هام لاصحاب الهدرزات عاجل جدا جدا

[حسن]

السلام عليكم ورحمه الله وبركاته

نصيحه الى الاخوان الى اولياء الامور المسؤلين ينكم

في الاونه الاخيره كثرت حرايق السيارات بسبب الهدرزات اللي يركبونها الشباب
للاسف بعض الشباب يقوم بتركيب هدرزات على سيارته وبدون مواصفات السلامه مصنعه اي كلام ولا يوجد عليها عوازل خاصه
مما تسببت باحتراق ببعض السيارات

ياجماعه وشلكم بالهدرزات وصرف فلوسكم على شي ما منه فايده سيارات اقيامها بالمئات الالف تروح في لحظه
ياراعي الهدرز وش استفدت منه غير تعريض نفسك وغيرك الى تهلكه

اتمني من اخواني الاعضاء توجه نصيحه لا هؤلاء الشباب اللي هم ثروه الوطن

الله يحفظ شبابنا وشباب المسلمين والله يهدينا وياهم

[عاهد بن علي]

كلامك في مكانه استاذ حسن ، جعله في ميزان حسناتك

[خليفـة]

جزاك الله خير على النصيحة يا بوعلي

الهدرز ما منه خير وانا اخوك
صوت مزعج للناس
ويعطيك الرغبة في السرعة عشان تسمع حسه
وبالتالي تكون النتيجة حادث شنيع لا قدر الله

انصح اخواني الشباب المهتمين بالهدرزات ان يكبرون عقولهم
ويرفعوا من مستواهم .. ويتركون عنهم هالخرابيط
الي ما منها الا الأذيه للنفس والمال

خليفـــة

[الخليل للاعمار]

جزاك الله خير

[العريق]

جزاك الله خير اخوي
بس وين اللي يسمع النصيحة
الله يهديهم و يحفضهم

[عاهد بن علي]

المراهق لا يسمع النصيحه ( فلا بد من تدخل الاهل والداخليه )

[حسن]

اشكركم جميعا لكن حوادث الهدرزات قامت تكثر

[راس مشعاب]

الهدرز الاصلي تركيب السويدي يريح المكينة بشرط توفير كاتم للصوت

[بوعلي2]

الله يرحم زمان بوعكفه

[alsoq]

ما اضيف للسياره فهو خطاء وله اسباب قد تؤدي بحوادث
السياره تصنع بواصفات غير قابله للزياده لا سويدي ولا هندي الهدرز خطر
الاجانب يضعونه في سيارات مخصص للحلبات مو شبابنا يحطه بسيارته الخاصه

[راس مشعاب]

ما اضيف للسياره فهو خطاء وله اسباب قد تؤدي بحوادث
السياره تصنع بواصفات غير قابله للزياده لا سويدي ولا هندي الهدرز خطر
الاجانب يضعونه في سيارات مخصص للحلبات مو شبابنا يحطه بسيارته الخاصه

ومن قال لك انه اضافة للموتر يابو العريف !!
اللي تقصدونه خطر عالسيارات هو الغاز مب الهدرز
على فكرة بموتري هدرز مال السويدي وعليه كاتم توين تيربو وهاي المرة الرابعة اللي يمر بنجاح من الفحص الفني ولا حد يقول ممنوع او انه خطر !!

[الدوحي7]

عسى ماشر ، الهدرزات موجوده من شركات عالميه ومب كلام ينقال فقط،، شكلك ماتدري عن التطور ،،

[Rosso]

شركات التزويد تدفع ملايين على ابحاث الهدرز والتيربو لضمان سلامتها وكفاءتها يعني السالفه مب اي كلام
الي يخرب السياره لما يركبلك هدرز اي كلام ماتدري من وين جايبه:omen2:

[shadad]

الهيدرز انا افضله للاسبوت بشكل خاص لانه يريح المكينة وينزل درجة حرارتها + اخف . المشكله في الناس اللي تركب هيدرز على مواتر عاديه والمشكله الاكبر انها هيدرزات مو من شركات معروفه غالبا.

