جامعة قطر بنات مفاجاة

[الصغيره]

انقطعت من ا لدراسه بالجامعه سنين وقلت ارد اكمل لعل وعسى احسن من درجتي الوظيفيه

بعد ما تقطعت بي السبل انني انتسب حيث انني موظفه

والانتساب افضل لي لكن وش اسوي قلت اخذ ساعات قليله واكمل دراستي

كل هذا مايهم

اللي يهم اني لما دخلت الجامعه انبهرت بالتقدم اللي بالمباني والتقسيم وان قسم التربيه حذف او الغي موقت

الممرات الشوارع هذا بس بقسم القبول وحوله

المهم

الموظفات قله القطريات الا يكادن القطريات يختفن الا قليل بقسم التسجيل والقبول

رحت مركز التاسيسي اللي يقدم به التوفل ونحوه

ماشفت قطريه موظفه :eek5:

عربيات اجنبيات اجانب وفوق هذا هنديه كبيره بالسن تعدت السن القانوني للتقاعد ومازالت تعمل


الحين اختي بعمرفوق الاربعين وتدور شغل لها سنين بعد ما طلعت من شغلها ولها سنين تبحث مالقت وظيفه هذولا موظيفين


وين التقطير وهل التقطير فعلا صار مثل ما يراد له او هو فقط حبر وقلم

ياليت يبحثون عن المتعلمين واللي مالقوا فرص عمل ويوظفونهم والله ابرك وعلى الاقل مايصير عاله على الدوله ولا يطالب بمال ولا معاش


ولا على الاقل يبحثون لهم عن رواتب وهم ببيتوتهم حرام وين يصرفون وهم تعدوا الاربعين خاصه اللي ما تزوجت او اللي متزوجه وحال زوجها ضعيف


:(


الله كريم

[البحار00]

قطر لغير القطري

فما بالج بصرح يشيل اسم قطر

[الصغيره]

قطر لغير القطري

فما بالج بصرح يشيل اسم قطر

انا مااقطع رزقهم لكن اسال نفسي ليه القطريين مش قد المسؤوليه مثلا

الصراحه مدري وين اللي مايشتغلون وين يروحون والا من حتى يتم توظيفهم حسسب قدراتهم



اللي مكذبني يروح يشوف والله حسيت انا مش قدر المسوليه والا كيف كل هالمقيمين بهذه الوظايف

متكلم عن المدرسين لا اتكلم عن الموظفين

وفوق هذا البعض كبير بالسن


الصراحه قهر :(

[khalid525]

شكلك رحتي عقب الساعة ١٢ اكيد بتحصلين معظم القطريين مزرقين

[قطري كاشخ]

انا مع تقطير الوظائف لاكن يجب الاستفادة من الخبرات الاكفاء

[المليونير الفقير]

عين عذاري انا الي قاهرني على عددنا القليل وللحين في قطرين مايشتغلون وكل يوم يشتكون في وطني الحبيب

[طبيب قطري]

مثل ماقلتي التقطير حبر علي ورق ..

[GENIUS]

شكلك دخلتي جامعة قهر . والظاهر الجماعة مترجمين الكلمة بالغلط وهي تقطير . وشكلهم افهموها بمعناها الكيميائي يعني قطرة قطرة وهذا اللي يطبقونه في هذه الخطة قطرة قطرة للتقطير .

[إينشتاين]

شكلك رحتي عقب الساعة 12 اكيد بتحصلين معظم القطريين مزرقين

يمكن في مكان شغلك الموظفين يزرقون لكن في شغلنا وفي والاماكن الخدمية الي نراجع فيها نشوف القطريين يداومون وملتزمين ومايخلص معاملاتنا الا هم.

