اي نوع يناسب عصرنا الحاضر؟

[penguin]

أنــــــــــت/ـــــي
مع
الزواج التقليدي أو الزواج عن معرفة سابقة ؟

الزواج التقليدي صورته منتشرة في مجتمعنا
وهو مثل بيضة كندر داخلها مفاجأة مانعرفها وفي النهاية الصدمة

الزواج التقليدي عندنا مايتعرفون علي بعض الا بعد الملجه و ينصدمون في بعض
وفي ناس حتى سالفة يتعرفون علي بعض بعد الملجه شي مرفوض
وفي الغالب يدزون حق بعض صورهم ويشغلون التحريات تسأل
اسمحولي هذا التخلف يحتاج إعادة نظر :rolleyes2:

ليش في مجتمعنا نسبة الطلاق مرتفعة وخاصة الطلاق قبل الزواج ؟؟

ليش الزوج يفكر يخون زوجته ؟

استغفرالله :rolleyes2:
المشكلة مب في الزوجين المشكلة في اللي حطهم في هذا الموقف
طبيعي يخونها ومعذور علي الاقل بيخونها مع وحده هو مختارها
ومافي شخص يخون من فراغ

تكلمت عن الجانب السلبي في الزواج التقليدي لان ماحصلت شيء ايجابي واحد اذا حصلتوا قولوا لي


الزواج عن معرفة سابقة ماربطته بالحب حتى:weeping: كل شخص له طريقته الخاصة في التعرف
في ناس التعارف للزواج عندهم صورته تختلف عن التعارف العادي
و العلاقه بين الشخصين تكون أكثر خصوصية
و في ناس يرسمون حدود و تخطيط معين للمستقبل وكل شخص ينظر لها من جانب اهتمامه بزوجة المستقبل
في جانب من الحرية والأختيار
والاختبار <<< اختبار أخلاق ،مشاعر، دين، ثقافة، توافق الطرف الثاني
وحاب اعرف رايكم في اي نوع مناسب لعصرنا الحاضر وليس عصر اجدادنا الغابر

تفضلوا

[حميداني]

كل انسان مهيئ له طريقه الخاص في الحياه

التقليدي طيب والسبب انه بالعاده يكون تركيزه اكثر على شخصية هالشخص وتعامله مع بني جنسه
فسمعته توصل لشخصه قبل شكله وجماله , في حلوين لكن اخلاقهم ما تسوى خيشة بصل
فالناس تتغاضى الطرف عنهم ومحد يبي يعاشرهم من اهل هذا الرجل فممكن يبعد عن هالنوعيه بهذي الطريقه
لكن ممكن هالشخصيه اللي يستسيغها اهل الرجل في البنت ما تتوافق مع الرجل نفسه وميوله
على قولة اثنين من ربعي ... واحد يقول ودي افبنت اثقيله تقدر الجديه مب هبله !
الثاني يقول ما عندك سالفه والله حلاتها هبله وونيسه
فجذي فالاغلب الاذواق ممكن تتضارب فيكون ذوق الاهل مختلف عن ذوق هذا الرجل


الزواج عن معرفه شخصيه هم بعد طيب وللبعض اثبت انه يحصل البنت اللي هو يرتاح لاسلوبها وتعاملها
ويحس ان افكارهم تتوافق ونظرتهم قريبه من بعضهم لكن هم بعد في شي سلبي فذي
مو كل الناس تمشي في الشارع بوجهها الحقيقي لدى الغرب وخااصه خاصه مع الجنس الثاني
كل شخص يحاول يبين انه الاقرب للكمال وعند الزواج مع الوقت وذوبان الحواجز تنصدم بشخصيه مختلفه
ويمكن حتى فكر غير ويعني ... فتصير مشاكل .

