يوم كنا صغــــــار ..

[الحياة الخالدة]

يوم كنا صغــــار .. كانت عندنا معتقدات غريبــــــة .. في الغالب كانوا أهلنا قايلينهـــــا لنا .. أو مدري من وين يايبينها ..

مثل :
ما نقص أظافرنـــــا في الليل .. و الا العيش بيصير غالي
ما نعد النجـــــــوم .. و الا بتطلع لنا ثواليل
محد يشقح الثاني و هو منســـــدح .. و الا مب يايب عيال
و نفس الشي ..اللي ما تتطرقع أصابعه يعني ما فيه عيال

يا ترى .. شنو كانت عندكم معتقدات و انتو صغار ؟؟

[شبح الصمت]

اتذكر كله يقولون لنا لا تتآخرون عقب المغرب لانه في حرامي يمر يبوق اليهال

[شبح الصمت]

وكآنوا يخوفونا من بو درياه يعني نسبح وخايفين يطلع لنا ويآخذنا

:cry2:

[فتى الجود]

لما نروح البحر ونسبح للغزير

يقولون لنا الكبار عودوا ترى بودرياه هناك قاعد



واللى كان يقولن لنا ويخوفنا

الحين عنده طراد مسمية بودرياه

[شبح الصمت]

لما نروح البحر ونسبح للغزير

يقولون لنا الكبار عودوا ترى بودرياه هناك قاعد

واللى كان يقولن لنا

الحين عنده طراد مسمية بودرياه





ههههههههههههههههههههههههههههاي

ي رجال تسبح وصاديتك رقاله

اشلون شكله ذا بودرياه حتى فالوصف مب عارفين يخرطون

:tease:

[عاهد بن علي]

خرفات وبدع ، الله يوفقكم

[الحياة الخالدة]

اتذكر كله يقولون لنا لا تتآخرون عقب المغرب لانه في حرامي يمر يبوق اليهال



وكآنوا يخوفونا من بو درياه يعني نسبح وخايفين يطلع لنا ويآخذنا

:cry2:


يحليلهـــم أهلنا .. يطيحون فينا تخرع بس عشان ما نطلع من البيـــت

أما بو درياه هذا مرعب الأطفال :rolleyes2:

تحياتي لك أخوي شبح

[الحياة الخالدة]

لما نروح البحر ونسبح للغزير

يقولون لنا الكبار عودوا ترى بودرياه هناك قاعد



واللى كان يقولن لنا ويخوفنا

الحين عنده طراد مسمية بودرياه


بل ما لقى غير هالاســــــم عاد

حياك الله أخوي فتى الجود

[الحياة الخالدة]

خرفات وبدع ، الله يوفقكم


ومن قال إنها صج الحين ؟؟

جزاك الله خير

[بو خليفه 123]

اذكر الوالده الله يرحمها كانت تقولي اذا تسبحت كل يوم بتجيك فلوس كل خميس


و رغم ذلك ماكنت اسبح :( :tease:

[الحياة الخالدة]

اذكر الوالده الله يرحمها كانت تقولي اذا تسبحت كل يوم بتجيك فلوس كل خميس


و رغم ذلك ماكنت اسبح :( :tease:


الله يرحمها ويغفر لها ..
من صغـــــرك وانت قنوع وما تحب الفلوس :nice:

حياك الله أخــــوي بو خليفة

[عاهد بن علي]

اذكر الوالده الله يرحمها كانت تقولي اذا تسبحت كل يوم بتجيك فلوس كل خميس


و رغم ذلك ماكنت اسبح :( :tease:

انا كانوا يقولون لي اذا سبحت بنطقك ( لاني كنت اسبح كثير ) واخلص عليهم الماء:anger1:

[النهار]

حمارة القايله تحمل لوطلعت القايله تطلع لك حمارة القايله

[محب قطر 64]

كن اقراننا يخوفونا من الغوله و العفاريت في الليل تطلع تجري عالبيت وانت مغمض عينيك

[khaldoon]

كانوا يقولون لنا بس تطقطق ركبنا اننا راح نصير طويلي القامة.... ما عرفنا انها بشائر خشونة الركب

[غرِيبهـ]

على طاري عدم قص الاظافر في الليل

كنت في ثاني ابتدائي وفيه تفتيش قالو بعد الفرصة على الاظافر
كانت اظافري طويله اقول لهم متى اقصها الصبح في المدرسة
وبالليل ممنوع نقصها

كنت في مدرسة دخان فوق الجبل كانت و البيت تحت
نزلت ماتذكر مع من جبنا مقراض من البيت
وقصينا اظافرنا في الفرصة :shy:

في الرابعه عند التفتيش كل شي تمام :)

[ZURICH]

وانا صغير كانت الوالدة تقولي انتبه لاتدخل بيوت مهجورة

لان الجن يسكنون فيها

ومره من المرات كنا نلعب خشيشه في البر ( من زماااااان )

وكان المكان بدون ليتات .. ظلاااااااام على نور القمر

دخلت بيت طين ابي انخش ،، وكنت بروحي :secret:

واتفاجأ بموقف كان اكبر من عمري

شفت شخص قاعد بروحه متسند على الطوفه ومنزل راسه وسط حضنه

ويصيح ،، يصيييييح

التفت صوبي ،، شافني :eek5:

من هول الصدمة حسيت اني اسرع مخلوق في الدنيا

والحمدلله مازلت بصحه وسلامه :)

[محب قطر 64]

وانا صغير كانت الوالدة تقولي انتبه لاتدخل بيوت مهجورة

لان الجن يسكنون فيها

ومره من المرات كنا نلعب خشيشه في البر ( من زماااااان )

وكان المكان بدون ليتات .. ظلاااااااام على نور القمر

دخلت بيت طين ابي انخش ،، وكنت بروحي :secret:

واتفاجأ بموقف كان اكبر من عمري

شفت شخص قاعد بروحه متسند على الطوفه ومنزل راسه وسط حضنه

ويصيح ،، يصيييييح

التفت صوبي ،، شافني :eek5:

من هول الصدمة حسيت اني اسرع مخلوق في الدنيا

والحمدلله مازلت بصحه وسلامه :)

والله ارعبتني
يا ما شفت مواقف مرعبة متلك في الصغر
احس ريقي نشف ووجهي اصفر و جراي عالبيت و الكل اشف فيه

[غزلان]

ياكثرها من خرافات واكبرها اذا حكيت يدك اليمين او اليسار بتجيلكم فلوس

[Aaziz]

السلام عليكم

الله يخلي الوالده و يتمم عليها الصحة .

