بعض اعمال تنفيذ سيراميك الحوائط (صور)

[ابو رها]

السلام عليكم ورحمة الله وبركاته

هذي بعض الصور صورتها ع الماشي تبين تنفيذ ابسيراميك
ان شاءالله تعجبكم ويستفاد منها


البدايه تكون بأخذ الوزنيات للحائط وبعدها بتنظيف الحائط
من اي شوائب بغسله بالماء

http://www.m5zn.com/img/?img=57a99e482c2c01b.jpg



وضع السيراميك بدرام ماء يتشرب لين يخرج الهواء منه
وعشان مايتشرب الماء الموجود بالخلطه وينشفها



http://www.m5zn.com/img/?img=48aba021efed8be.jpg

http://www.m5zn.com/img/?img=02c446426c09a7b.jpg

تجهيز الخلطه باستخدام غراء سافيتو


http://www.m5zn.com/img/?img=204b447d4a5b4d7.jpg


بعد كذا التنفيذ والتركيب ويكون بأستخدام
الصليب البلاستيكي لضبط الفواصل بدقه

http://www.m5zn.com/img/?img=427eb8cb19f0f49.jpg



http://www.m5zn.com/img/?img=5907ef1bc1bd0a4.jpg


http://www.m5zn.com/img/?img=a56a2efa6c73de4.jpg


ان شاءالله تعجبكم واي استفسار بالخدمه

تقبلوا تحياتي

ابو رها

[ابو رها]

السموحه يالربع ماادري عن حجم الصور
اناارفعهم وانزلهم عن طريق الايفون

[معماري قطري]

إخوي يبي للصور تصغير وايد كبيرة ... للتصغير شوف برنامج عرض صور أو حتى من التلفون .. حاول تخليها 800 في 600 بكسل.

[Chambray]

عدلت الصور . بس كأني جبت العيد شوي في الترتيب ههههههههههه

اتمنى ان تصور بحجم 600*800

وشكراً على الموضوع

[ابو رها]

الله يعافيك ويسلمك ماقصرت
والترتيب تمام
عموماً الموضوع فقط للخطوات والطريقه
بالتركيب
اما نوعية السيراميك وشكله ترجع للذوق وحسن الاختيار

تحياتي

[ليل وتعاليل]

الفن في القص في الروبة لما تنحط والتنظيف .. يعني الزوايا مهمه والأماكن اللي في بلاط مقصوص .. ياليت تروينا الصور ..

[ابو رها]

الفن في القص في الروبة لما تنحط والتنظيف .. يعني الزوايا مهمه والأماكن اللي في بلاط مقصوص .. ياليت تروينا الصور ..

ابشر ان شاءالله بنزلهم وانزل غيرهم ويكون واضح
فيهم الدقه بالقص والروبه والتركيب
بس يجهزون بنزلهم

[اللوز]

نرجو رفع الصور مره اخرى
الصور لا تظهر

[ابو رها]

هلا باللوز

هذي الصور مره ثانيه رفعتهم وخليناهم بحجم
صغير وان شاءالله يظهروا
والمقصود هنا مو الترتيب مثل الصور
المقصود خطوات التنفيذ والتأكد منها

البدايه بعد اخذ الوزنيات وتحديد القص من فوق او تحت

يبدأ العمل بغسيل الحوائط مثل الصوره

http://i.imgur.com/XeDTR.jpg


خطوه ثانيه مهمه

وضع السيراميك بالماء حتى يتشبع ولاتقل عن مدة ساعه
فقط السيراميك لان البورسلان مايحتاج


http://i.imgur.com/Ij2F3.jpg

تجهيز الخلطه وهنا بالصوره تم استخدام
غراء سافيتو سعودي لان الجدار مليس

http://i.imgur.com/TWRvH.jpg



بعد الخلط يبدأ التركيب بأستخدام الصليب البلاستيكي
للفواصل حسب المقاس اللي تحب

http://i.imgur.com/ARJO8.jpg


http://i.imgur.com/frTSA.jpg


ومثل ماقلت سابقاً المقصود من الموضوع
خطوات التنفيذ

تقبلوا تحياتي
ابو رها

[king999]

تسلم وبالتوفيق
بس اخوي العمال محتاجهم عندي شغل سيراميك اذا فنشهم ممتاز ولا تهون بعد ما تخلص

[ابو رها]

تسلم وبالتوفيق
بس اخوي العمال محتاجهم عندي شغل سيراميك اذا فنشهم ممتاز ولا تهون بعد ما تخلص

هلا بالكنج
والله ياخوي انا بالسعوديه مو بقطر ياليت اقدر
اجيبهم ويضبطونلك الشغل 100٪ وتشطيب فنادق

بس العين بصيره واليد قصيره

تحياتي لك

[ابو رها]

الفن في القص في الروبة لما تنحط والتنظيف .. يعني الزوايا مهمه والأماكن اللي في بلاط مقصوص .. ياليت تروينا الصور ..

