++ ابـــــــــــــــــــــــــــدع بآقتراحـــك / كـي ++

[شبح الصمت]

صبآحكم فرحة

و

مسآئكم همسه


كلن يعطيني آقتراح لجهة ، لمؤسسة ، وزارة ، إدارة .. آلخ


على أأأن يكون آقتراح متميز

لعلـى وعسى أحد يطلع عليه ويقـتنع فيه ويتطبق حتى لو مهب اهو الي مقترحه بس آهم شيء نشوفه مطبق على آرض الوآآقع ..


المنتدى منتداكم

والموضوع لكم ومنكم وفيكم

تفضلوا .....

[حسن]

صباح الخير ياخوي شبح

عندي اقتراح اتمني يتطبق بوزارات الدوله

فرض اللباس المحتشم وعدم السماح بلس الكعب
لانه لي تمشي في الممر احس انه حد قاعد يصفق وين قاعدين احنا مرقص

تحياتي

[ضوى]

اتمنى من وزارتنا اللي هي الصحة العامة ، تبني فكرة الارشفة الالكترونية وتتبع المواضيع عن طريق البريد الالكتروني بشكل اكثر فعالية خاصة مع الجهات الخارجية

[ضوى]

صباح الخير ياخوي شبح

عندي اقتراح اتمني يتطبق بوزارات الدوله

فرض اللباس المحتشم وعدم السماح بلس الكعب
لانه لي تمشي في الممر احس انه حد قاعد يصفق وين قاعدين احنا مرقص

تحياتي

اشدعوة اخوي حسن ليش تشتغل بالممر هي ، اكيد بتسمع صوت سواء كعب والا مب كعب اذا كان سيراميك او باركيه ، شخصيا مالبس كعب وارضيتنا باركيه والصوت ينسمع يعني ماله علاقة بلبس الكعب ، حتى نعل المراجعين نسمعها صج اقل حدة بس تنسمع

[شبح الصمت]

اشدعوة اخوي حسن ليش تشتغل بالممر هي ، اكيد بتسمع صوت سواء كعب والا مب كعب اذا كان سيراميك او باركيه ، شخصيا مالبس كعب وارضيتنا باركيه والصوت ينسمع يعني ماله علاقة بلبس الكعب ، حتى نعل المراجعين نسمعها صج اقل حدة بس تنسمع





آختي ضوى الله يجزاج خير اقتراح اقتراح

خلي العالم تقترح الحين بننحرف عن الموضوع :(

:shy:

[عاهد بن علي]

صباح الخير ياخوي شبح

عندي اقتراح اتمني يتطبق بوزارات الدوله

فرض اللباس المحتشم وعدم السماح بلس الكعب
لانه لي تمشي في الممر احس انه حد قاعد يصفق وين قاعدين احنا مرقص

تحياتي

انت وين دوامك لو سمحت ؟؟؟؟؟؟؟

[ريتويت]

لا اله الا الله محمدا رسول الله.. استغفر الله العظيم

[ولد المنصور]

عمل التقطير بكل الجهات الوزارية بشكل متقن

[شبح الصمت]

لا اله الا الله محمدا رسول الله.. استغفر الله العظيم





الله يجزاج خير وارحم الله والديج

:cry2:

[khaldoon]

اتمنى من ادارة العمل انها تفرض على اصحاب القطاع الخاص انهم يعطون جميع الموظفين اجازة يوم السبت اسوة بأخوتهم اللي يشتغلون بالقطاع العام لانهم ادميين مثلهم و يحتاجون يومين راحه بالاسبوع مثل كل البشر اللي تشتغل 5 ايام بالاسبوع (حتى المساكين اللي يعملون لاكثر من 5 ايام في الاسبوع بالقطاع العام مشمولين بهذا الاقتراح)

و لو كان تطبيق هالشي صعب نظرا لظروف و طبيعة العمل فيتم احتساب يوم السبت كيوم عمل اضافي على الراتب و في حالة غياب الموظف يخصهم هذا اليوم كيوم عمل اضافي