فهم يتساوون في كل الاحيان من محاسن ومساوئ وما عليك الا تجتهد اختيارك ورغبتك
وتتوكل على الله

[حفيد الأنصار]

أنــــــــــت/ـــــي
مع
الزواج التقليدي أو الزواج عن معرفة سابقة ؟

مع الزواج التقليدي

الزواج التقليدي صورته منتشرة في مجتمعنا
وهو مثل بيضة كندر داخلها مفاجأة مانعرفها وفي النهاية الصدمة


ليش مثل بيضة كندر في شي اسمه شووفه شرعيه وفيه الاهل يعرفون اخلاقها


الزواج التقليدي عندنا مايتعرفون علي بعض الا بعد الملجه و ينصدمون في بعض

اذا الوالدة اختارت لك زوجه مناسبة في اخلاقها وبعد الشوفه الشرعيه تقدر تبنون مستقبلكم وحياتكم على نمط محايد بين افكارك وافكارها


وفي ناس حتى سالفة يتعرفون علي بعض بعد الملجه شي مرفوض
وفي الغالب يدزون حق بعض صورهم ويشغلون التحريات تسأل
اسمحولي هذا التخلف يحتاج إعادة نظر :rolleyes2:

في هذه انا اتفق معاك اللي يحرمون الناس من الشوفه الشرعيه ويمكن هذي ضررها على البنت اكثر من الولد ومن حقهم يجلسون مع بعض بعد الملكه ويتفقون على امور تخصهم وكل واحد يعرف طينة الثاني بشكل اقرب طبعا مع مراعاة وقت الجلوس مع بعض .. اما اللي يمنعهم يبيله يراجع نفسه صراحة

ليش في مجتمعنا نسبة الطلاق مرتفعة وخاصة الطلاق قبل الزواج ؟؟

عدم توفيق من الله والاسباب كثيرة

ليش الزوج يفكر يخون زوجته ؟

استغفرالله :rolleyes2:
المشكلة مب في الزوجين المشكلة في اللي حطهم في هذا الموقف
طبيعي يخونها ومعذور علي الاقل بيخونها مع وحده هو مختارها
ومافي شخص يخون من فراغ

والله من قلة الدين
ترى اغلب الشباب اللي يكلمون لو تقوله تزوج اللي تكلمها بيرفض على طووول

تكلمت عن الجانب السلبي في الزواج التقليدي لان ماحصلت شيء ايجابي واحد اذا حصلتوا قولوا لي

كثيرة الايجابيات .. لكن ماتكلمت عن الجانب السلبي في الزواج عن معرفة !!

الزواج عن معرفة سابقة ماربطته بالحب حتى:weeping: كل شخص له طريقته الخاصة في التعرف
في ناس التعارف للزواج عندهم صورته تختلف عن التعارف العادي
و العلاقه بين الشخصين تكون أكثر خصوصية
و في ناس يرسمون حدود و تخطيط معين للمستقبل وكل شخص ينظر لها من جانب اهتمامه بزوجة المستقبل
في جانب من الحرية والأختيار
والاختبار <<< اختبار أخلاق ،مشاعر، دين، ثقافة، توافق الطرف الثاني

طيب ومثل ماقال الاخ حميداني ممكن يظهر لك الشخص بوجهه ثاني

وحاب اعرف رايكم في اي نوع مناسب لعصرنا الحاضر وليس عصر اجدادنا الغابر

تفضلوا



:victory:

[مشاكل]

هلا اخوي البطريق

أي الطريقتين في الزواج او الخطبة بمعنى اصح شرعها لنا ديننا الأسلامي ؟؟ الطريقة الشرعية التقليدية ؟ ام طريقتك التي اجدك متحمّس لها والتي تدعو الى التعارف قبل الخطبة وتدّعي صوابها وفشل غيرها ؟!
واي الطرق ترضاها وتفضلها ان تكون لأهلك ؟

[لولو2022]