[قطر 2012]

شكلك رحتي عقب الساعة ١٢ اكيد بتحصلين معظم القطريين مزرقين

عفواً الموظفون القطريون بالجامعة و أعضاء هيئة التدريس القطري بالجامعة ما يزرقون ، و قايمين بواجبهم بما يرضي الله، حسبي الله و نعم الوكيل على من ينشر مثل هذه الإشاعات و يسوق لها ، :anger1::(
سؤال هل الأخ قطري ؟؟!!! :rolleyes2::omg::eek5:

[دااانة قطر]

أكيد غلطانه أختي
كنت عندهم شهر ٦و٧ عشان أعادة القيد والحين سجلت فـ♡ـي المجتمع
اغلب الموظفات فطريات إلا جان النقاب او العبايه تخش الأصل الّلَھّ* اعلم عندنا فـ♡ـي مؤسسة حمد مايعرف الوحدة أنها مب قطريه إلا مع العشره أو اسم العيلة لان المقيمات يتكلمون بلهجتنا


واللي تقول يزرقون مؤ گـِْ♡̨̐ـِْلِْ قطريه تزرق وهذا يعتمد على مسؤؤل قسمها إذا عنده تسيب فالغلط منه هو والحمد لله فـ♡ـي ناس تخاف الّلَھّ* وتعرف تستأذن للحالات الطارئة أو حتى يمكن الواحد يطلع يأخذ عياله من المدارس

[basma222]

التسجيل والقبول فيه قطريات والاجانب اللى شفتيهم متطوعات طالبات يدرسون في الجامعه


وبعضهم يشتغلون وقت فراغهم بملبغ قليل


حتى التاسيسي فيه قطريات

[المرحب]

يمكن في مكان شغلك الموظفين يزرقون لكن في شغلنا وفي والاماكن الخدمية الي نراجع فيها نشوف القطريين يداومون وملتزمين ومايخلص معاملاتنا الا هم.



:nice: :nice:

[المرحب]

عفواً الموظفون القطريون بالجامعة و أعضاء هيئة التدريس القطري بالجامعة ما يزرقون ، و قايمين بواجبهم بما يرضي الله، حسبي الله و نعم الوكيل على من ينشر مثل هذه الإشاعات و يسوق لها ، :anger1::(
سؤال هل الأخ قطري ؟؟!!! :rolleyes2::omg::eek5:


:nice:

[بيتي بوب 23]

قسم التاسيسي بحاجه ماسه لقطريين يتكلمون الانجليزيه
المشكله القطريين واجد بس اللغه عندهم مش ولا بد عشان كذا انتي استغربتي من انعدامهم بقسم التاسيسي بعدين الهنديه تراها كفؤ والا ما خلوها عشان سواد عيونها

من قلب الحدث اتكلم

[خزامئ]

مهوب صحيح حن رايحن الصبح مبنا التسيسي
ولا فيه كون 3 قطريات والباقي هنود والدول عربيه معروفه انهم في كل مكان وكل داعوس

[حبر وقرطاس]

مثل ماقلتي التقطير حبر علي ورق ..

لبيه يا منادي من ورى الوادي لبيــــــــه

حد ناداني ؟:eek5:

[عليه العوض]

المشكله الحسد الخير عند الله كثير ويرزق من يشاء ويقدر لكن النفوس الضعيفه هي المشكله
والقطري له الاولويه في الوظيفه وبعده العربي ابن البلد وللكفاءه حاجه العمل

[فلتة زمانها]

حبوبه الموظفات اللي شفتيهم اغلبهم طالبات من الجامعة موظفينهم في التسجيل والتاسيسي ويعطونهم رواتب تتراوح بين 3 الى 5 الاف ريال حسب
الساعات اللي يشتغلونها ومعظم الي مسجلين مب قطريات عشان يوفرون
مصاريف الجامعة اما الموظفات القطريات متواجدين في الادارة العليا للجامعة
وادارة التسجيل والتاسيسي

[penguin]

الاجانب لوعندهم خبرة مليار سنه مايقدرون يوصلون حق مواصفات القطري

[alsoq]

انا مااقطع رزقهم لكن اسال نفسي ليه القطريين مش قد المسؤوليه مثلا

الصراحه مدري وين اللي مايشتغلون وين يروحون والا من حتى يتم توظيفهم حسسب قدراتهم



اللي مكذبني يروح يشوف والله حسيت انا مش قدر المسوليه والا كيف كل هالمقيمين بهذه الوظايف

متكلم عن المدرسين لا اتكلم عن الموظفين

وفوق هذا البعض كبير بالسن


الصراحه قهر :(

صار القطريه تدور وظيفه قطع ارزاق بناتنا اولى تنشال اجنبيه ويحطون قطريه

[اداري]