حقوق هذا الاقتراح لي مب ماخذه من احد خخخخخ

[حسن]

اشدعوة اخوي حسن ليش تشتغل بالممر هي ، اكيد بتسمع صوت سواء كعب والا مب كعب اذا كان سيراميك او باركيه ، شخصيا مالبس كعب وارضيتنا باركيه والصوت ينسمع يعني ماله علاقة بلبس الكعب ، حتى نعل المراجعين نسمعها صج اقل حدة بس تنسمع

والله ياخت ضوي وزارتي ممرات طويله والمكاتب مفتوحه كلها والله ياصوت الكعب في الهدوء

ماتقولين الى مروان الشقب يتمشى في الممر ودي اسكر الباب بس ممنوع

[pure]

عندي اقتراح بسييط للوزارت ان التلفون يتغير من مجرد كونه زينه ويبدون ينفضون عنه الغبار

ويردون على تلفوناتهم

[بيتي بوب 23]

صندوق تبرعات في كل وزاره عند المدخل

[khaldoon]

عندي اقتراح بسييط للوزارت ان التلفون يتغير من مجرد كونه زينه ويبدون ينفضون عنه الغبار

ويردون على تلفوناتهم


فعلا ..... ابي ازيد على هذا الاقتراح انه كل موظف لا يرد على التليفون و يلاحظ عليه هذا الامر اكثر من مرتين يتم اقالته مباشرة بعدين يفهموه خطأه

[شبح الصمت]

ودي انه ما يعطون الليسان إلا فوق الـ 22 سنـه والي يسوق تحت هالسن ينسجن ويتغرم مبلغ 10 آلاف ريال

[نور الحور]

اقترح أن تتم اخذ شكوى الأطفال بالاعتبار عند الاتصال بخط 999
ويربطون كل البيوت بالدفاع المدني مثل ما صاير في أوروبا وامريكا ..
ومن تجربة شخصية الله حفظ عيالي من شر كبير ..وكان ممكن يتم تلافي هالشي لو أخذوا بشكوى بنتي اللي اتصلت فيهم وقالوا لها ما نستقبل شكاوى أطفال :eek5:

[دانة الطواش]

اقترح يشيلون صباح الهيدوس من منصبها ويحطون واحد كفوا متعلم ودين ويخاف الله ويراعي الكبير الصغير ويحب بلده وعيال بلده ، ويشكل الوزارة من جديد ويهتم بالخبرات والكفاءات الي المجلس مهمشهم وحاطهم فايض !!!!!!!! ياليت يتحقق هالحلم.

[شبح الصمت]

اقترح أن تتم اخذ شكوى الأطفال بالاعتبار عند الاتصال بخط 999
ويربطون كل البيوت بالدفاع المدني مثل ما صاير في أوروبا وامريكا ..
ومن تجربة شخصية الله حفظ عيالي من شر كبير ..وكان ممكن يتم تلافي هالشي لو أخذوا بشكوى بنتي اللي اتصلت فيهم وقالوا لها ما نستقبل شكاوى أطفال :eek5:




الله يحفظكم ويستر عليكم وخطاكم الشر

وهذه نقطة مهمه بعد

مفروض ينخذ في مكالمات الاطفال لانه الاطفال صادقين وما يكذبون من وجهة نظري

[شبح الصمت]

أتمنى أتمنى أتمنى

أن يتم منع الرجال من البيع في محلات النساء آيا كانت البضاعة المبآعه

[حلم الطفولة]

ان يوضع في كل وزارة خط ساخن او فاكس يرتبط بمكتب الوزير لتلقي الشكاوى و المعاملات المتأخرة وخاصة من النساء والمسنين:telephone:

[شبح الصمت]

اتمنى أعطاء المستقبلين للمراجعين دورات في الابتسامه وحسن التعامل

[بنت امي]

ان يكون هناك معهد لتأهيل الشباب على الزواج
ولا يتزوج الا بعد حصوله على الشهادة من المعهد :)