ينرفزني هذا الامر لاني من كثر ماكنت مصدق كبرت و كنت مقتنع فيه و اسولف فيه لين ميزت انه خررررررررررطي :rolleyes2:

كانا نشوف الحج بالتلفزيون و رمي الجمرات و الحجاج يرمون الحصا و المكان يمتلي (قديما) اقول لها وين يروح الحصا تقول لي هذا ابليس في الليل ياكلة كله :rolleyes2:

كل ما اشوف في النت موضوع يخص عمال النظافه يشيلون الحصا و يوزعونه مره ثانيه اتذكر و خاطري اسطر نفسي :rolleyes2:

[العلم]

السلام عليكم ....



اتذكر واحنا صغار لما كنا بنروح نلعب وإلا بنروح عند ناس عزيمة الوالدة - الله يطول في عمرها - تقول لنا لاتخربوون شيء ولا تسون شيء مب زين وتكرر جملة :

(ترا الطير بيعلمني )

واحنا مصدقين هههههههههه

[بو علاوي]

موضوعكم ذكرني باشياء ثانية




كنا صغار نقعد وقت الغروب
بباب الدار ننطر جية ابونا

يرجع مبتسم بس وجهه متعوب
ومن يشوفنـــــــــا يضحكن سنونه

يجي محمل ابونا اشكال والوان
وتظل تلوم بيه امنا الحنونه

تعبك هذا تعبك لا يبو فلان
تتعب والصغار يضيعونه

لكن يبتسم ودموعه بالعين
ويقل لامي التعب يستاهلونه

هذولة حزام ظهري بساعة الضيق
ولك بالشدة ياام فلان عونه


ابونا على كتافه صغار وكبار
لعبنا سنين ما تعبت متونه

يلبسنا حرير وهو محروم
وقميصة من التعب مقلوب لونه

واذكر لولعبنا الوالدة تصيح
ابوكم نايم ولا تفززونه


لحد هاليوم نصدق منك نخاف
ونجل اسمك ياوالدنا ونصونه

يهنياله اللي يسعدك واللي يرضيك
برضاك الجنة ندخلها يا أبونا


ابونا بدنيته ما يوم مرتاح
الدنيا وياه صعبة وما يملها

عنده المهم يتعب واحنا نرتاح
وابد منية احد ما قبلها

ويرجع ظهره محني وجفنه تعبان
وتتلقاه امي ويضحك الها

وقبل ما توصله وتسلم عليه الله يساعدك هو يقل لها
ابونا من المصايب يحمل جبال ولا يحمل عتب عتب امي وزعلها

تعب جاع وعطش ما دنق الراس
ولا رخص رقبته ومره ذلها

اصلب رجل بينه بمحنته يكون
واصعب مشكله بيده يحلها

بس اضعف رجل بالعائلة يصير
اذا امي المرض مرة وصلها

امي شقد تحبة شقد تداريه
مدللها الكبير وهو خلها

بس لو غضب مرة ولما يندار
ترجف خوف لما ينظر لها

بدون الابو كل العائلة تضيع
ولا تصفى ولا يلتم شملها

هو البيت كله وكشخة الدار
وشمعتها وضواها وكل اهلها

[غرِيبهـ]

:(

هو البيت كله وكشخة الدار
وشمعتها وضواها وكل اهلها
*

رائع جدا ماخطيت بوعلاوي


الله يرحمك يايبه ويجعل مثواك الجنة
وجميع موتى المسلمين

[شمس2]

اذكر بعد كانوا يقولون لاتخلون النعال مقلوبه بيموت راعيها
لاتدوسون الاكل الله بيقلبكم سيابيل (علينا قصور هههه )
اللي يده كبر ويهه بيروح الجنه ( ويبشر بالكفخه )
وبعدين باتذكر الباقي
اشكرج اختي على الموضوع الخفيف اللطيف السخيف اقصد الحلو :nice:

[Red rose]

هلا يالغاليه حياه

مواضيعج تعجبني :)

ما يحضرني شي حالياً بس ما اقول الا يازين مرحله الطفوله وراحه البال

تقبلي مروري

[Aaziz]

السلام عليكم

الله يخلي الوالده و يتمم عليها الصحة .

ينرفزني هذا الامر لاني من كثر ماكنت مصدق كبرت و كنت مقتنع فيه و اسولف فيه لين ميزت انه خررررررررررطي :rolleyes2:

كانا نشوف الحج بالتلفزيون و رمي الجمرات و الحجاج يرمون الحصا و المكان يمتلي (قديما) اقول لها وين يروح الحصا تقول لي هذا ابليس في الليل ياكلة كله :rolleyes2:

كل ما اشوف في النت موضوع يخص عمال النظافه يشيلون الحصا و يوزعونه مره ثانيه اتذكر و خاطري اسطر نفسي :rolleyes2:


http://www.safeshare.tv/w/XrlmicIumL

:cry2:

[غرِيبهـ]

^
^

ماشاء الله جهد جبار جزاهم الله خير عليه .

