ساعدوا أختكم في تشطيب بيت العمر

[q6ryah]

يا جماعة الخير أنا زوجي كثير السفر بحكم شغله وانا بإذن الله اللي بشطب البيت
ابيكم تساعدوني لان بإذن الله ناويين نبدا بالتشطيب في مارس ونسكن في يوليو
المهم سيراميك الحمامات والمطابخ رحت التجهيزات المتحدة لقيت ماركات السيراميك سعره زين اربع الاف للحمام لكم بدون اكسسوارات ولا خلاطات
ورحت نابينا مب قاضيين لي
قلت بمر ارام وكافود شرايكم
والصالات تحت والمجلس نبي رخام لكن. زوجي يقول في سراميك شبيه للرخام من حيث الشكل والجوده بس مانعرف من وين ايش تنصحوني لان ابي رخام او باركيه مابي بورسلان ولا سراميك
والدرايش اروح الدوحة يوبي في سي
والأبواب شرايكم فالخليج للأخشاب ابي جودة وأسعار معقولة
وهل أبدا افصل الأبواب وتلدرايش
وعقب اركب السيراميك
مبدايا قلت اسوي السيراميك وتلدرايش والبيبان لان بياخذون وقت
والباقي بعدين
وتسليك الكهربا من يقترح علي شركة مضمونة
وجزاكم الله الف خير *

[Bozizoo]

الله يعينك

[خالد32]

١ اول شي الكهرباء و بيبات الماء
٢ تبليط طوف الحمامات - العاصمة. كافود. سيراميك الخليج
٣ تركيب فريمات الابواب (يتم الاتفاق للابواب و الشبابيك) - منجرة عبدالله. التخصصي للألمنيوم. قطر يو بي في سي
٤ عازل الحمامات بعدها تركيب المجاري الداخلية. - المسند
٥ جبس الأسقف
٦ بلاط و رخام الأرضيات و الحمامات. - الاندلس للرخام. سيراميك الخليج.
٧ الابواب و الشبابيك
٨ اطقم الحمامات. - كافود. نابينا.
٩ صبغ
١٠ تكييف و انارة و مطبخ
١١ باركيه مع الاثاث
الله يوفقكم و يبارك لكم

[ولد المنصور]

يبيلج شركه محترمه ومعروفه ومووووووثوقة في السوق اتشطبلج ,,, مستحيل تقدرين بروحج ,,, ومستحيل تبتدين التشطيب في مارس و تخلصين في يوليو ..
والله يعين ....

[ابـو مــحــــمـــــد]

أنا توني جاي من الرياض
خذيت بورسلان إسباني نفس تشكيلة الرخام 60x60 ١٥ ملم سعره ٧٠ ريال
وخذيت سراميك الحمامات الله يكرمكم سعر الحمام الواحد في حدود ٤٠٠٠ ريال
وكان الديكورات هي الي رافعه السعر

بس للامانه تشكيلات روعه عندهم وعدة اختيارات

[jassimqtr]

انا انصح بشركة ارم اسعارهم حلوه وجودتهم جدا ممتازه فيه البرتقالي والاسباني . لاني مركب من عندهم اطقم للحمامات والحمدلله من يوم سكنت البيت ولا اشتكيت منهم وعندج شركه عند دوار الكتب وانتي داشه فريج الغانم القديم بيكون على يمينج صناعتهم يابانيه وبعد جودتهم ممتازه .

[Aozomblue]

الله يكون بعونك اصعب مرحلة هي التشطيب و خاصة انتي بروحك صعب كتير تتابعين كل شيئ و خاصة مع كذب و تهرب المقاولين و شركات التشطيب " تقريباً انا في المراحل النهائية من تشطيب الفيلا و الشركات تتهرب و تتاخر و كذب بالمواعيد و انا ما عندي اليوم كله انتظرهم بالموقع او اتصل عليهم بشكل دائم و ظفت شخص بخبرة بس يتابع معاهم بشكل يومي و يخبرني خطوه بخطوه عن كل شي و يوفرلهم المواد اللي يحتاجوها عشان ما يتاخر الشغل و فكيت روحي من عوار الراس و الحمد لله الامور بخير و انت بعد لو تشوفين اي حد عنده خبره يتابعلك الشغل مقابل مادي شهري بكون افضلك اي استفساراحنا حاضرين بالتوفيق ان شاء الله

[dm styal]

بخصوص السراميك شبيه الرخام زوري إرام للسراميك طريق المطار قريب هارديز. او المتحدة طريق سلوى .
النوافذ الدوحة يوبي سي توكلي على الله.
بخصوص الابواب طبعا اخذي مقاس فريمات الابواب من على الجوانب لانها بتركب قبل بس الابواب انطري لين تركبين البلاط عشان يكون المقاس صحانا شخصيا تعاملت مع المطبخ الامريكي غالي وشغلة مب لين هناك ماقدر افيدج من وين تفصلين.

[اللوز]

يا جماعة الخير أنا زوجي كثير السفر بحكم شغله وانا بإذن الله اللي بشطب البيت
ابيكم تساعدوني لان بإذن الله ناويين نبدا بالتشطيب في مارس ونسكن في يوليو
المهم سيراميك الحمامات والمطابخ رحت التجهيزات المتحدة لقيت ماركات السيراميك سعره زين اربع الاف للحمام لكم بدون اكسسوارات ولا خلاطات
ورحت نابينا مب قاضيين لي
قلت بمر ارام وكافود شرايكم
والصالات تحت والمجلس نبي رخام لكن. زوجي يقول في سراميك شبيه للرخام من حيث الشكل والجوده بس مانعرف من وين ايش تنصحوني لان ابي رخام او باركيه مابي بورسلان ولا سراميك
والدرايش اروح الدوحة يوبي في سي
والأبواب شرايكم فالخليج للأخشاب ابي جودة وأسعار معقولة
وهل أبدا افصل الأبواب وتلدرايش
وعقب اركب السيراميك
مبدايا قلت اسوي السيراميك وتلدرايش والبيبان لان بياخذون وقت
والباقي بعدين
وتسليك الكهربا من يقترح علي شركة مضمونة
وجزاكم الله الف خير *


يشرفني بالرد على الموضوع

بخصوص التشطيب في مارس ونسكن في يوليو مستحيل !!
وذلك بسبب التزام الشركات بالجدول



سيراميك الحمامات والمطابخ : انصحج بمحل سيراميك الخليج

الصالات : لا ينصح بالرخام وذلك بسبب طبيعة الرخام فهو يتبقع عند وقوع مشروبات غازية كالبيبسي مثلا او مواد التنظيف ولانه من اكثر الاكاكن استخداما من قبل الاطفال
هناك سيراميك ينباع في سيراميك الخليج نوعه شكل الرخام وكل حبة تختلف عن الاخرى ليوحي لج بانه مثل الرخام الطبيعي والذي يتميز بان الحبة تختلف من حبة لاخرى

المجلس : بامكانج تركبين رخام لكن بعد ما انصح فيه
لان اذا تبغيين اتسويين تشكيلة مثلا دائرة فتحتاجين الى قص الرخام ( ووتر جيت )
فيكلف عليج مثلا الدائرة متر X متر حوالي 15000 الف ريال

وعندهم في محل سيراميك الخليج سيراميك يشبه الباركية
مع اني لا احبذ الباركية كأني داخل على كووبوي وناقصتني الخوذة لاركب الثور
:nice::nice::nice::nice:

http://im16.gulfup.com/FDag2.jpg (http://www.gulfup.com/?xllzmv)


بخصوص الدرايش : شركة قطر لليو بي في سي ولا تنسين وضع الحماية من عندهم قفل مغناطيسي لنوافذ الدور الثاني

الأبواب منجرة المفتاح - السلام - مصنع الشرق والله يعينيج على الاسعار


وهل أبدا افصل الأبواب وتلدرايش
وعقب اركب السيراميك
نعم ركبي السيراميك قبل الدرايش لسهولة تحميل الرمل والاسمنت وتهوية للمكان مع ملاحظة عدم صبغ الطوفة حتى لا يظهر رطوبة بعد تركيب السيراميك
وخلي تقريبا يأخذ قياس الابواب مع النوافذ قبل تركيب السيراميك وبعد تركيب السيراميك يأخذ القياس النهائي


وتسليك الكهربا من يقترح علي شركة مضمونة
لا اعرف ويفضل عن طريق المقاول

وبالتوفيق
غداي اليوم عليج !!


http://im16.gulfup.com/FxyZ1.jpg (http://www.gulfup.com/?6EBIRy)



:victory::victory::victory::victory:

[مثابر]

الله يعينك - بالتوفيق

[q6ryah]

ماقصرتوا كلكم عالردود الطيبة
عساكم تألقوا شباب المنتدى
اللوز وصلك الغداء
ههههههه
بس بكم تقريبا ابواب منجرة المفتاح والسلام
ووين سيراميك الخليج

[اللوز]

ماقصرتوا كلكم عالردود الطيبة
عساكم تألقوا شباب المنتدى
اللوز وصلك الغداء
ههههههه
بس بكم تقريبا ابواب منجرة المفتاح والسلام
ووين سيراميك الخليج

اهناك مواصفات فنية لابواب اختي ليس لها اسعار محددة
هناك فريم وباب تيك - آش- مرنتي - mdf - قشرة
سوليد - سيمي سوليد
صبغ عادي - صبغ ايطالي
المقابض - ايطالي - اسباني
قفل الباب
مفصلات الباب
كل هذه يجب تحديدها للباب قبل اعطاء اي منجرة
اللي بيشتغل بذمة وضمير بيعطيك المواصفات الفنية مكتوبة

محل سيراميك الخليج - طريق سلوى - بعد معرض الشرق للسيارات وبعد dhl

وبالتوفيق

[KSK Logistic]

واحنا يوجد عندنا البورسلان بااسعار اقل من الرياض وفي الدوحة