[شبح الصمت]

اتمنى انه كل طالب يتخرج من الثآنويه يلزمونه بدورة انجليزي تآهيليه لمدة سنه كاملة دآخل قطر وتكون عبارة عن جامعة متعددة الخدمات وطاقم تدريسي قوي

[MAZEN37]

اقتراحي لادارة المرور وهو السماح. للباصات الكبيره و مثل باصات تاتا وكروه انها تسمح لها باستخدامها بالشوارع والحركه بدون تامين واستماره لاستخدامها كرفان متنقل وبورتكبن فيه حمام وغرف نوم احسن من البورت كبن. الي يسحبونه بالشوارع واخطارها واختلاف احجامها حتي تحتار بركنها وسحبها

[طبيب قطري]

اقتراح لمستشفى حمد / يشيلوا جميع المدراء الحاليين من مناصبهم ( البريطانين وغيرهم من الاجانب الي توهم حاطينهم) ويستفيدون من الكوادر القطريه !!

[qatari911]

اتمنى من وزارتنا اللي هي الصحة العامة ، تبني فكرة الارشفة الالكترونية وتتبع المواضيع عن طريق البريد الالكتروني بشكل اكثر فعالية خاصة مع الجهات الخارجية

عندنا هالنظام فسنه نسجل مايقارب 7000 ورقه تقريبا
بس سهل الوصل للارشفه
تقدرين تبحثين بالاسم او التاريخ او بالعنوان
ترى لو طبقوه عندكم راح ترتاحون من هم الملفات

[ام ناصر1]

اقتراحي ... بعمل ارشيف وطني ووثائق بالمكتبة العامة بقطر
لفترة الخمسينات والستينيات والسبعينيات لقطر
تشمل توثيق الجانب الديني ورجالات ومساجد قطر يتلك الحقبة ..
وتشمل الجانب الترائي والبحري وكذلك الجانب الفني ...
علشان لاتفقد الاجيال القادمة ذاكرة الماضي ...ويكون مرجع باقي ...لكل الاجيال المعاصرة

[شبح الصمت]

أقترح أن تنشىء أذاعة للاناشيد

[بوحمد111]

يعطيك العافيه اخوي شبح الصمت وعساك دوم على القوه

اقترح لإتحاد الكره التوقف عن تجنيس اللاعبين والاعتماد على شباب اهل قطر وحتى لو ما نوصل نهائيات كاس العالم وحتى لو نخسر كل مبارياتنا على الاقل القطري يتأثر بالهزيمه ولكن المجنس ولا يهمه وهمه الوحيد الفلوس

عندي بعد اقتراحات ولكن الوقت الحين ما يسعفني

متابع

[بوحمد111]

اقترح بفرض رسوم على بعض الشوارع المزدحمة وذلك لتخفيف الاختناقات المروريه اللتي تشهدها البلاد وخاصة في اوقات الذروه

[khaldoon]

اتمنى اصلاح شوارع الصناعية و تنظيمها ..... اللي يشوف الصناعية و الحفريات اللي فيها يقول تعرضت لقذائف من قبل ....خاصة انه فصل الشتاء و المطر على الابواب..... يعني بكره مع المطر و البرك نتيجة سوء التصريف ما نميز وين الحفرة الا لما نوقع فيها و تتكسر سياراتنا

ايضا اضاءة الشوارع لانها معتمه بالليل و ما نقدر نميز ارقام الشوارع بسهولة

[المبرمج صلاح]

تفعيل جميع الخدمات الالكترونية في جميع الوزارات بالتعاون مع الداخلية في موقع واحد مثل حكومي

بحيث يكون موقع واحد لتقديم جميع معاملات الوزارات الالكترونية بحيث يقل الاعتماد على الاوراق والمراجعات وبذلك نكسب الوقت ونقلل من زحمة المراجعين سواء في الطرق او المبني المقدم عليه المراجعة

