعات عليك افكار تودي ؟؟؟؟؟؟؟؟؟
ياخوي نجيب واحد عمره ماركب موتر في ديرته ندربه على السواقه ونسلمه موتر قيمته ذاك المبلغ الموتر فاللعنه بداله موتر ثاني المصيبه توه ماخذ ليسن ماصار له يوم الا نخليه ياخذ العيال والاهل ويفتر بهم من محل الي محل

[عاهد بن علي]

عيل ابشر جوالك مايسكت طالما السايق برع البيت
ساعات عليك افكار تودي ؟؟؟؟؟؟؟؟؟
ياخوي نجيب واحد عمره ماركب موتر في ديرته ندربه على السواقه ونسلمه موتر قيمته ذاك المبلغ الموتر فاللعنه بداله موتر ثاني المصيبه توه ماخذ ليسن ماصار له يوم الا نخليه ياخذ العيال والاهل ويفتر بهم من محل الي محل

افكاري تودي وتجيب هههههه
لابد من وضع رقم جوال الكفيل خلف السياره للتقليل من استهتارات السائقين الاجانب والتصرفات الغير اخلاقيه

[النهار]

افكاري تودي وتجيب هههههه
لابد من وضع رقم جوال الكفيل خلف السياره للتقليل من استهتارات السائقين الاجانب والتصرفات الغير اخلاقيه


عاهد انا واحد من الناس اذا جوال غريب مارد عليه لو صار ما صار ترى الربع كلهم نفس الشي جوال غريب مايردون مره حصلت 10 مس كول قلت اكيد فيه شي كايد اتصلت على الاخ قلت له اخوي جاني منك اكثر من مس كول بكل بروده يقول لي اخوي الخط للبيع صراحه ماقصرت معاه بكل بردوه يقول لي ياخوي ليش مخيس النفس وتبينا نحط رقم الجوال على الموتر

[عاهد بن علي]

عاهد انا واحد من الناس اذا جوال غريب مارد عليه لو صار ما صار ترى الربع كلهم نفس الشي جوال غريب مايردون مره حصلت 10 مس كول قلت اكيد فيه شي كايد اتصلت على الاخ قلت له اخوي جاني منك اكثر من مس كول بكل بروده يقول لي اخوي الخط للبيع صراحه ماقصرت معاه بكل بردوه يقول لي ياخوي ليش مخيس النفس وتبينا نحط رقم الجوال على الموتر



ممكن تحط رقم جديد ، وين المشكله :anger1:

[النهار]

ممكن تحط رقم جديد ، وين المشكله :anger1:


مشاءالله عندك حلول على طول ياخوي انا في مخباي 3 جولات :nice: تبيني احط الربع انزين عاهد لوالسائق حق اخت مطلقه وماعندها عيال ولا اخوان بعد تحط الرقم :eek5:

[نوار قطر]

ياهل في حضن الدريول حسبي الله ونعم الوكيل في هالاهل الي انعكست الايه عندهم لدرجة ان الام والاب صارو الاغراب والخدامه والدريول القراب

[عاهد بن علي]

مشاءالله عندك حلول على طول ياخوي انا في مخباي 3 جولات :nice: تبيني احط الربع انزين عاهد لوالسائق حق اخت مطلقه وماعندها عيال ولا اخوان بعد تحط الرقم :eek5:


تتزوج وتحل المشكله

[عاهد بن علي]

ياهل في حضن الدريول حسبي الله ونعم الوكيل في هالاهل الي انعكست الايه عندهم لدرجة ان الام والاب صارو الاغراب والخدامه والدريول القراب

الامبالاه من الوالدين ، سبب تعاست الاطفال في المستقبل
اشكرك مشاعرج اختي

[حسن]

الله اكبر يانصبي وش بيدي
كل ماعدلت واحد يميل الثاني

والله ياعاهد تخيل تتصل في الكفيل ويقولك وش يخصك انت:eek5:

انا اقول تجيب لنا خيازرين من سوق واقف ابرك
لانه هذولا في دولهم شرطتهم سلاحهم العصى:)

[عاهد بن علي]

الله اكبر يانصبي وش بيدي
كل ماعدلت واحد يميل الثاني

والله ياعاهد تخيل تتصل في الكفيل ويقولك وش يخصك انت:eek5:

انا اقول تجيب لنا خيازرين من سوق واقف ابرك
لانه هذولا في دولهم شرطتهم سلاحهم العصى:)

والله مشكله !!!!!! اذا قالي وش خصك :anger1:
بارجع ريوس ( خلف ) من سوق واقف لين البيت من القهر :anger1::anger1:

[عاهد بن علي]

ارفع للاهميه

[المسك1969]

للاسف كان في الشارع المعاكس وثانيآ لو وقفته بيبليني باي شي وبينكر الموضوع


ليش يبليك ربي يحفظك؟

اعتقد لو كان أمر من إدارة المرور الكل بينفذه؟ اعتقد الشركات تخاف على مواترها بس المواطنين مادري وش يهمهم؟

أنا صراحة عيالي بالباص وأحيانا الباصات تخرع سواقتها؟ وبطرح اقتراحك على إدارة مدرستي عيالي إن شاء الله... بس من باب يخافون على مواترهم لأن ما أعتقد بتهمهم سلامة العيال وإن لاقدر الله صار شيء بيقولون قضاء الله وقدره والمفروض اتخاذ الاسباب بعد السرعة

جزك الله خيرا

[نوار قطر]

والله مشكله !!!!!! اذا قالي وش خصك :anger1:
بارجع ريوس ( خلف ) من سوق واقف لين البيت من القهر :anger1::anger1:

ترى صارت مع وحده من صديقاتي بس الفرق ان مع الخدامه مب الدريول

شافت خدامه تضرب وتسحب في اليهال راحت حق الخدامه واسالتها وين المدام على اساس انها تعرفها المهم شوي الا المدام يايه راحت لها وقالت لها ترى خدامتج اتطق في اليهال وتسحبهم ردت عليها بكل برود وانتي شيخصج :rolleyes2: هي اتعرف شلون اتعامل مع عيالي :rolleyes2:

[khaldoon]

واحد جاء بعد و مسكر علي و حاطط تليفون و كيف تجد سواقتي و اضطريت ادش من الباب الثاني و اتصلت علشان اغسله بس ما رد على التليفون اللي حاطه

شكل هالحركة كذب في كذب

[الخزرجي قطر]

اقتراحك حلو بس صعب تطبيقه في مجتمعنا وخاصة اذا كان سواق البيت
الحل والربط مش بيد الكفيل بيد السواق اذا كان اعتماد العايله وتوصيل المدارس
وشراء الاغراض ويدل بيوت الاهل والجيران وغيره كثيرمن المهام الي يقوم فيها

[nothing]

فعلا ...

[.. الكاش ..]

لاحول ولاقوه الابالله

[الصغيره]

اي والله

ولا تنسى يكتبون السياره خاصه يرجى ان رايت فيها عماله الاتصال على

لان الدريوليه يشتغلون تكسي بالمشاوير اذا حد بطريقه يشيله رايح جاي

[مونتانا]

بأختصار السايق مايحترم القوانين لأن ماعندنا مرور بمعنى الكلمة مثل الدول الاخرى يعني بمعنى اخر مرورنا نايم في العسل. انا اخرج كل يوم لتوصيل الاطفال الى المدارس ارى العجب من الجميع ،القطري ،العربي ،الاسيوي كلهم يخبصون في السواقة .
السايق الهندي اصبح يتفرعن في السواقة ولا يهمه احد. ليش لأن مافي من يردع . والمثل يقول ايش فرعنك يافرعون قال ملقيت من يردني.
والله القادم سوف يكون اسوأ اذا استمرت الحكومة مطنشة لهذا الامر الهام واخص وزارة الداخلية واعتقد ايضا ان مدير المرور الحالي لايصلح للمرحلة القادمة .
اما السايق والاطفال فحدث ولا حرج السايق اصبح كل شي هو الاب والام .
لاحول ولاقوة الابالله.
هذا رأيي بكل عفوية وبكل حب .