واحنا صغار ياكثر اسئلتنا

اتذكر وانا صغيره سالت امي من هو الله
كان جوابها انتي كافرة :weeping:

[لولو2022]

انا اتذكر اذا طاح ضرسي ، يقولون لي قولي يارب ( اخذ ضرس لحمار وعطني ضرس غزال )
ههههههههههه صج تخلف .. الضرس اللبني ضرس حمار هههههههههه

[غايه الطواش]

انا اتذكر اذا طاح ضرسي ، يقولون لي قولي يارب ( اخذ ضرس لحمار وعطني ضرس غزال )
ههههههههههه صج تخلف .. الضرس اللبني ضرس حمار هههههههههه

ههههههه
نفس الحاله

ويوم كنت صغيره كنت اضن ان الي يروح الحمام وهو صايم يفطر
فما كنت اروح :looking::looking:

وكنت اضن ان الي يركب الطايره اول شي يقعد درجه اولى ومره من المرات كنت رايحه الامارات مع امي درجه سياحيه اول مافتح باب الباص وازرق بين الموظفين والمضيفات ابي اقعد درجه اولي بس ماخلوني كسرو بخاطري :shy:

[الحياة الخالدة]

حمارة القايله تحمل لوطلعت القايله تطلع لك حمارة القايله


إيوة نفس جماعة بو درياه و ام السعف و الليف
حياك الله أخــــوي النهار

[الحياة الخالدة]

كن اقراننا يخوفونا من الغوله و العفاريت في الليل تطلع تجري عالبيت وانت مغمض عينيك


مساكيــــن الأطفال الكل يخوف فيهم عشان ما يطلعون من البيت .. و ما في فايدة .. طالعين طالعين

نورت الموضوع يا محب قطر

[الحياة الخالدة]

كانوا يقولون لنا بس تطقطق ركبنا اننا راح نصير طويلي القامة.... ما عرفنا انها بشائر خشونة الركب


ههههههه .. و الحين صارت كل عظامنا تطقطق
الله يرحمنا برحمتــــــه

حياك الله أخوي خلدون

[الحياة الخالدة]

على طاري عدم قص الاظافر في الليل

كنت في ثاني ابتدائي وفيه تفتيش قالو بعد الفرصة على الاظافر
كانت اظافري طويله اقول لهم متى اقصها الصبح في المدرسة
وبالليل ممنوع نقصها

كنت في مدرسة دخان فوق الجبل كانت و البيت تحت
نزلت ماتذكر مع من جبنا مقراض من البيت
وقصينا اظافرنا في الفرصة :shy:

في الرابعه عند التفتيش كل شي تمام :)


ههههههه .. ما شاء الله عليكم .. أهم شي وقت التفتيش جاهزيـــن
يعني من صجنا كنا مقتنعين ما نقصها في الليل

حياج الله حبيبتــــي

[الحياة الخالدة]

وانا صغير كانت الوالدة تقولي انتبه لاتدخل بيوت مهجورة

لان الجن يسكنون فيها

ومره من المرات كنا نلعب خشيشه في البر ( من زماااااان )

وكان المكان بدون ليتات .. ظلاااااااام على نور القمر

دخلت بيت طين ابي انخش ،، وكنت بروحي :secret:

واتفاجأ بموقف كان اكبر من عمري

شفت شخص قاعد بروحه متسند على الطوفه ومنزل راسه وسط حضنه

ويصيح ،، يصيييييح

التفت صوبي ،، شافني :eek5:

من هول الصدمة حسيت اني اسرع مخلوق في الدنيا

والحمدلله مازلت بصحه وسلامه :)



بسم الله الرحمـــن الرحيم .. فيلم رعب :eek5:
الحمد لله على سلامتك

حياك الله أخوي

[الحياة الخالدة]

ياكثرها من خرافات واكبرها اذا حكيت يدك اليمين او اليسار بتجيلكم فلوس


ياما حكتنا يدنــــا و لا شفنا شي :nice:
حياج الله حبيبتــــي

[الحياة الخالدة]

السلام عليكم

الله يخلي الوالده و يتمم عليها الصحة .

ينرفزني هذا الامر لاني من كثر ماكنت مصدق كبرت و كنت مقتنع فيه و اسولف فيه لين ميزت انه خررررررررررطي :rolleyes2:

كانا نشوف الحج بالتلفزيون و رمي الجمرات و الحجاج يرمون الحصا و المكان يمتلي (قديما) اقول لها وين يروح الحصا تقول لي هذا ابليس في الليل ياكلة كله :rolleyes2:

كل ما اشوف في النت موضوع يخص عمال النظافه يشيلون الحصا و يوزعونه مره ثانيه اتذكر و خاطري اسطر نفسي :rolleyes2:


الله يخلي لكم الوالدة و يطول بعمرهـــــا
بالفعل هالسوالف نتم مقتنعيـــــن فيها فترة طويلة لأن كان عندنا ثقة كبيرة في أي شي يقولونه لنا الكبـــــار

تحياتي لك أخوي

[لولو2022]

ههههههه
نفس الحاله

ويوم كنت صغيره كنت اضن ان الي يروح الحمام وهو صايم يفطر
فما كنت اروح :looking::looking:

وكنت اضن ان الي يركب الطايره اول شي يقعد درجه اولى ومره من المرات كنت رايحه الامارات مع امي درجه سياحيه اول مافتح باب الباص وازرق بين الموظفين والمضيفات ابي اقعد درجه اولي بس ماخلوني كسرو بخاطري :shy:


هههههههههههه عجيبه سالفه الدرجه الاولى

[الحياة الخالدة]

السلام عليكم ....