هلا اخوي ليل وتعاليل

هذي عينه من القص للحائط والارضيه
وان شاءالله بموضوع قادم بنزل مجموعه
تبين القص والفنيات اكثر


هذي صورة قص بالارضيه جنب حلق الباب
توضح القص زين
http://i.imgur.com/L6l06.jpg



هذي صوره للزوايا بالحائط ان شاءالله تكون واضحه
وتبين ان البدايه لازم تكون من السنتر عشان تناسق
الجهتين بالتساوي وفيه قص من الجهتين تقريباً
3 سم

http://i.imgur.com/WmQsD.jpg


ان شاءالله يكونوا واضحات

تقبل تحياتي
ابو رها

[معماري قطري]

هلا اخوي ليل وتعاليل

هذي عينه من القص للحائط والارضيه
وان شاءالله بموضوع قادم بنزل مجموعه
تبين القص والفنيات اكثر


هذي صورة قص بالارضيه جنب حلق الباب
توضح القص زين
http://i.imgur.com/L6l06.jpg



هذي صوره للزوايا بالحائط ان شاءالله تكون واضحه
وتبين ان البدايه لازم تكون من السنتر عشان تناسق
الجهتين بالتساوي وفيه قص من الجهتين تقريباً
3 سم

http://i.imgur.com/WmQsD.jpg


ان شاءالله يكونوا واضحات

تقبل تحياتي
ابو رها

السلام عليكم .. هلا أخ بو رها.

انا احب بالنسبة للحمامات تكرم يكون الفاصل بين أرضية الحمام والأرضية الأُخرى يكون قطعة وحدة من الرخام أو الغرانيت مبرومة بشكل قوس ومرتفعة شوي حتى تعزل الماي من الدخول للغرفة، وفايدة ثانية تكون حاجز إنتقالي بين مستوى شوي مرتفع للغرفة ومستوى شوي نازل لأرضية الحمام .. يمكن 1 سم على أقل تقدير .. ويكون هو المستوى الأعلى في الحمام والميلان بسلوب بسيط لجهة فتحة الصرف اللي بتكون أوطى بحدود 2 أو 3 سم .. فذلك يخلي الماي في حالة تسرب كبير يتجه لفتحة الصرف ولا يدخل الغرفة.. الأمر الآخر هو لو سكرت الباب يسكر مع السجاد بدون فتحة نهائياً لدخول المرعب الصغير لا قدر الله.

وهذي صور توضح كلامي.

http://im28.gulfup.com/fdl71.jpg (http://www.gulfup.com/?26uV0B)

وهذي صورة لنفس الحمام من الداخل.

http://im18.gulfup.com/8z2X1.jpg (http://www.gulfup.com/?Lf7EL2)

ولاحظوا يا اخوان الإغلاق المحكم للباب بدون فتحة للتهوئة يؤثر سلبياً في قوة مروحة الشفط ويخليها تخترب في زمن قياسي .. ولحل هذي المشكلة انا سويت فتحة دائرية في الجدار من فوق .. بالضبط فوق البانيو وركبت لوفر ينفتح ويدخل هواء من غرفة الملابس المجاورة.

وهذي صورة لحمام آخر من الداخل.

http://im29.gulfup.com/QPAV1.jpg (http://www.gulfup.com/?22cxth)

وهذا فيه لوفر خشبي في الباب لتدخيل الهواء.

http://im19.gulfup.com/C8aw1.jpg (http://www.gulfup.com/?2Dp7nz)

وهذا آخر وواضحة في الصورة قطعة الرخام البيضاء الموجودة تحت السجادة.

http://im28.gulfup.com/ITvA1.jpg (http://www.gulfup.com/?6q1mj5)

وهنا اللوفر أو الفتحة الخشبية واضحة في أسفل الباب لدخول هواء التهوية للحمام .. فالمفروض دراسة هذه الجزئيات البسيطة وتطبيقها للراحة وللعملانية وللديمومة، وإني حقيقةً أرى الكثيرون يهملونها وهي أُمور بسيطة.. حتى عتبات الدرج تتكسر بسرعة والسبب أن حوافها قائمة بزاوية 90% والمفروض تكون مبرومة دائرياً.. وثمة أمر مهم آخر وهو وضع قطعة واحدة من الرخام على حافة النافذة أو كل حواف النافذة إذا كانت نافذة غير مغطاة بستارة ويمكن الجلوس قربها .. أو حتى أي نافذة عادية فهذه تعطي منظر جميل وقوة بحيث لا تتكسر حواف البلاستر القائمة.