[غايه الطواش]

اخوي اذا انت شفت طفل انا شفت بنت بالاعداديه بحضن السواق وكنت بالاتجاه الثاني سويت هرانه وقعدت اضارخ في السياره من القهر
وثاني يوم رفيجتي شافت نفس البنت ونفس السياره ونفس المنظر

[ام علي1981]

انتو الحين هديتو الموضوع الاساسي واهميته وحرص الاخ عاهد على حياة اولادنا وتكلمتو عن الارقام والموبايلات والازعاج

[نوار قطر]

اخوي اذا انت شفت طفل انا شفت بنت بالاعداديه بحضن السواق وكنت بالاتجاه الثاني سويت هرانه وقعدت اضارخ في السياره من القهر
وثاني يوم رفيجتي شافت نفس البنت ونفس السياره ونفس المنظر

حسبي الله ونعم الوكيل في الاهل الي خلوو البنت تحت رحمة الدريول جان خذتي رقم السياره وبلغتي عنها ,,,

[همر]

للاسف كان في الشارع المعاكس وثانيآ لو وقفته بيبليني باي شي وبينكر الموضوع


ودامه في الشارع الثاني شلون بتشوف رقم الكفيل ورى السياره ؟!!! :tease:



الحل كل واحد يركب لوحه فوق سيارته نفس اللي في الصوره :nice:





http://www.signupdate.co.uk/images/stories/Sign%20News/120/Vista-Roof-sign.jpg

[MAZEN37]

اخوي اذا انت شفت طفل انا شفت بنت بالاعداديه بحضن السواق وكنت بالاتجاه الثاني سويت هرانه وقعدت اضارخ في السياره من القهر
وثاني يوم رفيجتي شافت نفس البنت ونفس السياره ونفس المنظر
طيب ايش رايكم انا شفت كل يوم بنت سواق باص عربي يجلسهم بهالطريقه
ورحت لادارة المدرسه وكلمتهم وحاولوا يتهربوا وحسيت انهم عندهم خبر
مدرسه ابتدائيه خاصه

[عاهد بن علي]

قصص تقشعر منها الابدان

[عاهد بن علي]

للاهميه

[دانة الطواش]

والله يا اخ عاهد الموضوع مهم المفروض مايتركون عيالهم في هذا السن مع السايق والخادمه ، يعني أش راح يصير لو الام كلفت على روحها وقامت بتوصيل عيالها وبعدين رجعت البيت او راحت عملها لو كانت تعمل ولا نتركهم يتبهدلون مع الخدم ، توني وانا في طريجي لبيت الوالد واذا بياهل يركض في الشارع والفاضلة الخادمة تتمختر وراه وهو بوسط الشارع والله يركض الله يحفظه ويهدي امه ، واقتراحك حلو ياليت يطبقه الجميع .

[عاهد بن علي]

والله يا اخ عاهد الموضوع مهم المفروض مايتركون عيالهم في هذا السن مع السايق والخادمه ، يعني أش راح يصير لو الام كلفت على روحها وقامت بتوصيل عيالها وبعدين رجعت البيت او راحت عملها لو كانت تعمل ولا نتركهم يتبهدلون مع الخدم ، توني وانا في طريجي لبيت الوالد واذا بياهل يركض في الشارع والفاضلة الخادمة تتمختر وراه وهو بوسط الشارع والله يركض الله يحفظه ويهدي امه ، واقتراحك حلو ياليت يطبقه الجميع .

انا كل افكاري حلوه بس من يقدر :anger1:

[نورهان88]

انا ارى من الظروري هذه الايام بأن نكتب خلف سيارة سائق البيت ، عبارة
( كيف ترى سواقتي ) ورقم جوال الكفيل
لاني رأيت تجاوزات واستهتارات من سواقي بعض العوائل مما يدعوني الى البحث عن جوال الكفيل لاخبره بتجاوزات السائق وسلوكه أللا مسئول ، اليوم رأيت سائق اجنبي ما خذ عيال الكفيل من المدرسه وحاط الطفل الصغير في حضنه وهو يسوق السياره !!!!!!!
الموضوع خطير جدآ جدآ جدآ





والله فكرة حلوه يا عاهد بن علي الله خليك ويحفظك ,,,

ياليت للي عنده سائق يطبق الفكرة,,,,

بس حنا ماعندنا سائق والحمدالله ,,,,,



:nice:

[عاهد بن علي]

والله فكرة حلوه يا عاهد بن علي الله خليك ويحفظك ,,,

ياليت للي عنده سائق يطبق الفكرة,,,,

بس حنا ماعندنا سائق والحمدالله ,,,,,



:nice:

مثلي انا ماعندي سايق
الله يجزاكم خير

[مضاد]

اللي يهمل عياله وبناته مع سائق .، يستاهل مايجيه وخله يولي .