اتذكر واحنا صغار لما كنا بنروح نلعب وإلا بنروح عند ناس عزيمة الوالدة - الله يطول في عمرها - تقول لنا لاتخربوون شيء ولا تسون شيء مب زين وتكرر جملة :

(ترا الطير بيعلمني )

واحنا مصدقين هههههههههه


اللـــه يطول بعمر الوالدة
حياك الله أخــــــوي

[الحياة الخالدة]

موضوعكم ذكرني باشياء ثانية




كنا صغار نقعد وقت الغروب
بباب الدار ننطر جية ابونا

يرجع مبتسم بس وجهه متعوب
ومن يشوفنـــــــــا يضحكن سنونه

يجي محمل ابونا اشكال والوان
وتظل تلوم بيه امنا الحنونه

تعبك هذا تعبك لا يبو فلان
تتعب والصغار يضيعونه

لكن يبتسم ودموعه بالعين
ويقل لامي التعب يستاهلونه

هذولة حزام ظهري بساعة الضيق
ولك بالشدة ياام فلان عونه


ابونا على كتافه صغار وكبار
لعبنا سنين ما تعبت متونه

يلبسنا حرير وهو محروم
وقميصة من التعب مقلوب لونه

واذكر لولعبنا الوالدة تصيح
ابوكم نايم ولا تفززونه


لحد هاليوم نصدق منك نخاف
ونجل اسمك ياوالدنا ونصونه

يهنياله اللي يسعدك واللي يرضيك
برضاك الجنة ندخلها يا أبونا


ابونا بدنيته ما يوم مرتاح
الدنيا وياه صعبة وما يملها

عنده المهم يتعب واحنا نرتاح
وابد منية احد ما قبلها

ويرجع ظهره محني وجفنه تعبان
وتتلقاه امي ويضحك الها

وقبل ما توصله وتسلم عليه الله يساعدك هو يقل لها
ابونا من المصايب يحمل جبال ولا يحمل عتب عتب امي وزعلها

تعب جاع وعطش ما دنق الراس
ولا رخص رقبته ومره ذلها

اصلب رجل بينه بمحنته يكون
واصعب مشكله بيده يحلها

بس اضعف رجل بالعائلة يصير
اذا امي المرض مرة وصلها

امي شقد تحبة شقد تداريه
مدللها الكبير وهو خلها

بس لو غضب مرة ولما يندار
ترجف خوف لما ينظر لها

بدون الابو كل العائلة تضيع
ولا تصفى ولا يلتم شملها

هو البيت كله وكشخة الدار
وشمعتها وضواها وكل اهلها


بالفعل أخـــــوي .. الأب هو عمود البيت

تحياتي لك ..

[الحياة الخالدة]

اذكر بعد كانوا يقولون لاتخلون النعال مقلوبه بيموت راعيها
لاتدوسون الاكل الله بيقلبكم سيابيل (علينا قصور هههه )
اللي يده كبر ويهه بيروح الجنه ( ويبشر بالكفخه )
وبعدين باتذكر الباقي
اشكرج اختي على الموضوع الخفيف اللطيف السخيف اقصد الحلو :nice:


و كانوا يقولون لا تخمون ( تنظفون ) الدار عقب ما يسافر راعيها على طول ( تمسحون أثره )

سخيف عيل هااااا :anger1:

حياج الله .. و في انتظار الباقي

[الحياة الخالدة]

هلا يالغاليه حياه

مواضيعج تعجبني :)

ما يحضرني شي حالياً بس ما اقول الا يازين مرحله الطفوله وراحه البال

تقبلي مروري


هلا حبيبتـــي .. تسلمين
إي و الله صدقتي .. ما نفكر إلا في اللعب و بس

حياج الله يا غالية

[الحياة الخالدة]

http://www.safeshare.tv/w/xrlmiciuml

:cry2:


جزاك الله خير

[شبح الصمت]

آخبر يوم كنا فالبر يقولون لنا تحملوا تكتون المآي الحار قبل لا تتعوذن من الشيطان

لاجل ما تحرقون عيال الجن ويدخلون فيكم !!

عآفنا الله ويآككم

وأصدقوا في هالاشياء لانه في البرآن مساكنهم

:(

[الحياة الخالدة]

^
^

ماشاء الله جهد جبار جزاهم الله خير عليه .

واحنا صغار ياكثر اسئلتنا

اتذكر وانا صغيره سالت امي من هو الله
كان جوابها انتي كافرة :weeping:


هههههه يعني صراحة بعض الأسئلة توهق ما تعرفين شتجاوبين عليها :secret:

حياج الله حبيبتي

[الحياة الخالدة]

انا اتذكر اذا طاح ضرسي ، يقولون لي قولي يارب ( اخذ ضرس لحمار وعطني ضرس غزال )
ههههههههههه صج تخلف .. الضرس اللبني ضرس حمار هههههههههه


إي و الله صدقتي .. و إذا طاح في الليل يودناه لين يوم ثاني عشان نقطه و ندعي هالدعاء العجيب :nice:

شرفتي الموضوع أختي لولو

[الحياة الخالدة]

ههههههه
نفس الحاله

ويوم كنت صغيره كنت اضن ان الي يروح الحمام وهو صايم يفطر
فما كنت اروح :looking::looking:

وكنت اضن ان الي يركب الطايره اول شي يقعد درجه اولى ومره من المرات كنت رايحه الامارات مع امي درجه سياحيه اول مافتح باب الباص وازرق بين الموظفين والمضيفات ابي اقعد درجه اولي بس ماخلوني كسرو بخاطري :shy:


يعني الواحد يصوم حتى عن الحمام :nice: صج تفكير يهال

حياج الله أختي غاية

[الحياة الخالدة]

آخبر يوم كنا فالبر يقولون لنا تحملوا تكتون المآي الحار قبل لا تتعوذن من الشيطان

لاجل ما تحرقون عيال الجن ويدخلون فيكم !!