[شبح الصمت]

ي لبى صوته عقب امبير الـ 3

وفلتر KNN

يطربني يالربع ماقدر انقد عليه صرآحه وعلى الفيسكار تقول جمس

:shy:

[حسن]

الهدرز الاصلي تركيب السويدي يريح المكينة بشرط توفير كاتم للصوت

ياخوك لا اصلي ولا تقليد كلها مصيبه على الموتر وراعيه
يامرحبا براس مشعاب

[اللوز]

مع احترامي لصاحب الموضوع
أرى بأن هناك لبس في الهدرز والغاز
الهدرز كما قال احد الاعضاء يريح المكينة
ولكن بعض الشباب لا يقومون بعزل الصوت مما يسبب ازعاج للناس

[حسن]

مع احترامي لصاحب الموضوع
أرى بأن هناك لبس في الهدرز والغاز
الهدرز كما قال احد الاعضاء يريح المكينة
ولكن بعض الشباب لا يقومون بعزل الصوت مما يسبب ازعاج للناس

اي بس ياللوز شدراك يرح المكينه جالس في بطنها
وانا جدام عيني الموتر ولع حق واحد من ربعي يعني مهب من سمعت وبعدين الدليل واضح هذا انت تشوف الحرايق السيارات مثال واضح وقبل شهر واحد اعرفه موتره ولع في النعيريه يعني واقع
وبعدين موتر بذيك القيمه وسرعته ماعليها كلام وشله فلوس زايده تبرع ابها لسوريا ابرك

[اللوز]

اي بس ياللوز شدراك يرح المكينه جالس في بطنها
وانا جدام عيني الموتر ولع حق واحد من ربعي يعني مهب من سمعت وبعدين الدليل واضح هذا انت تشوف الحرايق السيارات مثال واضح وقبل شهر واحد اعرفه موتره ولع في النعيريه يعني واقع
وبعدين موتر بذيك القيمه وسرعته ماعليها كلام وشله فلوس زايده تبرع ابها لسوريا ابرك

الكلام اخوي مش من عندي
اسئل بنفسك مهندسي ميكانيك السيارات
بيفيدونك

[Dark_QTR]

اي بس ياللوز شدراك يرح المكينه جالس في بطنها
وانا جدام عيني الموتر ولع حق واحد من ربعي يعني مهب من سمعت وبعدين الدليل واضح هذا انت تشوف الحرايق السيارات مثال واضح وقبل شهر واحد اعرفه موتره ولع في النعيريه يعني واقع
وبعدين موتر بذيك القيمه وسرعته ماعليها كلام وشله فلوس زايده تبرع ابها لسوريا ابرك


نفس ما تعرف يا أخوي، فكل سيارة فيها هدرز ستوك"في حالة الوكالة".. ووظيفته هو التحكم
في كمية الهواء الخارج من المكينة الناتج من عملية الإحتراق وهو عباره عن هواء حار مضغوط.. أغلب شركات التصنيع يتحكمون في حجم أنبوب الهواء المضغوط "الهدرز"
ففي حالة الوكالة، شركات التصنيع يضعون معايير مخصصة في حجم الأنبوب لتجنب استهلاك الوقود و الضوضاء و العمل بكفاءه دون حدوث تلف ببقية أجزاء مخارج الهواء (الدبة الوسطية، دبة البيئة الخ..)في هذه الحالة، كمية الهواء الخراج من المكينة لا يستغل بأكمله بل تضل هناك طاقه كامنه من الممكن إستغلالها.

والحين نوصل للنطقة(فائدة الهدرز)
يوم انت تجي وتوسع حجم الأنبوب(تركب أنبوب أكبر"تركب هدرز") راح يصير في انسيابية أكثر في خروج الهواء وراح تصير المكينة(مرتاحه) نفس ما يقولون الشباب، وضغط الهواء راح يقل داخل جهد المكينة و بالتالي نجد إنخفاض في درجة الحرار المكينة ككل(ميزة إيجابية)+زيادة أستهلاك البترول..
ونتيجة على ذلك نجد تحسن في آداء المحرك نتيجة إعطاء المحرك حقه الكامل في إخراج الهواء المضغوط ويترتب عليه زيادة في زيادة في عزم الأحصنة=عزم الدوران(التورك)

أما عن الضوضاء.. فالهدرز قد يتسبب في ضوضاء خفيفة.. ولكن من يتحكم في الضوضاء؟؟

من يتحكم في الضوضاء.. (الدبة) وهي الخطوة القبل الأخيرة لمعالجة ضغط الهواء الناجم
توجد أنواع مختلفة منها : الكاتم،المزعج، الإلكتروني(يجمع بين الإثنين)
ممكن تشوف مثال حول الدبة الإلكترونية عشان تعرف كيف إن الدبه هي المتسببة في الضوضاء

http://youtu.be/giKQPlDOzXs


وأخيراً بخصوص نقطة الإحتراق.. فالحالة الوحيدة للإحتراق هو عدم وجود"هدرز" مرفق بإنتيك المكينة.. وهي حالة شاذة جداً لأن الهدرز يثبت ببراغي فولاذية ويفصل بينهما وبين انتيك المكينة (قازقيت) لمنع التسرب .. فحتى لو كان في إهمال من التركب وحصل تسريب أو عيوب فنية في الهدرز نفسه فإنه لا يتسبب في الإحتراق... سيارات الحلبات (Drag race cars) تحتوي على أنابيب طويلة مربوطه بهد المكينة وتطل على الهواء الخارجي مباشرة دون المرور (بدبه) أو أي جزء من أجزاء العادم.. ولا ينجم عن ذلك احتراق!