والله وايد الي تزوجو عن حب وانصدموا بعد الزواج
وبعدين الزواج التقليدي الي على قولتك مافي اي ايجابيات هو زواج امهاتنا
وزواج الصحابه قبلهم ليش مافيه طلاق نفس الي نسمعه الحين مع عصر الانفتاح
لانهم ناس راضين بنصيبهم
بس الحين في جلسه وحده بطلع لك فيه الف عيب
حاسه انه بخيل ، مايعرف يعبر ، دمه ثقيل ، بدا يتشرط ...........:(

[عقار]

مع الزواج التقليدي وبقوووه
اللي حاصل في مجتمعنا ان حالات الطلاق زااايده السبب من الزوج والزوجه ومن قلة التربية ومن الانفتاح ومن المدارس الاجنبية الخاصة اللي ندرس عيالنا فيها ،، وبعد في نوعية من البنات تحب اتكون لايثه في الشوارع ومن مول الى مول ولا همها تكوين اسره وانجاب ،، وفي شباب بعد ولا داري وين الله حاطه

الكلام في ها الموضوع طووووويل ، نشوف ردود الاعضاء الكرام

[خليفـة]

متابع .. ولي عودة ان شاء الله

خليفـــة

[وثائقي]

أكتفي بالصمت هاهنا ولا ضير بالمتابعة عن كثب ..

وفق الله الجميع لما يحبه ويرضاه ..

[penguin]

كل انسان مهيئ له طريقه الخاص في الحياه

التقليدي طيب والسبب انه بالعاده يكون تركيزه اكثر على شخصية هالشخص وتعامله مع بني جنسه
فسمعته توصل لشخصه قبل شكله وجماله , في حلوين لكن اخلاقهم ما تسوى خيشة بصل
فالناس تتغاضى الطرف عنهم ومحد يبي يعاشرهم من اهل هذا الرجل فممكن يبعد عن هالنوعيه بهذي الطريقه
لكن ممكن هالشخصيه اللي يستسيغها اهل الرجل في البنت ما تتوافق مع الرجل نفسه وميوله
على قولة اثنين من ربعي ... واحد يقول ودي افبنت اثقيله تقدر الجديه مب هبله !
الثاني يقول ما عندك سالفه والله حلاتها هبله وونيسه
فجذي فالاغلب الاذواق ممكن تتضارب فيكون ذوق الاهل مختلف عن ذوق هذا الرجل


الزواج عن معرفه شخصيه هم بعد طيب وللبعض اثبت انه يحصل البنت اللي هو يرتاح لاسلوبها وتعاملها
ويحس ان افكارهم تتوافق ونظرتهم قريبه من بعضهم لكن هم بعد في شي سلبي فذي
مو كل الناس تمشي في الشارع بوجهها الحقيقي لدى الغرب وخااصه خاصه مع الجنس الثاني
كل شخص يحاول يبين انه الاقرب للكمال وعند الزواج مع الوقت وذوبان الحواجز تنصدم بشخصيه مختلفه
ويمكن حتى فكر غير ويعني ... فتصير مشاكل .

فهم يتساوون في كل الاحيان من محاسن ومساوئ وما عليك الا تجتهد اختيارك ورغبتك
وتتوكل على الله

يعجبني تفكيرك :nice:
الوجه الغير حقيقي ينطبق علي الزواج التقليدي اكثر لأن هذا الزواج بدايته بتكون أكثر رسميه و العلاقة بين الاثنين تدخل فيها الاقنعة و تمثيل المثالية المؤقته

<<<<<<<<<<

الحربي


ومن حقهم يجلسون مع بعض بعد الملكه ويتفقون على امور تخصهم وكل واحد يعرف طينة الثاني بشكل اقرب طبعا مع مراعاة وقت الجلوس مع بعض .. اما اللي يمنعهم يبيله يراجع نفسه صراحة

المفروض ان بعد الملجه محد يدخل بينهم خلاص
في مجتمعنا يملجون وبعد سنه أو سنتين العرس
مايصير طول هالسنتين يكونون بعاد عن بعض مادري اذا يجوز شرعاً :rolleyes2:


لكن ماتكلمت عن الجانب السلبي في الزواج عن معرفة !!

فيه السلبيات العادية الموجودة باي زواج لكن بذكر سلبية الاستغلال ممكن طرف يعلق الطرف الثاني فيه بأسم الزواج
وعشان نبتعد عن هالشي لازم نحسن اختيارنا ومانمثل الطرف المستغل
بس ماذكرتوا ايجابيات الزواج التقليدي

<<<<<<<<<<

مشاكل


هلا اخوي البطريق

أي الطريقتين في الزواج او الخطبة بمعنى اصح شرعها لنا ديننا الاسلامي ؟؟ الطريقة الشرعية التقليدية ؟ ام طريقتك التي اجدك متحمّس لها والتي تدعو الى التعارف قبل الخطبة وتدّعي صوابها وفشل غيرها ؟!
واي الطرق ترضاها وتفضلها ان تكون لأهلك ؟

في شخصيات اسلاميه في هذا الوقت تزوجوا عن طريق التعارف
ماعرف اذا هذا الشي ضد الدين
وفي النهاية خلونا ناخذها من جانب اخلاقي
اذا كان التعارف بحدود الاخلاق
فالانسان له حرية تفوق الافاق

<<<<<<<<
لولو


لانهم ناس راضين بنصيبهم

ليش مانبحث عن المناسب ونرضى فيه باقتناع

<<<<<<<<
عقار


وبعد في نوعية من البنات تحب اتكون لايثه في الشوارع

احتمال يتزوج وحده من هذا النوع لان
في مقايس صعب نتوصل لها عن طريق الزواج التقليدي

<<<<<<

خليفة ننتظر رايك بالموضوع

وثائقي آآآآمييين :)

[حميداني]

يعجبني تفكيرك :nice:
الوجه الغير حقيقي ينطبق علي الزواج التقليدي اكثر لأن هذا الزواج بدايته بتكون أكثر رسميه و العلاقة بين الاثنين تدخل فيها الاقنعة و تمثيل المثالية المؤقته


آآآآمييين :)

موضوعك جميل بعد

اشوف الموضوع متساوي بالنسبه لي مافيه زواج احسن من الثاني
المهم النتيجه مش مهم الطريقه اللي اوصلو فيها لهالحلال

شفنا زيجات لدرجة انها ابتدت بتضبيط ولعب يهال يعني بدايه غلط , المهم انتهت بزواج
وسبحان الله ربك كتب لها النجاح

وفي غيرها على الخط اللي يشوفونه صح لكن ربك ما راد زواجهم يستمر .
فهو قضاء وقدر والاجتهاد في اللي اتشوفه الافضل بنظرتك واجب عليك
والحمدالله على كل حال , كل شي من الله حلو

[أبو راكان]

لايرضى على بناته واخواته التعارف مع الرجال حتى ولو كان بغرض الزواج الا عديم المروئة ضعيف الدين فاقد للغيرة

[Mr. H]

والله كـ شاب أفضل الزواج عن معرفة مسبقة و مافيها شيء ,
لكن بما أني انتمي الى قبيلة متشددة للاسف ما ندري وش نسوي , نضربها امسح واربح ولا نتبع الطريقة الثانية

و المضحك أن بعض الاصدقاء , دائما يتحفظون على التعارف و ( ينقدون ) و كأن السالفة فيها قتل , لكن بعد سنين و بعد فترات أكتشف أن زوجاتهم كانت عن طريق تعارف :)

المشكلة المجتمع ما يرحم و ماحد بيروح فيها الا حنا
الله المستعان , لكن أهم شي الواحد سمعته و سمعة أهلة و سمعة الي بيناسبهم , لو الجميع موافق تمام , لو هالشيء بيعرضك و بيعرض اهلك للقيل و للقال , فعلى بركة الله .. امسح و اربح و الله المستعان

[penguin]

موضوعك جميل بعد

اشوف الموضوع متساوي بالنسبه لي مافيه زواج احسن من الثاني
المهم النتيجه مش مهم الطريقه اللي اوصلو فيها لهالحلال

شفنا زيجات لدرجة انها ابتدت بتضبيط ولعب يهال يعني بدايه غلط , المهم انتهت بزواج
وسبحان الله ربك كتب لها النجاح

وفي غيرها على الخط اللي يشوفونه صح لكن ربك ما راد زواجهم يستمر .
فهو قضاء وقدر والاجتهاد في اللي اتشوفه الافضل بنظرتك واجب عليك
والحمدالله على كل حال , كل شي من الله حلو

صصصصحححح كلامك
ياخي يعجبني تفكيرك :nice:
قواك الله :)


لايرضى على بناته واخواته التعارف مع الرجال حتى ولو كان بغرض الزواج الا عديم المروئة ضعيف الدين فاقد للغيرة

صعب نقيس ضعف وقوة الدين من خلال هذا الموقف
قواك الله:)



والله كـ شاب أفضل الزواج عن معرفة مسبقة و مافيها شيء ,
لكن بما أني انتمي الى قبيلة متشددة للاسف ما ندري وش نسوي , نضربها امسح واربح ولا نتبع الطريقة الثانية

و المضحك أن بعض الاصدقاء , دائما يتحفظون على التعارف و ( ينقدون ) و كأن السالفة فيها قتل , لكن بعد سنين و بعد فترات أكتشف أن زوجاتهم كانت عن طريق تعارف :)

المشكلة المجتمع ما يرحم و ماحد بيروح فيها الا حنا
الله المستعان , لكن أهم شي الواحد سمعته و سمعة أهلة و سمعة الي بيناسبهم , لو الجميع موافق تمام , لو هالشيء بيعرضك و بيعرض اهلك للقيل و للقال , فعلى بركة الله .. امسح و اربح و الله المستعان

:nice:

[نور الحور]

في العادة يتم الزواج في مجتمعاتنا بشكل تقليدي بس للاسف الناس نسوا الشرع ..
لازم الشوفة الشرعية بعد الموافقة المبدأية ، وبعد الملكة لازم يتعارفون وتم بينهم مكالمات وزيارات لو سمحوا الأهل ..لازم كل طرف يتعرف على الثاني ويرتاح له لأنه زواج مو لعبة ..
أما الزواج عن طريق التعارف فهو ممكن بعد بس من وجهة نظري لو كان جاي بعفوية وبدون تخطيط ..يعني مثلا واحد معجب بأخلاق وشخصية وحده من محيطه ..أما سالفة الحب والغرام والهيام والمكالمات وتصيد الشباب للبنات والعكس .. واللي قاعد يصير من استعراض في السفرات برا .. فما اعتقد انه يجوز لا شرعا ولا عرفا ..لأن العلاقة بينهم محرمة أصلا

[مابدل العادات]

الزواج التقليدي طبعا وهو الي شرعه لنا دينا الأسلامي

وبعدين اخوي ترى فيه شي اسمه فتره خطوبه

وفي هاي الفتره يقدرون يتعرفون على بعض اكثر واكثر ويقدرون يلغون الخطوبه إذا ماصار نصيب

[penguin]

الزواج التقليدي طبعا وهو الي شرعه لنا دينا الأسلامي

وبعدين اخوي ترى فيه شي اسمه فتره خطوبه

وفي هاي الفتره يقدرون يتعرفون على بعض اكثر واكثر ويقدرون يلغون الخطوبه إذا ماصار نصيب

فترة الخطوبة حتى علاقتهم ابعض الكل يعرف فيها
و لازم يراعون مجتمعهم اللي شاطر في القيل و القال
مافي حرية في الاختيار