[mr.hamouda]

فكره :nice:
أوئيد تطبيقها

[شيخ الديرة]

هذي خدمة تقدمها شركات النقل او الحماية بحيث يكون رقم الاتصال واحد لكن تعطيهم رقم السيارة وهم اللي يتصلون بصاحبها. اذا الخدمة غير متوفرة بعد هنا، هذي فرصة واحد نتشارك في كذا مشروع وممكن نضيف خدمات تتبع المواقع ومراقبة السرعة وغير ذلك.

[تاجر كشخة]

اضم صوتي اليك اخي عاهد لمن بعض الزاحفين :nice:بيتسغلون في الترقيم وما تحصل الا كل الشباب حاطين

كيف ترى قيادتي وحط رقمه تحت كموضة جديده في ملصقات السيارات :shy:

[تاجر كشخة]

اللي يهمل عياله وبناته مع سائق .، يستاهل مايجيه وخله يولي .

حلو يستاهل بس شذنب الاطفال

[باراكودا]

كتيت وجاتني مخالفة ملصقات من المرور وغرامة اعلان غير مرخص من البلدية
وغرامة لوحة تجارية غير مرخصة من الغرفة التجارية .

[مضاد]

حلو يستاهل بس شذنب الاطفال


كلكم راع وكلكم مسؤول عن رعيته .

اذا والديهم قلوبهم ميته ماعندهم غيره ولا حمية .، بس يجيبون عيال ، ويهملونهم .


انا احرق دمي ليش .!؟ :omen2:

[معماري قطري]

ممكن تكون فكرة جيدة لكن الأفضل منها الشرطة المجتمعية بمفهومها الشامل.

لنفترض هناك رقم تتصل عليه ويطلبون السائق وكفيلة في مركز ويبلغونه بالشكوى، وممكن لمن شهد الواقعة أو المخالفة أو التجاوز القانوني أن يُطلب ويواجه بالمخالف، ولنقول في جو تناصح إذا كانت المخالفة بسيطة ولأول مره وفي حال تكرارها يكون العقاب تدريجي.

صحيح نرى الكثير من المخالفات التي ترتكب وبواسطة عدة فئات، وكم مره شاهدت سيارة تمشي في إتجاه معاكس وبسرعة كبيرة وفي منطقة سكنية فقط لتتفادى مطب على الشارع الثاني، وكم مره شفت واحد يسوق بدون إحساس بالسيارات اللي أمامه ويجي مندفع لدرجة إنه يترك سنتيمترات بسيطة بينه وبين السيارة الأُخرى، وكم مره نشوف تجاوز من اليمين ودخول أول صف السيارات الواقف عند إشارة أو دوار، وكم مره نشوف واحد يمشي بطيء جداً ومسبب زحمة، وكم مره نحصل سيارة موقفه وسط الطريق وممكن توقف شوي على جنب وتوسع حق سيارة تمر جنبها، وكم مره نشوف سيارة واقفه في موقفين، وكم مره نشوف أفعال طائشة في الطريق، وبتنا نرى شاحنات تسير بسرعة مخيفة وباصات كروة كذلك وحوادثها الزائدة تشهد.

فلو كانت هناك ضبطية قضائية وبلاغات لأشخاص معروفين بالأمانة وبالرشد وبنظافة السواقة، ولو كان واجب كل رجل أمن حتى في أوقات خارج دوامه أن يوقف وينذر المخالف أو يعطيه المخالفة المناسبة، لكان كل ما ذكرت من المخالفات السابقة قل والتزم أغلب السائقين بالنظام.

لرجل الأمن في كثير من البلدان مهام موكل بها حتى لو تقاعد، فللقانون إحترام كبير في هذه البلاد، والآن الوضع سهل وبسهولة ممكن نشر كاميرات رقابة أمنية ومرورية في كل قطر وضبط المخالفين والمعتدين وغيرهم وحسب المخالفة يأتي العقاب.. وقد يكون الإنذار في حالات كثيرة كفاية.