لان ببساطة رؤساء الاقسام الاجانب ما يعينون القطريين

ولان الجامعة تشجع الاجانب يدرسون الماجستير في قطر وتدفع لهم فلوس وتشغلهم

لكن قطري يدرس ماجستير في قطر وهو يشتغل في الجامعة ممنوع

[Cooki]

فعلا انا عندي شغله اخلصها بالجامعه ..
والقسم اللي انا اتابع عندهم فيه تقريبا 11 موظفة من جنسيات متعددة و وحده قطريه فقط ...
و قس على ذلك باقي الاقسااام .. في قطريين بس ينعدون على اصابع اليد الواحده ...
بس اللي الملحوظ هالايااام انهم ارجعوا يوظفون القطريين ..
وان شاء الله خير ..

[الصغيره]

شكلك رحتي عقب الساعة ١٢ اكيد بتحصلين معظم القطريين مزرقين

رحت فترات صباحيه وفترات 11 ونص

والقطري والقطريه كفوء وقدها:)

[الصغيره]

انا مع تقطير الوظائف لاكن يجب الاستفادة من الخبرات الاكفاء

اكيد الخبرات مطلوبه

لكن تتلفت وما تشوف الا خبرااااات بخبراااات ومكاتب وسكرتاريه بعد مش قطريين نقول زين بنصبر عشر سنين نستفيد من هالخبرات وبنشوف بعدها

لكن والله البعض منهم تحس 70 سنه خبره خبره بس يكون سكرتاريه مشكله :secret:

[الصغيره]

عين عذاري انا الي قاهرني على عددنا القليل وللحين في قطرين مايشتغلون وكل يوم يشتكون في وطني الحبيب

مدري احس لازم يكون به هيئة تشغيليه للقطريين يكون من عملها بحث عمل لكل قطري وقطريه حتى لو تعدى عمره 60 سنه وهو بحاجة شغل ومادام ماله راتب او شؤون اجتماعيه

يعني وين يروح اللي مثل هالحاله او اقل عمرا او منتصف العمر يعني افكر وين يروح

؟؟
ترى ظروف البعض ماحد يعرف خصايصها وما يجوز نتكلم ونقول هذولا مش قد الشغل وهذولا وهذولا ترى التاهيل لهم مطلوب

والله الشخص لما ياهل ويلقى وظيفه ب 15 الف ترى نعمه وما يصبح عاله على المجتمع

لازم بكل وزاره او اداره او مؤسسة تكون اداره بحث وظايف وتقطير للقطريين هذا من رايي

والا وين يروحون يعني يروحون الشؤون الاجتماعيه طيب الشؤون الاجتماعيه لاهم ارامل ولا ايتام ولا عجزه ناس كاملين وقادرين


احس الموضوع يبي له فعلا دراسه والتقطير ياخذ خطوه بصالح المواطنين

[الصغيره]

مثل ماقلتي التقطير حبر علي ورق ..

اي والله وين ومصل التقطير عندنا ؟

هل فيه نشرات دوريه للتقطير بقطر او موقع نطلع عليه او مشاركات من الموسسات او الوزارات تنشر لنا فيه وين وصل التقطير عندهم

انا اشوف بالعكس القطريين مازالوا غير مؤهلين اللي يوظفين الاغلبيه بالثانويه وان توظف ماكمل دراسته وخاصه ان كانت مراه بتقعد خلف الوظيفه وبالثانويه لا انتساب ولا اكمال للدراسه

حتى نبي اي وزاره تشجع موظفاتها وتعطي كم وحده تفرغ تكمل دراسه ما قد ششششفت

الا اذا حد غيري شاف مدري


الله كريم

[الصغيره]

شكلك دخلتي جامعة قهر . والظاهر الجماعة مترجمين الكلمة بالغلط وهي تقطير . وشكلهم افهموها بمعناها الكيميائي يعني قطرة قطرة وهذا اللي يطبقونه في هذه الخطة قطرة قطرة للتقطير .