بصراحة اعجبتني وزارة الداخلية في تقدمها في هذا المجال

[العامري 2009]

حفظ اللة قطر واهلها

[معماري قطري]

صباح الخير ياخوي شبح

عندي اقتراح اتمني يتطبق بوزارات الدوله

فرض اللباس المحتشم وعدم السماح بلس الكعب
لانه لي تمشي في الممر احس انه حد قاعد يصفق وين قاعدين احنا مرقص

تحياتي

صج للكعب رنه تخلي العقل يتشتت

يستخدمون سجاد للمرات والمكاتب .. ويعطون عاشقات الطول هرمونات زيادة الطول وبيقل لبس الكعب تدريجياً.

[معماري قطري]

اتمنى اصلاح شوارع الصناعية و تنظيمها ..... اللي يشوف الصناعية و الحفريات اللي فيها يقول تعرضت لقذائف من قبل ....خاصة انه فصل الشتاء و المطر على الابواب..... يعني بكره مع المطر و البرك نتيجة سوء التصريف ما نميز وين الحفرة الا لما نوقع فيها و تتكسر سياراتنا

ايضا اضاءة الشوارع لانها معتمه بالليل و ما نقدر نميز ارقام الشوارع بسهولة

أضيف على كلامك إخوي المفروض فيه في كل زاوية شارع رقم الشارع كبير وتحته أسماء الشركات أو المعارض في الشارع.

وتنظيم الصناعية صدقني ولا شيء إذا كانت هناك نية صادقة وتضافر جهود مخلصة .. أما الوضع الحالي ناس تقط سيارات مهملة ولا حسيب ولا رقيب ولا عقاب .. حتى نشر كاميرات أمنية موضوع سهل وممكن تطبيقة في أسرع وقت لضبط التجاوزات .. وأي سيارة مهملة ممكن بسهولة سحبها ونقلها لمنطقة خاصة بالسكراب فترة وثم إلى مصنع الحديد والصلب.

[معماري قطري]

اتمنى أعطاء المستقبلين للمراجعين دورات في الابتسامه وحسن التعامل

إيه والله خصوصاً وزارة البيئة

[معماري قطري]

أتمنى يهتمون بالجانب الجمالي في كل الوزارات ولا يهملون الجانب الأمني

دخلت عدد من الأبراج لإدارات ومؤسسات حكومية وغير حكومية .. وانت فوق تضيع بين مكاتب في الممرات وأغراض مكدسة وتحاول تشوف وين مخرج الطواريء .. تكون هذي المهمة المستحيلة.

ومهم عمل مراكز ترفيه للموظفين ككافتريات متطورة .. وصالات رياضة وإن أمكن مساج واسترخاء .. حتى السينما المصغرة شيء ممكن.

[معماري قطري]

ودي انه ما يعطون الليسان إلا فوق الـ 22 سنـه والي يسوق تحت هالسن ينسجن ويتغرم مبلغ 10 آلاف ريال

الليسن ظروري ومهم بس الأهم الرقابة من الأجهزة الأمنية والردع القوي .. مهم تكون فيه مدارس متخصصة بتعليم السواقة الدفاعية وطريقة التصرف في سيناريو خطر معين.. وإلزام المخالفين بهذه المدارس .

[Lili2005]

شكراً ع الموضوع الرائع والمميز اخوي

اولاً ...

المجلس الاعلى للتربيه والتعليم: اتمنى يدمجون بموقعهم ع النت كــــل مدارس الدوله،، بدل ما كل مدرسه لها موقع وما يندرى عن المعلومات اللي فيها اذا كانت خطا ،، ورفع كل المناهج الدراسيه للطلبه على موقع المدرسه،، وجذي المجلس الاعلى يقدر يدخل موقع اي مدرسه ويتأكد من مناهجهم الدراسيه اللي يدرسونها للطلبه،، واذا في اي تجاوزات او اخطاء يداركون الموضوع ويعدلون المنهاج للطلبه..

وطبعاً لي عوده مره اخرى