[عاهد بن علي]

افكاركم جدآ جميله الله يجزاكم خير

[بن مفتاح]

والله انا معاك اخوي عاهد ..

اليوم على بحر الوكره بعض الموظفين يكون في سيارة الشركة ( باصات صغيرة ، بياكم ) او الكفيل ويدخلونها في البحر .. على سيف الوكره على الرمل حيث المياة الضحلة البسيطة .. واكيد الكل يعرف ان المياه المالحة ضارة جداً للسيارة .. لكن هذيلا يقولون ما دام الموتر انا مب خسران فيه والضرر بيتحمله غيري باسوي فيه اللي ابي ما دام محد يدري عني .. للاسف غاب عنهم الخوف من رب العالمين .. لكن لو يدرون ان الامر ممكن ان يصل الى كفلائهم كانوا فكروا الف مرة .. لأنه للاسف صار الناس يخافون من العقاب الدنيوي اكثر من عقاب يوم القيامة .. ويقولون ان الله ليردع بالسلطان ما لا يردع بالقران ..

اسمحوا لي ما قريت الردود .. تذكرت اللي شفته اليوم على البحر ..

*** رسالة لا صحاب الشركات الصغيرة خاصة .. راقبوا موظفينكم اذا كنتوا مسلمينهم سيارات العمل ..


جزاك الله خير على الموضوع ..

[SOONALL]

هاي فكره حلوه والي حاب يسويها يسويها والي مب عاجبه ? يسويها
مره صارت معاي واحد مسكر على سيارتي بس الحمدالله كان في رقم خلف سيارته طلعت سيارة شركه كلمناهم وجا السواق وحركها

[(راشـد)]

فكره جدا جميله استاذي عاهد

والاجمل ان تتعض الناس اللي مكبره الوساده ومب عارفه شيصير في بناتهم ويا لدريول

اخ يالقهر بعض الردود يقولون بنت في حضن الدريول :anger1::anger1::anger1:


والله مصيبه اشوفها

بس وين اللي يسمع وينفذ

عمك اصمخ :nice:

تقبلي مروري

[عاهد بن علي]

المشكله اكبر مما نتصور

[معماري قطري]

والله انا معاك اخوي عاهد ..

اليوم على بحر الوكره بعض الموظفين يكون في سيارة الشركة ( باصات صغيرة ، بياكم ) او الكفيل ويدخلونها في البحر .. على سيف الوكره على الرمل حيث المياة الضحلة البسيطة .. واكيد الكل يعرف ان المياه المالحة ضارة جداً للسيارة .. لكن هذيلا يقولون ما دام الموتر انا مب خسران فيه والضرر بيتحمله غيري باسوي فيه اللي ابي ما دام محد يدري عني .. للاسف غاب عنهم الخوف من رب العالمين .. لكن لو يدرون ان الامر ممكن ان يصل الى كفلائهم كانوا فكروا الف مرة .. لأنه للاسف صار الناس يخافون من العقاب الدنيوي اكثر من عقاب يوم القيامة .. ويقولون ان الله ليردع بالسلطان ما لا يردع بالقران ..

اسمحوا لي ما قريت الردود .. تذكرت اللي شفته اليوم على البحر ..

*** رسالة لا صحاب الشركات الصغيرة خاصة .. راقبوا موظفينكم اذا كنتوا مسلمينهم سيارات العمل ..


جزاك الله خير على الموضوع ..

ذكرتني يا اخوي بسالفة صارت لي

مره أمشي في شارع في منطقة سكنية ولا حد فيها الا انا مقبل على لفة إجبارية لليمين ووراي سيارة سوزوكي الفان الصغير .. اللي توايره صغار وايد وجاي مسرع وراي ولف قبل اللفة نزل حصى وجا أمامي وكمل طريقه .. تبعته لين وصل لسكن خاص به ووقفت وناديته وجا خايف وتأسف لي يوم كلمته والسيارة كانت لشركة .. وقلت له اني أقدر أبلغ الشرطة عنك .. وصدقوني عن تجربة لو بلغت الشرطة بيبلغون شركته أو كفيله وبيطلبونه وبياخذون أقواله وبيتخالف حسب المخالفة اللي سواها .. وإحتمال يتحول محاكمة.