:)

نتامل خير

الله كريم

[الصغيره]

يمكن في مكان شغلك الموظفين يزرقون لكن في شغلنا وفي والاماكن الخدمية الي نراجع فيها نشوف القطريين يداومون وملتزمين ومايخلص معاملاتنا الا هم.

:nice:

صح لسانك

[الصغيره]

عفواً الموظفون القطريون بالجامعة و أعضاء هيئة التدريس القطري بالجامعة ما يزرقون ، و قايمين بواجبهم بما يرضي الله، حسبي الله و نعم الوكيل على من ينشر مثل هذه الإشاعات و يسوق لها ، :anger1::(
سؤال هل الأخ قطري ؟؟!!! :rolleyes2::omg::eek5:


فيهم الخير والبركه وكلمة مزرق ما يقولها الا قطري للاسف وكلن يشوف بعين طبعه

والله شفت بالتسجيل والقبول والنعم فيهن بنات قطريات كفوء ومبتسمات ومتعاونات وما جاء منهم الا كل خير

ان اتكلم عن المبنى التاسيسي اللي يقدم به التوفل واختبارات الاخرى لتحديد مستوى اللغه الانجليزيه


توني على اعتاب الدراسه وبشوف الجامعه وبكتشفها ويمكن انقل للشغل فيها بالمستقبل لان المكان فعلا روعه

لكن نقول بالمستقبل افكر لما اصبح جامعيه :)


الله كريم

[الصغيره]

قسم التاسيسي بحاجه ماسه لقطريين يتكلمون الانجليزيه
المشكله القطريين واجد بس اللغه عندهم مش ولا بد عشان كذا انتي استغربتي من انعدامهم بقسم التاسيسي بعدين الهنديه تراها كفؤ والا ما خلوها عشان سواد عيونها

من قلب الحدث اتكلم

ناخذ من هالقطريين 40 وناسسهم ونعدهم بدورت داخليه وخارجيه ويكونون احسن منهم مافيه وعلى بركة الله نوظفهم بين هالاجانب ست شهور وبعدها يكون التقطير بالتدريج

والا كذا بيظل الحال مثل ما هو


والنعم بالهدنيه وكفاءتها بس ما اعترضت عليها اعترضت على السن اللي يقاعد به القطري وهي ماشاء الله شكلها فوق السن التقاعدي القطري بشوي

[الصغيره]

مهوب صحيح حن رايحن الصبح مبنا التسيسي
ولا فيه كون 3 قطريات والباقي هنود والدول عربيه معروفه انهم في كل مكان وكل داعوس

3

الله يزيد ويبارك يارب

يارب نشوفهم اكثر بالسنوات الجايه

والنعم ببنات قطر

[الصغيره]

صار القطريه تدور وظيفه قطع ارزاق بناتنا اولى تنشال اجنبيه ويحطون قطريه

اي البعض يقول اني حسوده اني اقول هالكلام :)

انا مااحسد والله لكن استغرب ليه بناتنا وعيالنا ما ياهلون ليه العاطلين ما يعطون فرصه تدريبيه ثلاث شهور ست شهور مساعد بقسم ثم يعطى دوره ثم ياهل لوظيفه

يعني الهنود والفلبين غيرهم جايين مؤهلين من بلادهم وجاهزين للعمل بوظايف حيويه عندنا

طبعا لا

الا يمكن ببلادنا يلقون دورات ما يحلمون بها ببلادهم ويطورون اكثر من غيرهم

:anger1:

[الصغيره]

لان ببساطة رؤساء الاقسام الاجانب ما يعينون القطريين

ولان الجامعة تشجع الاجانب يدرسون الماجستير في قطر وتدفع لهم فلوس وتشغلهم

لكن قطري يدرس ماجستير في قطر وهو يشتغل في الجامعة ممنوع

حلى شي هذا

سبحان الله وين يروح هالقطري او القطريه يطور نفسه كيف ؟

الله يعين بس

[اداري]

ناخذ من هالقطريين 40 وناسسهم ونعدهم بدورت داخليه وخارجيه ويكونون احسن منهم مافيه وعلى بركة الله نوظفهم بين هالاجانب ست شهور وبعدها يكون التقطير بالتدريج

والا كذا بيظل الحال مثل ما هو


والنعم بالهدنيه وكفاءتها بس ما اعترضت عليها اعترضت على السن اللي يقاعد به القطري وهي ماشاء الله شكلها فوق السن التقاعدي القطري بشوي

لا تصدقين ان ما في قطريين ...