[الجوكر90]

السلام عليكم
انا مب ضد الهدرز بس ضد الاستخدام
يعني لو شريت لي فكسار او لكزس ٢٠٠٧ وتحت عادي بركب هدرز بس ماتفرق معاي لو ركبت او ماركبت فكل الحالتين ماراح ادعس اعرف اضبط نفسي واتحكم فسرعتي
مب مثل المستهترين الي ٢٤ ساعه مداعس بس عشان مستطرب واخر شي يدعم
يبه خل الطربه تنفعك
وبالتوفيق

[R.S.C]

اشهد ان الهدرز طربه

[بوخالد911]

ضد هالشغلة الصبيانية

[عليه العوض]

شنهو الهدرز ما الغرض من تركيبه بالسياره

[معماري قطري]

يعني لو ركبت هدرز للكورلا 1995 مالتي بتستوي تروح على البورش 911 تيربو؟ ولا أقل شيء تلحقها؟

[حسن]

ضد هالشغلة الصبيانية

مشكله انهم شباب صغار ومهب ماستفيدين منه بشي
غير تقليد مجانين الغرب

[اللوز]

نفس ما تعرف يا أخوي، فكل سيارة فيها هدرز ستوك"في حالة الوكالة".. ووظيفته هو التحكم
في كمية الهواء الخارج من المكينة الناتج من عملية الإحتراق وهو عباره عن هواء حار مضغوط.. أغلب شركات التصنيع يتحكمون في حجم أنبوب الهواء المضغوط "الهدرز"
ففي حالة الوكالة، شركات التصنيع يضعون معايير مخصصة في حجم الأنبوب لتجنب استهلاك الوقود و الضوضاء و العمل بكفاءه دون حدوث تلف ببقية أجزاء مخارج الهواء (الدبة الوسطية، دبة البيئة الخ..)في هذه الحالة، كمية الهواء الخراج من المكينة لا يستغل بأكمله بل تضل هناك طاقه كامنه من الممكن إستغلالها.

والحين نوصل للنطقة(فائدة الهدرز)
يوم انت تجي وتوسع حجم الأنبوب(تركب أنبوب أكبر"تركب هدرز") راح يصير في انسيابية أكثر في خروج الهواء وراح تصير المكينة(مرتاحه) نفس ما يقولون الشباب، وضغط الهواء راح يقل داخل جهد المكينة و بالتالي نجد إنخفاض في درجة الحرار المكينة ككل(ميزة إيجابية)+زيادة أستهلاك البترول..
ونتيجة على ذلك نجد تحسن في آداء المحرك نتيجة إعطاء المحرك حقه الكامل في إخراج الهواء المضغوط ويترتب عليه زيادة في زيادة في عزم الأحصنة=عزم الدوران(التورك)

أما عن الضوضاء.. فالهدرز قد يتسبب في ضوضاء خفيفة.. ولكن من يتحكم في الضوضاء؟؟

من يتحكم في الضوضاء.. (الدبة) وهي الخطوة القبل الأخيرة لمعالجة ضغط الهواء الناجم
توجد أنواع مختلفة منها : الكاتم،المزعج، الإلكتروني(يجمع بين الإثنين)
ممكن تشوف مثال حول الدبة الإلكترونية عشان تعرف كيف إن الدبه هي المتسببة في الضوضاء

http://youtu.be/giKQPlDOzXs


وأخيراً بخصوص نقطة الإحتراق.. فالحالة الوحيدة للإحتراق هو عدم وجود"هدرز" مرفق بإنتيك المكينة.. وهي حالة شاذة جداً لأن الهدرز يثبت ببراغي فولاذية ويفصل بينهما وبين انتيك المكينة (قازقيت) لمنع التسرب .. فحتى لو كان في إهمال من التركب وحصل تسريب أو عيوب فنية في الهدرز نفسه فإنه لا يتسبب في الإحتراق... سيارات الحلبات (Drag race cars) تحتوي على أنابيب طويلة مربوطه بهد المكينة وتطل على الهواء الخارجي مباشرة دون المرور (بدبه) أو أي جزء من أجزاء العادم.. ولا ينجم عن ذلك احتراق!

كفو 100 %
:victory::victory::victory::victory::victory: