مساعده..وظائف مطار الدوحة الدولي

[Lady_Ech]

السلام عليكم ورحمة الله وبركاته
كيف الحال جميعا..

طبعا مثل ما انتم شايفين عنوان الموضوع
حبيت حد يفيدني بخصوص وظائف مطار الدوحة
*مكان التقديم
*المستندات المطلوبة
*هل الدوام شفتات او عادي
لان بالصراحه حاولت ان اعرف ف اي مكان اقدم ومحد فادني


اتمنى اتفيدوني لان بجد محتاجة
وبكون شاكره لكم


اللهم صل وسلم على سيدنا محمد..

[فرفوش]

مرحباا

أختي إذا قصدج تكونين موظفه بجوازات المطار

التقديم في الملحق الاداري ف الدفنه صوب الإبرراج

بس أناا عن نفسي مانصحج بالمطار

وعلى فكره أالدوام شفتات يومين صبح يومين عصر يومين ليل يعني مبيت

وشكرا

[خيالة قطر]

مكان التقديم ف مطار مبنى القادمون فالاداره تودين كل اوراقج ،،
دوام شفتات

بغيت اعرف الرواتب بنسبه للثانويه شلون
اذا حد عنده فكره ،،

[يونيك ^ قطر]

هذا يعتمد على نوع الوظيفة عسكري ولا مدني وبالنسبه للدوام يكون يومين عصر ويومين ليل هذا طبعا غير الثابت صباح وبعدين الراتب ماله خص بالشهادة .....

[خيالة قطر]

اللي يشتغل يوفينا بالمعلومات وكيف الشغل فالمطار

[monatee]

كلش مانصحكم بدوام المطار

ما ينفع لا بنت ولا متزوجة

اللي هناك لو يحصلهم يطلعون جان اطلعوا ... النقل ممنوع منعا باتا ..

والاستقالة تاخذونها بطلعة الروح

باختصار المطار مقبرة ادشونها ماتطلعون منها

[خيالة قطر]

اما !
شلون الاستقاله لو البنت مارتاحت فالوظيفه مايعطونها ؟

شنسوي بعد مافي مكان ماقدمناه ولاردو علينا : (