الحقيقة
ان الجامعة تدرب الموظفات الغير قطريات وترسلهم دورات لغة انجليزية
ولا نجدهم في مكانهم الاداري الخدمي وقت الدوام عند الحاجة لانهم في دورة لغة

وبعدين وين خريجات قسم اللغة الانجليزية وخريجات العلوم والهندسة اللي دراستهم باللغة الانجليزية

لماذا لا يتم تعيينهم

[الصغيره]

فعلا انا عندي شغله اخلصها بالجامعه ..
والقسم اللي انا اتابع عندهم فيه تقريبا 11 موظفة من جنسيات متعددة و وحده قطريه فقط ...
و قس على ذلك باقي الاقسااام .. في قطريين بس ينعدون على اصابع اليد الواحده ...
بس اللي الملحوظ هالايااام انهم ارجعوا يوظفون القطريين ..
وان شاء الله خير ..

نسال الله ان يوفق كل قطري وقطريه ويجعلهم اهلا للعمل بهذا الصرح الكبير


امين

[الصغيره]

أكيد غلطانه أختي
كنت عندهم شهر ٦و٧ عشان أعادة القيد والحين سجلت فـ♡ـي المجتمع
اغلب الموظفات فطريات إلا جان النقاب او العبايه تخش الأصل الّلَھّ* اعلم عندنا فـ♡ـي مؤسسة حمد مايعرف الوحدة أنها مب قطريه إلا مع العشره أو اسم العيلة لان المقيمات يتكلمون بلهجتنا


واللي تقول يزرقون مؤ گـِْ♡̨̐ـِْلِْ قطريه تزرق وهذا يعتمد على مسؤؤل قسمها إذا عنده تسيب فالغلط منه هو والحمد لله فـ♡ـي ناس تخاف الّلَھّ* وتعرف تستأذن للحالات الطارئة أو حتى يمكن الواحد يطلع يأخذ عياله من المدارس

مرحبا اختي دااانه قطر

عزيزتي يمكن انا رحت بفتره ششفت بها ما لم تشوفي ويمكن حرارة الشمس وضربتها اثرت على الرؤيه عندي وصارت ازدواجيه بالصور وربكه

اتمنى ذلك اتمنى انني غلطانه وان الرؤيا التي رايتها او الفتره التي دخلت بها كان اجازات وهم مستعينين بمن رايت

اتمنى


احييك اختي على غيرتك

والمجتمع ايش رايك بها تنصحيني ادخل بها علما بانني ام وموظفه وعندي ثانويه ونسبتي فوق السبعين ؟

ارجو مساعدتي بالنصيحه حيث كنت درست بالجامعه سنتين لكن لظروف خاصه طلعت ومازال العلم ببالي وفكري


تقديري لج

[الصغيره]

التسجيل والقبول فيه قطريات والاجانب اللى شفتيهم متطوعات طالبات يدرسون في الجامعه


وبعضهم يشتغلون وقت فراغهم بملبغ قليل


حتى التاسيسي فيه قطريات

كثر الله منهم وبارك الله فيهم

امين

[الصغيره]

لبيه يا منادي من ورى الوادي لبيــــــــه

حد ناداني ؟:eek5:

:omg:

:eek5:

:telephone:

:secret:

[الصغيره]

المشكله الحسد الخير عند الله كثير ويرزق من يشاء ويقدر لكن النفوس الضعيفه هي المشكله
والقطري له الاولويه في الوظيفه وبعده العربي ابن البلد وللكفاءه حاجه العمل

والله مش حسد لكن استغراب

يعني كم دفعة طلعت ال جامعه سواء بنات او بنين

ماحد يرغب بالعمل بالتساسيي


وش السبب هل هي اللغه زين قلنا حلول لها

دورات داخليه خارجيه مثلهم مثل المقيمين

ترى حتى المقيمين ياخذون دورات بعد وبوظايفهم يطور الموظف والا ما يكون به انتاجيه


الله يبارك فيهم وزيدهم كل خير مش حسد ياخوي لكن قهر وطبعا الحسد غير والقهر غير الحسد هو تمني زوال نعمه من انسان

والقهر هو غيض وانا صح مقهوره لما اشوف ناس تتمنى تشتغل وتلقى وظيفه وهي مش ملاقيه والسبب التاهيل

والا اللي بنعمة الله يزيهدم الرازق بالسماء مش انا ولا غيري

ربي يبارك فيك

[الصغيره]

الاجانب لوعندهم خبرة مليار سنه مايقدرون يوصلون حق مواصفات القطري

:nice:

[الصغيره]

لا تصدقين ان ما في قطريين ...

الحقيقة
ان الجامعة تدرب الموظفات الغير قطريات وترسلهم دورات لغة انجليزية
ولا نجدهم في مكانهم الاداري الخدمي وقت الدوام عند الحاجة لانهم في دورة لغة

وبعدين وين خريجات قسم اللغة الانجليزية وخريجات العلوم والهندسة اللي دراستهم باللغة الانجليزية

لماذا لا يتم تعيينهم

اسعدني ردك

[معماري قطري]

يمكن في مكان شغلك الموظفين يزرقون لكن في شغلنا وفي والاماكن الخدمية الي نراجع فيها نشوف القطريين يداومون وملتزمين ومايخلص معاملاتنا الا هم.

والله عجبني ردك يا انشتين ما يكون ضد القطري الا غير القطري.

[معماري قطري]

انا مع تقطير الوظائف لاكن يجب الاستفادة من الخبرات الاكفاء

إحنا هذي عقدتنا وكله نقول الخبرات

إذا أعمال مكتبية وكمبيوترية بسيطة ألحين اليهال يجيدونها شتتوقع من شابات أو شباب خلصوا خلنا نفترض على أسوأ تقدير الثانوية ... انا الحين عندي عيالي الله يبارك فيهم ويخليهم إذا إحتجت حق شيء في التلفون أنادي واحد منهم يسويه .. ومسئلة طباعة ورقة بنتي هي اللي تسوي كل شيء من كانت في إعدادي.

زين نروح لمن البعض يسميهم خبرات .. والله إني شفت ناس يرطنون انجليزي بالهندي ما ينفهم لهم كلش .. وأخطائهم نقعد نصلحها بالأيام علشان يطلع كتاب نظيف .. وعلى العكس شفت من الجانب الآخر قطري ما خلص الثانوية أقدر أسميه خبير كمبيوتر .. ويسوي رسومات معمارية ولا أحسن رسام معماري أو مهندس.

راح مرة سكرتير بلاده وبعده الملفات متاهة وكل شيء في مكان بس هو يعرفه، والمفروض يكون منظم كل شيء بنظام سهل الكل يعرفه .. بس هذا اسلوبهم خبيث على أساس يطلعون هم بس الفاهمين ... وتحصل كثير منهم يتدخلون ويتملقون عند المسؤولين وهذا عيب مسؤولينا اللي يعطونهم ويه .. حتى في التدريب والعمل التطوعي القطري والقطرية أثبتوا وجودهم وبقوة .

وهذا شيء غير منكر حتى في دول عريقة أولوية التوظيف لمواطني البلد ... القطري اللي ما يحصل شغل في بلاده أتحداه يحصل شغل في الأُردن أو مصر أو سوريا أيام سلمها أو دول أُوروبا أو حتى الهند أو باكستان، وانا أتكلم عن شغل حكومي أو في شركة إدارية .. إحنا حتى سفاراتنا في الخارج ما توظف الا القليل من القطريين.

وسلامتكم.