http://im15.gulfup.com/yjvg1.jpg (http://www.gulfup.com/?QgFwWL)

[ابو رها]

هلا بالاخ معماري

ماشاءالله شغل طيب الله يبارك فيك

اكيد الرخام لما ينبرم اطرافه يكون اولاً امان
وثانياً شكل جمالي افضل

الان عندنا قليل اللي يركبون عتب ابواب الحمامات
والمطابخ رخام ، مباشرةً ينزلون منسوب الحمام
2 سم

شاكر مرورك وتعليقك الطيب
تقبل تحياتي*

[معماري قطري]

هلا بالاخ معماري

ماشاءالله شغل طيب الله يبارك فيك

اكيد الرخام لما ينبرم اطرافه يكون اولاً امان
وثانياً شكل جمالي افضل

الان عندنا قليل اللي يركبون عتب ابواب الحمامات
والمطابخ رخام ، مباشرةً ينزلون منسوب الحمام
2 سم

شاكر مرورك وتعليقك الطيب
تقبل تحياتي*

الشكر والتقدير لك أخ بو رها

انا أقول هذا الفاصل مع التنزيل 2 أو 1 سم بحيث يكون فاصل إنتقالي .. ممكن عملها بدون فاصل وبالسيراميك مباشرةً لكن تكون الحواف كثير ضعيفة وتتكسر والشكل يكون قبيح من وجهة نظري.

[ابو رها]

هلا وغلا معماري

صدقت شكله بدون عتب رخام تعيس وقبيح

لكن النزول 2 سم او 3 سم بالاضافه لسماكة الرخام
يكون عالي شوي
اما طريقتك اللي بالصوره ممتازه يعني الباب مقفل
ع الرخام ومحكم كويس ومايحتاج نزول للسيراميك

بالنسبه لي انا عندي بالبيت مسوي نفس اللي انت
مسويه وهو افضل شي

شاكر مرورك ومشاركتك

[Bozizoo]

اخوي معماري التسكير المحكم في الباب يسبب عدم مرور تيار الهواء في حالة تشغيل مروحة التهوي.واذا كان كذلك يجب عمل فتحات تهوية في الباب أو تصغير الباب و تكون فتحه من تحت

[معماري قطري]

اخوي معماري التسكير المحكم في الباب يسبب عدم مرور تيار الهواء في حالة تشغيل مروحة التهوي.واذا كان كذلك يجب عمل فتحات تهوية في الباب أو تصغير الباب و تكون فتحه من تحت

صحيح ذكرت هذا الشيء ووضحته بالصور

ولازم تسوي منفذ يدخل منه الهواء .. انا للرئيسي سويت المنفذ من فوق في الحائط ويدخل هواء من غرفة الملابس .. وناس وايد اللي يسون دكتد سبلت أو مركزي يسون فتحة تكييف خاصة بالحمام.

[اللوز]

مشكور على الصور التوضيحية
انا قلت انا عمال التركيب مش عندنا في الدوحة
للاسف
قليل منهم الشاطر !!

[ابـو مــحــــمـــــد]

السلام عليكم ورحمة الله وبركاته



وضع السيراميك بدرام ماء يتشرب لين يخرج الهواء منه
وعشان مايتشرب الماء الموجود بالخلطه وينشفها



http://www.m5zn.com/img/?img=48aba021efed8be.jpg

ان شاءالله تعجبكم واي استفسار بالخدمه

تقبلوا تحياتي

ابو رها






السلام عليكم

اخوي ابو رها

بنسبه للسراميك الي في الدرام أنا اليوم قلت للبناي عن هذي ألطريقه
قال لي هذي تحصل لما تركب السراميك بالمونه اما اذا بالمادة الاصقه
ما يحتاج لان الماده طريه

مدري شرايك في كلامه

[معماري قطري]

السلام عليكم

اخوي ابو رها

بنسبه للسراميك الي في الدرام أنا اليوم قلت للبناي عن هذي ألطريقه
قال لي هذي تحصل لما تركب السراميك بالمونه اما اذا بالمادة الاصقه
ما يحتاج لان الماده طريه

مدري شرايك في كلامه

معليش السؤال لواحد واللي يجاوب غيره

في منتدى قطر كلنا واحد :nice:

ألحين مواد البناء خصوصاً المتطورة منها لها طرق تنفيذ تختلف عن ما كان في السابق، والعامل في الغالب تعلم طريقة التركيب وفاهمها صح وفيه مواد لاصقة ما تحتاج ماء نهائياً وممكن أقل رطوبة تعمل حاجز ويطيح البلاط .. وعندنا ألحين بورسلان مضغوط عالي ونسبة الفجوات فيه تقدر ب 0.05 % من الحجم الكل، وهي نسبة بسيطة جداً ولا تتسبب في شفط ماء المونة .. ما ذكر بالنسبة لطريقة التركيب القديمة صح .. عندك بعض أنواع اللاصق تجي بتعليمات تختلف وتخلط بمادة خاصة غير الماء وتخلط بخفاق ميكانيكي خاص بعض العمال ما عندهم يسونها يدوياً وتكون ضعيفة.

[ابو رها]

معليش السؤال لواحد واللي يجاوب غيره

في منتدى قطر كلنا واحد :nice:

ألحين مواد البناء خصوصاً المتطورة منها لها طرق تنفيذ تختلف عن ما كان في السابق، والعامل في الغالب تعلم طريقة التركيب وفاهمها صح وفيه مواد لاصقة ما تحتاج ماء نهائياً وممكن أقل رطوبة تعمل حاجز ويطيح البلاط .. وعندنا ألحين بورسلان مضغوط عالي ونسبة الفجوات فيه تقدر ب 0.05 % من الحجم الكل، وهي نسبة بسيطة جداً ولا تتسبب في شفط ماء المونة .. ما ذكر بالنسبة لطريقة التركيب القديمة صح .. عندك بعض أنواع اللاصق تجي بتعليمات تختلف وتخلط بمادة خاصة غير الماء وتخلط بخفاق ميكانيكي خاص بعض العمال ما عندهم يسونها يدوياً وتكون ضعيفة.


هلا ابو محمد

ماشاءالله اخوي معماري ماقصر وكلنا واحد

بس حبيت اضيف ان البورسلان ابد مايحتاج وضعه
بالماء للاسباب اللي ذكرها اخوي معماري
لكن يفضل غسله من الخلف من المواد الشائبه من
بوده واي مواد ثانيه لان البورسلان سريع الفصل
اذا مايركبه فني سنع

بالنسبه للسيراميك مهما كان نوعه وصناعته اذا كان
يستخدم بالخلطه الماء سواء بالغراء اللاصق
او المونه الاسمنتيه لازم يوضع بدرام ماء

اما اذا غراء حراري بدون ماء مايحتاج وضعه بدرام


ابو محمد
اذا الفني يقولك مولازم وضعه بدرام لانه يستخدم
الغراء المخلوط بالماء ترى ماعنده سالفه

تقبلوا تحياتي*

[ابـو مــحــــمـــــد]

مرحبا اخواني معماري قطر و ابو رها
كلكم فيكم البركه والله لايخلينا من توجيهاتكم الطيبه
والله يجزيكم خير على كل حرف تكتبونه

والله يا اخوي ابورها مادي عنه ايش طريقة استخدامه
لكنه قال لي جيب لي مادة سيلينا الاصقه وعلى كلامه قويه حتى في برك السباحه يسخدمونها
بكره راح يبدا في شغله وراح الاحظ طريقة شغله

شاكر لكم جميع

[معماري قطري]

مرحبا اخواني معماري قطر و ابو رها
كلكم فيكم البركه والله لايخلينا من توجيهاتكم الطيبه
والله يجزيكم خير على كل حرف تكتبونه

والله يا اخوي ابورها مادي عنه ايش طريقة استخدامه
لكنه قال لي جيب لي مادة سيلينا الاصقه وعلى كلامه قويه حتى في برك السباحه يسخدمونها
بكره راح يبدا في شغله وراح الاحظ طريقة شغله

شاكر لكم جميع

الله يرحم والديك يا اخوي .. ما قصر بو رها كلامه صحيح 100% .. إذا المادة اللاصقة تنخلط بماء ضروري تغطس البلاطات في الماء فترة حتى لو يوم .

[ابـو مــحــــمـــــد]

الله يرحم والديك يا اخوي .. ما قصر بو رها كلامه صحيح 100% .. إذا المادة اللاصقة تنخلط بماء ضروري تغطس البلاطات في الماء فترة حتى لو يوم .