والشرطة والضباط ما يفرقون بين حد في هذي البلاغات حتى الأجنبي من حقه يبلغ، فلو كل شخص شاف خطأ بلغ عنه ووقف ضده لازم الكل بيلتزم، ويكفي روحته للمركز بعد ما يطلبونه ويقولون انت مسوي كذا وكذا وينذرونه ويوقعونه على تعهد.

[عاهد بن علي]

ياليت تزودونا بوقائع اكثر لو تكرمتوا
اشكركم

[حسن]

ودك تتصل على بعض الكفلا وتقوله سواقك غبي

[penguin]

ترى صارت مع وحده من صديقاتي بس الفرق ان مع الخدامه مب الدريول

شافت خدامه تضرب وتسحب في اليهال راحت حق الخدامه واسالتها وين المدام على اساس انها تعرفها المهم شوي الا المدام يايه راحت لها وقالت لها ترى خدامتج اتطق في اليهال وتسحبهم ردت عليها بكل برود وانتي شيخصج :rolleyes2: هي اتعرف شلون اتعامل مع عيالي :rolleyes2:

:omg:
الخدامة ماتمد يدها علي اليهال الا اذا عارفه ان امهم ماتبيهم قاطتهم :rolleyes2:

[عاهد بن علي]

ياليت الامر يقتصر على الغباء ، المشكله خطيره جدآ جدآ جدآ

[حسن]

ياليت الامر يقتصر على الغباء ، المشكله خطيره جدآ جدآ جدآ

ادري والكل يدري بس احيانا الحقيقه موجعه
والناس ماتبي تدري لانها مستفيده قط عليه 800 وفر الاف

[عاهد بن علي]

اقسم بالله ان المسأله تخص الشرف
ارجوكم انتبهوا لفلذات اكبادكم
هذه حقيقه وليست مهاترات

[حسن]

اقسم بالله ان المسأله تخص الشرف
ارجوكم انتبهوا لفلذات اكبادكم
هذه حقيقه وليست مهاترات

والله لوقسمت ولا ضربت ولاطرحت وجمعت
ابن عمك اصمخ

[يراعٌ فراتي]

ذاك اليوم رايح صوب الشمال الساعة 1 تالي الليل

باص 24 راكب فيه تقريبا عشر اشخاص ومتسابق له مع عراوي

170 وما لحقته لين عميته بالليتات

المهم خاف وقعد يتبسم شكله بنغالي او هندي

يعني هاي لو ينقلب شذنب هالمساكين اللي راقدين فالباص


ولو في رقم كنت اتصلت فيه فورا لانه استهتار

[الصغيره]

:omg:
الخدامة ماتمد يدها علي اليهال الا اذا عارفه ان امهم ماتبيهم قاطتهم :rolleyes2:

والله انج صادقه

كم مره صادفتني نفس المشكله ومره طالعتني من فوق لتحت وخذت الطفل وراحت

امهات اخر زمن استغفر الله

[ولد شرق]

والله ياخوي فكرتك حلوه وفيها حرص ضد الاستهتار اللي انشوفه من بعض السواقين
وفي نفس الوقت فيها حرص وغيره على اللي موجود في السياره

اشكرك اخوي عاهد...

[بومحمد المطاوعه]

حسبي الله ونعم الوكيل

بعض الهنود يبيلهم تأديب

تحشمه مافي فايده

يكبر راسهم والله

الله المستعان

[حلم الطفولة]

فكرتك ممتازة .. الذي جعلني اؤيد هذه الفكره :nice: ماذكرته جارتي لي..

السالفة

تقول جارتي جاءني اتصال غريب من امرأة تذكر فيه اوصاف سيارتهم ورقمها والمدرسة التي يذهب اليها السائق مع الخادمة لاصطحاب الولد اليها..جارتي تسأل المرأة كيف عرفتي رقم البيت :telephone:؟ قالت المرأةالغريبه.. اخذته من المرور لانني لم استطيع السكوت على الافعال الفاضحه التى يقوم بها الخادمة والسائق وهم ينتظرون الطفل في نهاية الدوام .. مستغلين وجود المخفي على نوافذ السيارة
حسبي الله عليهم.. :anger1: الله يجزاها خير هذه المرأه ويكثر من امثالها