[(حوريه)]

شكلك رحتي عقب الساعة ١٢ اكيد بتحصلين معظم القطريين مزرقين

هذه حقيقه وواقع

قطر لغير القطريين

يوجد موظفين وموظفات قطريات كفاءة وملتزمين بالجامعه ولكن عدد قليل ومهدد بالتقاعد كل سنة ننتظر من سياتي عليه الدور ليطلع ويحل محلة الاشقر ابو عيون عسليه

والاجانب رؤوساء وموظفين والقطريين وجودهم مجرد زيادة عدد

لمن نشكو الحال ؟كاننا تحت الاحتلال كل من حولنا اجانب الكلمة لهم وكل العمل بيدهم

احيانا نشعر بالذل والاهانة اذا الاجنبي رئيس القسم الذي في بلادة يجلس على كرسي مكسور يتعامل معنا كاننا نحن الاجانب وهو ابن البلد ويكرم ويعطى فوق حقه

هذا الوضع سببه القطريين انفسهم من حصولوا على اعلى الشهادات من قضوا عمرهم يدرسون على حساب الدولة هم السبب في جعل الاجنبي له السلطه وله الكلمة على ابناء هذة الارض هم اللذين ليس لديهم الثقه في ابناء بلدة

اذا نحن ابناء وبنات قطر لانحب بعضنا لانفكر في بعضنا لانثق في قدرات بعضنا فكيف نشكو من وجود الاجانب المزعج ؟

الجامعه ليست المؤسسه الوحيدة التى تفضل الاجنبي على القطري معظم المؤسسات والدوائر تفضل الاجنبي وتوفر له كل شي سكن ومواصلات وتامين وتذاكر سفر يعيش الاجنبي ملك في بلادنا وهو في بلادة يتعلق في الباص ليصل الى عملة ويجلس في غرفه ضيقه معه ستين موظف ويعاني والطامة الكبرى من يعمل في بلده في وظيفه بسيطه وياتي قطر ليتوظف في منصب مدير او رئيس قسم على الاقل اختاروا اجانب كفاءة ومناسبين ولديه خبرة في الادارة .ماذا نقول ومن ماذا نشكو وعلى ماذا نسكت وعلى ,,,,,,,,,,,,لافائدة ليس لنا غير رب العالمين .هناك مثل يقول (اذا علتك جاتك من بطنك من وين بتجيك العافية)

[q6ryah]

الاخو خالد لا تعمم الفكرة اذا انت تزرق إحنا مانزرق حسبي الله ونعم الوكيل في اشكالك
أنا كنت اشتغل في بنك وقايمين القطريين بواجباتهم على اتمم وجه ويداومون لين الليل والأجانب اللي شاد الظهر فيهم يزرقون ولا يضرب كرت ويفتح السستم وهذرة وسوالف ولين جا الظهر قام يشتغل حق الأوفر تايم حسبي الله ونعم الوكيل

[q6ryah]

وبقولك ياخالد محد يخاف على قطر الا القطري
ومثل ما عزنا بومشعل يستأهل ان نرفع اسم بلادنا فوق فوق
وتبقى قطر والقطرين تاج على رؤوس الكل

[الخـود]

أعرف كذا وحدة من رفيجاتي اللي توهم متخرجات من الجامعة ،جاتهم عروض وظيفية من الجامعة لكن هم من نفسهم رفضوا ،، وطبعا قطريات ،، اختي انتي ما شفتي كل الكليات والموظفات اللي فيها ، مثلا كلية الادارة والاقتصاد فيها عدد كبير من الموظفات القطريات وانا شايفتهم هناك،،

لكن فعلا الجامعة تركز على الكفاءات أكثر،،

شكرا

[الصغيره]

هذه حقيقه وواقع

قطر لغير القطريين

يوجد موظفين وموظفات قطريات كفاءة وملتزمين بالجامعه ولكن عدد قليل ومهدد بالتقاعد كل سنة ننتظر من سياتي عليه الدور ليطلع ويحل محلة الاشقر ابو عيون عسليه

والاجانب رؤوساء وموظفين والقطريين وجودهم مجرد زيادة عدد

لمن نشكو الحال ؟كاننا تحت الاحتلال كل من حولنا اجانب الكلمة لهم وكل العمل بيدهم

احيانا نشعر بالذل والاهانة اذا الاجنبي رئيس القسم الذي في بلادة يجلس على كرسي مكسور يتعامل معنا كاننا نحن الاجانب وهو ابن البلد ويكرم ويعطى فوق حقه