عآفنا الله ويآككم

وأصدقوا في هالاشياء لانه في البرآن مساكنهم

:(


عاد سوالف التخرع هذي يا كثرها
بس لحد الحين لما نكت ماي أو زيت حار يقولون لنا سمو بسم الله

حياك الله أخوي شبح

[بصمة قطرية]

خخخخخخخخ
ذكرتونا باللي مضى
امممممم
سالفة قص الأظافر صارت معانا
لين اليوم أقول لعيالي مب زين تقصون أظافركم الليل :secret:
و النعال المقلوبة
و بو درياه هاي اللي خوفنا من البحر
و اللي تحكه يده اليمين يحصل فلوس
هاذي تصير معاي :shy::secret:
الياهل إذا مسك المخمة و خم
بيجينا حد من بعيد
يعني بيجينا ضيف من بلد ثانية
و تصير :secret:
و سالفة ضرس الحمار هههههههاااي
أعد لعيالي السالفة ان في صغرنا كنا نسوي جذي
ولدي بقق عيونه :eek5:
قال يمه ضروسكم كانت ضروس حمير :eek5:
قلت له لا طبعاً قصوا علينا و احنا صدقنا :anger1:
و اذا شقحت واحد نايم او منسدح رد مرة ثانية
و لا ما راح يطول :tease:

يا زين طفولتنا و برائتنا ..:shy:

[غرِيبهـ]

قريت معلومة عن الاظافر في تويتر بس مو متاكده منها
ان صح ما نقص اظافرنا بالليل لان الكالسيوم يتركز فيها بالليل

حد عنده فكرة ؟

[بصمة قطرية]

قريت معلومة عن الاظافر في تويتر بس مو متاكده منها
ان صح ما نقص اظافرنا بالليل لان الكالسيوم يتركز فيها بالليل

حد عنده فكرة ؟

والله انا مقتنعة ان الواحد ما يقصها الليل ..:victory:

[الحياة الخالدة]

خخخخخخخخ
ذكرتونا باللي مضى
امممممم
سالفة قص الأظافر صارت معانا
لين اليوم أقول لعيالي مب زين تقصون أظافركم الليل :secret:
و النعال المقلوبة
و بو درياه هاي اللي خوفنا من البحر
و اللي تحكه يده اليمين يحصل فلوس
هاذي تصير معاي :shy::secret:
الياهل إذا مسك المخمة و خم
بيجينا حد من بعيد
يعني بيجينا ضيف من بلد ثانية
و تصير :secret:
و سالفة ضرس الحمار هههههههاااي
أعد لعيالي السالفة ان في صغرنا كنا نسوي جذي
ولدي بقق عيونه :eek5:
قال يمه ضروسكم كانت ضروس حمير :eek5:
قلت له لا طبعاً قصوا علينا و احنا صدقنا :anger1:
و اذا شقحت واحد نايم او منسدح رد مرة ثانية
و لا ما راح يطول :tease:

يا زين طفولتنا و برائتنا ..:shy:


هلا و الله أختي بصمـــة
صج كانوا يقولون لنا مب زين نخلي النعال مقلوبة
و بعد إذا يات نعال فوق الثانية ( الله يعزكم ) يقولون بتسافرون
يحليله ولدج إي و الله ضروس حميـــر :nice:

حياج الله حبيبتي

[ام السعف]

اووه اشياء وايدة ،،

كانت اسناننا اللبنية لطاحت نقطها فوق السطح ونقول يارب عطيناك ضرس حمار
عطنا ضرس غزال ................> مالي خص هم اللي علموننا جذيه :weeping:

لحد يلعب في المقص فال شين ......> لازم نتهاوش عقب علشان نثبت انه فال مب زين ،،

لطاح قلاص وانسكر .........................> نقول خير اللهم اجعله مب عارفة من وين
تعلمنا هالسالفة يمكن من المسلسلات المصرية ؟

النعل المقلوبة ....................> للحين احس بتأنيب ضمير لو شفت
نعال مقلوبة لازم اعدلها ،، مع اني ايقنت انها ما اتجب على حد بس
اشوف من الأدب انها تكون معدولة :(

[نور الحور]

توني أشوف هالموضوع الحلو ..
امممممم .. بالنسبة لي كنت أسمع اكثر من إني أطبق ..وايد يدتي تقول لما ترف عينها اليمين إن خير جاي .. ولما تحكها يدها إن في فلوس جايه ..وهذا من الفال الحسن

أما سالفة قص الأظافر بالليل اول مرة أسمع فيها .. بس أخبر يقولون إن مو زين تتدخنون في الليل عشان الجن الله يكفينا شرهم يجون على البخورمع إن الريحة الطيبة تبعدهم .. مادري هل صج هالمعلومة ولا لا ؟
أما النعال المقلوبة فأنا من يومي أعدل من غير ما أعرف السبب .. أحس في الموضوع شي غلط ولازم يتعدل ..فأقوم وأعدلها :shy:

[نوار قطر]

بوووو واايد اشياء الي اتذكرها الحين


*حمارة القايله لاتطلعون الظهر بتبوقكم
*المقص اذا استخدمتوه لاتخلونه مفتوح امكم وابوكم بيتهاوشون
* انا من صغرتي مااحب اتريق فكانت امي تخرعني اذا ماتريقتي بييج ساحر عماني ياكل جبدج :shy:

[ام السعف]

بوووو واايد اشياء الي اتذكرها الحين


*حمارة القايله لاتطلعون الظهر بتبوقكم
*المقص اذا استخدمتوه لاتخلونه مفتوح امكم وابوكم بيتهاوشون
* انا من صغرتي مااحب اتريق فكانت امي تخرعني اذا ماتريقتي بييج ساحر عماني ياكل جبدج :shy:

سوالف عجيبة ...> الساحر العماني ذيه عجيب تخصص جبود :(

[نوار قطر]

سوالف عجيبة ...> الساحر العماني ذيه عجيب تخصص جبود :(

اعتقد صج لانه جبدي انفقعت :eek2:

وي صج ام السعف بعد كانو يقولون لنا لاتطلعون بتييكم ام السعف والليف :shy:

ويوم كنا صغار كنا نروح الضعاين وفالليل كانت يدتي تخرعنا وتقول لنا لا تروحون صوب البحر بيطلع لكم بو درياه :eek5:

[ام السعف]

اعتقد صج لانه جبدي انفقعت :eek2:

وي صج ام السعف بعد كانو يقولون لنا لاتطلعون بتييكم ام السعف والليف :shy:

ويوم كنا صغار كنا نروح الضعاين وفالليل كانت يدتي تخرعنا وتقول لنا لا تروحون صوب البحر بيطلع لكم بو درياه :eek5:

يوم كنت طفلة بريئة في المرحلة الإبتدائية وفي الصف الرابع بالتحديد

كانوا يخرعوننا من الحمامات المدرسة ويقولون لنا ام ريل حمار بتطلع لكم
:weeping:

تبا صدقتهم وكنت اخاف من صجي ،، وكانت عندنا فراشة الله يرحمها برحمته
ان كانت حية ولا ميتة تبيع ذاك الزعتر الحلو بس مقرها قريب الحمامات تكرمون

فكنت انظار الزعتر وكلي خايف واردد في قلبي اشردي يا ام السعف

بودريا سمعنا عنه لكن ما لحقنا عليه لأن كنا بعاد عن الدرياه :shy:

[شبح الصمت]

وانا صغير من صجي كنت انام والدرايش مبطله اخبر كنت اتخيل اني اشوف واحد له عين وحده ومعلق سماعة حول رقبته شالسالفه ما كنت ادري هل اهو كان معلقه يتصل والا شالسالفه رؤيه عجيبه وبس !!