في العادة يتم الزواج في مجتمعاتنا بشكل تقليدي بس للاسف الناس نسوا الشرع ..
لازم الشوفة الشرعية بعد الموافقة المبدأية ، وبعد الملكة لازم يتعارفون وتم بينهم مكالمات وزيارات لو سمحوا الأهل ..لازم كل طرف يتعرف على الثاني ويرتاح له لأنه زواج مو لعبة ..
أما الزواج عن طريق التعارف فهو ممكن بعد بس من وجهة نظري لو كان جاي بعفوية وبدون تخطيط ..يعني مثلا واحد معجب بأخلاق وشخصية وحده من محيطه ..أما سالفة الحب والغرام والهيام والمكالمات وتصيد الشباب للبنات والعكس .. واللي قاعد يصير من استعراض في السفرات برا .. فما اعتقد انه يجوز لا شرعا ولا عرفا ..لأن العلاقة بينهم محرمة أصلا

حتى من ناحية الزواج التقليدي ممكن نطوره ونخليه يناسب هالزمن
بس المشكله عندنا عقد بالمجتمع متحجره ماتستوعب عصر الانفتاح
يعني عندنا المخطوبين ممكن يجوفون بعض بس تحت مراقبة :rolleyes2:
مااعتقد هذا الوضع يطور من علاقتهم هذا يوقفها
واكيد ماعندنا المخطوبين يطلعون مع بعض

[MAZEN37]

شخصية اي انسان مكشوفه ومحد يجيبلك الزبده غير الحريم. انا مع التقليدي بلا حب بلا هبل

[penguin]

شخصية اي انسان مكشوفه ومحد يجيبلك الزبده غير الحريم. انا مع التقليدي بلا حب بلا هبل

وجهة نظر احترمها

[alsoq]

ليكون تبي تكلمها تلفون ودز لك صورها مو ناقص الى اتقول نطلع معا بعض وبعدين تقرر

فيه نظره شرعيه وبس

التخلف في اللي يفكر يكلم البنت تلفون ويشوفها من ورا اهلها

نسبه الطلاق من كثره المخالفه الشرعيه
قبل لا يخطبها يكلمها تلفون ويطلع معها والشيطان ثالثهم وعقب الزواج تضربه الشكوك وتحصل المشاكل وطلاق هو الحل

[Ali A]

هناك علاقه بين اثنين يكتبون في هالموضوع

بين فتره وفتره يتبادلون الادوار

تجد واحد يكتب والثاني يكمل الدور باكمال الفكره

المراد ايصالها وتلاقيهم في داخل المواضيع يستشهدون بقولهم

مره هذا يثبت والثاني يشوت

والمره الثانيه هذا يصلح والثاني يسدد

في سبيل ايصال فكرتهم وليش لا قد يكون نفس الشخص

احيانا

[penguin]

ليكون تبي تكلمها تلفون ودز لك صورها مو ناقص الى اتقول نطلع معا بعض وبعدين تقرر

فيه نظره شرعيه وبس

التخلف في اللي يفكر يكلم البنت تلفون ويشوفها من ورا اهلها

نسبه الطلاق من كثره المخالفه الشرعيه
قبل لا يخطبها يكلمها تلفون ويطلع معها والشيطان ثالثهم وعقب الزواج تضربه الشكوك وتحصل المشاكل وطلاق هو الحل

وجهة نظر احترمها



هناك علاقه بين اثنين يكتبون في هالموضوع

بين فتره وفتره يتبادلون الادوار

تجد واحد يكتب والثاني يكمل الدور باكمال الفكره

المراد ايصالها وتلاقيهم في داخل المواضيع يستشهدون بقولهم

مره هذا يثبت والثاني يشوت

والمره الثانيه هذا يصلح والثاني يسدد

في سبيل ايصال فكرتهم وليش لا قد يكون نفس الشخص

احيانا

:rolleyes2: قالوا لك فاضي طال عمرك

[Ali A]

سبحان الله / كيف عرفت اني اقصدك يالبطريق رغم اني ماذكرت اسمك ولا جبت طاريك

هههههه / فضح نفسه

متى بترد بالنك الثاني عشان ارد عليك