يعطيك العافيه اخوي معماري على التفاعل

يعني اذا الماده مخلوطه بالماء لابد انه ينقع السراميك في الماء صح

انا طلب مني مادة سيلينا وهو يقول هذي قويه مش محتاجه تحط السراميك في الماء

شاكر لك اخوي

[ابو رها]

يعطيك العافيه اخوي معماري على التفاعل

يعني اذا الماده مخلوطه بالماء لابد انه ينقع السراميك في الماء صح

انا طلب مني مادة سيلينا وهو يقول هذي قويه مش محتاجه تحط السراميك في الماء

شاكر لك اخوي

بالتوفيق ان شاءالله ابومحمد
الله يكتبلك اللي فيه خير

انا مااعرف عن غراء سيلينيا هي بودره
تخلط بالماء او غراء سايل حراري
اذا تخلط بالماء ع اقل تقدير يغرق السيراميك ساعه
بالدرام

معلومه للي مايعرف ليش التغريق بالماء للسيراميك
طبعاً قلت سابقاً فبداية الموضوع غسل الحائط ضروري
جداً قبل التبليط
للتنظيف ولتشبيعه بالماء
لما يتشبع الحائط والسيراميك بالماء عشان مايمتصوا
الماء الموجود بالخلطه بسرعه فائقه سواءاً اسمنتيه
او بالغراء وبكذا الخلطه تجف على مهل وتكون قويه جداً
بحالة عدم تغريق السيراميك بالماء هو يمتص موية
الخلطه وتجف الخلطه بسرعه ويسبب هشاشه بالخلطه
ويصير اماكن هواء بين الخلطه والسيراميك
وقتها يطبل السيراميك وممكن يسقط من تلقاء نفسه
وبحالة التشطيبات النهائيه مع استخدام الدريل
على طول يتكسر السيراميك ويطيح*

ان شاءالله قدرنا نوصل المعلومه
بالتوفيق للجميع

[ابـو مــحــــمـــــد]

بالتوفيق ان شاءالله ابومحمد
الله يكتبلك اللي فيه خير

انا مااعرف عن غراء سيلينيا هي بودره
تخلط بالماء او غراء سايل حراري
اذا تخلط بالماء ع اقل تقدير يغرق السيراميك ساعه
بالدرام

معلومه للي مايعرف ليش التغريق بالماء للسيراميك
طبعاً قلت سابقاً فبداية الموضوع غسل الحائط ضروري
جداً قبل التبليط
للتنظيف ولتشبيعه بالماء
لما يتشبع الحائط والسيراميك بالماء عشان مايمتصوا
الماء الموجود بالخلطه بسرعه فائقه سواءاً اسمنتيه
او بالغراء وبكذا الخلطه تجف على مهل وتكون قويه جداً
بحالة عدم تغريق السيراميك بالماء هو يمتص موية
الخلطه وتجف الخلطه بسرعه ويسبب هشاشه بالخلطه
ويصير اماكن هواء بين الخلطه والسيراميك
وقتها يطبل السيراميك وممكن يسقط من تلقاء نفسه
وبحالة التشطيبات النهائيه مع استخدام الدريل
على طول يتكسر السيراميك ويطيح*

ان شاءالله قدرنا نوصل المعلومه
بالتوفيق للجميع

يعطيك العافيه اخوي ابو رها على المعلومات القيمه
وأبشرك وصلت المعلومه ورسخناها في الرأس

أنا امس صبحته في البيت حصلته تقريبًا بدا في العمل
ورجعت وقلت له عن رش البلاستر وتنقيع السراميك
قال لي بنسبه البلاستر تو العمال خالصين منه من يومين
وهو كل يوم ينرش بالماء ومتشبع ونضيف ماعليه غبره
فا مش محتاج الرش اكثر من كذا
اما السراميك يغسله من الخلف ويركبه وهو على كلامه
انه مش محتاج للماء لان مكتوب على كيس البودره من الخلف
في التعليمات ان لابد ان يكون الحائط جاف وانا قريت الكيس

شاكر لك اخوي مره اخرى

[ابو رها]

يعطيك العافيه اخوي ابو رها على المعلومات القيمه
وأبشرك وصلت المعلومه ورسخناها في الرأس

أنا امس صبحته في البيت حصلته تقريبًا بدا في العمل
ورجعت وقلت له عن رش البلاستر وتنقيع السراميك
قال لي بنسبه البلاستر تو العمال خالصين منه من يومين
وهو كل يوم ينرش بالماء ومتشبع ونضيف ماعليه غبره
فا مش محتاج الرش اكثر من كذا
اما السراميك يغسله من الخلف ويركبه وهو على كلامه
انه مش محتاج للماء لان مكتوب على كيس البودره من الخلف
في التعليمات ان لابد ان يكون الحائط جاف وانا قريت الكيس

شاكر لك اخوي مره اخرى

حياك الله ابو محمد

بالتوفيق ان شاءالله ومنزل مبارك مقدماً