شالسالفه يالربع فيلم هندي مب رؤؤيه ذي !!!

[نور الحور]

اللحين شبح، وأم السعف هني شلون ما تبونا نخاف :secret:

[ام السعف]

وانا صغير من صجي كنت انام والدرايش مبطله اخبر كنت اتخيل اني اشوف واحد له عين وحده ومعلق سماعة حول رقبته شالسالفه ما كنت ادري هل اهو كان معلقه يتصل والا شالسالفه رؤيه عجيبه وبس !!


شالسالفه يالربع فيلم هندي مب رؤؤيه ذي !!!

معلق سماعة ؟

يمكن طبيب :p

[ام السعف]

اللحين شبح، وأم السعف هني شلون ما تبونا نخاف :secret:
بووووه
خرعيتكم :shy:

[نور الحور]

بووووه
خرعيتكم :shy:

يمممممممممممممممه :eek5::weeping:

[شبح الصمت]

اللحين شبح، وأم السعف هني شلون ما تبونا نخاف :secret:

:vampire:


معلق سماعة ؟

يمكن طبيب :p


ام السعف صدقيني هالشيء الي كنت اتخيله كان غبي لدرجة خبرك الافلام الهنديه قبل مرعبه جذيه واحد معلق سماعه وعين وحده يمكن اهو لاني شاكه انه فيلم وكان يطلع لي اخر الليل وخبرك قبل على ايام الوكره بيوت وقطعه مافي حواليك احد الا كمن بيت لازم تتخيلن هالاشياء

:(

[العلم]

يوم كنا صغار كنا نلحق الدجاجة لين تبيض من الخوف ...

صارت لنا مره وحده ونشبنا للدجاج الباقي >> :nop::nop:

[نوار قطر]

يوم كنت طفلة بريئة في المرحلة الإبتدائية وفي الصف الرابع بالتحديد

كانوا يخرعوننا من الحمامات المدرسة ويقولون لنا ام ريل حمار بتطلع لكم
:weeping:

تبا صدقتهم وكنت اخاف من صجي ،، وكانت عندنا فراشة الله يرحمها برحمته
ان كانت حية ولا ميتة تبيع ذاك الزعتر الحلو بس مقرها قريب الحمامات تكرمون

فكنت انظار الزعتر وكلي خايف واردد في قلبي اشردي يا ام السعف

بودريا سمعنا عنه لكن ما لحقنا عليه لأن كنا بعاد عن الدرياه :shy:
الله يهدااها ام الزعتر لازم عند الحمامات تبيعه :(


عن بودرياه ولا انا بس هلي كانو فالضعاين وعقب مانزلو الدوحه كنا كل اسبوع لااازم نروح مع يدتي الله يرحمهاا وعرفنا بودرياه وربعه :nice:

[نور الحور]

يوم كنا صغار كنا نلحق الدجاجة لين تبيض من الخوف ...

صارت لنا مره وحده ونشبنا للدجاج الباقي >> :nop::nop:



:eek5::eek5::eek5:

[نوار قطر]

يوم كنا صغار كنا نلحق الدجاجة لين تبيض من الخوف ...

صارت لنا مره وحده ونشبنا للدجاج الباقي >> :nop::nop:


:eek5: :eek5: مجرم انت وربعك

[ام السعف]

يوم كنا صغار كنا نلحق الدجاجة لين تبيض من الخوف ...

صارت لنا مره وحده ونشبنا للدجاج الباقي >> :nop::nop:

هاهاهاا
هاهاها
:secret:



:vampire:




ام السعف صدقيني هالشيء الي كنت اتخيله كان غبي لدرجة خبرك الافلام الهنديه قبل مرعبه جذيه واحد معلق سماعه وعين وحده يمكن اهو لاني شاكه انه فيلم وكان يطلع لي اخر الليل وخبرك قبل على ايام الوكره بيوت وقطعه مافي حواليك احد الا كمن بيت لازم تتخيلن هالاشياء

:(


اعتقد خيال هاهاها ،،

بس سالفتك هذي ذكرتي بسالفة صارت لي او ما تزوجت ،،

كنا ساكنين في ملحق منفصل في بيت جد العيال الله يرحمه
ولبيوت لازقة في بعضها ،، وطوفة بيت ولد عم ابوهم اتطل على الحوش عندي
وكانت رفيعة الطوفة وماحذاة باب حوشنا لو بنطلع من اليسار ،،

ما ادري شلي خلاني اتخيل ان في وحدة لابسة اسود وشعرها طويل
قاعدة في الزاوية ،، وهالوصف اللي في بالي كانوا واصفين لي اياه عن
جنية في بيت واحد من جيرات اهل امي ،،

تميت فترة متروعة وخايفة واتحاشى اشوف جدامي لأني اشوفها
بعيوني ،، وقلت حق بو العيال قال لي اذكري الله ،،
فصرت اخاف تطلع لي من تحت السرير :(

فكنت عايشة في رعب وانا اللي ارعب العالم :weeping:

لين وصلنا للحل اني اشغل القرآن اربع وعشرين ساعة حتى واحنا رقود

مب متذكرة كم خذت وقت بس اللي اتذكره اني ما طولت وحلمت
ان مركبة فضلئية نازلة من السما ،، وطلع من الباب شيبة ملابسه
ابيض في ابيض وكنت حزتها خايفة من الحرمة هذي وكانت موجودة معانا
بس ما كنا في البيت ،،
فوجه كفه واصابعه مفتوحة صوب ويه الحرمة هذي وكأن يقول لها وخري عنها ،،

وسبحان الله ومن يومها الاحساس بالخوف زال بفضل من الله
واختفت ام الفستان الآسود والشعر الاسود واختفى الشيبة ،،



الله يهدااها ام الزعتر لازم عند الحمامات تبيعه :(


عن بودرياه ولا انا بس هلي كانو فالضعاين وعقب مانزلو الدوحه كنا كل اسبوع لااازم نروح مع يدتي الله يرحمهاا وعرفنا بودرياه وربعه :nice:

اشعرفني فيها الله يرحمها برحمته :(

احنا شفنا البحر لما كنا نمر صوب السوق اللي الحين منطقة سوق الذهب
بس ما كنا ندري لازم نروح صوبه :(

[نوار قطر]

اشعرفني فيها الله يرحمها برحمته :(

احنا شفنا البحر لما كنا نمر صوب السوق اللي الحين منطقة سوق الذهب
بس ما كنا ندري لازم نروح صوبه :(

مادرينا عنج جان وديناج معانا :shy:

[ام السعف]

مادرينا عنج جان وديناج معانا :shy:

ما احب البحر غدار :"(
ضحكة امواجه تسل السيوف وتطعن في الظهر :"(

[العلم]

والله صج ههههه

كنا حزت القايلة نطارد دجاجة انا واخوي وولد خالي ،، كل واحد ثوبه في حلجه وركيض وراها... شوي الا وقفت وباضت وكملت طريقها ...



وحنا ماصدقنا عالله ذبحنا الدجاج عقبها بالمطارد ..:happy::happy::happy::happy:

[نوار قطر]

ما احب البحر غدار :"(
ضحكة امواجه تسل السيوف وتطعن في الظهر :"(

ليش متشائمه من البحر ،،،البحر عجييييب نشكي له ويسمعنا من غير ما تملل منا ،،،واذا البني ادم يغدر بأخوه ماتبين البحر يغدر ،،،

[ام السعف]

ليش متشائمه من البحر ،،،البحر عجييييب نشكي له ويسمعنا من غير ما تملل منا ،،،واذا البني ادم يغدر بأخوه ماتبين البحر يغدر ،،،

وين البحر يسمع لنا ؟
البحر لاهي في امواجه واحنا نوحي لنفوسنا انه يسمع لنا :unsure:

بس ارجع واقول ما احب البحر بس السمج والربيان والخثاق
وام الربيان والمأكولات البحرية :telephone:

[نوار قطر]

وين البحر يسمع لنا ؟
البحر لاهي في امواجه واحنا نوحي لنفوسنا انه يسمع لنا :unsure:

بس ارجع واقول ما احب البحر بس السمج والربيان والخثاق
وام الربيان والمأكولات البحرية :telephone:


الووو :telephone: اوريدووو لو سمحتو اوريدو مطعم جمبريكا للسي فوود

[الحياة الخالدة]

حياكم اللـــــه يا جماعة
سوالفكم حلوة .. بس خلكم في سوالفكم و انتو صغار .. لا يتشمع الموضوع بالشمع الأحمــــر :nice:

أم السعف .. شكراً لنفض الغبار عن الموضوع :shy:

[ريلاكس قطر]

يقولون لنا لاتطلعون الظهر بتجيكم حمارت القايلة

هههههههههههههههههههه

حاطري اشوف حمارت القايلة

[Miss]

خرعونا بحمارة القايله :(
وقصوا علينا بسالفة ضرس الحمار :(
ولا تشوفين ويهج في المنظرة فليل ولا بتنقلبين لـ ......... :(
واذا شقحتي حد ارجعي اشقحي بالعكس ولا ما راح يطول :(
وكله كوم والطير الخضر كوم اللي ينقل سوالفنا كلها لامي << اكرهه هالطير :(
وقصوا علينا بسالفة القهوه وماخلونا نشربها واحنا صغار ،، عندكم هالسالفه ولا عندنا بس :secret:

[عصير بو نص]

كانو يقولون عيب البنت تشرب قهوه يمكن هالشي اللي خلانا مدمنين عليها
والا كله كوم ويوم يقولون لنا لاتحبون ريل الرضيع تراه مابيمشي ما ادري عيونه بتعوره شدخل ما ادري

[الحياة الخالدة]

^^^


و كانوا يقولون لا تخلون الياهل يشوف نفسه في المنظرة و الا بيستخـــــف
و اللي أصابعه ما تتطرقـــع يعني مافيه عيال
و القهـــــوة يقولون مب زينة حق اليهال .. مع إن بعضهم يقولون تنطق الياهل ( يعني تخليه يتكلم بسرعة )

[Miss]

كانو يقولون عيب البنت تشرب قهوه يمكن هالشي اللي خلانا مدمنين عليها
والا كله كوم ويوم يقولون لنا لاتحبون ريل الرضيع تراه مابيمشي ما ادري عيونه بتعوره شدخل ما ادري
ايييييه مادري ليش :secret:
تقند الراس عقب الحلوى :shy:

^^^


و كانوا يقولون لا تخلون الياهل يشوف نفسه في المنظرة و الا بيستخـــــف
و اللي أصابعه ما تتطرقـــع يعني مافيه عيال
و القهـــــوة يقولون مب زينة حق اليهال .. مع إن بعضهم يقولون تنطق الياهل ( يعني تخليه يتكلم بسرعة )

احنا هذارين بها وبدونها :p

[Right]

إلي لي الحين أتذكره وأضحك إذا طاح الضرس



أحذفه بالحوش وأقول يا شمس هاج ضرس حمار وعطيني ضرس غزال



ليش .. مصاص دماء مثلاً :nice:

[حميداني]

أخبر كم من شي كان ينقالنا لما كنا صغار ومن هالاشيا
ان تقعد تفرص المفصل في صبع الايد وبقى مفروص يعني انت صايم ,ان لا فانت فاطر

[عصير بو نص]

ياما قلنا هالكلام يوم طاحت ضروسنا بس مالك مفر من التقويم شكلها الشمس كانت تسمع بالعكس

[R 7 A L]

الظاهر كلنا يوم كنا صغار مشتركين في ضروس الحيمر:anger1:
اكرمنا وأياكم منها
،
حمارة القايلة
،
أم السعف والليف
،
واشياء كثيرة قاصين علينا فيها :anger1:

[ام السعف]

حياكم اللـــــه يا جماعة
سوالفكم حلوة .. بس خلكم في سوالفكم و انتو صغار .. لا يتشمع الموضوع بالشمع الأحمــــر :nice:

أم السعف .. شكراً لنفض الغبار عن الموضوع :shy:

العفو :shy:

[بونووف]

كنا نقعد فالليل انا و اخوي نشقق اوراق ونقصص بالمقص وامي كانت تقولنا اللي يقص اوراق فالليل يسويها وهو راقد ههههه وماكنا نرقد الا لما نفرغ عدل احتيااط

اللي مايقيل بعد المدرسه يقعد مع الشياطين

اللي يطلع فالحوش المغرب اليني يدخل فيه

اللي يحلف وايد يصير سبال

اي قطوه سوده فيها يني ولا تطالع القطوه في عينها عشان مايدخل فيك


خالي الله يذكره بالخيرعطاني وحده قويه شوي وتميت مصدقها لين الاعداديه شفته مره يدخن قعدت اطالعه يقولي ترى انا ادخن لاضرسي طاح ولازم اسكن الالم بزقاره ههههه وبعدها حطيت في بالي انه الزقاره علاج ومسكن

[نوار قطر]

ضرس الحمار وضرس الغزال ترى انا من كم يوم قايله حق بنتي يوم جلعت قلت لها اخذي ضرسج وقولي ياشمس هاج ضرس الحمار وعطيني ضرس الغزال :shy:

[ام السعف]

ضرس الحمار وضرس الغزال ترى انا من كم يوم قايله حق بنتي يوم جلعت قلت لها اخذي ضرسج وقولي ياشمس هاج ضرس الحمار وعطيني ضرس الغزال :shy:

وحسب ما سمعت انه ما يجوز ،، لأن اللي ياخذ ويعطي هو الله سبحانه وتعالى،،

:shy:

[الحياة الخالدة]

ضرس الحمار وضرس الغزال ترى انا من كم يوم قايله حق بنتي يوم جلعت قلت لها اخذي ضرسج وقولي ياشمس هاج ضرس الحمار وعطيني ضرس الغزال :shy:


مع إن بالعكس شكل الأسنان اللبنيــــــة أنعم من الأسنان الدائمة :nice:

[الحياة الخالدة]

كنا نقعد فالليل انا و اخوي نشقق اوراق ونقصص بالمقص وامي كانت تقولنا اللي يقص اوراق فالليل يسويها وهو راقد ههههه وماكنا نرقد الا لما نفرغ عدل احتيااط

اللي مايقيل بعد المدرسه يقعد مع الشياطين

اللي يطلع فالحوش المغرب اليني يدخل فيه
اللي يحلف وايد يصير سبال

اي قطوه سوده فيها يني ولا تطالع القطوه في عينها عشان مايدخل فيك


خالي الله يذكره بالخيرعطاني وحده قويه شوي وتميت مصدقها لين الاعداديه شفته مره يدخن قعدت اطالعه يقولي ترى انا ادخن لاضرسي طاح ولازم اسكن الالم بزقاره ههههه وبعدها حطيت في بالي انه الزقاره علاج ومسكن


يمكن هذا الشي الوحيد اللي صح

[الحياة الخالدة]

أخبر كم من شي كان ينقالنا لما كنا صغار ومن هالاشيا
ان تقعد تفرص المفصل في صبع الايد وبقى مفروص يعني انت صايم ,ان لا فانت فاطر


هاذي صج ذكرتني فيهــــــا .. يمكن لأن لما نصوم يصير عندنا جفاف فما يصير في مرونة بالجلد

[بونووف]

تذكرت زوجتي تقولي انه اللي ماتطرقع اصابعه يعني ماكل خبز اليوم

[بونووف]

يمكن هذا الشي الوحيد اللي صح

مافي يبه كل شي مصدقينه ونقول حق ربعنا بعد

[الحياة الخالدة]

مافي يبه كل شي مصدقينه ونقول حق ربعنا بعد


لا يكون بس قلت لهم عن السجاير .. تلقاهم كلهم صاروا مدخنين :nice:

[بونووف]

لا يكون بس قلت لهم عن السجاير .. تلقاهم كلهم صاروا مدخنين :nice:

اصلا بديت حياة التدخين للاسف على هالمبدأ وبعدها فهمت شسالفه

[نوار قطر]

وحسب ما سمعت انه ما يجوز ،، لأن اللي ياخذ ويعطي هو الله سبحانه وتعالى،،

:shy:

والنعم بالله عاد انا مااقول لها ان من صجي ،،، اقول لها كنوع من الضحك :shy:

[نوار قطر]

مع إن بالعكس شكل الأسنان اللبنيــــــة أنعم من الأسنان الدائمة :nice:


عاد بنتي دمها باااارد سنه لين يطيح ضرسها وسنه لين يطلع لها ،،، خلها متى ماطاحو عليه العوض ومتى ماطلعوو الله يحييهم :nice:

[الحياة الخالدة]

عاد بنتي دمها باااارد سنه لين يطيح ضرسها وسنه لين يطلع لها ،،، خلها متى ماطاحو عليه العوض ومتى ماطلعوو الله يحييهم :nice:


اللــــه يخليهــــا لكم و يحفظها من كل شر