هذا الوضع سببه القطريين انفسهم من حصولوا على اعلى الشهادات من قضوا عمرهم يدرسون على حساب الدولة هم السبب في جعل الاجنبي له السلطه وله الكلمة على ابناء هذة الارض هم اللذين ليس لديهم الثقه في ابناء بلدة

اذا نحن ابناء وبنات قطر لانحب بعضنا لانفكر في بعضنا لانثق في قدرات بعضنا فكيف نشكو من وجود الاجانب المزعج ؟

الجامعه ليست المؤسسه الوحيدة التى تفضل الاجنبي على القطري معظم المؤسسات والدوائر تفضل الاجنبي وتوفر له كل شي سكن ومواصلات وتامين وتذاكر سفر يعيش الاجنبي ملك في بلادنا وهو في بلادة يتعلق في الباص ليصل الى عملة ويجلس في غرفه ضيقه معه ستين موظف ويعاني والطامة الكبرى من يعمل في بلده في وظيفه بسيطه وياتي قطر ليتوظف في منصب مدير او رئيس قسم على الاقل اختاروا اجانب كفاءة ومناسبين ولديه خبرة في الادارة .ماذا نقول ومن ماذا نشكو وعلى ماذا نسكت وعلى ,,,,,,,,,,,,لافائدة ليس لنا غير رب العالمين .هناك مثل يقول (اذا علتك جاتك من بطنك من وين بتجيك العافية)

:(

الله يعين

انا استغرب متى التقطير بياخذ حقه

اخاف التقطير مفهوم غلط ويمشي العكس

حتى نشرات دوريه عن التقطير ومعنى التقطير ونسبه التقطير كل عام ما نشوف


الصراحه
وش نقول


الله كريم والنعم بالله

[الصغيره]

الاخو خالد لا تعمم الفكرة اذا انت تزرق إحنا مانزرق حسبي الله ونعم الوكيل في اشكالك
أنا كنت اشتغل في بنك وقايمين القطريين بواجباتهم على اتمم وجه ويداومون لين الليل والأجانب اللي شاد الظهر فيهم يزرقون ولا يضرب كرت ويفتح السستم وهذرة وسوالف ولين جا الظهر قام يشتغل حق الأوفر تايم حسبي الله ونعم الوكيل

لحول ولا قوه الا بالله

اسم الله عليكم فعلكم ياخوي ظاهر ما تخفيه السحايب -- شمس ساطعه من شرقها لمغربها

[الصغيره]

وبقولك ياخالد محد يخاف على قطر الا القطري
ومثل ما عزنا بومشعل يستأهل ان نرفع اسم بلادنا فوق فوق
وتبقى قطر والقطرين تاج على رؤوس الكل

:nice:

قول وفعل

حياك الله

[الصغيره]

أعرف كذا وحدة من رفيجاتي اللي توهم متخرجات من الجامعة ،جاتهم عروض وظيفية من الجامعة لكن هم من نفسهم رفضوا ،، وطبعا قطريات ،، اختي انتي ما شفتي كل الكليات والموظفات اللي فيها ، مثلا كلية الادارة والاقتصاد فيها عدد كبير من الموظفات القطريات وانا شايفتهم هناك،،

لكن فعلا الجامعة تركز على الكفاءات أكثر،،

شكرا

صح اختي انا بس دخلت القبول والتسجيل والمركز التاسيسي وكلامي كله على المركز لتاسيسي لان حتى السكرتاريه مقيمين وياأما هم كبار كبار بالسن يا صغار

والدور الثاني يشهد


اسعدني مرو رج الغاليه

[بصمة قطرية]

كلية المجتمع اضربي عليها إكس
خلاص ما عاد تنفع
شهادتها غير معترف فيها ،،

[ريتويت]

الله المستعان

[الصغيره]

كلية المجتمع اضربي عليها إكس
خلاص ما عاد تنفع
شهادتها غير معترف فيها ،،

ودي اكمل بس متلعوزه بين الدوام والعيال والدراسه

ابي اعدل من شهادتي الثانويه وم اقدر اترك الشغل

دام التعليم حق لكل مواطن ومادام التعليم حريه لكل مواطن ليه يمنعون الانتساب واذا مرفوض الانتساب ليه ما يعطونا تفرغ


يارب تفرجها