[عاهد بن علي]

لو كان عندي سائق ( لبادرت بوضع الرقم ) لكن ولله الحمد ما عندي سائق

[بومحمد المطاوعه]

لو كان عندي سائق ( لبادرت بوضع الرقم ) لكن ولله الحمد ما عندي سائق

ممنوع ياخوي عاهد

وبعدين بتصير مشاكل وبتشوف ارقام كشخه على المواتر

الكل بيحط رقمه حتى الشباب

ماانصح في هالشي

عندك شي مع الادريول وقفه واطلب رقم الكفيل او 999

[عاهد بن علي]

ممكن وضح حلول

[برشلوني قطر]

فكرتك ممتازة .. الذي جعلني اؤيد هذه الفكره :nice: ماذكرته جارتي لي..

السالفة

تقول جارتي جاءني اتصال غريب من امرأة تذكر فيه اوصاف سيارتهم ورقمها والمدرسة التي يذهب اليها السائق مع الخادمة لاصطحاب الولد اليها..جارتي تسأل المرأة كيف عرفتي رقم البيت :telephone:؟ قالت المرأةالغريبه.. اخذته من المرور لانني لم استطيع السكوت على الافعال الفاضحه التى يقوم بها الخادمة والسائق وهم ينتظرون الطفل في نهاية الدوام .. مستغلين وجود المخفي على نوافذ السيارة
حسبي الله عليهم.. :anger1: الله يجزاها خير هذه المرأه ويكثر من امثالها


كفو عليها والله..وجزاها الله خير..

بس اكيد واسطتها قويه طلعة الرقم من المرور:rolleyes2:

[عاهد بن علي]

والي ما عنده واسطه شلون يطلع الرقم ويبلغ الكفيل عن تجاوزات السائق الادبيه والاخلاقيه والمروريه ؟؟؟؟؟؟

[بومحمد المطاوعه]

كفو عليها والله..وجزاها الله خير..

بس اكيد واسطتها قويه طلعة الرقم من المرور:rolleyes2:

بس تأكدو هالشي غير قانوني

يعني فيها معاقبه للشخص الي طلع بيانات الشخص المتسبب

[درع الوطن]

فكره حلوه ... وقابلة للتطبيق ... ولكن ...

راح يتم إستغلال الموقف على عدة أوجه .. منها ماذكره بعض الأخوه في مداخلاتهم ..

بس أنا صارلي أكثر من موقف مع السائقين ...
وأذكر وقفت سائق كان مسرع ويتجاوز من اليمين ومعه أطفال .. وطلبت منه رقم الكفيل
وعطاني الرقم بكل برود .. وكلمت الكفيل وقلته اللي صار .. وكان رد الكفيل صدمة بالنسبة لي ..
قال معليش .. السايق متأخر على البنات في المدرسة .. علشان هالشكل كان مستعجل .. بس إذا رجع باسنعه ... :anger1:

الخوف لاصار شي قبل لايرجع ...:eek5:

على العموم نفس كروه .. أتصل أشتكي من سواقين كروه المتهورين .. ولا من مجيب :anger1:

والله يعطيك العافيه على الفكره الحلوه

[عاهد بن علي]

فكره حلوه ... وقابلة للتطبيق ... ولكن ...

راح يتم إستغلال الموقف على عدة أوجه .. منها ماذكره بعض الأخوه في مداخلاتهم ..

بس أنا صارلي أكثر من موقف مع السائقين ...
وأذكر وقفت سائق كان مسرع ويتجاوز من اليمين ومعه أطفال .. وطلبت منه رقم الكفيل
وعطاني الرقم بكل برود .. وكلمت الكفيل وقلته اللي صار .. وكان رد الكفيل صدمة بالنسبة لي ..
قال معليش .. السايق متأخر على البنات في المدرسة .. علشان هالشكل كان مستعجل .. بس إذا رجع باسنعه ... :anger1:

الخوف لاصار شي قبل لايرجع ...:eek5:

على العموم نفس كروه .. أتصل أشتكي من سواقين كروه المتهورين .. ولا من مجيب :anger1:

والله يعطيك العافيه على الفكره الحلوه

الله يجزاك خير استاذي القدير